الجزء 109 من واش طيبتي اليوم؟ كوزينة الربح والسعادة ان شاء الله

[chez biba]

ليزا صحا غداك والثمينة تاعك رووووعة، يعطيك الصحة

كوكا تصاورك كباااااااار مبصح أكلك يشهي، حقا كاش مرقاز عندك بزاف ما حطيتيهش ههههه
ام ماجد يعطيك الصحة وربي يحفظلك صلاة وروزا ويباركلك فيهم وألف الف مبروك النجاح لعقوبة للحج ان شاء الله
ام حنين مرحبا بيك معانا
ام عبودة اهلًا وسهلا ومرحبا هاذي غيبة، واش راكي؟؟
مياسم يعطيك الصحة على المونتاج هايل وحلوياتك رووووعة

[saja hamed]

غير ارواحي عاونيني اختي عاءشة مدام فكرتي فيا كانك جيتي وعاونتيني ربي يحفظك ويخليك حبوبا

[أم ماجد]

[زينب 83]

سلامي ليكم كامل و اهلًا بالملتحقات

شي بيبا هذيك فطيرة السباغيتي

لبنات راني خارجة نشري مول تاع مادلان و نرجع سلاااااااااام

[مياسم75]

كواليس فطوري شربة فريك وخبيزات السميد شي بيبا امممممم

[ouissamak]

المشاركة الأصلية كتبت بواسطة أم ماجد

خلاص يكفي ههههههههههه:d:d:d
حقا لبنات نسيت ماخبرتكمش رانا نجحنا انا والشيخ في الامتحان تاعنا هههههههههههههههه باركولي

كلشي مبروك ام ماجد لعقوبة لحاجة خللاف ان شاء الله

[ام ايمان 11]

مساء الانوار اخواتي
مبروك افتتاح الكوزينة اختي وسام و ان شاء الله تكون فاتحة خير على الجميع يارب
هذا غدايا اليوم حريرة و باذنجان بكرات الدجاج و سلطة ولله الحمد






اختي كوكا راني شفت تطبيقك روووووووعة بصحتكم اختي و شكرا على الثقة .

[مياسم75]

اختي كوكا سلامتك ديري لانفك زيت الزيتون من برا يعني ادهنيه باش ما يتنفخش راني مجربتها بالعافيةعليك

المشاركة الأصلية كتبت بواسطة kaouka

ام لوجين ربي يخليك الوصفة تاع ام ايمن
مبروك ام ماجد بصح وشمن امتحان تقرعيجة برك
ﻻبنات كنت متكيا ويهز بني جو تاعو ويعطيني ﻻخنوفتي شفت نجوم دم حبس بصح مزال يوجع قلني صطر وش ندير للجور ح

[فراح فرفوشة]

شاركوني بارائكم تعليقات معليش انتقاد راني نتعلم

https://www.djelfa.info/vb/showthread.php?t=1737055

[مياسم75]

إيمان طيابك يشهي امممممم كيفاه درتيه

[أم محمد تاج]

حبيباتي مساء الانوار
روووعة واش حطيتووو روووعة تسلمن ياغاليات
ام الجووود الف مبروووك النجاحات وهذيك الصورة انت والشيخ اكيد هههههههههه
ام ياسو مابانتش ياخي خلص مسلسلها التافه هههههههههه
داءمة الحمد ياخي ماعندكش بزاف كي بدلتي اللوك وياخي تفاهمنا بلعقل برك وحطي اللايت قدامك خخخخخخخخخخخخ بصحتك
حبيباتي نروح كاشمة نلبز للقهيوة قاطو القارص خلصلي
حقة غدايا طاجين بونارين ودرتو بااياؤورت ناتور خرج ممممممممممممم وممممم ومممممممممم

[مريم*]

مساء النور ع الجميع
الف مبروك الافتتاح ان شاء الله تكون فاتحة خير عليك وعلينا

[lokmoh]

الف مبروك الكوزينة الجديدة مع مزيد من التجارب المطبخية باه تفيدينا كامل[/size]

[ارزاق]

مبروك الكوزينة اختي وسام وربي يعونك في قرايك ام ماجد الف مبروك النجاح

[فراح فرفوشة]

المشاركة الأصلية كتبت بواسطة chez biba

صحا غداكم
فراح فرفوشة حلل وناقش (طاجين شوى)

ام اناس امممممم وامممممم على السلاطة وخاصة لغرايف ، يعطيك الصحة
زينوبة بصحتكم

هاذي بيزا السباقيتي ؟؟؟
قمر يعطيك الصحة كلش تاعك هايل
ام ثازيري pain suisse خرجلك رووووووعة ، يسلمو
ياقوت الروز تاعك يشهي ولغريبية خرجتلك تحفة، يعطيك الصحة
ام نهولة، توتا ، يعطيكم الصحة واش حطيتو كلش يسخف
ام لجين الأرشيف تاعك ما خلاش الله يبارك مبصح الصور تاعك كباااااااار
دائمة الشكر اطباقك امممم هايلين، يعطيك الصحة، وتوتا بارك الله فيك على تنزيل الصور
دائمة الحمد عجبتني ديكور هايل حسبتها قبل محلبي مبصح انا ما نحبش الزقوقو، حقا سقسيتك المرة اللي فاتت على اسينات ما ظهرتش ان شاء الله تكون هي وبنتها بخير، سلمي عليها

وسام شكرا على البلا تاع القاطوات هايلين والكوزينة حلوة بماليها

طاجين الشواء
طبق تقليدي من شرق البلاد خاصة قسنطينة
يديروه في عراسهم و المناسبات مع طجين حلو شربة فريك......
ه عبارة عن صوص بلونش يطيب فيها الجاج واللحم كي يقرب يطيب نزيدولوا الكفتة مداوية والشمبينيو
كي يكملو طياب نقلوهم(اللحم و الجاج و الكفة) في شوي زيت وسمن ولا مرغارين
ونقدموهم مع معدنوس و ليمون
وشهية طيبة