مشاركتي في مهرجان السفرة المميزة

[tokio hotel]

لي الشرف اني نشارك في هاذ المهرجان ان شاء الله نكون عند حسن ظنكم
اليوم نقدملكم وصفاتي لمهرجان السفرة المميزة ان شاء الله تنال اعجابكم
سفرتي متكونة من 9 اطباااق منوعة



البسملة1
عصير البطراف بالبرتقال والقارص
المقادير

2 حبات برتقال مقشرين ومنفيين مليح من القشرة البيضا والعضم
-حبة قارص منقية بنفس الطريقة
-حبة بيطراااف متوسطة
- سكر حسب الرغبة
- عطر فراولة
- 2 علب ياغورت فرااز
نضع كل شيء في اناء ونطحن كل شيء مع عصير البرتقال والماء ممكن اضافة عصير القاارص

يصفى و يقدم

ملاحظة ممكن نطحن معاه الفراز وممكن اضافة سيرو الرومان

شكشوكة البطاطا مقلية واللحم المرحي
وصفة بسيطة بنييينة وسهلة
المقادير

-بصلة كبيرة
-شوية لحم مرحي
-ثوم
-هريسة
-بيض
بطاطا
طريقة التحضير
في مقلاة زيت بصل مقطع نقليه مليح زيدي ثوم ملح فلفل راس الحانوت لحم مرحي ونقلي زيدي لهريسة ضرورية هي سر البنة "استعملو النوع لي ماشي حار بزاف"

ضفي عليها البطاطا المقلية ضربي البيض وفرغيه عليها وتقدم


سلطة تركية سهلة بسيطة ولذيذة وغنية
المقادير

-باذنجان مشوي في الفرن ومقطع
-نص بصلة مقطعة
-حبة طماطم مقطعة
-حبة خيار مقطعة
-حمص
-معدنوس مقطع
-ملح فلفل كمون
-عصير قارص و زيت زيتون
"المقادير غير محددة حسب الرغبة"
نخلط كل شيء وتقدم


ملاحظة يمكن اظافة نعناع مقطع وطرشي مشوي ومقطع

موس شيكولا والباذنجاان روووووعة
كنت من قبل حاطة عصير الباذنجان وحدة فيكم ما تجرءت وجربتو
اليوم قررت نحطلكم تحلية اخرى بالباذنجان ولي هي موس شيكولا بالباذنجان
المقادير

-حبة باذنجان متوسطة ومشوية تقريبا 250 غ
-طابلة شوكولا نوار
-حليب 6 مغارف كبار
-فاني
طريقة التحضير
ذوبي الشيكولا مع الحليب ونطحنوها مع باقي المقادير بالبرا
من الاحسن نطحن المكونات في بلارا حتى يضاعف الحجم تع اللاموس


ملاحظة انا ماحطيتش الكمية كاملة تع الحليب
جاتني متماسكة بززااااف
في الاول تكون جارية لكن ما تتقلقوش بعد ما تبرد تجمدلكم لهذا لازم نفرغوها في كؤوس التقديم قبل ما ندخلها للثلاجة

كروكااات بطاطا تونة هاااايلة
المقادير
-2 بطاطا كباار مسلوقين
-ملح فلفل عكري كمون
-معدنوس مقطع وفص ثوم
-شوية هرية اختياري
-تونة اختياري "انا حطيت علبة صغيرة"
طريقة التحضير
نطحن البطاطا بالشوكة زيدي عليها باقي المقادير وشكليها كما في الصور

درك نجيو للصح
نجيبو الفرينة حوالي كاس + ملح + كركم + ملعقة صغير معمرة مليح خميرة خبز + رشة فاني سبب اظافة الفاني لازالة رائحة الخميرة

نبل بالما دافي ونتحصل على عجينة اثقل من البغرير

ونخليه يخمر حتى تتشكللنا فقعات
نغطس الحبات في العجينة وتقلى في زيت غازر

ملاحظة لازم تكون لعجينة متماسكة باش تلسق مليح في الحبة تع البطاطا وتاكل سااخنة

دجاجة محمرة بتبليلة مميزة
المقادير

طريقة التحضير


نخلوها تبات اطول مدة ممكنة وكي نجو نطيبوها حطيها في مول على ظهرها في فرن ساخن لمدة ربع ساعة ثم نغطيها ونرجعها طيب على نار متوسطة
وتقدم

ملاحظة تغطى بورق الزبدة ثم بورق الالمنيوم
كي طيب نسقوها بالمرق نتاعها ومن بعد يصفى

شوربة البطاطا بالطماطم سهلة سريعة اقتصاادية واهم شي بنينة
المقادير

3حبات بطاطا كباار
حبة طماطم متوسطة
حبة بصل متوسطة
كاس كبير حليب
زوج فرماجات او ثلاثة
طريقة التحضير

قطعي الخضر حطيهم في طنجرة يتغطاو بالما وحطيهم يطيبو
بعد ما يطيبو طحنيهم مع الحليب والفورماج وملح وفلفل كحل
وتصفى

ملاحظة ماتكثروش الما باش ما تجيكمش خفيفة قيس ما تتغطى الخضر فقط

سنبون الكذاااب لذيذ جدااااا
المقادير
خبز مقطع دوائر
كوب سكر
نص كوب ماء
ثلث كوب زيت
بيضة + فاني +2 ملاعق صغار قرفة

نخلطهم مع بعضاهم ونغمس في شرائح الخبز ورتبيه في مول مدهون بلا ما تخلي فراغات

ضربي علبة حليب نسلي مع علبة جبن طري
نفرغ نص الخليط على الخبز وندخلو للفرن لمدة 10د الى 15د

بعد ما نخرجوه من الفرن نفرغو عليه باقي النسلي
ويزين بالكاراميل وصوص الشوكولا الخاصين بالآيس كريم


انا مكانش عندي استعملت ديكو جال كراميل
ملاحظة كلما تكون كمية نسلي بزااف كلما تكون الذ لازم تغرقوه في نسلي
ملاحظة2 حليب نسلي المستعمل في الوصفة خدمتو في البيت
طريقة تحضير كالاتي
كاس حليب غبرة
كاس سكر
نص كاس ما
فاني ومغرف زبدة
سخني الما وفرغيه على الحليب والسكر ضفي الفاني وخلطي بالبرا

كيك صحي بدقيق الذرة
المقادير
هاذي الكيكة صحية وتشبع مليحة خصوصا لافطار الاطفال قبل الذهاب الى المدرسة

200 غ دقيق ذرة
100 غ فرينة
150 غ سكر
2 بيض
كاس زيت
كاس وربع حليب
50 نواد كوكو
خميرة الحلوى
الطريقة
نضرب البيض مع السكر ولافاني نضيف كاس تع الزيت والحليب
نخلط جيدا ثم نضيف المكونات الجافة

نكمل نضيف الخميرة نتع الحلوى نحطها في مول مدهون وتدخل الفرن

ملاحظة الكاس المستعمل في الوصفة يرفد 15 سل

RANIA