~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 74

سيرين 5 · 2016-05-16, 09:51

راح نحط الردود كامل هنا باش ما نكثروش الصفحات لي زيكونومي :d

سمراء الدنيا : يبارك فيك أختي الغفو الحاجة لي نقدرو عليها رانا هنا باذن الله ، و يعطيك الصحة على وصفة راس الحانوت بصح حاجات لزاف أول مرة نسمع بيهم ؟؟؟ و يعطيك الصحة على باقي الوصفات , بالنسبة للنشافة تجي شغل سربيته خفيفة بصح محاينها كبار تمسح حطة أنا لادال دو صول تاعي ماشي مليحة تعذبني قد ما تنشفي يبقاو لي تراس تاع الماء شريتو 210دج من البرانتو و تاع البوطاجي شريتها من مخل يبيع كامل الدوزان تاع الدار واقيلا 420 ولا 410 والله ما شفيت ماعليش سمراء الدنيا ما راحش تخلاص الدنيا كي راكي روطار روحي غير بلعقل و تفريها ان شاء الله قبل رمضان

أم صفصف : راني حطيت برنامج تاع الرضاعة لمى كنت نرضع مدتهولي الطبيبة باش ننقص 1800 سعرة فيه كلش باعتدال كيما قاتلي هي تتعلمي تاكلي درك نعاود نحطو بما أنو اليوم مخصص للتغذية

منال : طريقة ترقاد الفلفل كيما قالولك لبنات نفس طريقة عجوزتي مرة وراتلي كيفاش نخدمو كان عندي الفلفل الصغير شقيتو بالموس و حطيتو في قرعة و حطيتلها الماء و الخل و الملح و الثوم مسكرفج حطت عينك ميزانك ما كيلتش قولي قرعة 2 ل كي عمرتها فلفل حار حطت قولي واحد الكاس خل و م ك ملح و واحد 4 سنات ثوم و الباقي ماء

هناء محمد : ربي يحفظك شكرااااا

لجين:الجريوات هوما الكورجات أو القرعة تقدري ديريها ضولمة يعني تحفريها و تعمريها فيوندآشي أو داند آشي و طيبي لاصوص تاعك حمراء بالحمص و ترمي الجريوات فاغسي يطيبو في المرق و رشة معدنوس من فوق أو تقدري دري صوص طوماط و تمرقيها شويا و تحطيها بلا و تستفي الجريوات تاعك فوق لاصوص و تغطيها بورق أليمنيوم و إلى الفرن حتى طيب و حمريها مليح من فوق حطي عليها شويا جبمن الموتزاريلا المبسور و قدميها غراتان بالصحة و الراحة

أم البنين : بصحتك الشربة و طاجين الزيتون لي ربحتش بيه في المسابقة ههههههههه و صيامك في الجنة ان شاء الله أنا تان كنت صايمة و طيبت شربة فريك و درت بتزا كاري من بعد نوافيكم بالصور

أم ابراهيم الخليل أنا نقولك حاجة برك أعطيهولي فاهم ولا الله لا قرا ، هوما فاتوك في القراية ؟ أنت فوتيهم في التربية و الأخلاقو الشطارة و النقا

أم سرور : يعطيك الصحة راكي شاطرة الله يبارك ، واقيلا راكي عليا أنا لي درت الجلبانة و الحميس ... في الصاشيات هادوت الصاشيت دوخت السبع دوخات باش صبتهم يتغلقو صبتهم في آرديس و بالنسبة للصاشيات لي ما يتغلقوش تقدري تغلقيهم بالصكوتش ههههههههه عجبتني لي قاتلك بالبريكي أغلقيهم إذا درتيها بالاكي تلهب فيك النار

أم لينا والله نسيتك ما صورتو ما نقيتو مازال البارح كنت صايمة و ما عنديش واش نفطر ما كفانيش الوقت كي فطرت دخت ما درت والو خليت الكوزينة هكذاك و بصحتك واش فطرتي

أم متين : مممممممم غيرتيني بالقهوة و أنا راني صايمة

سيرين 5 · 2016-05-16, 09:58

اقتباس:

المشاركة الأصلية كتبت بواسطة حياتي كلها امل

"اهلا اختي سرين راح نبدا معاك انا الاولي
كيفاش نعرف بلى راني وصلت للوزن المثالي الي يناسب طولي راني عدة طرق كل واحد واش يقول.
اختي سمراء صباحك فل وياسمين كيفاش صبحو البنيات ان شاء الله يكونو ملاح.

شوفي الطول تاعك شحال ؟ مثلا إذا كان 1.65 يعني لازم تكوني 65 كيما أنا هههههه بصح أنا بنيتي كاملة يعني كي نكون سبعين راني هااااايلة
ما تبعيش لي سيت تاع الأجانب علاجال هوما يقيسوا على البنية تاعهم مثلا أنا يقولي لازم تكون 51 كلغ من المستحيلات السبع نكون 51 بزاف ضعيفة

سيرين 5 · 2016-05-16, 10:02

اقتباس:

المشاركة الأصلية كتبت بواسطة سمراء الدنيا

اليوم الكلام عن الاكل الصحي و كنت وعدتكم بالشربة هذاك النهار
هاهي الوصفة

قطعة دجاج منزوعة الجلد
خضر مقطعة صغيرة
فلفل + ملح+ كركم +قليل من الطماطم المصبرة

نضع اللدجاج و ملعقة زيت و الخضر و التوابل و نقلي جيدا و نمرق

لما طيب الخضر نرمي حبات شوربة فارميسال و نكه برشة كمون و رشة قرفة و قصبر او معدنوس

للتخلص من الدسم

هنا شوربتي ما فيهاش دسم لكن اذا عملتيها بلحم فيه شحم و خفتي من الدسم
جيبي قطع ثلح حطيها في مغرف الشوربة و مرريها على سطح الشوربة رايحة يلسق الدسم و يتجمد علة اسفل المغرف

يعطيك الصحة فكرة هايلة تاع قطع الثلج بارك الله فيك

سمراء الدنيا · 2016-05-16, 10:06

اغتنم الفرصة للتعمق في الموضوع للي طرحاتو الاخت جهينة على ما اعتقد و هو اضرار الدجاج
في قسم الماكولات كانت اخت طرحت موضوع عن اضرار اجنحة الدجاج بحثت عليه ما لقيتوش من للي قريتو هذاك العام بطلت ناكل اجنحة الدجاج و منقصين كثيرا من اللحوم البيضاء لانو الزوج يفضل الغنمي و يجيب على صديقو مربي الغنم و يذبح قدامو
كنت من قبل نشر فيديو في الفيس كيفاش ينفخو الدجاج حتى يبان كبير و ما عرفتش نحط فيديو هنا
لقيت هاذ المقالة جبتهالكم

هذه هي أضرار ومخاطر أجنحة الدجاج :

– في الوقت الحاضر ، يتم حقن الدجاج بهرمونات الستيرويد في أجزاء من الدجاجة وخصوصا الرقبة و الأجنحة وبالنظر إلى هذه الأماكن فهي تحتوي على أعلى تركيز من هرمونات الستيرويد التي يتم امتصاصه من بقية انحاء جسم الدجاجة ، وهذه الهرمونات يتم حقنها للدجاج للتسريع من نموها وزيادة وزنها في أقل وقت ممكن وهذه المنشطات والهرمونات لها أعراض جانبية مفزعة على الجسم البشري لأنها تسريع نمو الأورام كما أنها أكثر خطورة خاصة في ظل وجود الهرمونات الأنثوية لأنها يمكن أن تؤدي إلى تكون تكيسات المبيض أو الأورام الليفية الرحمية لدى النساء .

– وتستخدم هذة الطريقة لكي يكون هناك توازن في اعداد الدجاج التي يستهلكها المجتمع مع الاعداد التي في طريقها للنمو لكي تكون كمية الدجاج المستهلك لاينقص ابدا عن الاعداد المتوفرة والجاهزة للاستهلاك فاللجوء الى الحقن ماهو الا سبب حاجة المجتمع كلة الى تناول الدجاج ويتم حقن مادة الاسترويدس عادة في عنق الدجاجة او في جناحها ولذلك فان هاتين المنطقتين من جسم الدجاج تكون فيهما كمية مركزة من مادة الاسترويدس .

– هرمونات الإسترويد لها اعراض جانبية مفزعة على الجسم حيث انها تسرع من نموة كما انه يكون له اضرار كبيرة على الهرمونات الطبيعية الموجودة عادة عند النساء مما يجعل الرحم عرضة لظهور الاورام فية والتكيسات .

– العيب الكبير هو أن أجنحة الدجاج تحتوي على المزيد من الدهون أكثر من اللحوم ، و وجود الجلد يعني الحصول على المزيد من السعرات الحرارية والكوليسترول كما انها تكون أسوأ بعد قليها لانها تستمد أيضا المزيد من الدهون الضارة مما يؤدي الى السمنة وإكتساب المزيد من الوزن والاصابة بأمراض القلب والشرايين .

– مخاطر أجنحة الدجاج لا تقتصر على النساء فقط ولكنها تؤثر أيضا على النساء الحوامل وعلى اطفالهم الذين لم يولدوا بعد فقد وجد ان كثرة تناول أجنحة الدجاج بالنسبة للنساء الحوامل يؤدي الى اضرار لجنينها وخاصة الذكور منهم لانهم يولدون وتكون اعضائهم الذكرية ما زالت صغيرة او لم تكتمل نموها وذلك بسبب الهرمونات والمنشطات التي يحقن بها الدجاج وخاصة في منطقة أجنحة الدجاج التي تحتوي على تركيز عالي من هذه الهرمونات .

هناك دراسة أجريت قبل بضع سنوات على النساء اللواتي يتناولن الدجاج بكثرة وخاصة أجنحة الدجاج فقد وجد ان أبنائهم الذكور لديهم أعضاء تناسلية أصغر من الطبيعي . النساء الحوامل عليهم التفكير أكثر من مرة قبل تناول أجنحة الدجاج ، أو الدجاج بشكل عام بسبب هرمونات السترويد التي يتم حقنها بها والتي تؤدي الى اضطراب في هرمونات الجسم كما انها تؤثر على نمو الجنين .

كما ان الاجنحة ايضا تؤثر على الجهاز العصبى و تعمل على زيادة نسبة الكوليسترول فى الدم و تؤدى الى الشعور بالام اثناء الاخراج من فتحة الشرج و قد يصل الامر الى التهابات شديدة فى هذه المنطقة و قد يحدث نتيجة لذلك حرقان و التهابات شديدة مصاحبة بدم مع البراز .

سمراء الدنيا · 2016-05-16, 10:10

صباح الخير اخت سيرين كنت غير نستنى فيك ههههه بغيت نقولك اليك الخط هههههه
راهي عاجبتني بزاف روح التعاون للي راهي في الدورة باذن الله راهي من انجح الدورات .... نروح نطيب شاورما للاولاد و من بعد نرجع نشوف برنامج المرضع شوقتيني ليه

سيرين 5 · 2016-05-16, 10:13

البارح غير لحقت قعدت مع بنتي شويا بقات تبكي عليا مسكينة غاضتني حطيتها في المشاية تاعها و رحنا للمطبخ دوزنت شربا و حطيت لاصوص طيب تاع البيتزا و خلطت العجينة ، مرقت الشربة و غلقت عليها الكوكوط بصح ما غلقتهاش مليح كانت تنفس و ما شفتها جاتني الشربة خفيفة شويا و البيتزا جاتني مسوسة ههههههه نخليكم مع الصور كليت التمر بكاس حليب بارد

شربة فريك جاتني شويا خفيفة

بتزا قبل ما نطيبها

بتزا بعد الطياب ممممم

و هذا قلب اللوز بعتتهولي لوستي يعطيها الصحة

سيرين 5 · 2016-05-16, 10:19

اقتباس:

المشاركة الأصلية كتبت بواسطة سمراء الدنيا

صباح الخير اخت سيرين كنت غير نستنى فيك ههههه بغيت نقولك اليك الخط هههههه
راهي عاجبتني بزاف روح التعاون للي راهي في الدورة باذن الله راهي من انجح الدورات .... نروح نطيب شاورما للاولاد و من بعد نرجع نشوف برنامج المرضع شوقتيني ليه

صباح النور سمراء الدنيا أوكي راني هنا طول اليوم مقابلتكم بصح لعشيا ندخل للدار و الويك آند شويا صعيبة عليا ربي يقدرنا ان شاء الله نعاونو بعضانا و يعطيك الصحة على المقالة و بصحتكم الشاورما خبيلي شويا للفطور هههه
زلزااااااااااااااااال

حياتي كلها امل · 2016-05-16, 10:27

اختي سرين واحد المرة قريت واحد الجدول يوري الطول وما يناسبو من الوزن انا طولي1,67 لازم وزني يكون63وكيما قلتي انا كي نوصل 70نولي نبان نورمال.اختي سمراء على حساب ما قريت الان على الدجاج مناكلوهش او ماناكلوش الاجنحة ورقبة

حياتي كلها امل · 2016-05-16, 10:32

ياسرين والله كنت واقفة على البطاجي حسيت كلى زنزلة قلت وقيل انا دخت من بعد هي صح ربي يستر

سيرين 5 · 2016-05-16, 10:37

اخترت لكم اليوم وصفة الأرز بالحوت مممممم بزاف بنينة و صحية نخليكم مع الخطوات

1- في طنجرة صغيرة رابي طماطم + ثوم مسكرفج + عرف زعيترة + ملح + فلفل أسود + كمون + م ك زيت زيتون و نحطها طيب على نار قليلة

2- نحط قدر صغيرة بها ماء و شويا زيت كي يغلي نحط الأرز (من الأحسن الأرز الأسمر و لي ما عندهاش تستعمل الأبيض كيما أنا) + شويا زيت و نحرك
و فوق القدر نحط كسكاس فيها شويا جلبانة تفور

3- بعد ما يطيب الأرز نصفيوه و ندهنوه بشويا زيت زيتون

4- كي طيب لاصوص نزيدولها شويا فقط من الماء و نحط الجلبانة الفايرة و نحط قطع الحوت (أي نوع حوت عندك مغلون أو فيلي د صول...) و نخليها شويا تزيد طيب و نطفي

5- و قدميها بالصحة و الراحة

سيرين 5 · 2016-05-16, 10:45

اقتباس:

المشاركة الأصلية كتبت بواسطة حياتي كلها امل

ياسرين والله كنت واقفة على البطاجي حسيت كلى زنزلة قلت وقيل انا دخت من بعد هي صح ربي يستر

شفتي والله ربي يستر حنا حسينالها مليح رانا عاليين شويا :d

omelbanin · 2016-05-16, 10:52

حبيباتي سمراء وسيرين ،كي نلقكم تدورو هنا نرتاح شكرا على الوصفات، وسيرين كي قلت ما ربحتش في المسابقة ،بالعكس امهم راكي نفعت ناس بهذه الوصفة ،انا ولادي ما يحبوش طاحين الزيتون بصح الباراح طاحو عليه ،وفكرتيني راني درت الوصفات نتاوعك ،في التطبيقات ،وكاين لي يحوسو على الرابط وانا ما نعرفش .

omelbanin · 2016-05-16, 10:57

زنزلة ،مزية ما حسيتلهاش ،انا خوافة ،وراني غير وحدي ووليدي صغير .
حبيبتي سمراء ،بالنسبة لبنتك مريومة ،جربيلها هذاك الكاس لي يتغلق ممكن تشدو.

سيرين 5 · 2016-05-16, 11:19

يعطيك الصحة أم البنين راني شفت الكسرة خرجتلك هااايلة دورك أنا نحط الروابط و منها نضرب طلة يعطيك الصحة

آسيا 25 · 2016-05-16, 11:52

صباحكم ورد و عطور يا أحبتي راني روطار اليوم, راكم تحكيو على الزلزال يا لطيف العام هذا كثرو الزلازل في الجزائر ربي يستر