الجزء 183 من واش طيبتي اليوم كوزينة القلب الصافي و الذراع الوافي

[أمنية غفران]

مرحبا حبيبتي أم فطوم إمم و راكي زدتي عطيتيني فكرة على لوبيا ماشطو بالزيتون ما نعرفهاش قولي لي الله يحفظك على طريقتك و كيفاه تجي في البنة إحم إحم
و الفطور ما نعرف تخافي نلقى المقرونة ههه خاطرش ما يخدموهاش مليح
تحياتي

[ام هدول]

اني رجعت ام فاطمة اديت بنتي للروضة ...شكرا على المعمول والكيكة ..قلتي تسع ملاعق .انا عندي كيكة تسعة في تسعة كلش تسعة كنت نديرها كي كنت طفلة من لي زوجت ..تخليت عليا هههه
عندي اجوندة وانا بنت ..راهي مخبية قالولي بناتي ماما كي نكبرو نديرها مدونة خخخخ ونجربو واش فيها ونصوروا
امينة ..البطاطا جات علكيف ..فقط انا ماخلتش لقشور ..من اللجنة تاعي ...بصح يعيطك الصحة زادت تشربت لاصوص لي طلقها الجاج محمر ...كي رافقنتها معاه ...اعطات بنة هايلة ..في انتضار ابداعتك حنونة ....ملا اليو لاغدة لاوالو خخخ...
انا نروح للاشغالي عندي عدس تع البارح نزيد ننشرشم لعضام معاه ..يتغداوه ..سلالالام

[omjoujou]

السلام عليكم
صباح الخيرات حبيباتي
يعطيكم الصحة ماشاء الله عليكم كل وحدة ولمستها
ملوكة للاسف غيرصورك لي مايبانوليش مافهمتش علاه ؟؟؟؟بصح باين كلشي من تحت يديك تحف فنية لا اشك في ذلك
طيور الجنان ربي يحفظلك وليدك وبصحتو وش شريتيلو ويعطيك الصحة على وش حطيتي كااامل
ام فاطمة كالعادة ديما متالقة المعمول والكيكة 4444444
ام هدول بصحتكم الجاج المحمر في الكوكوت والبطاطا المشوية في الفرن انا تاني اعتمدت الوصفة تاع امنية رووووعة
وحتى لميني بيتزا و حساء الكاابويا 44444444 سلمت يداك
حيوتة امممممم هذاك طاجين الخرشف بالزيتون يشهي تاع الصح بصحتكم حبيبة
طالبة التاريخ سخفتيني في قاطو الفلسطينية تاع اسمهان كل مرة نقول نديرو وننساه بصح اكيد نديرو عن قريب باذن الله ويعطيك الصحة على الاطايب لي راكي مزهية بيها الكوزينة
فيفي كواليس عيد ميلادك رووووعة كل عام ونتي بالف خير حبيبتي ربي يكبرك في طاعتو
ام يوسف بصحتك بق بق بق خخخخخخخ
امنيتي يعطيك الصحة على كل وصفة مصورة حطيتيها سواء تاعك ولا تاع حراير الجلفة في ميزان حسناتك وربي ياجرك على تعبك وسلمت يداك على كل الشهيوات لي راكي تمتعينا بيهم

[omjoujou]

انا ليوم تاني صايمة نكمل ليوم وغدوة ان شاء الله ربي يتقبل
لغدا لوليداتي وزوجي راني نطيب في الشوفلوغ بالجاج مرقة بيضا لي حاابة تاخذ فكرة وتعاندني
بداية اسبوع موفقة للجميع
سلاااام

[أمنية غفران]

حبيبتي أم جوجو صباحك معطر بالورد و الياسمين و بصحتكم الشوفلور يمي يمي
البنات جبت ليكم وصفة صابلي ملوكة في صورة لإحتفاظ بيها



أيا إلى الملتقى حبيباتي

[أم رقية نسرين]

سلام يا الحرابر
أمينة ختي يعيشك هاهو رابط الوصفة راهي بنييينة
https://www.djelfa.info/vb/showthread.php?t=1خ771274
ام هدول ربي يخليلك العرايس فكرة تاعهم هايلة
ام جوجو ربي يعيشك هذا من ذوقك طيابي راهو بسييييييط و ربي يتقبل منك و بصحتكم الشفلور
انا غدايا البوم حمص إن شاء الله

[أم رقية نسرين]

ام فاطمة المعمول يهبببببل يعطيك الصحة راني ديت باه نعاود الفطور و شوية لقهوة العشية

[أم رقية نسرين]

أمينة ربي يجازيك على الوصفة المصورة

[سحابة باردة]

صباح النور أم هدول والله منحبش نغيب عليكم غير عجزت على التصوير هذو اليام وعشاك يشهي وشكرا على الثقة حبيبتي
حيوتة الزيتون بالخرشف علامة تاع بلادكم صح هههه بصحتكم
البقية راكم مزهيين الكوزينة برافو

جبتلكم حبيبات كرواسون ممن الأرشيف ديما نخدمو ولادي يحبوه بصح صورتو غير مرة وحدة

[أم فاطمه]

السلام عليكم امينة الطجين تاع اللوبيا مع الزيتون نطيبوه حتى في المنسبات ويجي محمر

الطريقة انا اللوبيا ما نغليهاش باش متفقدش المعادن ليفيها نطيبها ديراكت
والزيتون باش يمشيله الملوحة نبدله الماء عدة مرات. ونطيب بيه باش تبقا فيه بنة الزيتون

ربي البصل حبة مع حبة طماطم مغرفة صغيرة تاع طماطم المصبرة واللحم او الدجاج الي عندك والزبدة مغرفة مع قليل من الزيت وتركيه يتقلى مليح ثم ضفيله الزعفران حنا منتخلوش عليه والملح الفلفل اللسود. وحركي مليح ادا كنتي مطيبا باللحم تاع الخروف مرقي وبلعي الككوط وتركيه يطيب نص طياب. وضفي اللوبيا والزيتون وادا بي الدجاج ضفي
اللوبيا والزيتون مع بعض وتركيهم يطبو في الكوكوة حتى يتجمرو حنا نقلو محمر الزيتون بي اللوبيااتمنى يعجبك وتجربيه سلام
و

[أم فاطمه]

ام هدول واش هاد الوقت لي وصلناله حنا اولادنا كنو يمشيو وحدهم للمدرسة مكان لا يسرقو اطفال ولا ولو يمشيو في امان الله ويرجعو الله يحفض بلادنا واولادنا

اهلا ام جوجو صيامك فالجنة تتهناي مالدين هده الليام مناسبة للصيام مشي سخونة

اهلا طالبة كيف الحال شكرا على الكلام الحلو

سحابة ركي مبدعة الكرواصون خرج فور بصحتك

[nihal159]

صباح الخير عليكم يالحراير، الله يبارك راكم تجرو فالصفحات ههههههه، نحطلكم تطبيقاتي تاع الويكاند و من بعد نراجع.
البوراك التركي ههههههه الوصفةمناليوتيوب، اسم القناة wasfa min matbakhi

[nihal159]

تطبيقي لوصفة البريوش الاسباني للمتألقة زينب83

الحشوة استعملت سكر بني و زبيب، الوصفة ناجحة جدا، جا خفيف روعة.

[nihal159]

حساء العدس، أنا نرحيه يجي كما لاسوب، قدمتو مع سلاطة و تعمدت نحط الخضر الغنية بالفيتامين سي لتسهيل امتصاص الحديد الموجود فالعدس و جسمنا يستفاد

[nihal159]

شاورما، و حطيت كمية من الكاتشوب فالصحن لابنتي ماريا، قالتلي ماما حطيلي المايونيز الحمرا هههههههههههههههههههههه