الأخت yarasmin. 26 ترد على تساؤلاتكم هنا - الصفحة 74

mouhamed mou · 2012-09-28, 22:24

اللهم أنصر إخواننا المستضعفين في سوريا على من ظلمهم .قولو آمين

sofiane2075 · 2012-09-29, 09:10

السلام عليكم و رحمة الله و بركاته

اولا مشكورة على كل ماتبدلينه من جهود جعلها الله في ميزان حسناتك

اختي عندي اسئلة و نتمنى مانكونش كترت عليك طلبت مني وحدة صديقة نخدملها حلويات للعرس لي يكون يوم العاشر من اكتوبر هل نبدا من الان او نخلي غدوة او بعدو لاني خايفة ييبسلها مازال سخون الحال عندنا و اعطيني مقادير اكتر من 250حبة عرايش و مخبز و بقلاوة و نزيد حلوة الوردة و قاطو مايطيبش قوليلي ادا يكفيني الوقت

اختي شحال يخرج السني الطويل من حبة باقلاوة لانها طلبت مني نقطعها و نحطها في ليكيسات اما المدور للعروسة نخليه هكاك اسفة كترت عليك بارك الله فيك و اتابك الجنة شكرا

اي نوع لي نبدا بيه و شكرا اختي

rajaa mstafa · 2012-09-29, 12:06

الله يخليك الاخت أنا نعرف غي الميلفاي لي تقدري ديريه بلا بيض وانت على حساب تجربتك وخبرتك فهاد المجال ممكن توريلي نوع اخرمن التارت ما فيهش البيض سقسيت شحال من محل نتاع الحلويات وقالولي قاع فيهم ماعادا الميلفاي ميهمش لكان الكريمة نتاعها يكون فيها البيض المهم هي ميكونش فيها
بغيت نوضحلك سؤالي أكثر باش تردي علياpq نحناجها بزاف وان شاء الله ربي يفرحك

yarasmin26 · 2012-09-29, 15:56

اقتباس:

المشاركة الأصلية كتبت بواسطة sofiane2075

السلام عليكم و رحمة الله و بركاته

اولا مشكورة على كل ماتبدلينه من جهود جعلها الله في ميزان حسناتك

اختي عندي اسئلة و نتمنى مانكونش كترت عليك طلبت مني وحدة صديقة نخدملها حلويات للعرس لي يكون يوم العاشر من اكتوبر هل نبدا من الان او نخلي غدوة او بعدو لاني خايفة ييبسلها مازال سخون الحال عندنا و اعطيني مقادير اكتر من 250حبة عرايش و مخبز و بقلاوة و نزيد حلوة الوردة و قاطو مايطيبش قوليلي ادا يكفيني الوقت

اختي شحال يخرج السني الطويل من حبة باقلاوة لانها طلبت مني نقطعها و نحطها في ليكيسات اما المدور للعروسة نخليه هكاك اسفة كترت عليك بارك الله فيك و اتابك الجنة شكرا

اي نوع لي نبدا بيه و شكرا اختي

*مزال الحال على الحلوى
*مقادير الحلوى بكمية كبيرة تختلف حسب الحجم والسمك وكل واحد كيفاه ايدير ضاعفي الكمية لانه 250 حبة من كل نوع كبيرة واذا تلفتىلك عبري بغرفية الكبيرة تاع الشوربة تاع 4 اشخاص اجيك حساب وشوية
*سنوى البقلاوة الكبيرة تقطعلك حتى300 حبة اذا عرفتي كيفاش تقطعيها
*ملاحظة من الاحسن الحلوى حتى3او 4من الشهراكتوبر باه تخدميها لازم تقدم من4 الى5 ايام من قبل
لازم تشوفي 2 اشخاص ايعاونوك باه ترفدي الحلوى بلخف

*وكي تحبي تبداي ابداي بحلوى الي مطيبش

yarasmin26 · 2012-09-29, 15:58

اقتباس:

المشاركة الأصلية كتبت بواسطة rajaa mstafa

الله يخليك الاخت أنا نعرف غي الميلفاي لي تقدري ديريه بلا بيض وانت على حساب تجربتك وخبرتك فهاد المجال ممكن توريلي نوع اخرمن التارت ما فيهش البيض سقسيت شحال من محل نتاع الحلويات وقالولي قاع فيهم ماعادا الميلفاي ميهمش لكان الكريمة نتاعها يكون فيها البيض المهم هي ميكونش فيها
بغيت نوضحلك سؤالي أكثر باش تردي علياpq نحناجها بزاف وان شاء الله ربي يفرحك

مافهمتش راكي تحوسي العجينة بلابيض او الكريمة

sofiane2075 · 2012-09-29, 16:39

شكرا اختي الغالية على الشرح نتاعك الله يعطيك ماتتمناي ان شاء الله اما فيما يخص مساعدة انا عندي غير بنت وحدة و تخدم التلاتاء مساء و الجمعة و السبت صباح و عشية و ماشي بالدراهم هدية لانها كيما نقولو مولات خير بارك الله فيك و ربي يفرحك ان شاء الله الاخت حبتهم يكونو عندها في 7 اكتوبر و هي حابة حبات كبار كيما تاع العاصمة يعني تعمر العين لانه هنا في الشرق يديروهم صغار بزاف اسفة اختي كترت عليك شكرا

قاتلة الصهاينة · 2012-09-30, 10:26

بلييييييز أختي ياراسمين أعطيني وصفة قاطو بنيييين وباهي
وإذا عندك وصفة ناجحة لل ليروشي

rajaa mstafa · 2012-09-30, 10:51

اقتباس:

المشاركة الأصلية كتبت بواسطة yarasmin26

مافهمتش راكي تحوسي العجينة بلابيض او الكريمة

واه راني نحوس على عجينة بلا بيض

قالولي غي الميلفاي لي مفيهاش البيض

اذا تعرقي عجينة بلا بيض وريهالي ومشكورة

yarasmin26 · 2012-09-30, 11:43

كاين عجينة الصابلي بصح فيها 1 صفار بيض لانه كلهم فيهم البيض
1 كاس 1/2 فرينة+2 م ص سكر غبرة+1 اصبع+1/2 زبدة قطع صغيرة+1 صفار بيض باه تنتلم العجينة+2 م ك ماء
فرغي الفرينة +السكر +زبدة قطع وقرصيها بيدك اوديريهم في الروبو يترحاو مع بعض ثم لميها ب2 م ك الي ذكرتهم بالتدريج وكوريها وتوضع في كيس بلاستيكي وترتاح 30 د وكي تشكليها في السنيوى اثقبيها بالفرشيطة

أم هنيدة · 2012-09-30, 12:35

السلام عليكم أختي يراسمين لاباس عليك طهورا ان شاء الله

نعطيك وصفة للتخفيف من الزكام غلي كأس ماء ثم خارج النار أضيفي شرائح الليمون بقشوره وخليه ينقع قليلا ثم أضيفي له و2 ملاعق عسل حر واشربيه رائع للزكام عن تجربة بالشفاء عليك

ام عصام · 2012-09-30, 12:41

ربي يشافيك يا غالية يا راسمين

nokia111 · 2012-09-30, 16:04

الله يشفيك اختي يارا ياسمين من فضلك اختي كليت وحد القاطو هو صابلي ومن فوق بنت الليمون وانا نحب اليمون بزاف بصح منيش عارفت سقسيت قالولي هداك الجيلي ومانيش عارفة كبذيفاش نخدم بيها من فضلك يلا تعرفي قوليلي وشكرا لك مسبقا على الجهد

sarra5 · 2012-09-30, 18:48

yasmine jarabt lgenoise li hatiti la recete ta3ha wlh dert kima 9olti

mais majatnich khfifa jatni machi yabsa w machi khfifa

chrol mlek3A

hhh mana3raf ida fhamti wech no9sod

ana deja jarbat ta3 mama w tjini fort mais mafhemtch 3la ta3ak majatnich magre 3 malt wech 9olti

et en + mahatitich la levure khlas w ana hatitha 9olt balak nsiti

stttp 9olili 3lah majatnich khfifaa

ام عصام · 2012-09-30, 20:38

يا يا رلسمين يا غاية بنت الغالي شكرل ليك على شيى لراكي تقدمي فيه وراني جربت لمخبز واللمشكلة ولبنيون والله جاوني مشاء الله روعة

بنة وبهى باه نصورهملكم ملحقتش عليهم كالوهملي هههههههه المرة الجاية نعاود نخدمهم ونحطلك

وراها وحدة جارتي حكاتلي على وحد السابلي قاتلي يجي مدور ومايجيش حبة فوق حبة يجي حبة وحدة قيس 1 سم تقريبا

ومن الفوق تجي الشكولا لكن بشرط متسيحش على الجوانب وتجي فوقها مجموعة من المكسرات نودكاجو ولوز وبندق وجوز وقاتلي

لعجينة ميجيش فيها لخميرة وفيها غير الصفار البيض يا ريت لو تعرفي الوصفة مديهالي تعيشي

yarasmin26 · 2012-10-01, 09:22

اقتباس:

المشاركة الأصلية كتبت بواسطة nokia111

الله يشفيك اختي يارا ياسمين من فضلك اختي كليت وحد القاطو هو صابلي ومن فوق بنت الليمون وانا نحب اليمون بزاف بصح منيش عارفت سقسيت قالولي هداك الجيلي ومانيش عارفة كبذيفاش نخدم بيها من فضلك يلا تعرفي قوليلي وشكرا لك مسبقا على الجهد

هذاك الصابلي فيه الجولي بذوق الليمون هو سوبر كرام فيه انواع الاذوق وتصيبه عند اصحاب الي بيعو مستلزمات الحلويات 4 كلغ ب900 دج والقارورة ب770 دج وكل جهة كيفاه اتبيع في المبلغ وهو لذيذ الطعم