الجزء 183 من واش طيبتي اليوم كوزينة القلب الصافي و الذراع الوافي

[حياة نور الدين]

اهلاااا ام يوسف ربي يقدرك ان شاء الله

ملوكة قتلك تحبي الروابط هههههه ماعليش المهم رجع كما تحبي وكما قلتي متعاوديش غلطة البيبرون وكي ميحبش متياسيش حاولي كل مرة بكمية قليلة وربي يحفظوا ان شاء الله

[Fifilondon]

مساء الخير عليكم
ام يوسف اهلا واش راكي شكرا يعطيك الخير على كلامك الجميل

[Fifilondon]

المشاركة الأصلية كتبت بواسطة ملاك ملاكي

فيفي لندي حبيبتي عيد ميلاد سعيد وكل عام وانت بخير يا رب العالمين
العقوبة للعمر كله وان شاء الله كل عيد ميلاد واحنا معاك مشاركينك يوم العمر..... ربي يكبر في طاعة الله



و هدي هدة صغنووووونة نتمنى تقبليها مني

وااااااو يا ملاك ملاكي والله فرحتيني بزاف بهاد الهدية الجميلة والكلام الراءع يعطيك ماتتمناي ان شاء الله ربي يحفظلك وليدك ويفرحك بيه ان شاء الله تعيشي يا رب شكرا

[Fifilondon]

اهلا سحابة ربي يعينك على الاشغال ويعطيك الصحة على كلامك الحلو شكرا

[أم يوسف2]

حيوتة نتي تان الله يعطيك الصحة شوفي كنت راح ندير تيراميسو تاعك لكن راجلي مسكين كي صبت الامطار غزيرة جا ديراكت للدار ماجابليش فلان كراميل مي نوعدك هاد اليامات نديرو
والماكلة لوليدي بديت نوكلو بعد اسبوع ولا غير يتقيا امبعد شيخي حلف قالي ماتزيديش توكليلو اتخيلي راني نرضعو برك

[أم يوسف2]

اليوم حمرت جاجة بق بق بق باااااقيق ومعاها بطاطا مممم
وشلاظة

[طيور الجنان]

مساء الخير عليكم.
امنية بصحتهم ضيافك العشاء و البريوش .انت كيما انا مانحبش نخدم و كاين واحد عند راسي خاصة كي يكون واحد ماشي متعودة عليه بزاف نخب نخدم و نحطلو ياكل ههههه. الماشطو نقليها في الزبدة هكذاك خضرا تدي ذوق بنين و نبقى نخلط حتى يتبدل لونها و نقليها مع اللحم عادي.
حيوتة يسقسي عليك الخير حنونة اليوم كانو عندي شغالات خرجت شريت حوايج شتاء للاولادكيما البيبي زاد في الصيف دوك لازمو تاع الشتاء. وليدك الله يبارك كبر ربي يحفظو و يفرحك بيه ان شاء الله انا وليدي دوك ثلاث اشهر و نصف.
مريومة بصحتكم الزيتون و الكسرة يشهو .انا تاني الكسرة لازم ناكلها دايما نحبها اكثر من الخبز.
سحابة يعطيك الصحة على الاطباق يالحبيبة ربي يدوم عليك النعم.
ام فاطمة والفتينا بالفطور يعطيك الصحة .
ام يوسف بصحتكم باق باق باق اذا تحتاجي اللي يعاونك فيها راني هنا هههههه

[أم رقية نسرين]

ملوكة انا بنتي ترضع طبيعي فقط مزال مبديتش نوكلها ربي يعينك و الله صعيبة عليك كي تولي للخدمة
حيوتة ليا الشرف ختي العزيزة علابالي راح تتهلاي في بنتي خخخخ ربي يحفظلك وليداتك و يفرحك بيهم
سحوبة شهيتك في الجنة ارواحي برك تشبعي زيتون و كسرة ههه
ام يوسف بصحتكم المحمر و المقلي

[أمنية غفران]

السلام عليكم أخواتي صحا عشاكم كامل

الأخوات الي بهاو الكوزينة يعطيكم الصحة كل وحدة باسمها

اليوم فطورنا كان كسكس ماصورتش ههههههههههه

و العشاء درت حساء عدس احمر و قطع دجاج في الفرن و هاد العشية خدمة تورتة الليمون يا بنات هادا وقتها باش ما يحكمناش الزكام احم احم










تحياتي

[طيور الجنان]

تفكرت ربي يشفي الاخت اسمهان و يعافيها عليها ماراهيش تدخل والله اطباقها في القمة ان شاء الله تبرا و ترجع لينا.

[طيور الجنان]

امنية صح عشاكم يامي يامي حساء العدس و الجاج محمر كيما يحب الخاطر و هاذيك طارت الليمون شكلها يهبل واكيد الذوق لا يعلى عليه يعطيك الصحة يالفحلة

[ام هدول]

سلالالام ...كيف الحال ...اولا استسمح ..فيفي لندن قرعجت على الكوا ليس ..وعجبتني البساطة والاناقة ونسسيت ها الصباح كي دخلت

[ام هدول]

بصحتكم واش طيبتو للبنات ...ربي يدوها نعمة ..تفكرت الزيتون والكسرة تع ام رقية ..اممممم ولغدة الخفوفي تع ملوكة ...وباق باق تع ام يوسف ...وحساء العدس والجاج محمر تع امونة المزيونة واتارت الليمون ...اممم ...وسحوبة تاني .لي طلت علينا اليوم راهي كي السحاب صح ..سعات تيان ..وسعات تغيب ..هههه.سحوبة درت للعشا تطبيق تع الجا ج محمر في الكوكوط ..كما درتي اننت ..واعطيتني الطريقة جا روووعة ..ودرت تطبيق .البطا طا محمرة في الفرن تع امينة غفران ..تههببببل ....يعني تطبيقين في تطبيق واحد من اروع مايكون ...
دك نحط الصورة بسيف صورتها ..الصحن الثاني برك ...خخخ
حقة حيوتة دك نحطلك تطبقي للبتزا تاعك علابالي ما شفتيهش ...

[ام هدول]

الجاج محمر في الكوكوط،،،طريقه سحابة بارده مع ديك الصلصة تاعو امممم،،شكرا سحابة ،،،،
رافقتو بالبطاطا محمره في الفرن لامينه غفران امممم،،،،جات رووووووعة ،،،،مشكورات عزيزاتي تعلمنا واستفدنا الكثير،،، من هاد الصرح

[ام هدول]

تطبقي للبتزا بعجينة حيوته ،،رافقتها الحساء الكابويا،،،شكرا حيوته ،،