جزء 173 من واش طيبتي اليوم كوزينة احلى رفقة طيبة - الصفحة 75

oum islem · 2016-11-25, 00:12

عقدتي منذ الأزل لي ماكاغون وتجربة فاشلة مجددا رغم تقيدي بأدق التفاصيل

حتى أنا حبيت نروح لأبعد من الخيال والسحاب درت تحلية بكريمة الموز ولبيسكوي نوار وفلان كرمال مع الشونتيي

oum islem · 2016-11-25, 00:23

حيوتة فطورك وغداك وعشاك عندي وهدي التحلية لبنينة خص نص ليك

لبنات غسلت الماعن وفحفحت الكوزينة الله الله بواحد المعطر ريحتو تهبل وحتى القهوة وسجيتها
ليلة سعيدة للجميع
تصبحن على خير
وتهنيت ما نخممش في غدايا غدوا لي هو بربوشة

القاكم بكل خير
في أمان الرحمن وحفظه غالياتي

x ام رحاب x · 2016-11-25, 07:44

السلام عليكم ورحمة الله وبركاته
جبتلكم باه تفطرو الصباح
بوتي فور خدماتو بنتي البارح

هادا البارح خدماتو بنتي

x ام رحاب x · 2016-11-25, 07:59

ماشاء الله البارح كنتو مجمولين خسارة ماكنتش معاكم بصحتكم كلش فوووووووووووووووووووووووور من المالح للحلو الله ايكثر رزقكم ويحفضو من الزوال

البحر الصافي · 2016-11-25, 08:11

صباح الخييييييييير ام رحاب وكل الاخوات

x ام رحاب x · 2016-11-25, 08:17

ام الاء واش راكي حبيبتي مزال عندك الضياف وبصحتك واش اتعشيتي
ام ابراهيم عودي ساعة ساعة طلي علينا انقصرو معاك
ام هدول بصحتك الخرجة جيني نشيطة
ام اسلام ماتروحيش اقعدي معانا
اتفكرت ام يسرى القاورية ان شاء الله اتكون بالف خير
ام جوجو ربي يشفيك يارب ويرفد عليك الضر اللهم اشفيها وعافيها ماتنساوهاش اليوم كاين ساعة الاستجابة
رزيقة وكلوكتي رايحين نتوحشوكم اليوم
توبة مابنتيش كامل غير الخير
اريج الشاطرة وين راكي تغطسي

x ام رحاب x · 2016-11-25, 08:18

احلى صباح بحورتي الزينة واش راكي وبصحتك موضوع المحاجب في ميزان حسناتك ومشاركتك في المسابقة بصحتك كلش هايل

البحر الصافي · 2016-11-25, 08:18

ام برهوم وام اسلام روائع من يديكم تبارك الرحمن
ام اسلام العيش يقتل والرخساس تقول رخساسي ههههه
ام رحاب نتمنى صبحتي بخير سالتيني على التليتلي ونسيت نجاوبك
هو مرق عادي احمر مع حميصات طيبتو هاذي المرة بلحم البقر وفورت التليتلي باضافة الزيت
وكل تفويرة نرشو بالماءىونرجعو يفور التفويرة الرابعة نديرلو زيت وملح نصفي لاصوص ونجمرو عادي ونزوقو بالخضر لي عندي انا كنت طيبت معاه حبات جزر وغليت البطاطا بجيه وقليتها حبات كاملين وقليت فلفل وحتى اللحم قليتو وممطن اضافة بيض مغلي انا مدرتش امس هذا مكان

um alaa · 2016-11-25, 08:20

صباح الخيرات شفت خيرات ام اسلام باسم الله ماشاء الله تحف الله يبارك يا ريت تحطيلنا هديك للتحلية اللي بلي بودواغ
ام رحابو يعطيك الصحة على القهوة و بنتك ماشاء الله طالعة ليماها
بحورة صباح الخيرات
هدو لي قاتو لي درتهم لصديقة
باسم الله

البحر الصافي · 2016-11-25, 08:21

ام رحاب الله يسلمك انا شاركت في المسابقة كمشاركة فقط وليس للمنافسة من بعد انتبهت بلي فيها تصويت وانا منحبش هاذو لحوايج

um alaa · 2016-11-25, 08:22

x ام رحاب x · 2016-11-25, 08:23

بحورتي شكرا على التليتلي عجبني البارح ايشهي تسلم ايدك
ام الاء صباح الخيرات وربي يحلي ايامك كلش بالطبع تسلم ايدك ايديك يتلفو في الحرير يالحرة

البحر الصافي · 2016-11-25, 08:24

ام الاء صباح النور ويعطيك الصحة على الحلويات فووووور
ايييييييه نسيت البوتيفور تاع بنت الغالية مممم وثم مممممم
ربي يبارك ويصون فحلة بنت فحلة ا
ام رحاب قولي لبنتك قاتلك طاطاك الوصفةراهي تموت على البوتيفور

x ام رحاب x · 2016-11-25, 08:27

بحورة المهم حطيتي اكلة لبلادك تقليدية الناس تتعرف بيها انا والله مالهيت كنت حابة انشارك الكوزينة اداتلي كامل وقتي مرة اخرى ان شاء الله
ام الاء قالتلك بنتي تسلم ايدك كلش فوووووووووووووووووووووووووور الله ايبارك عليك

البحر الصافي · 2016-11-25, 08:30

ام رحاب وصفة البوتيفور تعيشي راهو يشهي
ام الاك يعطيك الصحة كون غير جيت في بلاصةصديقتك باه نذوق حلوياتك المتقونة ربي يبارك