استفسار حول استدعاء المعفين 2008/2009

[kamalb]

يارب وفق كل خاوتي ويدو الاعفاء ان شاء الله

[عبدالرحمان7]

يــــا جماعة هل القضية كيف كيف مع الأطباء خريجي 2009ـ أنا قبلوا مني الملف في جوان و عطاوني سورسي حتى أكتوبر ثم جددوه لنوفمبر ومن بعد قالولي انتظر نخدمولك الاعفاء و نعيطولك، و في جانفي جاني الاستدعاء الأخير ، هل من أمل علما أني 29 سنة

[khiro08]

المشاركة الأصلية كتبت بواسطة hichame47

السلام عليكم يا لحباب
البارح رحت للمحكمة العسكرلاية بوهران ف النرسى الكبير
و قد جرى كل شئ بصفة عادية
دخلونا بعد التفتيش و الاجراءات تالروتينية
و من ثم دخلق عند قاضي الضبط و قلتلو عندي ملف كفالة و بدون اي عراقيل و بلاما يطولو علينا حوالي نصف ساعة فقط
قالي روح لقاعة الانتظار و درك ناديلك
منبعد عيطلي و قالي هاك الملف ديرلو نسخة طبق الاصل و جيبولي
كي رجعت اعطيتلو النسخة و الاصل و اعطاني رسالة موجهة الى الدرك و سورسي فيه شهرين و قالي بعد ما توصلنا التحقيق رانا نرسلولك استدعاء و رجعت للبيت العجيب لله الحمد
للعلم خاوتي كاين ناس لقيتهم تم عندهم خاوتهم كبار و ماشي متزوجين و ما عندهمش انفصال و كاين لي عندهم الكفالة لي يخدموها بالشهود و حكمو عليهم الملف و كل شئ عادي
المهيم لي يروح يدي اكبر عدد من الاوراق ممكن و الله ولي التوفيق و اذا كان عندكم اسئلة راني نخبر خاوتي
شكر كبير الى كل الاخوة و خاصة الاخ هاني و الخ محمد و الاخ صابر

انشاء الله تتديها وتفرح راهم مرمدوك بزاف

[mooon]

السلام عليكم
هل من جديد عن الناحية العسكرية 4
" بسكـــــــــــــــــــرة "
لأني رحت ليهم 3 مرات وهوما يديرولي تأجبل كان أخرها 12 مارس ؟؟؟
الخاص بإعفاء 2009
شكـــــــــــــــــــــراً

[H@liM]

بالتوفيق لكم

[brasport]

السلام عليكم ورحمة الله وبراكاته
اريف ان توضحوا لي الامر لقد تم منح بطاقة الاعفاء الخاصة بخرجي 2008 و 2009 هده الايام يوم 4و 5 افريل لدي صديقين تحصلا عليها لكن انا عندما ذهبت اليهم يوم 30 مارس مددو لي الاستدعاء الى29 افريل ما معنى هذا مع العلم ان حالتي مثل حالتهم وقد مدد لي منذ دفع الملف 6 مرات هل من توضيح ارجزكم .

[سعيد*الاغواطي*]

اخي انا رحت اليهم يوم 17مارس و اعطونييييييييييي
الإعفاء(الريفورم)
العاقبة ليكم.

[سعيد*الاغواطي*]

الامل الوحيد هو
* أحرق orde apelle الواحدة تلوى الاخرى حتى يأتي قانون و يعطول الاعفاء
اما ان كنت موظف لدى الدولة فيجب عليك ان تذهب كيما خاوتك و تعقبها
ربي سهل ان شاء الله.

[الصادق الناصح]

oui bien sur nchallah terfédha madame 9alék djib les foto sur rah ymédouhalék

[الصادق الناصح]

ana lbarah roht cheft la position ta3i kétboli fi wér9a p14

[دهنني]

السلام عليكم اخوتي انا يوم الخميس ذهبت اليهم للنظر في وضعيتي مع العلم اني من الناحية الاولى وبعد عناء تم منحي بطاقة الاعفاء واني خريج عام 2009 والحمد لله والعقوبة لاخوة لمزالو ونقلهم اصبرو الفرج اتي باذن الله سلام

[hamilton]

بصحتك يا اخي والعقوبة لينا

[فرج علينا يا رب]

انا متخرج في 2008. دفعت ملف اعفاء تاع المتخرجين 2008-2009 وفي كل مرة كانو يعطولي استدعاء. آخر استدعاء كان البارح. كيما رحت قالولي انت راك قريت في مركز التكوين حتى 2010. قلتلهم هاداك تكوين ماهيش دراسة و زيد كنت نقرا متربص برك يعني غير نهار واحد في الاسبوع. قالولي ما يهمناش. انت حبستي في 2010 و بالاك يحسبولك تصريح كاذب عاجال كتبت متخرج 2008. انا ما فهمت والو يا جماعة الخير افيدوني من فضلكم.
هل استطيع نعاود ملف تاع اعفاء كي يخرج اعفاء تاع 2010
مع العلم انني بدات اعمل و عن قريب راح اترسم ان شاء الله ولا اتخيل ان يضيع كل ما بداته

[أخوكم الصادق]

السلام عليكم، مبروك على الذين تحصلو على بطاقة الاعفاء نتمنى أن يفرَج ربي على البقية.

[brasport]

اولا مبروك عليك الاعفاء اريد منك ان توضح لي حالتك لاانني لحد الان لم احصل على الاعفاء انهم يمددون لي الاستدعاء فقط اخر مرة مدد لي الى 28 افريل 6 مرات من التمديد ولدي امر بالالتحاق في مارس 2011 وهو الاستدعاء الثاني مع العلم انا من الناحية الثانية