الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 77

ام سهام 02 · 2014-11-10, 06:21

صباحك فل وياسمين اختي دائمة الحمد ليك وحشة عزيزتي

الأمنيات · 2014-11-10, 06:55

السلام عليكم واسعد الله يومكم
عن أبي هريرة - رضي الله عنه - أن رسول الله ﷺ قال : « من قال لا إله إلا الله وحده لا شريك له ، له الملك وله الحمد ، وهو على كل شيء قدير في يوم مائة مرة ، كانت له عدل عشر رقاب ، وكتبت له مائة حسنة ، ومحيت عنه مائة سيئة ، وكانت له حرزاً من الشيطان يومه ذلك حتى يمسي ، ولم يأت أحد بأفضل مما جاء إلا رجل عمل أكثر منه

أم ياسين الزهراء · 2014-11-10, 07:40

لا إله إلا الله وحده لا شريك له ، له الملك وله الحمد

oum ibrahim · 2014-11-10, 08:07

صباحكم ورد و سعادة و ذكر و عبادة
البارح كتبت رد طوييييييييييل عجبتني تطبيقاتكم للخبز ماشاء الله عليكم راكم مزهيين الكوزينة بصح الله غالب ابتداءا من الثانية زوالا المنتدى يحاوزني حتى صباح اليوم الموالي ههههههه تقول نشرة احوال جوية
ام سهام الخيبز خرجتيه تحفة فنية من ايديك ربي يعطيك الف عافية و بصحتهم الكتاكيت الي عندهم ام مثلك تدللهم
ام ريمة توحشتك و العرضة الي درتيها لسامي ماخلاتش فيا خااااااااااصة الشخشوخة الله يبارك تهبل بصحتهم و بصحتو سامي الدلال
ام رجاء زهرة ام ساجد ماشاء الله عليكم الخبز يهبل يهبل يعطيكم الصحة و يعطيها الصحة حنان على الوصفة
ام تاجو هاذيك عين شافت الكروكي نتاعك و ماصلاتش على النبي يهبل يهبل سخفتيني كون ماشي كنت نلبز كون رحت درتو ماعليش الجايات اكثر من الرايحات واقيلة راكي تتمسخري الخبز خرجلك هايل ايا ادخلي طمنينا
ام سراج الف مبروك لخوك ربي يهنيه و يزين سعدو و القاتو بلا ماتسقسي هاتي الوصفة و الخبز خرجلك هايل درك نشوفو استاذاتنا العزيزات هما الي ينقطو
اولادي هاذي غيبة وين راكي تغطسي اكيد مع جماعة البايسبوك هههههههه كما قالت ام الجود سلميلنا عليهم
او وسيم البركوكس يشهييييييي يسلمو و اصبري ربي يخلف عليك بدويرة تتهناي فيها و تنسيك الي فات
مرام العزيزة وشراكي ربي يشافيك و يعافيك ياااااااارب و كلامك صواب
جارتي العزيزة وشراكي عندي مدة ماتلاقيتكش لوكان غير جيتي نشربو قهيوة كيف كيف
بنات كاااااااااااامل راكم حراير هذا واش تفكرت و الي نسيتها ما تسمحليش تقولي باه نتفكرها ههههههههه
الي مازالت مافطرتش تستناني نفطرو مع بعض

oum ibrahim · 2014-11-10, 08:15

هذا بريوش ام اماني للعزايز علبالي يحبو الخبز اكثر من الحلوى هههههههه هذا من الارشيف اذا كتب ربي اليوم معولة نديرو للعشية

و للصبايات الي يحبو الحلويات هذا ملفاي بذوق الكراميل جاني امممممممم روعة احم احم حوحو ههههه بصح في اخر لحظة صرالو خلل تقني ههههههههه الشوكولا جمدت قبل ما نمشيها واااااااعتين ماعليش شعارنا لا يهم الشكل المهم الذوق و لا ياس مع الحياة و لا حياة مع الياس وراه وراه و الزمن طويل يا انا يا هو

اللهم بك اصبحنا و بك امسينا و بك نحيا و بك نموت و اليك المصير

الأمنيات · 2014-11-10, 07:52

عشايا تاع البارح بطاطه كوكوط بالدجاج والبيتراف سلاطه والبرتقال

أم ياسين الزهراء · 2014-11-10, 07:54

صباح الانوار
الامنيات نعمة دايمة الله يبارك فيك

البنات كلكن ماشاء الله ربي يزيد الخير

ام سراج ربي يهني ويزين السعد

ام محمد وين راهو الخبز هههههههههههههههههه

اليوم بكبوكة ومطلوع ان شاء الله

nihale89 · 2014-11-10, 08:08

صبااااااح الانوار يا حلوين
غدايا راه مودر حابة ندير حاجة خفيفة باه في العشا ندير خبز حنان بالشاورما

أم محمد تاج · 2014-11-10, 08:06

صباحووووو ياغالياااات وربي يخليكم على الشماتة يارب ههههههههههههههههههه
لبنات لي قالولي على لخميرة ماضنيتش فاسدة راني ندير بيها الخميرة وخبز الدار تهبل تهبل والماء مادرتش سخووون درت دافئ هاذ لاستوس ماتفوتش عليا احم احم وماخليتوش يخمر بزاف ياخاه جا مبوط ههههههههه ام رجا تعشينا بيه جا يابس حجرة فرديتو للميكرو اوند طرا شوي وفوتنا برك والحمد لله مرة تصيب ومرة تخيب
ام ياسوو فكريني في الخبز تاع العام لي فات لي درنا بيه حالة بالاك تاع ام برهوووم ولا والله ماشفيت ودرنا بيه شاوارما مممممم??????

استناوني يالقرعاجات نحمل صور خيبتي ونجيكم ههههههههه

oum radja · 2014-11-10, 08:07

صباح النووووووووووووور

scorpionoir · 2014-11-10, 08:10

عطر الله يومكم بالحسنات
وفرش دربكم بالخيرات
وجعل رزقكم كغيث السماوات
واسكنكم فسيح الجنات

oum radja · 2014-11-10, 08:11

يعطيكم الصحة كامل وسيرتو لي عجبهم تطبيقي
بصراحة الخبز خفيف بالزاف وهايل وحتى عزوجتي عجبها
ورايحة اليوم ندير ليها خبيزات مسوس ونخليهم في الكونجيلاتور وكل مرة نجبد ليها وحدة

باسم وبيسان · 2014-11-10, 08:14

اصبحنا واصبح الملك لله
راكم مدايييرين حالة فى خبز حنان وقيلا نجربوووو ولا واش قلتى ام محمد تاج
انا لبارح درت لغدة قوارب نينا11 جاو روعة وخفاف ومبنان روعة وعشيا درت بطاطا روطى وبقاتلى منها لغدة يمنعاش لعش كش مانديييييير

ام محمد و ملاك · 2014-11-10, 08:14

اسعد الله صباحكم اليوم غدايا عدس درتو يترنج باه نقشرو

scorpionoir · 2014-11-10, 08:16

صباحو يالغاليات بدون استثناء
المراجعة تاعكم صعيبة ههههههههههه. جهدي نراجع لبناتي ..بصح ام ابراهيم عطاتني كونت غوندي ههههههههههه
اللي حطت حاجة كل يسلمو ايديكي راني عارفة كلكم حراير ما شاء الله من كروكي وخبز الشاورما راني ناوية نديرهم بصح ما قعتش .وزيد عرضة وين ماقلتوليش ؟ نروح نسمشم عليها ونرجع هههههههه