واش طيبتي اليوم?الجزء92 كواليس عيد الاضحى*** - الصفحة 72

x ام رحاب x · 2014-10-10, 13:36

ربي يخليك حبيبتي مرام على كلامك المعسل

chez biba · 2014-10-10, 13:37

ربي يشفي كل المرضى ويعافيهم يارب ويرفع الأذى على كل واحد ويحققلو ما يتمنى

ام هبوبة بصحتكم البربوشة

ام رحاب كلامك حلو ربي يحفظك ويبارك فيك

قمر 77 · 2014-10-10, 13:37

السلام عليكم
و احيرا خلصت شغل و كملت مراااااجعة يعطيكم الصحة وش حطيتو كامل ام ريمة قاطواتك هايلين ام ساجد كي العادة دائما في القمة و ربي يزين سعد اختك لينا و عطورة بصحتكم و بارك الله فيكم
جيادا فكرتيني كي توفى خويا و ما كنتش في البلاد و حتى واحد ما واساني مرضت عليها شهر بارك الله فيك اوقفي مع المخلوقة و لو بالكلمة الطيبة هذا اهم شي و احنا في البلاد ندو في هذ المواقف المادلين او كيك او gofre و الماكلة كيما قاتلك ام ماجد انا كنت خلاص متاثرة حتى قاتلك ام ماجد صوري ههههههههالله يحفظها قتلتني بالضحك
المبتدئة ومريام عيد ميلاد سعييييييييييييييد ربي ايكبرنا في طاعتو ام رحا ب زهرة ام وسيم مرحبا بيك كا رمن وش راكي بني رحيتلو اللحم مثوم رماه تحت الطابلة هههههه
ام نور الدين ما ديري والو غي بالك ربي خير او ديري الخير و انسايه تصيبيه يوم لا ينفع مال و لا بنون و زيد رانا قع خياتك غي المتدى يخي قاع نحبوك و اللي ما ذكرتش اسمها تسامحني ذوك ايجو من الصلاة نوجدلهم الفطور سلام

باسم وبيسان · 2014-10-10, 13:37

جمعة مبارك وصلاة مقبول وذنب مغفور انشاء الله ليوم ونضت من الفراش كنت فى حالة حتى طلعونى البارح للاستعجلات دربولى برا باه رتحت شوية ليوم بصحتكم ماقدرتش نشوف الصفحات بوكل وعطيكم الصحة

x ام رحاب x · 2014-10-10, 13:44

اقتباس:

المشاركة الأصلية كتبت بواسطة باسم وبيسان

جمعة مبارك وصلاة مقبول وذنب مغفور انشاء الله ليوم ونضت من الفراش كنت فى حالة حتى طلعونى البارح للاستعجلات دربولى برا باه رتحت شوية ليوم بصحتكم ماقدرتش نشوف الصفحات بوكل وعطيكم الصحة

لاباس عليك ان شاء الله واش بيك غير الخير ماتقوليليش ليستومة انا جوزت معاها نهارات الله لايشوفك

قمر 77 · 2014-10-10, 13:47

ام باسم و بيسان لاباس عليك طهورا ان شاء الله
ام مصعب ديري بابا بالاناناس نتاع شي بيبا راها في المدونة نتاعها روووووووووووووووعة راني ايد في الوجاد و ايد في الميكرو

أم ياسين الزهراء · 2014-10-10, 13:49

جمعة مباركة على الكل وربي يتبتنا ويقدرنا على الاجر اللهم امين

لبنات عندي عجوزتي مريضة بزاف ادعولها ربي يخفف عليها ويقدرنا على الخير والاجر

غدايا اليوم المفور مع بطاطا في الفور وكيطاب حمرتو في الفور وجا اممممممممممممممممممممممم والحمد لله

لبنات حمرتو مليح هكى يحبوه والحمد لله

قمر 77 · 2014-10-10, 13:54

ام ياسو بصحتكم المحمر اممممممممممممممممممم وش حكاية المفور في الكسكاس شفت عطورة دارتو و نسيت نسالها و ربي يشافي عجوزتك و يشافي كل مريض ااامين

chez biba · 2014-10-10, 13:59

ام باسم وبيسان لا باس عليك اختي ان شاء الله ما تشوفي شر، ربي يشفيك ويشفي كل المرضى

ام ياسين ان شاء الله ما يكون غير الخير ربي يشفيها ويخفف عليها ، بصحتكم لمفور تاكلوه بالصحة ولهنا

ربي يخليك اختي قمر شرف ليا كي عجباتك البابا تاعي، ربي يحفظك

x ام رحاب x · 2014-10-10, 14:00

مساء الخير قمر 77 واش راكي حبيبتي وصحة فطورك
ام ياسين بصحتك المفور راهو ايشهي بصحتكم ربي يشفي عجوزتك من كل سوء اميييييييين

ام فيفي · 2014-10-10, 14:02

مبروك الكوزينة و ربي يجعلها عامرة بالخير عليك ان شاء الله

قمر 77 · 2014-10-10, 14:07

ام رحاب يعيشك البارح حكيت لزوجي وش دار فيكم الجزار قالي اوسكتولو معول يضارب صابها فرصة ههههههههههه
شي بيبا و الله نتي اللي يعطيك الصحة راني معولة نفلي المدونة نتاعك برك كي ايروح الشيخ ربي يحفظك

أم ياسين الزهراء · 2014-10-10, 14:08

الله يسلمك ويحفظكم على الدعاء ربي يخليكم

قمر حكايتو حكاية ههههههههههههههههههه راهو كاين وصفات بزاف هنا اسفة ماعنديش الوقت نكتب وعيت سينو كنت نحطلك الطريقة وتقريبا الكل كيفكيف ونضن ام كوثر دارت موضوع عليه راهو بنين بزاف وصحي على الطايب

x ام رحاب x · 2014-10-10, 14:13

اقتباس:

المشاركة الأصلية كتبت بواسطة قمر 77

ام رحاب يعيشك البارح حكيت لزوجي وش دار فيكم الجزار قالي اوسكتولو معول يضارب صابها فرصة ههههههههههه
شي بيبا و الله نتي اللي يعطيك الصحة راني معولة نفلي المدونة نتاعك برك كي ايروح الشيخ ربي يحفظك

ههههههوالله غير عندو الحق اانا كان زوجي خدام وكان غير سلفي هو الي معاه يعني غفلو ودا كل شئء بصح راح عاود شرا راجلي البزلوف والدوارة قالي مايجوزش ايكون الكبش ناقص

قمر 77 · 2014-10-10, 14:14

شكرا ام ياسو مبعد نشوف في ملف ام كوثر الهام رجعت اشهر لصة و انا تخصص جوسسة ههههههههههههه