الجزء29 من واش طيبتي اليوم؟ - الصفحة 79

الأمنيات · 2013-09-30, 10:35

اللهم في هذا الصباح أنزل على قلوب الجميع سكينة ورضى
إجعل لنا هذا اليوم رحمة
صباحكم راحة وأمان واطمئنان بإذن الله
غدايا لوبيا باللحم البقري
ربي يدومها نعمه على الجميع نراجع ونجي

tokio hotel · 2013-09-30, 10:37

فى هاد المساء نحطها الا صبتا فى الارشيف

YAKMISSOU · 2013-09-30, 10:38

والله يا الهام منقدرش على فراقكم والله البارح درت كسرة الشحمة هههههههههههههه

YAKMISSOU · 2013-09-30, 10:43

باي رايحة نخدم امممممممممممممممممممممممممح

ام محمد و ملاك · 2013-09-30, 10:45

السلام عليكم بالنسبة للزيتون الاخضر دائما بيتيه ليلة في الماء احسن ما تغليه لانو في الماء يبقا لونو اخضر و حاكم روحة و من بعد صفيه و حطيه في الكونجي عيى ضمانتي يقعد حتى شهر اما الزيتون الاسود ادا كانت عندك كمية كبيرة ديره في الماء و خليه في الفريجيدار ما يصرالو والو و حاولي كل مرة تبدليلو الماء

sakura be · 2013-09-30, 11:07

صبااااااااااااااااح الخيييير والله توحشتكم وقلت مانخرج غير لاطليت عليكم ان شاء الله تكونوا كاااامل بخييييييير وعلى خييييييير

رياحين الجزائر · 2013-09-30, 11:20

لبنات اللي عندها صورة لشيكولا منى ولا مينة ولا كيفاه اسمها توريهالي وباشحال انا راجلي مالف يشريلي هذيك انتاع الميزان فيها كيلو واتجي شهبة ونقرا في المواضيع اكل تخدمو بشكةولا هذي يا ريت توروهالي وبكم السعر انتاعها

الأمنيات · 2013-09-30, 11:32

اقتباس:

المشاركة الأصلية كتبت بواسطة رياحين الجزائر

لبنات اللي عندها صورة لشيكولا منى ولا مينة ولا كيفاه اسمها توريهالي وباشحال انا راجلي مالف يشريلي هذيك انتاع الميزان فيها كيلو واتجي شهبة ونقرا في المواضيع اكل تخدمو بشكةولا هذي يا ريت توروهالي وبكم السعر انتاعها

سعرها 3500

ام الهضاب · 2013-09-30, 11:21

نعم امنيات بطاطا مع دجاج في كيس الشواء
ماانديروش بزاف كسرة القمح غير كي سخف اعليها زوجي فقط
يبعثولي دقيق القمح خوالي من باتنة ربي يجازيهم و شكرًا على التقييم

ام محمد و ملاك · 2013-09-30, 11:22

الهام انا راني مطيبة شخشوخة الرزامة البريكية حارة تهبل بالبصل و الكابية الله غالب ما عنديش البورتابل اللي يصور بسلامتهم ولادي كسروه و الا نحط طبخاتي صدقوني فحلو و نص و اكلاتي روعة

ساندي 28 · 2013-09-30, 11:31

اختنى رياحين ديري في عمي قوقل ايماج اكتبى شوكولا مينا تطلعلك
راني ننتضر في بريوش ام انس من الصباح راني وجدت العدة وشريت اللازم راني غير نستنى ههههههه
ودركي نروح للمطبخ نوجد غدائي وريحه الفلفل دايرى حاله في المطبخ خدمت البارح نصف واليوم نكمل الي بقى معلايهش الهام ياك الصديق وقت الضيق اهى اهى اهى

ام ساجد · 2013-09-30, 12:54

السلام عليكم واش راكم كامل كامل لبنات ان شاء الله تكونو لاباس
انا هاذ ليامات راني لاتية ما ندخلش ياسر ادعولي ربي يعيني

حمى الفوكاشيا ولو انها متاخرة

الحمد لله الذي اطعمنا وسقانا وجعلنا مسلمين

ساندي 28 · 2013-09-30, 11:36

قبل مانروح هدا عشائي للبارح دوبارة روووووووووووعه نشكر بزاف ام اياد وان شاء الله تكون بخير زوجي عجباتو بزاف تقولي تع برى نعاودها في اقرب فرصه مقدرتش ننسى طعمها امممممممممممم

وهذي الهريسه الي خدمتها البارح وحطيت منها على العشاء هايله وخبيت منها في المجمد للشتاء ان شاء الله

*عاشقة الجنة* · 2013-09-30, 11:44

صباح الخير حبيباتي

حابة نسقسيكم

عندي كمية كبيرة تاع تفاح نحوس على

طارطة نعملها بيه او تحلية او معجون

وتاني نحوس على رابط بغرير بلا تخمار

ايا شرفوني هنا يا غاليات

https://www.djelfa.info/vb/showthread.php?t=1429262

الأمنيات · 2013-09-30, 11:55

اقتباس:

المشاركة الأصلية كتبت بواسطة *عاشقة الجنة*

صباح الخير حبيباتي

حابة نسقسيكم

عندي كمية كبيرة تاع تفاح نحوس على

طارطة نعملها بيه او تحلية او معجون

وتاني نحوس على رابط بغرير بلا تخمار

ايا شرفوني هنا يا غاليات

https://www.djelfa.info/vb/showthread.php?t=1429262

شوفي ديري عصير النفاحات بتفاحات تاع اسلام اية نظن

والطارطه راني دايره وحده اعطاتها لي فلة
البغرير تاع ادراري
درك نحوس لك على الروابط