الجزء93 من واش طيبتي اليوم...معا لنسلك طريق السعادة - الصفحة 8

Oum yousra · 2014-10-13, 11:49

اقتباس:

المشاركة الأصلية كتبت بواسطة ام ياسو

اسمحولي راني شاركت باسم ام ياسو انتن عندكم ام ياسو ولكن الفرق انا ام الياس ولكن ما قبلوليش هذا الاسم

مرحباً بك بيناتنا وإنشاء الله كي توصلي 30مشاركة و نشوفو طيابك و نهزو من عندك كاش أفكار أو وصفات الي مانعرفوهمش

Oum yousra · 2014-10-13, 11:50

اقتباس:

المشاركة الأصلية كتبت بواسطة lyzzabel

صور حبيبتي اولادي

ممممم ممممممم و مممممممممممممم كلشي كلشي روووووعة و التيراميسو فيييييييييلم ،، يعطيك الصحة يا الغالية

Awladi حنونة كلشي هايل يعطيك الصحة

biba04 · 2014-10-13, 11:51

فلان ماجيك من قنات سميرة
نحتاجو كرميل
فلان نحتاجو 2بيض+3م ك سكر 1كاس حليب بودر+1ونصف كاس ماء+1م ك خل تخلط كل المقادير مع بعض
ملاحظة الخل هو لي يساعد الفلان يجمد
البسكوي نحتاجو1بيض+2م ك سكر+ربع كاس فرينة+3م ك زيت+1م ك كاكاو +1م ص خميرة حلوة
تخلط جميع المقادير يكون مزيج ثقيل
اولا نحط طبقة كراميل ثم فلان مبعد نزيدو ملعقة كبيرة خليط البسكوي
ونحطوهم في حمام مائي درجة الفرن170

Oum yousra · 2014-10-13, 11:52

Biba04 شكرًا حنونة على الوصفة ربي يحفظك

ريتاج تيارتية · 2014-10-13, 11:58

السلام عليكم واش راكم يالفحلات
الف الف مبرووووووووووك ام رويد افتتاح الكوزينة ان شاء الله تكون فال خير على الجميع ويعطيك الصحة حويات واطباق هاااااااااااااااااايلة ربي يدومها نعمة وربي يعمر دارك
جبت بعض اطباق تاع هدو ليامات
صبيعات لعروسة

لي كراب للغالية لايدي
معقودة وزلوف

موسكوتشو بالكوكاو لام رامي درتها تارت لعيد ميلاد خويا البارح

السيدة كرمين · 2014-10-13, 12:00

ريتاج الله يبارك عليك

ام ياسو مرحبا بيك بيناتنا يارب نشوفو ابداعك في اقرب فرصة

lyzzabel · 2014-10-13, 12:07

بيبة يعطيك الصحة و خليط البيسكوي مين نفرغوه على خليط الفلان ما يغطسش للداخل ؟؟؟

كريمة ربي يخليك هذا كله من ذوقك عزيزتي ،، و المشوشة درت الوصفة تاع حبيبتنا ام رحاب راهي في وصفات الحراير و تاني راهي دائرتها موضوع ،، لا قدرت دروك نحوسلك على الروابط

nihale89 · 2014-10-13, 12:08

البناااااات كللششششسس روعة كل وحدة باسمها
باه ماننسي حتي وحدة
بيبا تعيشي قوليلي تعيشي لا تارت قسمتيها وحشيتيها ماتتفتتش؟
واشمن شوكولا طليتيها

biba04 · 2014-10-13, 12:19

اقتباس:

المشاركة الأصلية كتبت بواسطة Oum yousra

Biba04 شكرًا حنونة على الوصفة ربي يحفظك

العفو ام يسرى

اقتباس:

المشاركة الأصلية كتبت بواسطة lyzzabel

بيبة يعطيك الصحة و خليط البيسكوي مين نفرغوه على خليط الفلان ما يغطسش للداخل ؟؟؟

كريمة ربي يخليك هذا كله من ذوقك عزيزتي ،، و المشوشة درت الوصفة تاع حبيبتنا ام رحاب راهي في وصفات الحراير و تاني راهي دائرتها موضوع ،، لا قدرت دروك نحوسلك على الروابط

حبوبة راهي تغطس كي الحوتة هههههههههههه كي طيب تطلع وحدها الفوق علابيها سماوها ماجيك

اقتباس:

المشاركة الأصلية كتبت بواسطة nihale89

البناااااات كللششششسس روعة كل وحدة باسمها
باه ماننسي حتي وحدة
بيبا تعيشي قوليلي تعيشي لا تارت قسمتيها وحشيتيها ماتتفتتش؟
واشمن شوكولا طليتيها

لالا ماتتفشش نيهال خليها تبرد مليح وقسميها

awladi · 2014-10-13, 12:21

شكرا ليزا على الصور بارك الله فيك واطباقك روعة يعطيك الصحة راكي مزهية الكوزينة
ام رحاب والله المنتدى الي ماجيتوش على قلبو راه غير احاوز لوكان غير اشوفولنا حل حتى الردود تفوت بطلوع الروح
هذو باق الاطباق

أم هبوبة · 2014-10-13, 12:31

تبارك الله عليكم كل شيي روعة

ليزا ما شاء الله عليك طيابك يهبل و باين بنين بزاف من الصور سخفت عليه ما بالك لوكان راه قدامي مع العلم انا عندي الشهية ناقصة بزاف بصح طيابك جوعني و الحلويات راه صورتهم باغية تنطق ليزا حنونتي اعطني وصفة التشارك ال عملا نصه بيض و نصه بالشوكولا .

بيبا شكرا على الوصفات ربي يخليك

جيادا تطبيقات في قمة الروعة

عطرالذهب · 2014-10-13, 12:43

مساءالخير وصح غداكم
ام رويدة الف مبروك افتتاح الكوزينة لجديدة ان شاءالله مربوحة وصالونك يشرح النفس وماكولاتك وحلوياتك هايلة تتهني ان شاءالله مع اسرتك
انا غدايا حساءالخضر بالجبن واضلع مشوية ويلاطة والحمد لله
التصوير الله غالب الة التصوير معطلة

nabila222 · 2014-10-13, 12:47

مساء الخيرات ،مبروك علينا الكوزينة ونشالله فال خير علينا حبايبي بصحتكم واش طيبتو،انا راني ساعة على ساعة نطل راني مع قاطو الحج انشالله ربي يقدرني ونكملو في وقتو ،وكي نكمل راني نحطولكم تشوفو وتقيمو ،اوكي بايييييييييييييي،ادعولي ربي يكون في عوني ،

lyzzabel · 2014-10-13, 12:53

حبيباتي اولادي و ام هبوبة ربي يخليكم و يفرحكم فرحتوني بردودكم هاكا تشجعوني و انا بداني الخمووووول خخخخخخ ،، الله يحفظكم على الكلام الحلو ،، ام هبوبة قلتلك نتيا راكي غير حدايا ارواحي عندي و اشبعي غاليتي و التشاراك درت العجينة السحرية تاع ام اماني روووووووووعة تبقى طرية و بنيييينة مهما طولت فقط انا زدت لها الفانيلا ممممم و الحشو درت ثلاث عبار كاوكاو محمص و مطحون رقيق و كمية من حلة الترك و شوية برك سكر عادي و لميت بمعجون المشمش ،، و المعجون ما يهفكش تبانلك بلي قليل ،، ديري غير شوية و ابداي تخلطي هاكا باش ما يجيكش الحشو جاري ،، و القلاساج درته بالشوكولا السوداء و البيضاء و الوردة بعجينة التزيين

كريمة تفضلي وصفة المشوشة جبتها لك من وصفات الحراير و درك نزيد نحطلك رابط الموضوع

المشوشة ام رحاب
6بيضات
6ملاعق اكل من الفرينة
نص كيس من الخميرة انا درت وحدة كاملة
قرصة ملح
ملعقة اكل من سميد رطب
عسل وزيت للقلي في طبسي كبير انحط البيض وانخلطو مليح امبعد انحط قرصة ملح وقشور قارص وانحط الفرينة وحدة خمارة وانحط مغرفة سميد وانخلط مليح امبعد انجيب مقلة تيفال الي ماتلسقش وانطيبها ونقص عليها كامل النار باه اطيب مليح امبعد نقلبها من جهة التانية ويلا حبيتي ديريها رولي واقطعيها كي تشد روحها امبعد عاودي طيبيها من الاطراف مليح وعسليها وكوليها بالصحة

nihale89 · 2014-10-13, 12:54

بيبا شكراااا حنونة قوليلي اسم الشكولا الي طليتي بيها وسامحيني تعبتك معايا