نداء لكل طلبة الجامعة أسرعوا

[جزايرية و أفتخر]

المشاركة الأصلية كتبت بواسطة نسيمة48

شكرا على كل هذه النصائح القيمة

العفو اختي وتذكري الاخت سطايفية بالدعاء الصالح لانها لم تقصر معنا

[from13]

المشاركة الأصلية كتبت بواسطة جزايرية و أفتخر

اخي شكرا على المشاركة المميزة

و لكن فيما يخص المكتبة ليش نصحتنا ما نكثروشي من دخولها لاني انا نموت عليها و اكثر شئ انا متشوقة له في الجامعة هو المكتبة حتى اني قررت ان اقضي معظم وقتي فيها لابتعد عن المشاكل يعن شو الحل برايكم اخوتي واخواتي

سقسي سطايفية هي تقولك علاش

[manel dima]

المشاركة الأصلية كتبت بواسطة سطايفية بكل فخر

حاجة مليحة الواحد يحب يثبت وجودو فالجامعة لانو كل الناس تكرهو فيها
من بعد نحكيلكم كيفشا تتعايشو فيها يعني ماشي غير نحذركم وننصحكم لازم ديفوليو شوية ورانا كامل نحبو الطوايش
هههه بشا تحلا سيرتو كي تكون مع الاساتذة فور

رانا نستناو فيك على أحر من الجمر ، معناها رايحة تجيبيلنا مسلسل جديد في رمضان بعنوان : أعضاء منتديات الجلفة نحو الجامعة ،
سيناريو وإخراج : سطايفية بكل فخر
هههههههههههههه

[manel dima]

المشاركة الأصلية كتبت بواسطة from13

slm 4 all

يعطيك الصحة ختي سطايفية على هذ النصائح

طبعا اريد ان اعقب على بعض الامور

بالنسبة للصحبة و الخلطة .. صحابك عرف تخير اما المخالطة خالط كل الاصناف 48 ولاية وزيد حتى ليزافريكان .. نورمال

اسمها جامعة تجمع كل الناس ..تخالط " تتعلم " تلقى الخداع نافيقاتور الحساد .. وتلقى الراجل طبعا

حاجة لي حيرتني في الجامعة هو انه قاع ميعرفكش و يحسدك !!! على جال نوت , طفلة, لبسة, حتى كلمة قلتها في الكور ولا تيدي !!!

طبعا في الجامعة الناس تحكم 90% عليك من خلال الهيئة .. يعني عرف واش تلبس ... يعني راجل و ضارب تحسينة تاع جيستين بيبر كي تشوفه تقول انوش وكاين بزا ف منهم متنخلعش .. صايي كبرت اسيي تلبس كلاسيك . شوميزا صباط بزاااااف عليك ( مرنيش نعلمك واش تلبس ..راني نقولك الناس تحقر بالعين )

في ما يخص قضية الدخان .. ملقري انا مشي مدخن عن قناعة شخصية مي منشوف فيه اي مشكل ... يعني التهويل و الترويع قاع سببه الاناث ههه
و للاشارة غادي تلقا بنات يدخنوا هههه مشي غير شاشرا

طبعا في ما يخص اصحاب الاقامات اسيي تكون مليح مع جوائرينك يعسوك وتعسهم .. اطوسيون تتمشا وحدك يغفلوك يطردقولك الشومبرا و يدولك صوالحك

طبعا الادارة لا تعاقب الدخول المتاخرفي الليل يعني عندك صحابك في المدينة الى مريزيدي فيها نورمال تسهر عندهم و تدخل للاقامة عند 11 ولا 12 مراناش بنات يخافوا علينا و متفهمش كلامي غالط يعني كاين صالات تاع السبور متبلعش حتى لليل يعني من اجل عدم الملل لان اصعب الاوقات و املها هي فلاشومبر بين 4 حيطان كلشي يولي يبالك
والفيد واعر


الى عندك العرف مع كاش اجون اسيي متخسرهش ..كي دير كاش مشكل ويدولك لا كارت اتيديون هوا يجيبهالك ههه متسمعش قاع بيهم

الجامعة كلش فيها ساهل يعني قاع الاشياء الي كانت تجيك صعيبة في الليسي تلقاها في متناول يديك في الجامعة .. لذلك خمم قبل مدير حاجة و اسيي تخاف ربي وتبعد على المشاكل لي نتا هارب منها وهي تجي حتا لعندك

لا بيبيوتاك او المكتبة من رايي متكثرش من دخولها الى اوقات الحاجة .. يعني 90% لي يدخلولها لسبب غير الدراسة و هدا لي غادي تكتاشفه نهار تدخلها ههه

ريفيزيون وحدك احسن 10 خطرات من ريفيزيون في قروب سيرتوا الى كانت " مختلطة " كارثة في تضييع الوقت

الى كانت عندك اللوطو بلاك تطلق المسيقى داخل الحرم الجامعي سينو يصرالك ما صرالي وتلقى روحك في مشاكل مع لي زاجون

في ميخص الدراسة اسيي تافيتي لي كور الغير مهمين فرنسي انجليزي و بعض لي موديل الغير مهمة لاتها ضيعلك وقتك و تخليك تحس بديقوطاج

و كي تدي نوت مشي مليحة .. تقول راني نحضر و مديت والوا

70% من صحابك القدام تاع الليسي تسمع بيهم ابوندوناو و بلوكاو العام "مقدوش" لدلك اسيي مديرش كيفهم و مام تعاود العام لقدر الله اسيي تبلع لي مديل... تلقاهم العام الجاي

حاجة لي نوصيك عليها متكرهش و صايي .. جامعة فترة وتفوت و كي تلطع عام مور عام تبقا كي تشوف نوفو بشوليي تضحك و تقول مساكين عاد محكموش اللعب هههه وللاشارة الجدد هم الاكثر استهدافا في الجامعة خاصة الاناث .. لدلك نوصيكم ان تحدروا حتى الحرية المطلقة لها حدود

الجامعة عكس الليسي واحد ميعرفكش فيها يعني مسمعينش قاع بيك لذلك حاول ان تفرض نفسك بالدراسة لانه سنة سنتان تولي قاع يعرفوك

علابالي بلي بزاف الي غادي متعجبهمش هدرتي .. بلاك اليوم متعجبكش مي غدوة كي تدخل و تشوف تقولسي فري مكانش يكذب علينا

ولي فيه الخير ربي يجيبه

النصائح تاوعك كال يبانولي مهمين ، يعطيك الصحة

[سطايفية بكل فخر]

اني جيت واني نقرا فالردود باش نجاوبكم

[سطايفية بكل فخر]

المشاركة الأصلية كتبت بواسطة oussama dzilus

السلام عليكم
++
شكرا على النصائح مي نظن راكم تكبرو في الامور تقول راح نقراو منعرف وين عادي هدي هي الدنيا يلا مجربتش واكتشفتش الجديد علاه تعيش هدو النصائح الانسان وحدو يكون دايرهم في راصوا ويطبقهم في حياتو كامل الحدر مشي غير في الجامعة في كل مكان
و صح رمضانكم

ولي يتعلم من تجارب الاخرين ثاني حاجة مليحة ولا راني غالطة
شكرا على المرورو

[سطايفية بكل فخر]

المشاركة الأصلية كتبت بواسطة from13

سقسي سطايفية هي تقولك علاش

اخي في كل بلاصة لمليح ولحاير وانا شخصيا ننصحهم بيها ملقري تو لانو لحاكم قدرو ليه واحد مايجينيه
وزيد لقراية مع الاصدقاء فالمكتبة مليحة
وانت نصحتهم يقراو وحدهمذخديك فالامتحانات اما باقي السنة بليقروب خير
بالتوفيق للجميع وشكلارا على نصايخك

[سطايفية بكل فخر]

المشاركة الأصلية كتبت بواسطة manel dima

رانا نستناو فيك على أحر من الجمر ، معناها رايحة تجيبيلنا مسلسل جديد في رمضان بعنوان : أعضاء منتديات الجلفة نحو الجامعة ،
سيناريو وإخراج : سطايفية بكل فخر
هههههههههههههه

هههه ورانا مخرجة فاشلة ديرو from&" خير
هههه
ّ+
نشاء الله مكونو فدناكم

[سطايفية بكل فخر]

https://www.djelfa.info/vb/showthread.php?t=1001901

[سطايفية بكل فخر]

كلمات بزاف تستعملوهم بالفرنسية فالجامعة نحب نحطهالكم
tp العمل التطبيقي travaux pratique
td travaux deregé اعمال موجهو يعني تمارين
cours محاضرة
amphi وين تقراو المحاضرات
salle وين تقراو تيدي
labo مخبر
atelier ورشة
هادو الزوج للتيبييات
département قسم من الكلية مثلا الهندسو المدنية قسن منن التيكنو
faculté كلية
institut معهد
rectorat رئاسة الجامعة
admin ou administration ادارة التخصص
resto hhhh restaurant هههههه مطعم
foyé ههههه مقصف تاع ماملة مي الفرق بينو وبين الريسطو انك تسلك فيه
admi ههههههههه اهخي from 13يجاوبك
ajourné هدي ثاني نحليهالو
professeur ou docteur لي يقريك الكور او المحاضرة

كي نزيد نتفكر نقلكم

[diyaa.alcamare]

جزاكم الله خيرا على الموضوع الرائع و النصائح المميزة
اتمنى ان لا تبخلي علي اختي السطايفية بالنصائح الخاصة بالبنات ....انا انتظر

[from13]

المشاركة الأصلية كتبت بواسطة سطايفية بكل فخر

كلمات بزاف تستعملوهم بالفرنسية فالجامعة نحب نحطهالكم
tp العمل التطبيقي travaux pratique
td travaux deregé اعمال موجهو يعني تمارين
cours محاضرة
amphi وين تقراو المحاضرات
salle وين تقراو تيدي
labo مخبر
atelier ورشة
هادو الزوج للتيبييات
département قسم من الكلية مثلا الهندسو المدنية قسن منن التيكنو
faculté كلية
institut معهد
rectorat رئاسة الجامعة
admin ou administration ادارة التخصص
resto hhhh restaurant هههههه مطعم
foyé ههههه مقصف تاع ماملة مي الفرق بينو وبين الريسطو انك تسلك فيه
admi ههههههههه اهخي from 13يجاوبك
ajourné هدي ثاني نحليهالو
professeur ou docteur لي يقريك الكور او المحاضرة

كي نزيد نتفكر نقلكم

controle كيما الفرض في الليسي مي تفوتوه كيما اكزامان يعني بالحراسة والليستا
en dette يعني طالع ويسالوك كريدي من العام لي فات
credit هذي كلمة منعيا نفهمهالك وجامي تفهم واش هي حتى تطلع و تقرى وتفهمها
ratrapage امتحانات الاستدراك في حالة الرسوب ( اخر فرصة للنجاح )
section يعني كي تدخلو تكونو مقسمين مجموعات كبار يعيطولهم لي ساكسيون ثم يجو من بعدها لي groupe
يعني نتا بار اكزومبل تقرىsection 2 و groupe 1 و هي رايحة ... باش تشوف وين راك في emploi du temps
les exposés البحوث الى تقوم بها و تبريزونتيها
compte rendu التقرير و لا الخلاصة الي تردها مور tp و كنت نكرررررررررررها
ajourné w admis هدو اخر سنة تعرفوهم هههههه

[سطايفية بكل فخر]

ههههه اوكي نحليوهم يكتاشفوها وحدهم

[Ambitious man]

السلام عليكم

• عزيزي قبل اقدامك على اي خيار عليك بصلاة الاستخارة فقد قال نبي الرحمة محمد بن عبد الله صلوات ربي وسلامه عليه "ماخاب من استخار"

• اذا ضاقت بك الامور فلا تخجل في طلب المساعدة ولكن اطلبها ممن تثق به وتعلم انه لن يسبح في المياه العكرة
• اذا ادرت العلالي يجب عليك سهر الليالي والتضحية بامور كثيرة غير مبالي ، لكن لا تجعل رغبتك في التميز تغلب على اهتمامك بصحتك وبدينك ، فاولا واخيرا لن ينفعك شيء غير صحتك ودينك ، لكن اجتهد وضع نصب عليك الهدف الذي تسمو اليه ...
• ان لم تكن ممن يسطرون هدفا في حياتهم فسارع في تسطيره لانك ان سطرت هدفا ستبذل الغالي والنفيس من اجل تحقيقه وثق بنفسك انك ستحققه ، اما ان لم يكن لديك هدف فسيؤول بك الى الاهمال وعدم الاهتمام بدراستك ما يجعل حياتك تذهب سدًا وتذهب احلام والديك اللذان ضحيا من اجلك هباءا منثورا
• حاول ان لا تسيء الى الاستاذ حتى وان اساء اليك ، وهذا لسببين الاول ديننا يعلمنا مقابلة السيئة بالحسنة ، والسبب الثاني هناك بعض الاساتذة لا يخافون الرب الكريم فاذا قابلت اساءتهم باساءة اخرى سيحقدون عليك ويجعلون تضييعك هدفا لهم ، صدقني هناك هذا النوع بكثرة، اصبر ثم اصبر ثم اصبر ...
• في بداية العام الدراسي ، لا تستسلم للشعور الذي ينتابك عند بداية الدروس وملاحظة صعوبتها ولا تجعله يغلبك فيجعلك تفكر في الانسحاب النهائي ، فكل الطلاب شعروا بهذا الشعور من قبل ، لكن تذكر ثقة والديك فيك ، فاسعى الى التميز و تذكر دائما انك مرآة لعائلتك
• اذا اردت المراتب الاولى ، رتب وقتك ونظمه جيدا فهذا للدراسة وهذا للعب وهذا لهوايتك المفضلة وهذا للراحة ...
• اذا كنت تراجع وشعرت بالتعب او النعاس فاترك الكراس دون تردد واعطي لجسمك قسطا من الراحة ، فالمذاكرة بجسد منهك لا تفيد بل هي وبال على صاحبها ...
• انصحك بمراجعة كل درس تدرسونه في نفس اليوم فهذا يساعد على ترسيخ الدرس في الذاكرة (نتمنى يكون عندك بزاف لي جيغا ) ، ولا تنس اعادة حل التمارين التي تعملونها في الاعمال الموجهة ، لكني دعن اخبرك ان هذا لا يكفي بل استعن بالكتب الخارجية لحل اكبر عدد من التمارين
• لا تستمع الى من يقول لك ان الدراسة صعبة جدا ولا يمكنك مجاراتها ، ثق بقدراتك و اظهر للناس انك تستطيع مجابهة الصعاب مهما كانت ، صحيح ان الدراسة صعبة والريتم قوي والبرنامج مكثف والتوقيت لا وجود للفراغ فيه (اقصد في المدرسة التحضيرية علوم وتقنيات)، لكن صدقني انا كنت ادرس ليلة الامتحان وتحصلت على معدل في الفصل الاول 12,66 ، لذا فلا تخف ، ركز في الدرس فهو المفتاح ولا تغب عن دروسك ، بل حاول حضورها اجمع ، وكما قلت لك راجع ليلا يوميا حتى ولو 30 دقيقة ، المهم حافظ على نسق واحد ولا تدخل في العشوائية ...
• عليك عزيزي بكتابة ملخصات للدروس مزينة بالالوان وبخط جميل ، اكتب فيها المهم فقط ، وتلك هي كراستك للامتحان وتراجع منها ، يعني في الدرس اكتب في كراسك ، ثم في الغرفة خصص وقت معين لكتابة هته الملخصات ... ثم راجع منها للامتحانات ...
• لا تلتفت الى من يقول ان الفرنسية عائق ، قد تكون عائقا في البداية لكن ستتعود عليها بسرعة
• اذا كنت من اصحاب العلوم التجريبية فحاول الاطلاع على دروس الاعداد الاولية عند شعبة الرياضيات ، وان لم ترد التعب هذا الصيف عليك بالتركيز اكثر في الدروس الاولى من التحليل (خاصة بطلاب المدارس)...
• (خاصة بطلاب المدارس) اثناء دراستك في الغرفة ، لا تركز كثيرا على التحليل في الفصل الاول ، فمهما درستها ستلاحظ بعد ظهور النتائج انك ضيعت وقتك ، فركز على الاعلام الالي والكيمياء والفيزياء وحاول الحصول على علامة تفوق 15 لكي تعوض نقص علامة التحليل ...
• حذاري عزيزي ان تهمل احدى المواد التي معاملها صغير ، كما انصحك بعدم اهمال الفرنسية والانجليزية وحاول دراستها ليس من اجل النتيجة فقط بل من اجل تنمية قدراتك ، لانه حتى وان كنت قويا في الفرنسية كلغة ، فستكون حتما ضعيفا في الفرنسية التقنية ، اي المتعلقة بالامور العلمية والتقنية وليس الادبية ...
• اخيرا تشبث في دينك ، لا تمشي الا وانت غاضٌ للبصر ، لا تمشي الا ولسانك يذكر الله ، لا تمشي اين يمشي الصعاليك ، حذار من الفتيات فاعظم فتنة حذر منها النبي صلى الله عليه وسلم هي النساء ، ولا تدع الشيطان يدخل لك لا من صباح الخير لزميلة ولا باية كلمة، احرص على الكلام معهن في الضرورة فقط اسمع جيدا الضرورة فقط فقط فقط ، فان اردت النجاح في حياتك ابتعد عن المعاصي ... هته النصيحة احرص على تطبيقها حرفيا فهي والله سبيل النجاح في الدنيا والاخرة..

بارك الله فيكم

موفقين بحول الله
السلام عليكم

[سطايفية بكل فخر]

بارك الله بك اخي وشكرا لانك لبيت طلبي جعلها الله في ميزان حسناتك