الجزء 183 من واش طيبتي اليوم كوزينة القلب الصافي و الذراع الوافي

[RIMA.87]

السلام عليكم ،
بصحتكم اشاورما نهوووولة و بصحتها ماريا المايوناز الحمرا ههه،
و تطبيقك ما شاء الله للبوراك بصحتكم و كذلك للبريوش الاسباني ،وصفة ناجحة و جمهوري العزيز على قول ام هدوولة يطالبو بيه كثير ،

اهلين اختي سحابة و الكرواصو ديالك توووب ما شاء الله عليه ،
اختي ام جوجو ربي يتقبل صيامك و يحفظك و اطايبك ما شاء الله عليها عندها لمسة خاصة ،الله يبارك عليك ،

اختي ام فاطمة ،تبارك الله عليك و على اطايبك ،
ام هدول،اختي مريم و حيوتة و رزيقة يومكم موفق و فيفي و ام رحاب و ملاك و طيور الجنان ،يومكن موفق ،
تفظلوا اخواتي فطوورنا اليوم مقاروون و اترك صاحبة الكوزينة تذوقوا و تقولي اذا جاها بنين


في امان الله

[omjoujou]

سلام لبنات
امنيتي يعطيك الصحة على الوصفة المصورة تاع الصابلي لملوكة واخيرا شفت الصابلي تاع ملوكتي رووووعة وحتى الوصفة ساااهلة
ام فاطمة امييين حبيبة صح هاذ ليام يصلحوا للصيام النهار ليه ليه خخخخخخ يفوت وزيد مش سخونين كيما تاع الصيف واااااع
نهااال امممممم حرااام شهيتيني وانا صااايمة من البوراك لسوب تاغ لعدس لشوارما امممممم يعطيك الصحة
ريما اهلا حبيبة ليك وحشة شكرا على اطرائك والمقرونة 4444444
سحابة لعزيزة قريب نسيتك وشراكي وش يديرو وليداتك وبصحتهم الكرواصون اكيد روووووعة من تحت ايديك

[omjoujou]

غدا تاع وليداتي وزوجي شوفلوغ

صح غداااكم كاااامل

[أم رقية نسرين]

صح غداكم يا الحراير

نهولة قتلتيني بالضحك على المايوناز الحمراء ههههههههههه بصحتها الفلوسة وكلشي هااايل خاصة البريوش يعطيك الصحة
ريمة بصحتكم المقرونة باينة بنيييينة

[انا هي رزيقة]

السلام عليكم و نهاركن سعيد و مبارك فحلاتي الطيبات ...... مشاء الله و تبارك الرحمان على الاطايب الجميلة .... ربي يديمها نعمة علينا و عليكم يا رب ..راني شفت تقريبا معظم الاطباق لي حطيتوهم و علقت على كلشي مع روحي طبعا ... بصح و الله منقدر ندير جرنان يا خاوتي الخير كثير و الفحلات اكثر ... و علابالي ننسى كاش وحدة منكم و الله حرام عليا لانها تعبت في الطياب و التحميل و دراهم النت.......خخخخخ ملا خير لي نبارك فقط لمنتدى الجلفة على عضويتكم فيه..... لانكن فعلا فعلا رائعات يا بنات ...و فعلا يا مسعد البيوت لي راكم فيها بيكم ...

.

[أم رقية نسرين]

ام جوجو الشفلور يسخفففف بصحتهم و نتي ربي يقدرك و ربي يتقبل منك

[انا هي رزيقة]

حقا حبيبتي فيفي لندن كل سنة و انت احلى فحلة يا رب ....
اختي ام جوجو ربي يتقبل صيامك حنونة ..... و بصحة العائلة الكريمة الشوفلور الامممم تع الصح ...... خخخخخ
ريما الجميلة يسلمو على المقارونة حبيبة قلبي
اختي مريومة ام رقية ... شفتي راني متابعة .....خخخخخ بصحتكم الحمص بصح راكي نسيتي الكسرة ..... خخخخخخ
حقا اختي ام فاطمة التلمسانية غير جربي الخرشف بالزيتون تع بنت خالتي حيوتة راه يجي اممممم و اممممم و امممم هذا عن تجرية ... و يعطيك الربح ضحكتيني مووووت على هذيك تع اولادك لي كانو يروحو وحدهم للمدرسة ....... شفتي الزمان و محاينو .....خخخخخخ ياك هذا القرن 21 مزال مشفتي والو ........ خخخخخخ
امنية غفران صاحبة الكوزنية الف شكر على كل مجهوداتك لاثراء هذ الركن الحميل .... امتعتينا يا طيبة

[أم رقية نسرين]

حقا سحابة الكرواسون هاااايل ماشاء الله بصحتهم وليداتك
رزيقة يا طيوبة ربي يعيشك على كلامك الزين و الرزين

[nihal159]

ريمة بصحتكم المقرونة تبان تشهي؛ أم جوجو صيامك فالجنة و بصحة القبيلة الشوفلور؛ مريومة يالهوي يالهوي على الحمص؛ هذا هو الطياب و لا خلّي عليك؛ يبان يشهي؛ واقيلا نعاندك و نديرو.
زيكا حبيبة قلبي و رفيقتي فالجهاد هههههههههههه موآآاح على جبينك توحشتك مووووووووت.

[أم رقية نسرين]

تبارك الله ختي رزيقة راكي معانا لحظة بلحظةخخخخ
نهولة حنونة حشمتيني خدودي حمارو ههه

[ملاك ملاكي]

صباحكم زييييين ومسائكم منور بحالكم زينونات فحلولاتي كشروداتي........ راني خاطفة روحي حبيت نحطلكم غدايا ونكمل شغالاتي ونقعد شوي مع ضياف موش عندي مي لتحت عند عجوزتي.... عمة ملاكي واولادها نحبها لانها نتاع قدر...... ايا كي سمعت بيها نوضت بكري هاهاهاها درتلها الغداء اقل شئ نقدمهولها قدام خيرها لانها سباقة ديما تسجل عليا في الاهداف هاهاهاها

[أم فاطمه]

السلام عليكم اخواتي الكريمات اهلا ريما بصحتك المقرون صح فطورك
امجوجو بصحت وليداتك الشفلور يشهي وصح فطورك مسبقا

طالبة بصحتك الحمص هدا مايليق في هد البرد بصحت فطورك

اهلا رزوقة الغالية. واش ركي مع الخدمة توحشنا طيابك يا فحلا صح فطورك

نسيت الحبوبة نهال واش ركي ابدعتي الشورما والبريوش

تفضلو العشاء تاع البرح الفصوليا بيالدجاج والسلاطة الصورة خرجت خضراء. معرفتش علاش. بلاك الفلاش ههههههه
واليوم الفطور طرطة السردين و العدس والبرتقال




.


.

دمتم في رعاية الله

[انا هي رزيقة]

يا عمري شحال دخولي مربوح ....... خخخخخخ دخلو الغوالي نهولة ام فاطمة ام رقية ملوكتي المدللة نهارنا و نهاركم سعيد و الله يا بنات ..... و صح غدواتكم ..... انا غير متسقسونيش واش تغديت ...... سندويتش بارد جبتو من الدار وععععع ثم وعتين ....... و ترحب بيكم الجنة حبيباتي ... حقا نهولتي حسبتك خليتي الجهاد اتاريكي كنتي طيبي في البوراك التركي ........ خخخخ يسلمو دياتك حبيبتي قوليلي اما وصفة درتي و هل جاكي مقرمش قرمشة رهيبة و لالا .....
ملوكتي المدللة ربي يخليلك ملاكي الصغير يا رب ... و بصحتها ضيفتك احلى تليتلي من يدين احلى بنت جود و كرم ملوكتي الشاوية الفحلة..... حقا جابك ربي هذ الويك اند انا ثاني عاندتكم يا فحلات الجلفة و تجرات و درت التليتلي ياختي عييتو مسخفتوني بيه ..... لانو حنا في منطقتنا منعرفوهش و لا عمرنا تشرفنا بمعرفته ........خخخخخ ملا جربتو و جاني امممم تع الصح و كليت منو حتى شبعت و الحمد لله ...... دوك شوةي نحطولكم مازلت معدلت الصورة بصح متغيروش القناة ...... خخخخخخ

[طيور الجنان]

صح غداكم غدايا كان بواقي لعشا تاع البارح حميص زدت معاه بطاطا سواي على طريقة الهام و الحمد لله.
خياة بصحتكم الخرشوف بالزيتوت انا الخرشوف نديرو مرقة بيضاء و جامي درتو مع الزيتون يعطيك الصحة على الفكرة تبان هايلة.بصحتو الفلوس يلبس و يقطع ربي يحفظهولك ان شاء الله.
ريمة بصحتكم المقارون.
نهال كامل واش حطيتي هايل بصحتها ماريا الميونيز لحمر هههههه.
مريم بصحتكم الحمص يشهي ربي يدوم النعم.
ام فاطمة يعطيك الصحة غلى الفطور انا عندي كيكة السبع معالق ههههه.
امنية بصحتكم واش تغديتو .
ام جوجو صيامك في الجنة ان شاء الله بصحتهم عايلتك الشيفلور يعطيك الصحة ربي يتقبل ماتنسايش تدعيلنا معاك.
ملاك بصحتها الضيفة ربي يدوم المحبة بيناتكم.
ام فاطمة ياعيني على طرطة السردين تشهي و لعشا تاني مطرح مايسري يمري.

[القبايلية]

صراحة ما عرفتش منين نبدا كل صفحة تنسيني في اللي قبلها واش من مقارون واش من سردين واش من عدس و جاج و وووووو شفلور كل شي عجبني حرت على واش نشفا يعطيكم الصحة على الإبداع