~~واش طيبتي اليوم؟! الجزء 91 اهلًا اهلًا بالعيد~~ - الصفحة 79

أم ماجد · 2014-10-03, 07:54

لبنات حفيظ البارح ماحبش يروح من عند صاحبه سكن ثم ههههههههه
كي شاف لخروف عندهم

كسرة خبزتها في الليل للعشا

وهاذو شراتهم صلاة زعمة عيد ميلادي هههههههه افطروا بيهم

ورايحة نزيد نخبر الان ونخبي في الثلاجة ماتانساوش لبنات الخبازين مايخدموش ايام بعد العيد ديرو احتياطاتكم هخاصة العاملات
ام اسلام ماتنسايش انت ولجماعة

أم ياسين الزهراء · 2014-10-03, 08:07

صباح النور

Aya69 · 2014-10-03, 08:08

صباح الخير عليكم جمعة مباركة وتقبل الله صيامكم وقيامكم ان شاء الله تعيدوا وتزيدوا وكل عام وانتم والأمة الاسلامية بخير
بشرى حبيبتي ماشاء الله قاطواتك روووووعة يسلم ايديك ان شاء الله يرزقك الزوج الصالح وكامل بنات يارب
ام اسلام وأية على سلامتك حبيبتي وربي يعينك توفقي بين عمل ودار وحبيت نشكرك بزاف على صابلي راني معتمداتو يقعدلي حتان شهر وما يروحلوا والوا ربي يجازيك كل خير ان شاء الله

Aya69 · 2014-10-03, 08:10

صباح الانوارام ياسو

islam1aya · 2014-10-03, 08:16

صباح الانوار ام ياسين كيفك حنونة
صباحو ام اية شكرا حبيبتي على دعوة الخير وعلى ثقتك في وصفاتي الحمد لله كعجبك الصابلي
ام ماجدهايلة الكسرة حنونة اعطني طريقتك فيها بالتفصيل والسميد متوسط ولا ارطب
وكما قلت لازم الاحتياطات اذا صبحت غدوة مليحة نعجن المطلوع اديالك نحبو بزاف لكن السميد الي راه عندي ماشي مليح ومافيهش العلك وحتى الكمية عندي بزاف منو حرت واش ندير بيه
ام ماجد خموس على حفيظ

omhadil · 2014-10-03, 08:21

صباحكم سعيد لبنات رانى نطيب فى الشاراك العريان راه فى الفور 5دقايق ونروح نجبدو
جمعة مباركة وصح صيامكم

أم ضياء عبد الرحيم · 2014-10-03, 08:28

صباح الخير على ناس الخير
كيف الاحوال انا اليوم عندي عرضة يا ربي نبدا نحضر نروح ندير ميناج و من بعد نبدا التحضير
راني حاولت نراجع لكن الي نسيتها تسمحلي
بشري حلوياتك ما شاء الله قمة
ليدي توحشناك بصحتك البتزا و السوفلي
بيبا الغريبية جات تشهي تسلم الايدي
حيهتى كلها امل حلوياتك كامل هايلين تسلم الايادي
ام ماجد حبيبتنا عيد سعيد و كل عام وانت بصحة و عافية
كوكا ربي يرزقك يا رب بالذرية الصالحة عاجلا غير اجل و يرزق كل محرومة
ام نسرين القاطو يبان مليح و هشوش تنحي في العين
ام ياسين مرحبا بيك ماخصني تقدري تجيني نذبحلك خروف بالذمة و ندير عرس
ام تاجو توحشناك هذي غيبة
نهولة عيد ميلاد و عيد زواج سعيدين ربي يجعل ايامك كلها اعياد
ام اسلام صباحك عسل راني جربت الخفاف انتاعك و جاو امممممممم فووووووور ما نزيدش نبدل وصفتك رائعة
صباح الخير لكل الملتحقات انا نروح نبدا نخدم من بعد ان شاء الله سلام

أم ضياء عبد الرحيم · 2014-10-03, 08:37

اولادي كوكا نهال مبتدئة ام يسرى دنيا عائشة باتلا ام اسلام ام ماجد آية ام هديل
صباح الخيرات و المسرات في هذا اليوم المبارك ربي يحققلكم كل امنياتكم و يحفظلكم عائلاتك و يجعل اولادكم من اهل القرآن و اهل الصلاح يا رب ربي يفرج على كل مهموم و يشفي كل مريض و يقضي الدين عن المدينين و يرزقك كل بناتنا ازواج صالحين و اولادنا زوجات صالحات
و يرزق الكل الذرية الصالحة و يجعلنا و اياكم من اهل الجنة
قولوا آمــــــــــــــــــــــــين

malek firdaouss · 2014-10-03, 08:38

صباح النوووووووووور لبنات صباحكم سعيد
هذا كان غدايا للبارح

و هاذو زلابية لبنان جربتها برك بصح معسلتهاش

malek firdaouss · 2014-10-03, 08:40

اقتباس:

المشاركة الأصلية كتبت بواسطة جيادا

اولادي كوكا نهال مبتدئة ام يسرى دنيا عائشة باتلا ام اسلام ام ماجد آية ام هديل
صباح الخيرات و المسرات في هذا اليوم المبارك ربي يحققلكم كل امنياتكم و يحفظلكم عائلاتك و يجعل اولادكم من اهل القرآن و اهل الصلاح يا رب ربي يفرج على كل مهموم و يشفي كل مريض و يقضي الدين عن المدينين و يرزقك كل بناتنا ازواج صالحين و اولادنا زوجات صالحات
و يرزق الكل الذرية الصالحة و يجعلنا و اياكم من اهل الجنة
قولوا آمــــــــــــــــــــــــين

اميييييين يا رب تقبل الله دعاءنا
يا رب في هذا اليوم المبارك
اختي جيادا لقيتي وش طيبي لفطور ليوم

malek firdaouss · 2014-10-03, 08:45

قولولي لبنات وين راكم تحملو في الصور ممكن تعطوني رابط التحميل
شكرا مسبقا

R I A D · 2014-10-03, 08:56

صباح الخير على كل الموجودات
و صباح النور لكل الملتحقات

حبيباااااتي صحة عيدكم و كل عام و انتن بخير
و كل احبابكم و اعزائكم
تعيّدوا و تزيدو و العقوبة لكل عام
تقبل الله منكم الاضحية و العبادات
و ربي يرزقنا حجة العام الجاي اميييييييييين يا ربّ

الله اكبر الله اكبر الله اكبر
لا اله الاّ الله

اللهمّ اشف جميع مرضى المسلمين امين
اللهم ارزق جميع بناتنا ازواجا صالحين امين

أم ضياء عبد الرحيم · 2014-10-03, 09:03

صباح الفل ملاك فردوس بصحتكم و الزلابة جات هايلة تسلم الايدي
الصور انا نحمل من هذا
https://www.up.djelfa.info/
و كاين الي يحمل من الخليجي للتحميل
https://www.gulfup.com/
و الفطور قلت ندير شربة و سلاطة و بوراك و المقبلة تاع بسمة و ندير دجاج ديسوسي و كفتة بالزيتون و الفطر و الارز واش رايك

malek firdaouss · 2014-10-03, 09:04

صباحكم سعيد في طاعة الله تعالي

لكل وحده منكم تتفضل و تاكل واش تحب
طيبتها لبارح

قولولي وش رايكم
البنه فووووووووووووووور

مريم سلمى الجزائرية · 2014-10-03, 09:06

السلام عليكم و رحمته تعالى و بركاته:

كنت و لازلت من متتبعات هذا الركن لكن من بعيد و بمناسبة حلول عيد الأضحى المبارك أقول:تقبل الله منا و منكم صالح الأعمال و غفر الذنوب جميعها.

عيد مبارك للجميع.