وصفات حراير الكوزينة الجزء الثاني - الصفحة 81

idron0 · 2015-10-14, 10:53

تيراميسو بالفراز دائمة الحمد

قسمي الفراز قطع وتصبي عليه قليلا من سيرو الفراز لي يتباع في قرعة تاع الزجاج طلعي الشونتي خمسة مغارف كبار وفنجال حليب بارد جدا+ قليلا من سيرو الفراز او الرمان وطلعيهم +اثنين علب ياوورت فراز باردين ومكسيها مليح وخلاص في لي كوب صبي شوي سيرو +قاطو ماجور مفتت +طبقة شونتيي +طبقة فراز بالسيرو تاعو +الشونتيي وتزيني من فوق وحطيهم يبردو.

إضغط هنا لرؤية الصورة بحجمها الطبيعي.

idron0 · 2015-10-16, 17:45

البوزلووف lyzzabel

ديريي اطرااف البوزلووف في لا كوكووت و عمرييها بالمااء قييس ما يتغطى بصح مشي تفيضييهاا و قطعيي حبة بصل و حبة طمااطم قطع كبيرة و ديري الملح و الفلفل الأسود و ورقاات رند ،، ما تغطيهااش خااطرش الما تااع البوزلووف يفيييييض ،، كي تشوفي الما بدا يغليي نقصي الناار و خلييه يغليي وحد نص سااعة ،، من بعد اقفلي لا كوكووت و خلي البوزلووف يطييب هلى ناار متوسطة إلى هاادية ،، كي يطييب صفييه و حطييه في حااجة وااسعة بااش يبرد شوية ،، في هدااك الوقت نقي البطااطا و قطعييها دواائر ما رقييقة بزااف ما غلييظة و ستفييها فالبلاا تااع الفرن انا درتهاا في تااع الزجاتج طبعاا تبلييها غييير شوية و ديري فييها ثووم مقطع ما تكترييش و اسقييها بالصلصة لي طااب فييها البوزلوووف مصفية ،، من بعد ديزوسيييه و وجديي التتبييلة او الشرمووولة ،، ديري مارغرييين طرية و نصف م كبييرة موتاارد و شويييية برك ملح خااطرش راه ديجا فييه و شوية فلفل اسود و شوييية كموون و سناات ثووم مقطعييين رقييييق انا نمرسهم ب le presse ail سااااهل و بخاتيييك و ما يشدش اليد ،، و زيدي معدنووس مقطع رقيييق خلطيي التتبييلة و ادهني بييها مليييح الأطرااف تااع البوزلووف و ستفييهم فووق البطااطا و خلييه يتحمر فالفرن .

idron0 · 2015-10-16, 18:58

الصابلي ام سهام 02

250غ ماغرين طرية +نص كاس سكر ناعم + نص كاس زيت و 2بيض و 1مص فانيلا وباكي خميرة كيمائية ورشة ملح و فرينة
بالباتور نضرب الزبدة والسكرجيدا ثم نضيف الزيت اونزيد انضرب حتي يبياض الخليط ثم البيض بالحبة حتى تتداخل جيدا نحبس الباتور ونبدا انضيف في الفرينة مع الملح والفانيلا و الحميرة حتى نتحصل على عجينة طرية تتلصق نخليها ترتاح مدة 20دقيقة في الثلاجة امنبعد نشكل.

idron0 · 2015-10-16, 20:12

ليشوصون ام سهام 02

كاس رايب دافي و1مك خميرة خبز و1مك سكروكاس فرينة و نخلط كامل ونخاليه كيطلع الخليط و يخمر نضيف 2مك زيت وبياض بيض ونص مص ملح و رشة خميرة قاطو و نلم بالفرينة ثم نرش طاولة العمل ونعمل حربوش ونقطع قطع وكل قطعة نشكلها كرة حتى نكمل امنبعد ندهن السنيوة بالماغرين و نشكل دي شوصون او هليللات و نحشي كما انحب انا حشيتهم بالتشكشوكة وجبن و معدنوس مقطع رقيق وندهنم بصفار بيض وشوي حليب و رشة سكر وفانيلا و نطيبهم.

إضغط هنا لرؤية الصورة بحجمها الطبيعي.

idron0 · 2015-10-16, 20:16

الرفيس ام سهام 02

احكمي كمشة زبيب ونقعيها في شوي ماء الزهر وحد20دقيقة او اكثر
المسمن ورقيه و فتيه و دريه في الروبو ايدور ضربة ولا زوج مشي بزاف امنبعد احكمي كسكاس ودريه يفور مع الزبيب بعد ما تقطريه كيفور حطيه في اناء عميق او جفنة وخلطي كامل ودير يه في طبسي و عسليه مالفوق و اذا جبيتي تزيني مكسرات محمصة كما اتحبي.وكاين لمايديرش العسل ايذر فوقو السكر الناعم بصح احنا انحبوه بالعسل.

إضغط هنا لرؤية الصورة بحجمها الطبيعي.

idron0 · 2015-10-16, 20:19

مشروب الشمندر البيتراف دائمة الحمد

للامانة هي وصفة حبيبتي ام طيري الجنة

مشروب الشمندر البيتراف,مشروب مغذي جدا ومفيد لفقر الدم,سهل جدا,
حطي 2او3حبات بيتراف يطيبو في الماء لما يطيبو قشريهم
وارحيهم بالميكسور او الروبو بعد ما يبردو شوي
وزيدي ليهم قرعة ياوورت فراز انا نحب يوغ +كمية ماء وزيدي ميكسيهم مليح ويبرد ويقدم من الذ ما يكون.
ملاحظة :
1تقدري تزيدي كمية فاني
2انا ما نزيدش الماء البيتراف والياوورت فقط.

إضغط هنا لرؤية الصورة بحجمها الطبيعي.

idron0 · 2015-10-17, 07:25

الرشتة ام ساجد

إضغط هنا لرؤية الصورة بحجمها الطبيعي.

idron0 · 2015-10-17, 07:41

بروكلو باني او شوفلور دائمة الحمد

بعد لا تنظفي البروكلو وتقصيه زهرات تحطيه يطيب في الماء مع شوية ملح وسنة ثوم وما تخليشو يطيب خلاص لازم يبقى شوي حاكم روحو
لما يطيب صفيه وحطيه يقطر
في صحن غامق ديري 2او 3عظمات حسب حجم الراس تاع البروكلو +شوي ملح +ثوم مرحي مع كمية افاح+كمون مرحي +فلفل اكحل للي يستعملو انا مانطيبش بيه +2ملاعق فرينة
وحطي زهرات البروكلو بالوحدة في الخليط ثم في الشابلير واقليه في زيت ساخن وقطريه وقدميه بالطريقة المناسبة.

إضغط هنا لرؤية الصورة بحجمها الطبيعي.

idron0 · 2015-10-17, 07:43

سفيرية البروكلو دائمة الحمد

طيبي البروكلو في الماء كيما الطريقة الاولى وتخليه يطيب مليح تصفيه تخليه يقطر وارحيه بالفرشيطة برك +ملح وما تكثريش الملح +فلفل اكحل +كمون +ثوم مدروس مع افاح +ربع ملعقة صغيرة موتارد+عصرة قارص ولي يحب الحار شوي هريسة+معدنوس مقطع رقيق+2 او 3 ملاعق فرينة وكي يكون وقت البصل الاخضر قطعي شوي من المنطقة الخضراء رقيق تعطي فيه بنة كبيرة فرماج رابي او قطع فرماج وخلطيه مع بعض وهزي بالمغرفة واقلي في زيت سخون ما تقلبيشو حتى يبدى يحمار اذاكان تحل راه ناقص فرينة زيدي شوي لما يتقلى حطيه يستقطر
وتكوني مطيبة صوص باللحم خاثرة شوي اذاكانت الصوص بيضاء ديري معاها شومبينيون اذاكانت حمراء ديري حمص مرنخ
لماتطيب لاصوص قدميهم بالمعدنوس والقارص.

إضغط هنا لرؤية الصورة بحجمها الطبيعي.

idron0 · 2015-10-17, 12:13

لاجولي zahra30

تقدري تخيري الفاكهة اللي بغيتيها ونخدميه
الماء اللي غلا فيه القشور + العلفة نصفيه من بعد نعبر كمية نتاع هداك الماء هي نفسها كمية السكر + شوية عصير القارص ندير الكل في كسرونة و على نار هادئة نحرك مرة ولا زوج مانحركش بزاف حتى يعطي نتيجة افضل و نخليه حتى يولي عاقد .

idron0 · 2015-10-17, 12:47

مربعات الشوفلور بالجاج و الفرماج ام و ابنة

فورت الشوفلور مع الكمون و الثوم و الزنجبيل و شوية ملح انا ما نستعملش الفلفل الاكحل
كي طاب طحنتو,كان عندي جاج طايب رحيتو,
خلطت الدجاج مع الشوفلور مع بيضتين و معدنوس و ثلاث حبات فرماج مثلثات و شوية فرماج روج و ما درتش البصل خفت ما ياكلوهش اولادي و زدت معاهم ثلاث مغارف شابلير و خمارة الحلوى و ملعقة او اثنين نشاء ما شفيتش بالضبط المهم حتى ولات شغل عجينة
حطيت بلاستيك فوق لوح التقطيع رشيت فوقو مليييح الفرينة و طرحت العجينة فوقو بشكل مربع و بمساعدة بلاستيك و حلال و رشيت مليح بالفرينة بالفوق
قطعت مربعات و حطيتو في الثلاجة تقريب ساعة
سخنت مقلة و حطيت فيها شويا زيت ماشي بزاف بش ما يجوش مزيتين
و قليتهم على نار متوسطة حتى حمارو مليح
كي نحيتهم حطيتهم فوق ورق نشاف بش يمتص الزايد تع الدهون
و الله جاو خفاف و بنان و الذوق تع الشفلور ما بانش بزاف.

إضغط هنا لرؤية الصورة بحجمها الطبيعي.

idron0 · 2015-10-17, 19:27

الشرمولة دائمة الحمد

هي سلاطة تاع سنارية او زرودية نطيبها في الماء
ثم نعمل ليه ماريناد الي هي زيت زيتون وعصرة قارص وثوم مدروس وكرافس مقطعة رقيقة وشوي ملح وشوي طماطم كونسنتري وهريسة وكمون نقليهم مع بعض مع ربع فنجان ماء ولما يعقدو نزيد ليهم السنارية مقطعة ونخليها تتشرب على نار قليلة وحد 5 دقائق ونطفي
ولما يكون وقت البصل تاع الشتلة نقطع معاه المنطقة الخضرء ونقليها مع الخليط.

idron0 · 2015-10-17, 19:52

كيكة المعتزة بديني

6 بيض + كاس سكرر + نص كااس زيييت + كاس حليب + باطه ياااؤورت + 2 خميررررة فرينة تقريبااا زوج كيساان ونص ساااهلة وخفيفة والياؤورت يعطيهاا بنه هااايلة

القلاساج درت سكر قلاصي وقطرات حليب وملوووون غذااائي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-10-17, 20:00

طريقة حفظ اللوبيا الخضراء دائمة الحمد

ننقيها ونغسلها مليح خاصة انو الان وقت الامطار اذا نغسلها عدة مرات ونقطرها مليح ثم نفرش ليها طورشون نظيف ونحطها عليه ونمسحها جيدا ونخليها ساعتين او ثلاث
ثم نعمرها قي قارورات الياوورت لانو فمهم كبير تساعدني من بعد كي نحب نستعملها
نغلق عليها ومباشرة الي المجمد
لما نحب نستعملها لما تغلي لاصوص اوالماء كي نحب نغليها في الماء اونفورها
نحطها طول ما نزيدش نغسلها ونغلق القارورة باحكام ونرجعها للمجمد.

إضغط هنا لرؤية الصورة بحجمها الطبيعي.

idron0 · 2015-10-18, 07:45

محجوبة تاع المطلوع البحر الصافي

الطريقة هي تقليدية كان عندي ثلاث رؤوس فلفل حلو قطعتهم رقيق وقليتهم في شوي زيت حوالي ازوج مغارف وكرفجت عليهم سنتين ثوم وفلفل حار اخضر ثاني وكي تقلو نحيتهم بجيه ورحيت حبتين بصل في الروبو متخليهمش يدوبو قليتهم في نفس المقلة زائد مغرف كبيرة طماطم مصبرة ومغرف هريسة وما تنسيش الملح وكي يدبال البصل حوالي 3 دقائق مع التقليب لوحيهم مع الفلفل من بعدجبت حبة طماطم قشرتها ورحيتها هي ثاني في الروبو وقليتها حتان عقدت شوي وفي الاخير قصيت عليهم حبات زيتون اخضر رقيق كنت حطيتو في الماء وحد الساعة راح منو الملح وخلطي الكل مع بعض وخلاص
العجين نتاع مطلوع عادي زوج كيلات دقيق وكيلة فرينة وخميرة خبز وملح وشوي زيت حوالي 2 ملاعق واعجني مليح ومباشرة ديري كرات بالزيت وغطي بالبلاستيك لازم لاصوص تكون باردة انا وجدتها الصباح والعجين على 11لانو كي تكوني تطيبي دجا يخمرو مع الوقت سخني الطاجين لمسرح وحلي بالزيت وطيبي كيما الصورة انا نستعمل الزيت يجو مقرمشين ولازم يكونو رقاق

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.