رياضيات .....بكالوريا 2018

[rania17]

انا والله مافهمت حاجة معلاباليش اصلا واش من وقت تقراو فيه حبيت نقرا معاكم

[سندس سندوسة]

اختي رانيا كنا جيبينها غاية. مي دوكا حبسنااا ما علابالي علااه ؟
ديجا هادي سمامة غادي تكون تحضيرات للعيد و قااع راكي عارفة ما نتلهاوش بالقراية

[Rawaan]

وين راكم هيا نراجعوووو

[آية الرحــمان]

السلام عليكم ورحمة الله تعالى وبركاته
انا مقبلة على شهادة الباكالوريا لعام 2018
وانا محتارة كيف سابدأ المراجعة وكيف استعد لهذ العام
وان كان لديكم برنامج خاص بالمراجعة امدوني به من فضلكم

[سندس سندوسة]

اهلا بك آية الرحمان
اختي روااان راكي تقراي في الدار و لا راكي محبسة ؟؟ قوليلي كيفاش راكي ديري انا مانيش نقرااا قااع

[Rawaan]

ههههههههه انا والله معلابالي بصح راني مرة على مرة ندير فيديوهات الاستاذ نور الدين

مي التمارين منيش نحل كاع مالغري درت هدا الموضوع باش نتحفزو و نستمتعو بالدراسة فيه و يكون روح التنافس بيناتنا في حل التمارين بصح الاعضاء محبوش يتفاعلو

وشنديرو درك وشهي الطريقة لي نتابعوها ؟؟

[سندس سندوسة]

ههههه شفتي
شوفي بعد العيد ان شاء الله نديروو برناااج ملييح و ما نحبسووش قاااغ اوكي
لانوو دوكااا العيد قرب و قاااع راكي عارفة الاجواء كيفاش تكووون
دوكا راني نخمم في انواع الثااطو لي نديروهم هههههههه امزح فقط
لازم نلقاااو حل غاليتي

[Rawaan]

ه حسنا

ايه رانا مع شغالاتنا و قاطو و توجاد للعيد

مي منبداوش مور العيد مباشرة راكي عارفة الضياف وكاع هداك وين يزيد الشقا نخلو سمانة نريحو فيها نتاع العيد و نبداو موراها مباشرة

[til-crazy basma]

او مزال لحال متبداوش من درك تعيااو

[سندس سندوسة]

ايه bien sûr نريحو مليييح و من بعد ان شاء الله نبداو بادن الله
لا ما قلتليش شريتي حوايج لعيد ؟؟

[Rawaan]

المشاركة الأصلية كتبت بواسطة سندس سندوسة

ايه bien sûr نريحو مليييح و من بعد ان شاء الله نبداو بادن الله
لا ما قلتليش شريتي حوايج لعيد ؟؟

ايه رانا مع التعب انا وحدة من الناس لي مكنتش نسهر حتى للزوج باش نقرا و نراجع ودرك حتى للسحور باش نرقد علاجال العيد و مبعدها نوض على 8

كيما قالك جهاد وخلاص

بالنسبة للقش العيد مشريتش مقدنيش الوقت باش نخرج ونشوف في غرضي كنت حابة نشري فالبدية نتاع رمضان و مبعدها قلت لالا مع التوالي ونشريها تحشاتلي و راني حاصلة فالدار مع الشغل ....اول مرة في حياتي منشريش فالعيد ههههه

[malak.math]

سلام
كيف حالكم ؟
لم افهم عم يتجدث هذا الموضوع بالضبط

لكن اود ان اخبركم
اني قد بدات بدروس الرياضيات للسنة المقبلة ان شاء الله
كل من الاعداد المركبة الاسية و اللوغاريتم
انها حقا دروس مسلية

كما قمت بحل بعض البكالوريات السابقة


انا من شعبة الرياضيات لمن لا يعرفني

بالتوفيق

[Rawaan]

المشاركة الأصلية كتبت بواسطة malak.math

سلام
كيف حالكم ؟
لم افهم عم يتجدث هذا الموضوع بالضبط

لكن اود ان اخبركم
اني قد بدات بدروس الرياضيات للسنة المقبلة ان شاء الله
كل من الاعداد المركبة الاسية و اللوغاريتم
انها حقا دروس مسلية

كما قمت بحل بعض البكالوريات السابقة


انا من شعبة الرياضيات لمن لا يعرفني

بالتوفيق

اهلا لباس الحمد لله
الموضوع يتحدث عن مراجعة الرياضيات لكن احنا نبداو مالاول ماشي مالوسط

بالتوفيق لك انا تقني رياضي

[سندس سندوسة]

اهلاااا ملاااك يا اختي العزيزة كيف انا ان لا نعرفك
الموضوع هدا حبينا نبداااو مااات
مي انتي بديتي الله يبارك موفقة ان شاء الله

[سندس سندوسة]

ههه ههه راكي متعووبة بزااف ربي معاك ان شاء الله
انا صرا عندنا مرض و قصة طوييلة مانيش قاعدة باه نحكيهالك
اه تحشاتلك انا قش لعيد سمااانة الاولى تااع رمضان شريت مي معليش
صح عيدك اختي و كل عام و انت بخير ان شاء الله