واش طيبتي اليوم ؟الجزء الرابع

[houdehoud]

[QUOTE=إلهام07;1052205897]بنات من فضلكم أعطيوني موقع للتحميل ، موقع الجلفة ماحبوش يطلعولي فيه الصور [/QUO
جربي 4shared هايل و يحكملك الصور نتاعك سجلي فيه انا من العام اللي فات فيه الصور نتاعي

[إلهام07]

[QUOTE=بريق الامل&;1052205967]

المشاركة الأصلية كتبت بواسطة إلهام07

آآآآآه يا العرب ضاربة النح وحاطة اليد في بومفور و خليتيني نضرب في العدس
بصحتك بروقة ـ بصح يبانلي ناقص شوية طماطم ؟أو الصورة ضاوية بزاف المهم أنا صحني كثريلي فيه الزبدة راهي تبننو هههه راني نعرض في روحي لاخاطر متفاهمين اللي يدير بومفور يخليلي صحن ، هاذا قانون

مشيت حسب النصائح تاعك قلتي ما تكثريش باش ما يجيش حامض وبلاك صح الاضاءة راه شوية حمر على هك وجا بنين عجبني ونصيحة لام رزان تجربو
وضرك نجيبلك طبسي وراني كثرتلو الزبدة درتو يسيل هههههههههههه وزبدة تاع بقرة وعندي زيت زيتون تاع تيزي تحبي تزيديلو

هههههه ربي يعيشك حبيبتي ، على بالي بيك أهل الكرم والجود ممممواح بروقتي إذا ماشبعتش نقولك ههههه راني على كرشي مانحشمش هههه

المشاركة الأصلية كتبت بواسطة omnadjem.10

الهام وقيلا دختي من الردود اناام نجمو ماشي انوشه سلامتك ايه اكتبي كيما قتلك وادخلي في العنوان الاول مركز تحميل الخليج يطلعلك راهو هايل وخفيف يحما تم تم جاوبيني على سؤالي للمرة التالته الرابعه نزعف منك وانا زعلي وحش هههه

هههههه للا مادوخونيش الردود ، دوختني الخدمة ، عندي ماشاكل مع الجمارك لازم نحلهم رايحة نهبل
ماعاش اللي يزعلك يا جميل واش هو السؤال 3 و 4 ؟

[زهروان]

صباااح الانوااار ياالبنات الفحلات والشاطرات تبارك الله عليكم

كل اطبااقكن تشهي تسلم الايادي


بمناسبة فتح الكوزينة الجديدة ماحبيتش ندخل ايديا فارغين ان شاء الله تعجبكم برك














سعديةجدا لانضمامي معاكم نسال الله تعالى ان يجمعنا على خير ياارب


بالنسبة لفطور اليوم حضرت طاجين جلبان نحطها من بعد الظهيرة ان شاء الله

في امان الله

[أم ماجد]

الهام تفضلي تتغداي مع المدلل راهو مريض اليوم خليته يتغدي وجيت نحط الصور

راهو يعجبك عاقل مسكين ومطيع ههههههههههههه
وراني نحضر فيه للخدمة الوطنية عدس في بلاتو حديد ههه راجل ونصف واش قلت ؟

صلاة تبادلك السلام وتقولك انتظريني في العطلة بعد السانكيام محضرة قنابل خرجت لماماها حابة طيرهالي هههههههه

[زهروان]

المشاركة الأصلية كتبت بواسطة أم ماجد

الهام تفضلي تتغداي مع المدلل راهو مريض اليوم خليته يتغدي وجيت نحط الصور

راهو يعجبك عاقل مسكين ومطيع ههههههههههههه
وراني نحضر فيه للخدمة الوطنية عدس في بلاتو حديد ههه راجل ونصف واش قلت ؟

صلاة تبادلك السلام وتقولك انتظريني في العطلة بعد السانكيام محضرة قنابل خرجت لماماها حابة طيرهالي هههههههه

رب يشفيه ويعافيه

حفظه الله من كل سوووء ياارب

[أم ماجد]

ام خير الدين مرحبا جيت بالخير كله ربي يحلي أيامك ضرك نشرب التاي باه نحي غمة العدس

[أم ماجد]

حابة ندي هاذي فهميني

[touta2010]

انوثة وين ركي؟؟؟؟؟ اريدك ادخلي

[إلهام07]

المشاركة الأصلية كتبت بواسطة زهروان

صباااح الانوااار ياالبنات الفحلات والشاطرات تبارك الله عليكم

كل اطبااقكن تشهي تسلم الايادي

بمناسبة فتح الكوزينة الجديدة ماحبيتش ندخل ايديا فارغين ان شاء الله تعجبكم برك






في امان الله

مرحبا بك في وسطنا واهلا بالحامل والمحمول
مافهمتش القلوب هاذوك اللي في الصورة الأولى وهاذيك الحلوة البيضاء
أما الصورة الثانية واقيلا كيسات عملتيهم بالشكلاطة والحشو فواكه و شانتيي ، ولا راني غالطة وماشي مراجعة دروسي

المشاركة الأصلية كتبت بواسطة أم ماجد

الهام تفضلي تتغداي مع المدلل راهو مريض اليوم خليته يتغدي وجيت نحط الصور

راهو يعجبك عاقل مسكين ومطيع ههههههههههههه
وراني نحضر فيه للخدمة الوطنية عدس في بلاتو حديد ههه راجل ونصف واش قلت ؟

صلاة تبادلك السلام وتقولك انتظريني في العطلة بعد السانكيام محضرة قنابل خرجت لماماها حابة طيرهالي هههههههه

ياعمري ربي يشافيه واش بيه ؟
ههههه قابلة قابلة بعد 32 كاشما بقالي نشرط ههههه والله قتلتيني بالضحك وريت الرد نتاعك لزميلتي في العمي شبعت ضحك
صلاة حبيبتي ، بالتوفيق في الامتحان" شدي حيلك " وجيبي نتائج ملاح والكوزينة ماشي رايحة تهرب . والله باينة رايحة تديلك السوكسي يا أم ماجد هههههه

[touta2010]

هاي الهام القلوب اضن انها حلوة الطورنو

[زهروان]

المشاركة الأصلية كتبت بواسطة أم ماجد

ام خير الدين مرحبا جيت بالخير كله ربي يحلي أيامك ضرك نشرب التاي باه نحي غمة العدس

شكرا على الاترحيب حبيبتي امماجد

اشربي بصحتك حنونة

المشاركة الأصلية كتبت بواسطة أم ماجد

حابة ندي هاذي فهميني

راااه كااين الخير دورك نحط طريقةتحضيرها للاسفاذة ان شاء الله

المشاركة الأصلية كتبت بواسطة إلهام07

مرحبا بك في وسطنا واهلا بالحامل والمحمول :d
مافهمتش القلوب هاذوك اللي في الصورة الأولى وهاذيك الحلوة البيضاء
أما الصورة الثانية واقيلا كيسات عملتيهم بالشكلاطة والحشو فواكه و شانتيي ، ولا راني غالطة وماشي مراجعة دروسي

الهااموالله يسلمك غاليتي

شكرا على الترحيب

بالنسبة للقلوب هاذيك حلوة الطورنو
الصورة التانية نيشان قوالب بالشوكولاطةمحشية بالفواكه والمزينةبكراام شانتيي

يقدرني رب ونحط الوصفات ان شاء الله

[زهروان]

لمن طلبت وصفة الطورنو او حلوة الطابع




المقــــاديــر :

*3 بيض
-250غ سكر
-250 زبذة
-مقدار زيت (عبري بعلبة الزبدة )
-1 خميرة كيميائية
- قشور الليمون
-علبة فانيليا
-فرينة على حسب الحاجة

طريقة التحضير :


نخلط الزبدة مع السكر ثم نضيف البيض و نخلط جيدا ثم نضيف قشور الليمون و الفانيليا و في الأخير طحين مع الخميرة نعجن الخليط
حتى نحصل على عجينة طرية سهلة الاستعمال ( و تجي هشيشة تذوب في الفم )
على طاولة العمل نحل العجينة 1.5 سم
و نقطع الأشكال التي نحبها بواسطة الطابع.
نضعها في صينية و نطليها بصفار البيض
ندخل الصينية للفرن درجته150 °




اتمنى تكون اعجبتكم وتجربوها في اقرب فرصة

تحياتي للجميع

[زهروان]

فطووري انتاااع اليوم
طاجين جلبااان

[ساندي 28]

ام ماجد هاذاك القاطو لمن .اخت زهوان ماشاء الله قاطو هايل قوليلي كيفاش عمملتي القاطو الي على شكل اهرام غريبيه ولا حاجه اخرى

[zhor1970]

السلام عليكم و رحمة الله احلى بنات و احلى امهات حبيت انكون معاكم في هاد الطبعة الرابعة و كنت غايبة في الطبعات الاخرى لانو كان عندي ظروف صحية و اليوم حبيت انشارك بغدايا تاع اليوم :



هذا ارز ام اياد جربتو و جا بنين بزاااااااف

و قدمت معاه سلطة فلة:




و هذا مطلوعي :




تفضلوا بصحتكم