الجزء 83 من واش طيبتي اليوم شاركوني أجواء العيد/ فرحتي بنجاح بنتي / رجوع أختي

[بشرى2008]

صباح الخير
فريال 88 رووووووووووووعة حتى شكيت قلت بلاك هادي فايزة 44 والله ليها وحشة كبيييييييييييييييييييييييييييييييييييييييرة
الفطور معلاباليش واش رايحين يديرو
أنا رايحة نخدم لخالتي قاطو نص بنص وصابلي التاج لام اماني قاتلي اخدميلي هادو الزوج انواع حبت كمية كبيرة
العشية ان شاء الله
كثرونا من انواع القاطو صورونا اللي جابوهملكم الاهل والاقارب

[mimi-archi]

لبنات دبرو عليا راني راح ندير جلد النمر و مخبزو البيضة و تشاراك مقلاصي بالشيكولا سوداء و بيضة و انا حسيت ان كامل ب قلاصاج جاتني حاجة مش نورمال ولا نورمال حبيت نستشيركم دبرو عليا؟؟؟؟؟؟؟

[ام سهام 02]

المشاركة الأصلية كتبت بواسطة mimi-archi

لبنات دبرو عليا راني راح ندير جلد النمر و مخبزو البيضة و تشاراك مقلاصي بالشيكولا سوداء و بيضة و انا حسيت ان كامل ب قلاصاج جاتني حاجة مش نورمال ولا نورمال حبيت نستشيركم دبرو عليا؟؟؟؟؟؟؟

عندك الصح

ديري حلوةمطلية او مسكرة وحلوة معسلة وحلوة ناشفة او بالشكولا

[x ام رحاب x]

فريال 88 ماشاء الله لاقوة الا بالله حبيبتي حلوياتك وخدمتك كلها روعة فنانة حبيبتي تسلم الايادي

[mimi-archi]

اعطبني اقتراحات من فظلك ونحب حاجة تحمر الوجه بليزززززززز

[melissat]

السلام عليكم ورحمة الله وبركاته
صح عيدكم بالصحة والهنا انشاءالله تعيدو وتعاودو
ومننساوش خاوتنا في غزة ربي ينصرهم ويشافي مرضاهم ويرحم شهداءهم
ونقولوا لغزة الابية لا تبالي يا غزة وتحلي بالعزة
اختي بسملة ربي يبارك في هذوك اليدين صح عيدك وعيد عايلتك وعتبة مربوحة ومبروكة انشاءالله وبالبركة على بنيتك ومزيد من النجاح والتالق
حبابنا فالعاصمة وما جاورها انشاءالله لباس عليكم وماتشوفو شر
قاطواتي للعيد درتهم انا واختي
هذي تشكيلة حلوياتي


ال****اجة محشي باللوز وحلوة الترك والعسل

مربعات حلوة الترك لينا 11 اممممممم جا يذوب فاافم

تشاراك بالعجينة السحرية لام اماني ونصائح لهومة

جا ولا اروع مايتشبعش

صابلي بن بريم دارتو اختي

قاتو النيسلي

[ام سهام 02]

mimi انا نحب الحلويات التقليدية وكل واحد وذوقه

ديري مقروط اللوز+ دزريات +الكفتة وفي الشكولا صابلي البيمو او صابلي النسكافي

[دائمة الحمد]

كواليس غدانا نحنا
فلفل محشي وسلاطة بالبصل يحبها سي السيد وبيني وبينكم يكرهني بيها في الصيف

[تهاليل]

السلام عليكم الشيرات كامل ماشاء الله عليكم ومبارك الإفتتاح بسملة ورجوع أختك بالسلامة، ولبنات كمامل ماشاء الله عليكم صراحة نستفادو منكم بزاف ولكم دعوة في ظهر الغيب


قولولي الشيرات شكون عندها خاصية رسايل تراسل سارة كوين راني طلبت منها وصفات حلوياتها في موضوع لي سبق كي حطتهم وهي مابنتش إذا ممكن واحدة فيكم تراسلها لأنو عجبوني واحد الوصفات وماعنديش خاصية الرسايل وشكرا سلفا

[idron0]

المشاركة الأصلية كتبت بواسطة تهاليل

السلام عليكم الشيرات كامل ماشاء الله عليكم ومبارك الإفتتاح بسملة ورجوع أختك بالسلامة، ولبنات كمامل ماشاء الله عليكم صراحة نستفادو منكم بزاف ولكم دعوة في ظهر الغيب


قولولي الشيرات شكون عندها خاصية رسايل تراسل سارة كوين راني طلبت منها وصفات حلوياتها في موضوع لي سبق كي حطتهم وهي مابنتش إذا ممكن واحدة فيكم تراسلها لأنو عجبوني واحد الوصفات وماعنديش خاصية الرسايل وشكرا سلفا

عيدك مبارك اختي درك نبعثلها رسالة و نقولها على وصفاتها.

[أنواار الإيماان]

melissat يعطيك الصحة

فريالو القلاصاج نتاع التشاراك واش درتي النيسكافي ولا لا

[ام عبودة]

صباااااااح الخير والحب والمودة
دعواتكم حبيباتي لاخواننا في كل صلاة
مرحبا بيا وبيكم في الكوزينة الجديدة
مبروك على بسملة والعقوبة لاعلى الدرجات
وعودة ميمونة وعمرة مقبولة للاخت الغالية
وصح عيدكم.
وبصحتكم الطيابات
والله الله على ذيك القعدة
متنية ندير كيفها الله غالب مازال ماسهلش ربي
الباروك من بعد نولي

[mimi-archi]

شكرا ام سيهام اعطيني الروابط تاعهم على خاطر جامي جربتهم وشكرا مسبقا و سامحيني في تعبك

[touta2010]

عيدكم مبارك وكل عام وانتن بخير ان شاء الله ينعاد عليناوعليمكم بالخير والبركات
الف مبروك بسملة لنجاح الامورة وعودت لاختالعزيزة من العمرة
الله الله على ديك الخيمة كل شىء فيها يرد الروح بصحتكم

[فريال88]

انوار الايمان و ام سهام و ام رحاب شككككككككككككرا حبيباتي على الردود الطيبة

انوار لالا حبيبتي هديك طلية درتها صفرا كلاغ و زدتلها بريون

بشرى حبيبتي واش غير فايزة اللي تعرف تصنع الحلويات هههههههههه راني نضحك برك و الله لي الشرف باش تشبهيني ليها لانها مدرسة بمعنى الكلمة

و نقلك بلي فكرة التزيين اديتها على فايزة44 100 بالمئة و عندي كل وصفاتها او ديكورها في الميكرو و زدت طلعتو في الفلاش ديسك خفت ادا يتبحرولي ههههههههههه

و ليها وحشة و صح عيدها و انشاء الله تكون مليحة