الجزء 103 من واش طيبتي شعارنا متحابين في الله - الصفحة 78

النرجووسة · 2014-12-13, 10:40

https://www.djelfa.info/vb/showthread...post3992253345

زوووووروني كل سنة مرة حرام تنسوني بالمرة حراااااااااااااام

زينب 83 · 2014-12-13, 10:42

ام ماجد عجوزي ناس ملاح ، مافيهاش التعليق تاعهم ، مسكينا فرحت وقاتلي نفرح كي جي عندي علابالي جيبيلي غير الجديد، قتلها في قلبي الجديد راهو تاع ام ماجد ربي يخليها و يحفظلها وليداتها
البيتزا ما شفته آش دوك نروح نشوفوها يعطيك الصحة

أم محمد تاج · 2014-12-13, 10:42

واااااع حبس مخي التصويت هنا وفي قسم الديكور تاع المطابخ وااااااااخ
روحو حبيباتي وصوتو لي خخخخخخخخخخخخخخخ

lyzzabel · 2014-12-13, 10:45

كنت نراجع و عجبوني مشاركات و تشجيعات ام الجميع ام المجد الله يباركلك في صحتك و وليداتك يا الغالية و يعطيك الف صحة و عافية و ليك عشريييييين مووووووااااااح ،، و الحمام مام انا ما نبغييييهش استواتلي هههههههه

سكرتي الحلوة مووووواح مووووواح تاع الوحشة و التصويت والله غير راه صعييييييب صعيييب كلكم ابدعتو يا الحراير

بشوووووورتي حبيبتي ربي يكملك و يعطيك لي راكي متمنياته و يفرحك و تفرحينا معاك مووووواااااح

روووووضة الحلوة احلى صباح و احلى بووووسة ليك غاليتي و ربي يكون في عونك و ييسرلك أمرك

النرجووسة درك نضرب طلة أكيد روعة راهي الصورة تاعها باغية تنطق يعطيك الصحة حبيبتي

داءمة الحمد الحمد لله على سلامتك و ما تشوفي شر يا رب و يعطيها الصحة اسينات قامت بيكم ربي يخليكم لبعض

ام ياسو يا لهويييييي مين قلتي قلبي يوجعني غضتيني و الدمعة بغات تطيح و مين قلتي نخاف نموت و ما نعرفش نتائج التصويت هبلت بالضحك هههههههههه ،، ربي يحفظك و يشفيك و يطولك في عمرك لوليداتك و لينا ااااميييييين

ام مصعب الله يبارك طيابك يشهي و بصحتكم الشخشوخة بالعصبان

ام أمنية توكلي على ربي سبحانه و ما يكون غير الخير حبيبتي و بصحتكم الشوفلوغ واااااع ما نبغيييييهش

حبيباتي العضوات الجديدات مازال ما حافظتش اسماءكم اسمحولي بصحتكم واش طيبتو غالياتي بدوووون استثناء

هدا لي تفكرت ،، نروح نطل على التصويت و على كيكة النرجووسة و نكمل شقايا بإذن الله ،، سلااااااام

اللهم صل و سلم على الحبيب المصطفى و بارك عليه

أم ماجد · 2014-12-13, 10:45

ام مصعب رابي حبات ثوم في مقلاة كبيرة وفلقل اسود وكصبر كمون وفلفل احمر حار زيت قلي ثم حبة طماطم مرابية مع ملعقة صغيرة طماطم علب وهريسة طبعا ههه لازم
نقطع دبشة ونسقي بكاس ماء ونحطالسردين حبات منقيين
يطيب بسرعة وفقط وشهية طيبة
لاصوص تاعو اممممممممممم تسقي بيها اام فوق الارز
زينب حاجة مليحة شحال نحب كي ندي حاجة لواحد ويفرح بيها واووووووووووو نموت انا بالفرحة
ام تاجو رانا رايحين بلعقل برك علينا هههههههههههههههههههههه

ام نور الهدى 2014 · 2014-12-13, 10:53

[QUOTE=lyzzabel;3992247227]حقا امنياتي يعطيك الصحة الفو ميل فأي رووووووعة حطيلي الرابط قبل ما تخرجي عزيزتي

ام ياسو انت العسل كله و المنتوجات البحرية كاين بصح الصور وااااااااع راني باغية نبكيييييي ،، موووووواح

نور الهدى سمك التونة بعدما تنقيه مليح و تغسليه خليه يقطر و وجدي الحشو لي هو سنات ثوم رابي كثري و ربطة معدنوس مقطع رقيق و ملح و فلفل اسود و كمون و زيت الزيتون و عصير ليمونة ،، خلطي ملييييح و ديري فتحات على سطح السمكة من الجهتين و دخلي فيهم شوية مالحشو و ديري تاني الداخل مكان المصارن لي نحيتيهم و ادا بقاتلك الحشوة زيدي أطليها من فوق على الجهتين و ادا كملتلك ديري رشة ملح و فلفل و كمون ،، حطيها في طبق الفرن و غطيها بالالمنيوم ،، النار تاع الفرن ما تكونش قاوية بزاف و خليه يطيب في لا ماغيناد تاعه و ما تقلبيهش ،، و ادا السمكة كبيرة بزاف ضيفي غيييير شويييية ماء ،، تقدري تزيدي دواءر تاع طماطم و نوصيك ما تديريش معاها ترونشات الليمون راهم يطلقو المرارة و مين يطيب قدميه في صحن مع ترونشات الليمون و أوراق السلطة الخضراء للتزيين
و ادا بغيتي تشويها قطعيها دواءر رقيقة نوعا ما مشي بزاف و تبليها بالملح و الفلفل الأسود و الكمون ،، عامة السمة الأزرق يحب الكمون ،، و ما تنسيييييش رشة زيت الزيتون باش ما يلصقش و اشويه على الجهتين حتى يتحمر على نار اقل من المتوسطة و قدميه مع الليون و زينيه بالمعدنوس و بالصحة على قلوبكم ،، نتمنى تكوني فهمتي و اي استفسار خليهلي هنا و مين ندخل بإذن الله نجاوبك

اللهم صل على النبي و سلم تسليما[/QUOTE

السلام عليكم
شكرا اختي على الافادة انا تان راهي هاديك هي طريقتي فتحمار الحوت مي التون كنت حابة نغير كنت حابة نديرو فيليه و نتشخلط ههه بصح راني عيانة بزااف و مانقدرش نبحث في النت
نديرو كيما قلتي و خﻻص
شكراااا

om kamilia · 2014-12-13, 11:03

احلى صباح لاحلى اخوات سلامي لكن جميعا لي عودة بمشيئة الرحمان

ام احمد وصال · 2014-12-13, 11:04

ام الاء هاهي صورة بنتك ربي يحفظهاراني صغرتها حطيها في توقيعك لانو تاعك كبيرة بزاااااااااااف

janah* · 2014-12-13, 11:06

اسعدة الله يومكم بالخيرات والبركات

ام ريمة اسمحيلي هذا وين قدرت نحطلك الوصفة والبارح جاوني ضياف ما روحوش بكري حتي 9 نتاع ليل

المقدير

500 غ فرينة

كاس ماشي معمر زيت ولا زبدة

فاني

2 ملاعق سكر

خميرة الخبز

ماء الزهر لي جمع العجينة

في صحن كبير وعميق نخلط جميع المقادير مع بعض ونخلطهم ونضيف لدام ونخلط مليح ونجمع ب ماء الزهر

ونشكل كويرات حوالي 20 غ ثم نشكلهم ب لالوش نتاع الكسكس ولا الغراف لي نهزو بيه كسكس نحط الكويرة ونجبدو بيدنا من الفوق

للتحت تتشكل علي شكل الهندي وتكةن فارغة من داخل

منخلوهاش تخمر غير نخلصو تشكيلها كامل العجينة تكون خمرت غير شوية ونقليوها فزيت ثو نعسلوها

وشهية طيبة واي استفسار راني فالخدة

جزاكم الله كل خير

أم ماجد · 2014-12-13, 11:09

اقتباس:

المشاركة الأصلية كتبت بواسطة همس الذكريات

خياتي كي راكم غاية قلبي عند سارة أم صهيب رجعت للمستشفى وحالتها حالة شكون يطمنا عليها ربي يخليكم نبعتلها في صفحة نتاعها في فيسبووووووك شهيوات السعيدة بربها سارة ماتردش عندها مدة حوجي سلمو عليها وقولها قلوبنا معاك ونبغوك

رانا كامل نحبوها ربي يشفيها
لبنات روحو امدونة ياسمين تمتعوا شوية

https://yasmina177.blogspot.com/2014_07_01_archive.html

mimi-archi · 2014-12-13, 11:27

صباححححححح الخيررررر
اكو ناشطين صباح ربي يخفظكم
لي عندها ميناج ربي يعاونها
ولي راخ تزيد ربي يسلك وحلها
بناتتتتت عاونوني من فظلكم بابا جابلي سلق اعطوني وصفات ملاححححححح سيلفوبليييي

*أم ثازيري* · 2014-12-13, 11:43

هادا فطوري نتاع البارح
كيش السلق و البطاطا و الجبن
درت معاه سوب الخضر اممممممم

راني حطيت الوصفة
https://www.djelfa.info/vb/showthread...post3992253823

janah* · 2014-12-13, 12:02

غدايا ان شاء الله مطلوع مممممم وشربة فرميسال شليطة وسلاطة والحمدالله حمدا كثيرا

أم ياسين الزهراء · 2014-12-13, 12:10

لبنات بدلت الغداء درت العيش بالداند وحار اممممممممممممممممممممم

روضة اهلا بيك واش راكي

أم محمد تاج · 2014-12-13, 12:28

سلام ياغاليات وصح غداكم

بحال ماصوطتولييييش???? خخخخخخخخ نتمسخر ياغاليات والله بكل روح رياضية مواحاتي حبيباتي
ام ياسو حنونتي طمنيني على قلبك لمبطبط والله متشطنة عليك