الجزء 171 من واش طيبتي اليوم�� كوزينة اللمة والمحبة والبساطة ����

[ام و ابنة]

اهلا اخواتي

جزاك الله خيرا اختي ام سراج و ملاك على كلامك الطيب
و يعذروني الاخوات راني صفر في المراجعة و التعليقات

حبيبتي حياة بلغتني وصفة تارت التفاح مطلوبة جيت نحطها

اختي روعة الصحراء الوصفة بسيطة و سريعة و سهلة و خفيفة و صحية نوعا ما

درت بات بريزي بالزيت ما كيلتش بصح بالتقريب ممكن زوج كيسان كبار فرينة و ذرة ملح و حكيتهم بنص كاس زيت و لميت بثلاثة صفار البيض قعدولي في الثلاجة انا موالفة ندير بيضة وحدة و يمكن زوج مغارف حليب و ما عجنتهاش و خليتها تريح

طرحتها رقيقة و ثقبتها بالفرشيطة و ما طيبتهاش وحدها
يعني مباشرة دهنتها مليح برب التمر كنت رايحة نحط المعجون برك و علاجال الفوايد تع الرب فضلت نحطو هو و الحمد لله ما اثرش عالذوق تع التفاح
فرشت التفاح و دهنتو مليح بالمعجون ما جبيتش ندير سكر و زبدة
طيبتها في الفرن على نار متوسطة حتى طابت و حمارت

اي سؤال انا في الخدمة

ام ياسين تبارك الله خرجتوها فن

[روعة الصحراء]

المشاركة الأصلية كتبت بواسطة ام و ابنة

اهلا اخواتي

جزاك الله خيرا اختي ام سراج و ملاك على كلامك الطيب
و يعذروني الاخوات راني صفر في المراجعة و التعليقات

حبيبتي حياة بلغتني وصفة تارت التفاح مطلوبة جيت نحطها

اختي روعة الصحراء الوصفة بسيطة و سريعة و سهلة و خفيفة و صحية نوعا ما

درت بات بريزي بالزيت ما كيلتش بصح بالتقريب ممكن زوج كيسان كبار فرينة و ذرة ملح و حكيتهم بنص كاس زيت و لميت بثلاثة صفار البيض قعدولي في الثلاجة انا موالفة ندير بيضة وحدة و يمكن زوج مغارف حليب و ما عجنتهاش و خليتها تريح

طرحتها رقيقة و ثقبتها بالفرشيطة و ما طيبتهاش وحدها
يعني مباشرة دهنتها مليح برب التمر كنت رايحة نحط المعجون برك و علاجال الفوايد تع الرب فضلت نحطو هو و الحمد لله ما اثرش عالذوق تع التفاح
فرشت التفاح و دهنتو مليح بالمعجون ما جبيتش ندير سكر و زبدة
طيبتها في الفرن على نار متوسطة حتى طابت و حمارت

اي سؤال انا في الخدمة

ام ياسين تبارك الله خرجتوها فن

بارك الله فيكي ربي يحفظك

[آسيا 27]

مسا لخير حبوباتي كيراكم
ما شاء الله عليكم راكم في قمة النشاط غشيت و راجعت من الرد الاسطوري تاع ام سراج خخخخخخخ
الله يبارلكم فيها نعمة و يحفضها من الزوال
جبتلكم صابلي و مشوك تاع بنت عمي الجميلة
[IMG][/IMG]
[IMG][/IMG]
[IMG][/IMG]
[IMG][/IMG]

[صدق العطاء]

ههههههههه قولولي واش كاين ليوم تقول راكم متجمعين غير على لاتارت ههه

[ام عبدو و ملاك]

اهلا لبنات مشاء الله طيابكم روعة ربي يباركلكم فيه ويرزقكم
حيوتة اسمحيلي ما شاركتش في كوزينتك والله راكي علابالك بالظروف
اختي جازية ربي يعيشك والله حتى انا توحشتكم وتوحشت لمة الكوزينة بصح الله غالب الرحلة والمرض والضياف ما خلاوليش
هادا طياب تاع اليومين اللي فاتو حيوتة ان شاء الله نعوضك في كوزينة اخرى حبيبتي

[جازيا ام البنات]

المشاركة الأصلية كتبت بواسطة ام عبدو و ملاك

اهلا لبنات مشاء الله طيابكم روعة ربي يباركلكم فيه ويرزقكم
حيوتة اسمحيلي ما شاركتش في كوزينتك والله راكي علابالك بالظروف
اختي جازية ربي يعيشك والله حتى انا توحشتكم وتوحشت لمة الكوزينة بصح الله غالب الرحلة والمرض والضياف ما خلاوليش
هادا طياب تاع اليومين اللي فاتو حيوتة ان شاء الله نعوضك في كوزينة اخرى حبيبتي

ماشاء الله اختي ام عبدو وملاك ان شاء الله تكوني ريحتي والله عندك معزة خاصة في قلبي طيابك دائما في القمة يعجبني بزاف البساطة + الاناقة ماشاء الله

[ام عبدو و ملاك]

المشاركة الأصلية كتبت بواسطة جازيا ام البنات

ماشاء الله اختي ام عبدو وملاك ان شاء الله تكوني ريحتي والله عندك معزة خاصة في قلبي طيابك دائما في القمة يعجبني بزاف البساطة + الاناقة ماشاء الله

ربي يعيشك جازية حبيبتي والله حتى انا نعزك وربي يعلم وحتى انت طيابك الله يبارك لا يعلى عليه وماكلتك تشهي

[جازيا ام البنات]

مساء الخير البنات كي عشتو لباس هدا فطوري اليوم طاجين الجلبان بالقرنوع ودرت المبسس او الحرشة للقهوة


شفت سؤال على خبيزات الشفلور وشفت بعض الاخوات جاوبو لكم معليش زيدكم طريقتي
أولا نفور الشفلور حتى يطيب من بعد نرحيه بالفرشيطة ااو نستعمل هاد الاداة


من بعد نتبله بالملح والفلفل الاسود وشوية ثوم ومعدنوس وحبة بيض نخلط كلش مليح نوجد قدامي طبسي نعمل فيه قطع فرماج وطبسي نعمل فيه لشابلور ونبدا نشكل في العجيجات ناخد شوية شفلور في يدي نعمل في الوسط قطعة فرماج نبلع عليها مليح ثم نرمدها في لشابلور ونحطها في الزيت يكون سخون ونخليها حتى تحمار من تحت باش نقلبها باش ماتتحلش من الاحسن نطبقها بيدي يعني ماتجيش غليضة




وهنا نفس الطريقة مادرتش البيض في الشفلور عملت طبسي فيه بيض مطرب وطبسي فيه الفرينة وطبسي فيه لشابلور شكلت اجاصات حشيتهم بالفرماج رمدتهم في الفرينة ثم البيض ثم لشابلور بهاد الترتيب ثم قليتهم

[صدق العطاء]

الى الاخت توبة حبين نسقسيك حطيتيلي هدي لالوصفة تاع فراتان

https://omrami44.blogspot.com/2014/01/blog-post_2.html

في الفرن نشعلوا عليها غير لفوق ؟؟

[صدق العطاء]

لبنات جاوبوبني من فضلككم بخصوص لغراتان

[جازيا ام البنات]

راجعت الصفحات لي فاتو وشفت الشوارما تع ام رحاب العزيزة والمسمن الله الله على أطباقك ربي يعطيك الصحة
شفت العشا تع توبة يايما على الشخشوخة اكديلي على هديك بلالحم وحااااارة
مريومة البرغر ديالك يشهي وقيلا نديره للعشا اليوم
زينب شكرا على وصفة الكريب جاري التجريب
ام ياسو بصحتك معجون التفاح والطارط خرجتلك روعة تاكلوها بالصحة والراحة وعقبال 100سنة
ليزا بصحتك الجاج المحمر والفريت اممممممممممم أكيد من يديك بنين بوسيلي الصغنون فوق الجبين ربي يعاونك على تربيته يكبر ان شاء الله وتشوفيه في أعلى المراتب
نعنوعة مرحبا أختي كامل رانا في الهوا سوا بصح واش نديرو توالفنا اللمة الزينة في الكوزينة
ام كوثر المادلين يشهي الله يعطيك الصحة لكم حياة ماقلتيناش وين شفتيه
ام كامي الطارط روعة الله يبارك بصحتكم
صدق العطاء انا مانعرفش المدقوقة شكرا ليك كي عرفتينا بيها وشكرا لتعبك في تحصيل الصور على بالي راكي تتعبي وأنا شخصيا نقدر تعبك ربي ينورك ويسخرلك ولما تروحي لدارك نتمنى نشوف طيابك من كوزينتك
بيبا بصحتكم الملوخية حنا في الغرب ماكانش ميبيعوهاش
زيكا راكي تغيبي علينا بصحتك التششوكة مع لبنيي اممممممممم اكيد روعة على قول ابله ام وليد
ام الاء بصحتك البطاطا سوطي والكيكة شابة ادا معجباتكش اعطيهاني تشوفي البنات مايخليولك حتى فتفوتة ههههههههههه الله يعطيك الصحة
كوثر بصحتك الحمص التركي ولكراب اممممممممم جبتيهم سوا سوا بصحتكم
ام سارة بصحتك الفطور مع اني معرفتوش واش هو والتطبيق 444444444 بصحتكم وارشيفك يسخف ماشاء الله الله يعطيك الصحة
ام هدول بصحتك الشفلور والمقرونة بالحليب أكيد روعة يموتو عليها البنات امممممممممممم بصحتكم
ام وابنة التارت تشهي امممممممممم روعة بصحتكم
ام هديل بصحتك الكبدة مطرح ميسري يمري والبنيي جربي وصفة زينب راها تطبيق في الكوزينة
القبايلية ماراكي لاكسولة لاوالو تفضلي معانا نتشرفو بيك والله النشاط يرجعلك خف خف ههههههه مازال مافاتش الوقت وبالنسبة لطلبك جاوباتك أختي حياة بالتوفيق
ام سراج وملاك نتمنى تبقاي دايمن معانا وماتغيبيش علينا
أمينة مرحبا بيك بنتي رانا نستناو في أطباق الوالدة
ام اسيل شكرا حبيبتي منورة الكوزينة
ام نسرين البغرير راه يشهي بصحتكم وقاطو لشابلور انا جربتو فعلا يجي مليح
اسيا شكرا على القاطو تع بنت عمك شباب بزاف بصحتكم

[حياة نور الدين]

لا شكر على وةاجب القبايلية حنونة متنسايش تحطيلنا العرضة خخخ

ام اسيل يعطيك الصحة الطابع خرجلك يشهي

ام نسرين البغرير رووووعة بصحتكم ويعطيك الصحة وربي يعينك على الضياف متنسايش الصور ههههه

اختي صدق اكيد تشعليلها من فوق راه كاتبة صاحبة الوصفة حمريها من فوق وبصحتكم مسبقااا

جازيىة امنمممم الجلبانة والخبز يشهوااا روووعة خرجولك تحفففة وشكرا على وصفة الاجاصات حبيبتي
جازية شفتي راني بلغت صحبتك وجبتهالك في خاطرك هه
حقا انا نسبتيني في جرنانك اخصصصصصصص

ام عبدو زارتنا بركة حنونة وتوحشتك وربي يخليك حنونة واطباقك رووعة وتوحشتها هههه

[أم سدرة]

السلام عليكم ورحمة الله وبركاته
ماشاءالله عليكم يالفحلات روائع راكم تحطو فيها كلكم ربي يدوم النعمة

[اريج 07]

سلام حبيباتي اسمحولي مارانيش نعلق بزااف خخخخخ ظروف ههههه نهار نشري تلفون نرجعلكم و نهبلكم هههههه


هذا عشانا عاودت روز اسومتي مشبعتوش ههههه و زدت معاه شوي سكالوب و فريت و سلاطة هههههه صورت و لهيت نفرز في كوزينة لقيت ماما عدلت صور و حطت اسمعا و حطتهم في فايس تاعها ههههههه قلتلها والله نحطهم هاك خخخخخخ

[جازيا ام البنات]

قراتان اللوبيا باللحم المفور
اولا ناخد اللحم لي عندي انا عملت لحم العجل حطيتو في الكيس الخاص بالشواء وحطيت معاه فصوص ثوم بصلة صغيرة ورقة رند وتبلته بالملح والفلفل الاسود غلقت الكيس وحطيته يفور في الكسكاس عملت ثقب بالكردو باش الكيس مايطرطقش نغلق بالغطا من الفوق ونخليه يطيب
من جهة أخرى قطعت اللوبيا الخضرا وعملتها تفور والقدر حطيت فيها قطع ليمون باش تبقا خضرا بلونها
قطعت البصل طويل وقليتو في شوية زيدة +زيت وعصرت 2حبات طماطم زدتهم على البصل بعد ماتقلى وعملت شوية ملح وفلفل اسود
قطعت 2 حبات بطاطا مكعبات ملحتهم وقليتهم
لما يطيب اللحم نحتفظ بالصوص نضيفه للصوص تع البصل ونخليها تغلي شوية واللحم نقطعه قطع صغيرة
ناخد المول لي يدخل للفرن نعمل شوية صوص في الاسفل ثم اللوبيا ثم اللحم ثم البطاطا ثم بقية الصوص وفي الاخير نرابي شوية فرماج من فوق ندخلها للفرن وبالصحة والراحة