لنتشارك للتحضير بهدوء للشهر الفضيل

[ام نسمة]

المشاركة الأصلية كتبت بواسطة أم هداية

مرحبا لقد اعجبني الموضوع والافكار المقترحة من طرف العضوات وكاين لي معتمدتها وكاين لي راهي قيد التجريب وراني لقيتكم نسيتو اهم شيء وهو التمر اول حاجة نبداو بيها كي نفطرو انا نخبي التمر دقلة نور في بورت مونجي ونخبيها في الكونجيلاتور كي كون التمر ثمنه معقول واش رايكم في هذه الفكرة

السلام راقتني هاد الفكرة لكن التمر مايفسدش من بعد اقصد ترجعي تجبدي غير قيس ماتفطرو ولا تجبدي كمية وتحطيه خارج الثلاجة بلاما يفسد

[mumuh]

SVP COMMENT CONSERVER L'AIL????
j'ai déjà essayé l'ail moulu puis versser dessus de l'huile puis mettre dans le réfrigérateur mais au bous d'un moment la couleur devient marron foncé
svp donner moi la meilleur astuce
merci

[feuilleblanche17]

السلام عليكن ...موضوع رائع
بالنسبة للتمر حنا العام لي فات ....حطيناه في بورت مونجي صغار ماشي كبار في الكونجيلاتور
اجبديه من الصباح و لازم يبقى في الثلاجة باش متتغيرش ريحته.......

[رتاج علي]

السلام عليكم أخواتي، غبت 3 أيام على المنتدى لقيتكم ما شاء الله في الصفحة 6 ،هههههههههههه
بالنسبة للجلبانة والدتي تستخدم قارورة الماء، ولكني لا انصح بها العائلة الصغيرة، فوضعها في الأكياس بكمية الوجبة ثم وضعها في البورطمنجي افضل بكثير، اما التمر فيمكن حفظه في بورط منجي وكل يوم تنحي منه كمية الفطور و السحور انا استخرجه بسهولة بعد الظهر ويكون ممتاز ،اما تدخلات الأخوات فكانت جيدة، اعجبتني فكرة الحصالة وساكون معكم باذن الله، وايضا شراء البرقوق و المواد الغذائية ، الفريك...بارك الله فيكم واريد ان اشكر اختي صاحبة الموضوع وجعله في ميزان حسناتها، اريد ان اسأل عن كيفية تجميد البرتقال؟، ولا تنسو عصير المشمش فهو منعش و مقوي ، فقد جمدته بطريقة احد الأخوات في المنتدى ووالله ندمت في رمضان الفائت على عدم تجميد كمية كبيرة. اما طريقة تجميد الدجاج ما زلت متحفظة عليها.

[رتاج علي]

تعرفوا ان شراء مواد الحلويات هذه الأيام يكون افضل لا تنسو

[dahbia2009]

السلام عليكم أخواتي
التمر عندى عامين و انا نجمدو ما فسدش
وعندي الزيتون الاخصر والاسود و البرقوق
والزبيب نجمدهم وكل مانحتاج نحي منه كمية
بارك الله فيك أختي موضوعك في القمة
جعله الله في ميزان حسناتك

[موجو جوجو]

المشاركة الأصلية كتبت بواسطة dahbia2009

السلام عليكم أخواتي
التمر عندى عامين و انا نجمدو ما فسدش
وعندي الزيتون الاخصر والاسود و البرقوق
والزبيب نجمدهم وكل مانحتاج نحي منه كمية
بارك الله فيك أختي موضوعك في القمة
جعله الله في ميزان حسناتك

مشكورة اختي
حبيت نسقسيك؟ لوكان الزبيب و البرقوق نشريه دوكا و مانديروش فالكونجيلاتور يفسد؟؟؟ يعني إدا تتبدل الطعم ولا ييبس؟؟؟
لانو كيما شفت في دارنا ما نديروهش فالكونجيلاتور و ما يصرالو والو

[dahbia2009]

المشاركة الأصلية كتبت بواسطة ليل و سجون

مشكورة اختي
حبيت نسقسيك؟ لوكان الزبيب و البرقوق نشريه دوكا و مانديروش فالكونجيلاتور يفسد؟؟؟ يعني إدا تتبدل الطعم ولا ييبس؟؟؟
لانو كيما شفت في دارنا ما نديروهش فالكونجيلاتور و ما يصرالو والو

شوفى حبيبتي ربي يسعدك في حياتك الزوجية بشوي تكسبي كل شىء اما البرقوق والزبيب تقدري تشريهم دوكا وماتدريهمش في المجمد البرقوق اشري نتع الاكياس ومتحليهمش ختى رمضان والزبيب عمليه في عالب مايصرالو والو

[موجو جوجو]

المشاركة الأصلية كتبت بواسطة dahbia2009

شوفى حبيبتي ربي يسعدك في حياتك الزوجية بشوي تكسبي كل شىء اما البرقوق والزبيب تقدري تشريهم دوكا وماتدريهمش في المجمد البرقوق اشري نتع الاكياس ومتحليهمش ختى رمضان والزبيب عمليه في عالب مايصرالو والو

شكرا ليك أختي على النصيحة

[oum ibrahim]

بارك الله فيكم على الافكار الرائعة انا و الحمد لله الكونجيلاتور معمر بالتمر و الجلبانة و الليمون و ان شاء الله مع قرب الشهر الفضيل رايحة نخدم شوية عجينة مورقة و نخبيها في المجمد مليحة ننوع بيها الموالح في بلاصة البوراك والديول لما نشري في رمضان نشري من3 الى 4 دزينات ونخبيها في الثلاجة من تحت عادي ما يصرالها والو لما تحتاجي او يجيك ضيف على غفلة تلقاي عندك ما تعوديش كل يوم تخرجي للقضيان
ملاحظة مدة حفظ العجينة المورقة هو 4ايام في الثلاجة و 3 اشهر في المجمد نتمنى نكون افدتكن و لو بالقليل و ان شاء الله منكم نستفيد

[ام طيوبه]

ماشاء الله ....بارك الله فيكم فعلا موضوع ويستاهل الطرح.خاصة بالنسبة للسيدات العاملات
وعجبتني فكرة الاخت الصوامعية عن جدول الوجبات...
مشتاااقة جدا للشهر الفضيل اكيد رايح يكون هذا العام مختلف لانو ببساطة نكون فيه معاكم ان شاء الله.

[ام نسمة]

ايه حتى وحدة ما جوبت على طريقة حفظ البرتقال يلا ما نتجاهلوش الاخت اللي طرحت استفسارها رجاء لا تتجاهلو بعضكم البعض انا عمري ماجمدت البرتقال لكن راني ناوية السنة ان شاء الله لكن ما نعرفش الطريقة الصحيحة لانو في طرق كثيرة ومختلفة

[موجو جوجو]

السلام عليكم
اولا بارك الله فيك على الموضوع المميز
هذا هو عامي الاول زواج
و اريد لو كان تعاونوني من خلال الموضوع
تقولولي واش نشري من لماعن لي نحتاجهم خاطاش ماعنديش بزاف
و كذلك يطيح نفاسي في رمضان إن شاء الله كيفاش ندير؟؟؟
و ماهي الحوايج لي نشريهل دوكا لي ماتتزمش التجميد لانو هاد الساعة راني بلا فريجيدار حتى يفرج ربي عليا
وعععععععع يعني اقترحو عليا راني مبتدئة
و ان امكن للاخوات لي يديرو بروقرام تاع الطياب يحطوهلنا.خاصة خاصة تاع الشرق
راني غير ندي من عندكم ،

[hadjira195]

المشاركة الأصلية كتبت بواسطة زهورالفل

ايه حتى وحدة ما جوبت على طريقة حفظ البرتقال يلا ما نتجاهلوش الاخت اللي طرحت استفسارها رجاء لا تتجاهلو بعضكم البعض انا عمري ماجمدت البرتقال لكن راني ناوية السنة ان شاء الله لكن ما نعرفش الطريقة الصحيحة لانو في طرق كثيرة ومختلفة

أنا جمدت قيس رمضان كامل
كنت نعصر كل خمس حبات ونديرهم في ساشي نعقد من بعد أنزيد نعصر و نفرغ في نفس الساشي
حتى درت فايت الثلاثين

[zineb_saib]

احنا العام اللي فات جمدنا الخضر واللحوم وحوايج بزاف وندمنا
بويسك انقطعت الكهرباء عدة مرات ورمينا كلشي حتى الشحمة