مساء النور ان شاء الله تكونو كامل بخيروالله دخلت علاجال باش نرد عليكم وعلى كلامكم الطيب يااحلى رفقة والله ضيق الوقت وظروف الله غالب
زينب يااحلى مشرفة شكرااااااااااااااا على تواضعك و كلامك الطيب ياطيبة والحمد الله على سلامة اختك نتمنالها الشفاء العاجل ان شاء الله عجبني الحال انك تفكرتني مع الفجر دليل على طيبة قلبك والله حتى انا نحسكم عائلتي الثانية ودايما في بالي حقا ممكن وصفة المقارونة لي بالحليب بانتلي صعيبة بزاف طيابك ماشاء الله اختي شكرااا لمشاركتك لنا اطباقك متتبدليش برك وتحرمينا منهم
بيبا ياغالية كل عام وبنك بالف خير ماشاء الله عليك دايما مبدعة باطباقك واسمحيلي اني مشاركتش في كوزينتك خي علابالك بظروفي بصح ماشاء الله عليك رجعتينا لجو نشاط من جديد
ام الاء شكرااا اختي على الترحيب ربي يحفظك ويعطيك الصحة طياباك ماشاء الله وعصير تفاح راهو في بالي لازم نطبقو ان شاء الله
ام نور الهدى شكراااااااااااا عللى كلامك الرائع من عيوني اختي ضك نحطلك الوصفة من جديد راهي في وصفات حراير واش طيبتي الجزء الثاني
omelbanin ماششاء الله عليك روائع واش حطيتي حبيت نسقسيك على كيكة المقلة حابة نجربها من مدة بعيدة خفتها اذا متصلحليش تجي كيما المسكوتشو العادية ولا تجي عجين
حياة يعطيك الصحة راكي قايمة بالكوزينة بزاف بلاما ننسى طيابك لي يشهي يعطيك الصحة وربي يتمملك حملك بالف خير وربي يعين زوجك على وحمك مدام لحقتي للمندرين هههههه وصفة لحريرة ضك نخدمها وصفة مصورة ونحطهالك
ام لجين وهيثم شكرااا على الترحيب ويعطيك الصحة طيابك يشهي
omjoujou ربي يخليك ياغالية ان شاء الله تكوني رتحتي شوي من عيوني اكيد نحطهالكم
اريج يعطيك الصحة شاطرة بزاف مدام تعرفي ديري بالفوجوخ
oum ibrahim حمص دوختني بيه يعطيك الصحة تمنيت لوكان جيتي جارتي تسعيني ذوقات
تفكرت بنت خالي توحشتها وتوحشت ذواقاتها
Oum yousra كتلتني بطيابك ماشاء الله عليك وصفة تيراميسو خبيتها عندي لازم نجربها حبيت نسقسيك كنتي مرة حطيتي بوراك قلتي حشو نتاع هنودة مفهمتش كيفاه اذا نتاع هنودة صح قوليلي واش فيه قاعد في قلبي وحابة نعرف واشيه هو والله كنت رايحة نراسلك مقعدتش قلت بلاكش تتمسخر وبلاكش حشو يديروه لهندوة صح
صدق العطاء شكرااا اختي ماشي مشكل ضك نحطهملك ان شاء الله
ام وابنة نورتينا من جديد اختي توحشتك وتوحشت خفة دمك ويعطيك الصحة طيابك دايما فيه لمسة مميزة
ام ياسو كل عام وبنتك بالف خير وشيكولا بشرط لازم يذكرو اسمي معاك
وردة الرمال الف مبروك عليكم المولود وربي يتمملك حملك بالف خير بصحتك الشاورما
ام ساجد روووعة واش حطيتي وفكرة الخبز هايلة يعطيك الصحة مبدعة دوما
كوثر التائبة لغرايف هايلين ومثقبين بصحتكم
RIMA.87 يعطيك الصحة طيابك ماشاء الله ولبيني جاوك هايلين والله منكذبش عليك يعجبوني بزاف ساهلين وثمثم يوجدو و مايخمروش بزاف
selmatitta اهلا اختي هذي غيبة فهمينا برك وين المشكل اكيد نساعدوك ان شاء الله وتولي تحطي الصور عادي باش تفتحيلنا لكوزينة كشما مرة ان شاء الله نشفالك كنتي حابة تحليها من مدة كبيرة ومكتبش ربي
ساجده 82 منورة اختي واولادي ليها وحشة كبيرة نشفالها كانت تشارك بزاف في الكوزينة ان شاء الله تكون بخير وبلغيلها سلامنا وان شاء الله تنورنا من جديد
جازيا ام البنات بصحتكم سوب الكابويا وكارنطيطا شكرااا على الترحيب اختي
حياتي كلها امل عجبتني الجاجة قاعدة تتصور وتستنا فيا اكيد بصحتكم
اسيل بصحتكم الحوت
ام نسرين مكانش قد لبساطة بصحتكم
ام هدول يعطيك الصحة شخشوخة حراير نتاع الصح
omhadil يعطيك الصحة مفهمتش كيفاه مطلوع مقلي تقليوه وتشربو بيه القهوة
ام كوثر نورتينا اختي مادلان هايل يعطيك الصحة
ليزا اختي مش مشكل المهم انك تفكرتني العرضات كاينين بصح مكنتش نصور كان عندي مشكل نتاع تصوار كسرولي الارانب الهاتف بصح ضك شريت برتابل جديد خي راكي تسمعي ام ياسو جديد عل ى برتابلك تخيلي نكتب ونضحك وحدي خفت الكشرودة اوريسيا تكون تقرعج علينا من وراء الكواليس وتفضحني كيما فضحت ام ياسو في المنتدى كامل وحد المرة ههههههه
سماسم مبروك الحج ربي يتقبل منكم ولعقوبة لينا
ام هاديل وياسين يعطيك الصحة واش حطيتي بصح معرفتكش جديدة ولا تغير اسم
ام رحاب ماشاء الله سخفتني في شاورما يعطيك الصحة
om kamilia جينواز روووووعة يعطيك الصحة واش اخبار الحلوات ربي يحفطهم
زيكا يعطيك الصحة طيابك دايما يشهي
ام سارة طيابك وتطبيقاتك هايلين يعطيك الصحة
نسيت امينة nanoua7 منورين كوكا ليك وحشة توحشت تقرعيجك
لبنات لي نسيتها تسمحلي متزعفش مني ولا طارشني بقرعة ريحة قابلة تفكرت اسمهان هيا لتحب يطارشوها بريحة
( تقرير عن مشاركة سيئة )، و الموجودة أسفل كل مشاركة .
2016-10-27, 21:54
العرض المتطور
