موضوع مميز واش طيبتي اليوم؟؟الجزء 03 - الصفحة 76

ام لقمان02 · 2013-04-04, 14:45

سلام على كل الحبايب ان شاء الله طيبين موائدكم راه تشهى اللهم ادمه نعمة وحفظها من الزوال

اخت fatima fatima هاك وصفة الغراتان بطاط جزر قطع صغيرة وجلبانة ملحيهم وفوريهم حمري شوى دجاج قطع صعيرة وفي نفس الزيت حمري الخضار لفورتيه خلطي مع الدجاج زيدي عليهم البيض والجبن قطع والحشيش والملح والفلفل فرغي في بلا مدهون والي الفرن وزينيه بالبطاطا pure والزيتون

الوهرانية 1 · 2013-04-04, 15:16

مساء الانوار اخواتي الكريمات درت هاد العشية كرواصو وقلت نشاركم بيه

بالصحة قهوتكم لبنات

ام احمد وصال · 2013-04-04, 16:18

مساء الخير ياالفحلات انا اليوم ان شاء الله رايحة ندير للعشاء بيري على طريقة ام رامي وكدلك شرمولة تاع كبدة البقري و سلاطة كي العادة و كسرة

ساندي 28 · 2013-04-04, 16:33

اقتباس:

المشاركة الأصلية كتبت بواسطة الوهرانية 1

مساء الانوار اخواتي الكريمات درت هاد العشية كرواصو وقلت نشاركم بيه

بالصحة قهوتكم لبنات

واو هايل يا الوهرانيه ويشهي جا في وقتو يعطيك الصحه

الوهرانية 1 · 2013-04-04, 16:42

شكرا ام نجم ربي يخليك حبيبتي

الأمنيات · 2013-04-04, 17:50

اهلا بخواتاتي كل وحده باسمها
بروقه مرحبا بعودتك افتقدناك
هذه بعض الحلويات الي طيبتها امس والمنتدى ما حبش يفتح لي

هدي درتها لولدي رايح للجامعه تاعه

الأمنيات · 2013-04-04, 17:51

الغذا درت روز وسلاطه
والعشاء ان شاء الله الرقاق وعند البعض الشخشوخة ربي يدومها نعمه

أم محمد تاج · 2013-04-04, 18:25

الله يبارك أختي الأمنيات وبصحتكم الشخشوخة حنونة أنا درت جلبانة وقرنون محشي للغدا وبقات للعشا

ساندي 28 · 2013-04-04, 18:37

انا درت للعشاء رفيس الكسرة من بعد نحط الصور الامنيات حلوياتك رائعه النوع التاني هو بوسو لالا الله بارك عليك ام محمد تاج بصحتك القرنون مع الجلبانه حابه مره فقط نسييه لكن ولامرة توفرلي في المنزل ادا ممكن تقوليلي كيفاش درتيه هكدا نقدر نشريه ونطبق طريقتك وشكرا ليك حبيبتي

أنا أمهم · 2013-04-04, 18:38

تبارك الله كل موائدكم تشهي, ربي يدوم النعمة إن شاء الله

أمنياتي ربي ينجح وليدك و يفرحك بيه ( و الحلويات ما شاء الله روعة ربي يفضلك لصغيراتك) هذيكة غريبة ؟؟؟؟

touta2010 · 2013-04-04, 19:00

اقتباس:

المشاركة الأصلية كتبت بواسطة أنا أمهم

تبارك الله كل موائدكم تشهي, ربي يدوم النعمة إن شاء الله

أمنياتي ربي ينجح وليدك و يفرحك بيه ( و الحلويات ما شاء الله روعة ربي يفضلك لصغيراتك) هذيكة غريبة ؟؟؟؟

اليوم درت حلوة السيقار قولولي كيفاش ندير انا الحساسية

حكمتني وراسي نحسه قريب ينفجر

عطيت لولادي حبة حبة وقلتلهم والله ماتذوقوها حتى نصورها

راني عاملة عليها حارس

*أم كوثر* · 2013-04-04, 19:49

الوهرانية والامنيات حلوياتكم تشهي
توتة ياتوتة راني ساهرة ليوم باه نشوف لي سيقار
الباقيات صح عشلواتكم وربي يديم علينا النعم
انا طيبت شربو فريك وبوراك ممن بعد نوافيكم بالصور

ام احمد وصال · 2013-04-04, 20:22

مساء الخير عليكم جميعا وحدة وحدة هدا عشايا تاع اليوم بيري بطريقة تم رامي اممممممممممم روعة وشرمولة كبدة ايضا طريقة ام رامي وسلاطة والديسار سلاد دو فروي اللهم ادمها نعمة واحفظها من الزوال

ام لقمان02 · 2013-04-04, 21:05

بالصحة طيابكم حبايب انا درت للعشاء روز بصلصة الزيتون

~ حراير ~ · 2013-04-04, 21:11

مساكم بالخير و الهناء يا الحراير
علابالكم راني غالطة الي دخلت اليوم
ماكانش حقي خلاص ندخل

علابالكم علاه راني نادمة الي دخلت راني ماطيبت والو اليوم قلت نظف الفريجيدار من الأكلات الي فيه
بربوشة لحتها في مرقتها "يعني شخشختها" كيما نقولو احنا، شربة عدس سلاطة ماسيدوان وزدت عليه شوية كفتة
و كي دخلت هنا بديتها من بريوش الوهرانية لحلويات الأمنيات خاصة الأول المعسل و انا نشتي الحلويات المعسلة في الليل تنحي الدمار و تعب النهار
راني نكتب و ريوقي تسيل من السخفة
اختي توتة نقلك انا كي نحب نخبي حاجة على البنيات ندير كي ناس بكرييييييييييييييييييييييي
نخبي تحت السرير واحد ماتجيه فكرة بلي تتخبى الحوايج فم هيهيهيهيهيه