الجزء29 من واش طيبتي اليوم؟ - الصفحة 77

رياحين الجزائر · 2013-09-30, 10:22

اقتباس:

المشاركة الأصلية كتبت بواسطة بريق الامل&

صباح الخير حبوبات
عشايا لبارح

رابط قاطو الطبقات من فضلكن سخفتوني

اممممممممم انموت على الزيتون بني الكبير توحمت على الزيتون خرجتلو في ذراعو خضرا اتقولي صح زيتونة ذ
يسلمو حبيبتي تاكلوه بالصحة

ام عبودة · 2013-09-30, 09:28

لهومة هنيتيني ربي يرزقك بالراجل المتدين والمترفه بزاااااااف باش عزوجتك ما تقول واااالوووو
بصح شحال من باطة درتي

إلهام07 · 2013-09-30, 09:32

اقتباس:

المشاركة الأصلية كتبت بواسطة ام عبودة

لهومة هنيتيني ربي يرزقك بالراجل المتدين والمترفه بزاااااااف باش عزوجتك ما تقول واااالوووو
بصح شحال من باطة درتي

هههههههههههههه ربي يعيشك
الوصفة تقول 200مل يعني 20 سل وأنت العلبة نتاعك واقيلا تهز 25سل لامانيش غالطة

انا شريت العلبة الكبيرة فيها 1/2 لتر = 50سل=500مل ، فرغت في الكاس المكيال وكيلت 20سل =200مل

إلهام07 · 2013-09-30, 09:34

اقتباس:

المشاركة الأصلية كتبت بواسطة بريق الامل&

صباح الخير حبوبات
عشايا لبارح

رابط قاطو الطبقات من فضلكن سخفتوني

تحوسي نتاع ام كوثر ولا نتاع zamilio ؟
أنا طبقت نتاع ام كوثر وهوما طبقو نتاع الأخت
هي العجينة نفسها بصح الكريمة ماشي كيف كيف

بريق الامل& · 2013-09-30, 09:41

اقتباس:

المشاركة الأصلية كتبت بواسطة omhadil

اهلا لقد طل القمر واخيرا بنتى بروقة واش هدا الغيبة حبيبتى
والله غير تواحشناك بزاف

ربي ينورك حبيبتي شكرا الله لا يغيبك الدنيا تلاهي

اقتباس:

المشاركة الأصلية كتبت بواسطة إلهام07

تحوسي نتاع ام كوثر ولا نتاع zamilio ؟
أنا طبقت نتاع ام كوثر وهوما طبقو نتاع الأخت
هي العجينة نفسها بصح الكريمة ماشي كيف كيف

صحيتي وقاتو اسبانيول تاع فلة فوود نظن كيف كيف ولا لالا
الي تقوليه انت نديرو
تخيلي هذ القاطو درتو ملي كنت نافيام اني:d

إلهام07 · 2013-09-30, 09:54

بروقة ههههههه على بالي بيك فحلة من الصغر قريت هذيك المرة أرشيف الجرئم المطبخية نتاعك راني مانهدرش هههههه ماتخافيش
ماجربتش قاطو اسبانيول راهو في بالي زعمة بصح هذا بنين تاخذي برايي ديريلو شكلاطة من فوق كيما أم محمد تاج يزيد يجي أبن ماذقتش الكريمة نتاعهم بصح الكريمة نتاع ام كوثر بنية كأنها نستلي
حقة انا جربت نتاع الامنيات ثاني مليح وأسهل تخدمي كل الطبقات مرة وحدة وتنحي عيلك بنين وخفيف وطري

طوكيو حطيلنا نشوفو انا ملي قررت نديرها وأنا حابة نلقالها فكرة نتاع تزيين وحوست البارح في قوقل لقيت نفس الشكل والو جديد

ربي يخليك نهال

ام إبراهيم قداش بيضة درتي واش من كرام باتيسيير درتي الداخل فاني ؟
نعطيك أفكار قاطوات اقتصاديين عليا :
الغريبية
قريوش الطاجين برزونتابل
صابلي الميرانق رايحة نهبل عليه
قاطو الطبقات
حلوة الرولي
قاطو اسبانيول نتاع فلة كامل يشكرو فيه
مربعات حلوة الترك نتاع ام اماني
صابلي النيستلي نتاع ام أماني

nihale89 · 2013-09-30, 09:32

انا نروح نسوج سوجة كيما نقول جارتي ههههههههههههه
رايحة ندير سوفلي مهبلني بيه زوجي ناض الصباح شرالي الحوايج وقال دريه

nihale89 · 2013-09-30, 09:35

لهومة هايل يعطيك الصحة علاه نضحكو
هذا ما زينتيهش وجاء هكا راكي وحدك

tokio hotel · 2013-09-30, 09:37

صباح الخير عليكم انشاء الله تكونو بخير وحدة فيكم ما طبقت الوصفة مليح انا طبقتها من قبل كانت ام كوثر حاطتها فى منتدى اخر شكلها رائع الا لقيت الصور عندى فى الارشيف نعاود نحطهملكم ما تزعفوش منى لبنات رانى غير نضحك معاكم تسلم الايادى

oum ibrahim · 2013-09-30, 09:38

الهام القاتو رووووووووووعة واش خصو و الله بدون مجاملة
حتى انا هزيت وصفة ام كوثر قلت نجربها
بنات دبرو عليا قاتوات نديهم معايا لوحدة زيدت و الله حرت حابة حاجة بريزونتابل و اقتصادية

oum ibrahim · 2013-09-30, 09:46

و الله يا الهام كلمة روعة قليلة فيها
خلطت المقادير و قسمتهم على 2 طيبت كل وحدة وحدها من بعد سقيتهم بمعجون مخفف بالعصير و درت بيناتهم شرائح موز و زينت بالشوكولا و خطوط قلاصاج راح عليا الحال زينتها بالزربة
راني وليت كيفك مانقدرش ناكل موسكوتشو ساك ههههه لازم نقلشوهههه
شوفي الهام هو ما يهدرش على الحاجة كي تعجبو بصح كي ياكل منها بزاف نعرف بلي عجباتو و ساعات كي يعاود يتشهاها يقولي ديريها كما درتيها هذاك النهار خرجت بنينة يعني التعاليق يخرجو بصح روتار ههههههه ماعليش المهم الرضا و بس

أم ياسين الزهراء · 2013-09-30, 09:51

صباح الانوار عندي الماكلى من البارح راح نزيد خبز الفوكيشيا والحمد لله

زهرة منبعد نحطلك وصفتي راني رايحة جاية على وليدي نوصل

البنات نعمة دايمة

ام محمد سخفتيني ان شاء الله نرقد الضربة ونديرها

بريق الامل& · 2013-09-30, 09:52

https://www.djelfa.info/vb/showthread.php?t=1123985
تاع ام كوثر وزاميليو فيهم الكاكاو في العجينة؟؟؟؟؟؟؟؟؟؟؟؟

بريق الامل& · 2013-09-30, 09:53

روعة ام ابراهيم والتزيين البسيط والعشوائي عندو لمستو ثاني ماشاء الله

بريق الامل& · 2013-09-30, 09:55

ام الزهرة شفت تارت الزهرة تهبل يعطيها الصحة تبان محترفة الله يبارك دير البرمة على فمها البنت تخرج لامها
وكل عام وهي بخير بنوتك الصغيرة ويا ربي تفرحي بهم في قرايتهم وفي حياتهم ككل وتشوفيهم عرايس متهنيين