غدا.....الانطلاقــــــــــــة الرسميــــــة....جوهـــــــــرة رمــــضان - الصفحة 8

stayfiya · 2014-06-28, 22:53

سلاام لبنات
واشراكم
والله يا فطوم حبيبتي غير يوميا ندير الاذكار هاذو بالذات هههه نتي ماشفتينيش في النهار نخدم خدمة عشر عباد و مايكفينيش الوقت

جوري لؤلؤة · 2014-06-28, 23:01

عالسلامة لبنات وش راكم وش حوالكم وش راكم توجدو للمسابقة
رمضان كريم وربي يجعلو خير على كل الناس

stayfiya · 2014-06-28, 23:25

اهلا جوري رانا نوجدو في السحوور ام ايوش مابانتش و فريوله تتواصل معانا غير بايقونات الشكر برك

فريولة ابتسام · 2014-06-28, 23:44

اقتباس:

المشاركة الأصلية كتبت بواسطة stayfiya

اهلا جوري رانا نوجدو في السحوور ام ايوش مابانتش و فريوله تتواصل معانا غير بايقونات الشكر برك

راهم قريب يخلاصو عاينتيني

fatma1977 · 2014-06-29, 00:19

ربى يتقبل منا ومنكم صالح الاعمال إمالا كى عدتى تخدمى قيس10عباد باين ما يكفيكش الوقت ههههههههههه ربى يعاونك واش هذ الخدمة اللى ما تخلاصش بدلى خدمة أخرى زعمة راهى الخدمة تطبطب قدام الباب هههههههه أنا عندى 5 سنين متخرجة وما صبتش خدمة رانى مع الادماج وناوية نبطل ونفتح ورشة إدعيلى ربى يعاونى .
أمانة خواتاتى إدعولى لوالدة زوجى بالشفاء العاجل والعودة من تونس فى أقرب وقت راهى قريب تكمل الشهر وعلابالكم العلاج فى تونس والمصاريف إحنا المهم ترجع لبنتها بخير وسلامة والباقى ما يهمش إن شاء الله معروف عليها .

fatma1977 · 2014-06-29, 00:21

صح سحورك أختى فريولة راكى غير إنتى تضوى البنات كامل غالقين

جوري لؤلؤة · 2014-06-29, 00:28

عالسلامة فطوم
ريي يسمعك الخير ويردلكم كبيرة العايلة بصحة وهنا
امين يا ربي
صح سحوركم

OM AYA · 2014-06-29, 04:17

صبااااااح الخير وصح سحوركم
هذاوين كملنا قرينا شوي قران مع الاولاد لحقنا للاية100 من سورة البقرة كي بداو عينيهم يتغمضوا حبست وقلتلهم اشفاوا وين حبسنا
وانتم وين لحقتوا?
المنافسة حتى في الطاعات يا الله نتعاونوا عالبر اذا عندكم كاش افكار لبرنامج ديني لينا ولاولادنا ما تبخلوش وعن نفسي عندي باذن الله برنامج ركزت فيه على اولادي باذن الله نحطلكم وش ندير خطوة بخطوة
سلاااااااام

بنت الطيب · 2014-06-29, 08:01

اقتباس:

المشاركة الأصلية كتبت بواسطة om aya

صبااااااح الخير وصح سحوركم
هذاوين كملنا قرينا شوي قران مع الاولاد لحقنا للاية100 من سورة البقرة كي بداو عينيهم يتغمضوا حبست وقلتلهم اشفاوا وين حبسنا
وانتم وين لحقتوا?
المنافسة حتى في الطاعات يا الله نتعاونوا عالبر اذا عندكم كاش افكار لبرنامج ديني لينا ولاولادنا ما تبخلوش وعن نفسي عندي باذن الله برنامج ركزت فيه على اولادي باذن الله نحطلكم وش ندير خطوة بخطوة
سلاااااااام

صباح الخير أخواتي وصح رمضانكم راهو دحل والحمد لله ان شاء الله بالبركة والخير
أم آية قوليلي على البرنامج نتعاند معاك ولدي راهو مهبلني كل حاجة بالعياط معاه والبارح يحاول فيا ما يروحش اليوم ان شاء الله للتراويح ويبقى يلعب برا احتفالا بدخول رمضان شوفي العقلية رايح يتلفلي العقل

أم زكرياء34 · 2014-06-29, 05:27

السلام عليكم

وفق الله كل الأخوات ومزيد من التألق والتفوق

رمضان مبارك وكل عام وأنتن بخير

ام حمزة22 · 2014-06-29, 07:07

سلام
صباحكم سعيد لبنات
صح رمضانكم وكل عام وانتم بخير
بما ان الجزء الاول يطرح هنا في قسم الخياطة راح نكون معاكم في انتضار طرح نوعية الجزء الاول من المسابقة
ام آية بارك الله فيك ربي يحفضك ويخليك وقدرك على طاعة الله سبحانه وتعالى
انا والله ما شفيت وين حبست القرائة المهم كي كملت حطيت الخيط الاحمر للمصحف باه ما تتلفليش وين حبست وبما ان صلات التراويح بدات يوم امس صليت انا وبناتي صلات التراويح في البيت بنتي الصغيرة كل دقيقة تقلي ماما سخنت ماما عييت نقدر نقعد ملي بدينا الصلات وهي تافاف بصح الله يبارك عليها كملت معانا حتى للاخر بعد الصحور قبل الادان قرينة ما تيسرة من القران الكريم ربي يقدرنا على الدكر والطاعة آمييييييين
ام آية مادابيا تقولنا البرنامج لي رايحة تبعيه باش حنا تان نتبعوه بارك الله فيك
يومكم سعيد
بالتوفيق للجميع

OM AYA · 2014-06-29, 09:11

الله يبارك عليكم اختي ام حمزة سبقتيني للتراويح ماشاء الله
اختي فاطمة الله يبارك تمنيت نشارك في هاد النوع من المسابقات لانو راحولي بزاااف سور لازم نحفظ ونعاود نتفكر
المهم انا البرنامج نتاعي راه جد بسيط خاصة على جال ولادي باه نتدرج معاهم وما يملوش بالخف وخاصة انهم مازال ماتعودوش مليح عالصلاة ومازال يتهربولي ساعات
المهم انا قلت اول شيئ قبل رمضان ببضع ايام شرينالهم سجادات جدد واسدالات صلاة جديدة وصغيرونة بالوان جميلة للبنات وقميص لوليدي وفهمتهم من قبل واعطيتهم نبذة عالبرنامج الرمضاني وان هاد المشتريات بمناسبة رمضان
1 الصلاة جماعية بكل الاوقات لانو من قبل كنت نستثني العشاء وساعات المغرب بحكم يرقدو بكري
2تلاوة. القرآن بعد كل صلاة مع تعليمهم وتذكيرهم. بمجموعة من الاذكار اليومية
3 السهرة مسموحة في رمضان لكن لغرض قراءة القصص الدينية والسيرة النبوية "نسيت نقول شرينا مجمعة قصص وكتيبات دينية مع الاسدالات كذا افلام قصص القرآن الكترونية"
4مشاهدة فيلم ديني من النت او سي دي جماعيا مع مناقشة. المضمون
5 مسابقات دينية على شكل اسئلة والعاب عائلية و اعطائهم جوائز تحفيزيةملاحظة
التلفزيون ممنوع باستثناء جرجرة و المونديال طبعا ههههه

وراني حابة نعلم بنتي لكبيرة الكروشي لاني وعدتها بذلك نشوف مع المسابقة اذا نقدر

هذا وش راح نحاول نلتزم بيه واذا عندكم اقتراحات تفضلوا

أم ضياء عبد الرحيم · 2014-06-29, 07:35

رمضان كريم و كل عام و انتم الى الله اقرب
و ربي يوفقكم في المسابقة

نبض الفؤاد · 2014-06-29, 08:08

رمضان مبارك......وربي يتقبل منا ومنكم......

سمراء الدنيا · 2014-06-29, 08:15

رمضان كريم و كل عام و انتم بخير

بالتوفيق ان شاء الله