الجزء 111من واش طيبتي اليوم مع لنكون احسن طبخات في بيوتنا - الصفحة 8

أم ياسين الزهراء · 2015-01-17, 09:59

صباح النور

ام محمد راني نضت اصبحي

كاتي حبيبتي مبروك الكوزينا والله يبارك فيك راكي قد وليدي الله يبارك عيطيلي طاطا فهمتي هدي القاعدة انتاعي اللي زايدة من 92 تسمى بنتي وربي يحفظ الامورة يارب

ام محمد الخفاف تاع عطر يسخف

دائمة اهلا بيك خبيتلي شوي هبرة من ريحة البلاد وصيت اسينات كيقالت راح تتغدى عندك والمحاجب ديريلي معاك لاكرادي راهم يمعنو وعجزت وخاصة اليوم نروح لمساج

ليزا ياحلوة الله يسقسي عليك الخير رجلي مريضة فيها الماء والسبة ماشي الطيحة هديك انا دايما دورلي رجلي عليها صراتلي هكى واللي مقلقني ماشي رجلي كرومتي هلكتني والحمد لله

الكل اللي حطيتو خيراتكم الله يكمللكم ويحفظ النعمة

زهرتي وريلي نشوف المول انتاعك خرجت روعة كيكة الماجور يعطيك الصحة واش بيها بنتك ماتقوليش السعلى الله يشافيها

أم ياسين الزهراء · 2015-01-17, 10:01

غدايا عدس وسردينة والحمد لله ونشري الخبز ومانديرش الحلو ههههههههههههههههههه

ام وسيم راني نتخيل في زوجك رافدة الصنارة واوووووووووووووووو روعة بصحتكم

أم ياسين الزهراء · 2015-01-17, 10:03

g لدن راني شفت الصور في الكوزينا هداك فريكاسي يبان هايل يعطيكم الصحة انت وماماك وخالتك مديلنا الوصفة سخفت نديرهم واسمك عيت كيفاش نكتبو ههههههههههههههههههه

أم محمد تاج · 2015-01-17, 10:03

الله يخليكم ياغاليات
ام وسيم الحلوة ضرك نحطلك الرابط وكنت راح ندير تاع عطوووورة ماعنديش البيض فدرت هاذ الوصفة والطياب درت مقلة وحدة نشالله تكوني فهمتيني

https://www.djelfa.info/vb/showthread.php?t=1736634

أم محمد تاج · 2015-01-17, 10:07

هههههههه ام ياسوووووووووو ياصباح الفل والوصفة مايش تاع عطووورة ماعنديش البيض بصح نشالله نديرها وندير تاع السيدة كرمين روووعة بقاو في بالي من لي حطتهم
عسﻻيتي الله يخليك ياحلوة

أم ملك · 2015-01-17, 10:08

السلام عليكم و رحمة الله تعالى و بركاته
ألف مبروك كاتي الكوزينة و ربي يحفظلك ريتاج و يطول في عمرها
شفت كل شيء الله يبارك لهنا عازفة بيبا أم لجين أم تاج كل شئ رائع من يديكم
أم تاج الفطاير هما السفنج ياك؟
فطورنا إن شاء الله لوبيا بيضة راهي قريب تطيب و الخبز من برا
أستغفر الله الذي لا إله إلا هو الحي القيوم و أتوب إليه

أم محمد تاج · 2015-01-17, 10:11

ام ملك حنونتي الله يخليك وحنا عندنا الفطاير وحدهم والسفنج وحدو مانعرف كل منطقة كيفاش على خاطر الفطاير تجي عجينتهم جارية على السفنج

om wassim · 2015-01-17, 10:13

الله يسلمك اختي ام ياسو راه يموت على الصنارة هههه
ام تاج شكرا ليك و ربي يحفظك
صحه غداكم كامل

ome loudjeine · 2015-01-17, 10:18

اقتباس:

المشاركة الأصلية كتبت بواسطة دائمة الحمد

https://www.djelfa.info/vb/showthread.php?t=1733104

اتفضلي لجين وحطيي رابط الكيكة تبادل ثقافي ههههههه

يسلم استادتي وبارك الله فيك.
راني مانعرفش نحط روابط ان شاء الله نتعلم ونتهنى هههههههه.
الوصفة 3بيض+160غ سكر عادي+علبة ياؤورت زيت العلبة نستعملها للكيل فقط مانستعملوش الياؤورت+1خميرة +زاست 3 حبات برتقال وعضير برتقالة+240غ فرينة.
السيرو عصير 3 حبات برتقال +3مغارف كبار سكر نخليه فوق النار 10 دقايق ونطفي.
كي تطيب الكيكة نسقيها بالسيرو ونلمعها بالمعجون.

كاتي حياة · 2015-01-17, 10:21

صباح الخير للملتحقات ام ياسين الزهراء نعود نعيطلك ماما احسن راكي في منزلتها
انا غديا اليوم سباقيتي بالصوص والكسرة رخساس
ط

عازفة الناي · 2015-01-17, 10:22

ام تاج واااااااااااااااااااااااااااااااااااااااااو هبلتيني على الصباح اممممممممممممممممممممممممممممم تسلمي
دائمة الكيكة هايلة و البسبوسة امممممممممم
ام لجين بصحتك
ليزا اليوم باذن الله نحط الموضوع راهي النت واااااااااااااااااع
البقية يعطيكم الصحة كامل مووووااااااااااااااااااااااااااااااااااااااااااااا اح كبيرة
غدايا قرااتان السلق و سوب العدس الاحمر بالشوفان امممممممممممممممم و كسرة و سلاطة و بنان و برتقال والحمد لله حمدا كثيرا

*جوهرة الجنة* · 2015-01-17, 10:22

zصباح النوار

افتتاحية مبروكة

*جوهرة الجنة* · 2015-01-17, 10:23

نداااااااء لبنات وهران ولا تلمساااااان

من فضلكم عونوني واش يدو لمريض كي يزروه ربي يحفضكم

النرجووسة · 2015-01-17, 10:30

كاتي مبروك الكوزينة ان شاء الله مربوحة ختي ونطيبو ما لدا وطاب فهدا الكوزينة وهدا بروكي من الارشيف الجديد

النرجووسة · 2015-01-17, 10:33

اممممممممممممممم بيبا سوفلي الشكولة خرجلك هباااااااااال هده مدة مدرتهش شهتيني