الجزء 183 من واش طيبتي اليوم كوزينة القلب الصافي و الذراع الوافي - الصفحة 71

أم يوسف2 · 2017-11-10, 14:23

اهلا حيوتة وملاك وامجوجو روحي للكوزبنات السااااابقة اضن تاع ديسمبر وجانفي تلقاي طيابي

أمنية غفران · 2017-11-10, 14:29

أخواتي اليوم فطورنا كان مردود او البركوكس اسماء مختلفة لوصفة واحدة احم احم

و جبت ليكم هدية تكريما لحرة من حراير الجلفة اختنا ام ابراهيم ربي يهنيها و يحفظها
جبت ليكم وصفة في صورة للامونة الي تحب ديريها راهي هايلة على ضمانتي احم احم تفضلن

ان شاء الله عشانا شربة بيضاء يمي يمي راني ميتة بالسعادة نموت عليها ههههههههههههههه

السلام عليكم

طيور الجنان · 2017-11-10, 14:51

صح غداكم.
ام فاطمة انا نحب اكل الدار ندي قاطو ام رخاب و الكيكة تاعك و نخليلك تاع عمي البولونجي هههههه.بصحتكم الكيكة تشهي و صح غداكم كل شي هايل وهذاك الجاج محمر كيما يحب الخاطر.
ام رخاب يعطيك الصخة على قاطو ابحلزون جربتو من قبل في عرس اختي.
امنية بصحتكم المردود يامي يامي يشهي مع النعار تاع اليوم وقتو.ويعطيك الصحة على الةصفة النصورة.
ام جوجو ايييييه يالحبيبة لمقرطفة احنا نديروها و نسميوها مقرطفة او مقطعة نديروها بنفس طريقتك برك احنا كي نطرحوها نديرولها السميد ماشي الفرينة و الباقي كيما انت ياعيني و ارواخي ذوقي البنة يعطيك الصحة.
مريومة صح غداكم ان شاء الله تاع ام اماني تبان ساهلة.
ام يوسف بصحتكم البطاطا والفلفة .
انا راني ديخانة كليت اللوبيا حتى شبعت يامي يامي درتها بالكرعين جات تشهي بصح نسيت ماصورتش خخخخخ.
حيوتة بصحتكم الكسكسي يشهي و التخلية تاني ربي يدوم عليك النعم يالفحلة.
ملاك بصختكم الكسكسي و الخضر.

أمنية غفران · 2017-11-10, 15:05

أختي ام يوسف انسيت سقسيتيني على الملوي شوفي ندير زوج كيلات سميد رطب بكيلة فرينة و كاين الي يديروه غي بالسميد فقط

اختي طيور بصحتكم اللوبيا يا سلام هاداواش يليق مع البرودة المردود الكسكس الشخاشخ يا عيني و زيدي اللوبيا شحال نشتيها كي نطيبها بالكرافس امممممممممم

oum islem · 2017-11-10, 15:45

السلام عليكم ورحمة الله

مساء الخيرات لكل الغاليات

والله معجووقة لشوشتي والله ما راجعت دخلت على السريع
راني مع مهرجان الثوم حبيت نسقسيكم على هاذ الجزء من الحبة قولولي إذا تستعملوه والا لالا

أنا بصراحة نستعملو خاصة مع البطاطا بكل أشكالها سمعت أنو مضر بالصحة زعما صح؟؟؟؟؟

جبتلكم شوية من الكيكة المجنونة العجيبة تطبيقي للغالية على قلبي الأستاذة أم أماني حطتها في المدونة آخر موضوع تهبل غير جربوها والله ما تندمو عليها فقط نصيحة ما تستعملوش الكاكاو الأسود يمد ذوق خلفي شوية مزعج الافضل ديرو الكاكاو الفاتح

أمنية غير نصيب شوية وقت راني ندخل

سلامي للجميع

أم رقية نسرين · 2017-11-10, 16:05

سلام صح غداكم انا غدايا كسكس بالخضر
حبيت ندير المبسس مالا شفت وحد هنا في المنتدى يجي مقليو معسل مالا درتها بصح منجحليش صح متفتحش في المقلة بصح جا مزيت وش درت زدتلو جلجلانية محمصة و درتو ف لي مول صغار و طيبتو في الفرن و عسلتو لي عجبها تديه لقهوة لعشية بصح للامانة راهو شوييي يابس ههه

أمنية غفران · 2017-11-10, 16:05

ام اسلام مرحبا بيك و طلتك تبهي الكوزينة يعطيك الصحة و مشكورة لمشاركتنا تجربتك ليكيكة حبيبة الجماهير ام أماني راني فرحانة بزاف برجوعها و حتى و ماجاتش للمنتدى معليش نروحو لها لمدونتها الحمد لله كي راهي بخير و هاد هو الصح و نتمنى اي اخت و انا اولكن
كي تشوف جديدها و تجربه تنورنا بيه و في ميزان حسناتكن حبيباتي و هي ربي يجازيها عنا بكل خير فنانة بجميع المقاييس الله يبارك

أمنية غفران · 2017-11-10, 16:09

مرحبا اختي طالبة صحا فطورك

و المبسس علاش جاك يابس بالاك رققتيه بزاف و السميد درتي الخشين و لا الرقيق ما نخبيش عليك انا نحبه بالدقيق الرطب و كيما يقولو الأكل أذواق

حطيلنا كيفاه درتي بالاك نلقاو الخلل احم احم

و الي حطيتيه راهو يشهي امممممممممممممممممم

RIMA.87 · 2017-11-10, 16:17

السلام عليكم اخواتي في الله ،
جمعة مباركة ،
فطورنا اليوم الطعام بالمرق و الخضار و الحمد لله،
بصحتكم كامل واش فطرتو و ما شاء الله عليكم و على اطايبكم الجميلة و المشهية و المغذية ،
ربي يبارك لكم و لنا في النعم و يرزقنا شكرها،
جبتلكم تطبيقي لقاطو الفلسطينية للاخت اسمهان ربي يحفظها و ان شاء الله تدخل في كوزينة الاخت امنية ،
حقيقة هادي مدة و حابة نجربو و ذكرتني بيه الاخت طالبة تاريخ ،اظن حطاتو البارح ،بصحتكم اختي خرجلك ما شاء الله و مشكووورة انك ذكرتيني ،
هشوش و بنين..ما شاء الله ،

في امان الله

أم يوسف2 · 2017-11-10, 17:05

راني درت بطاطا سوتي للعشا مع شلاظة

طيور الجنان · 2017-11-10, 17:08

امنية انا اللوبيا درتها بالكرغين مانيش موالفة نجربها بابكرافس يعني جي بنينة ؟ اذا بنينة المرة الجاية نجربها بيه شكرا على المعلومة.
ام اسلام حنونة يعطيك الصحة على الكيكة خرجتلك هاااايلة حتى مريم جربتها و شكرتها في ميزان حسانت ام اماني ان شاء الله.و الثوم انا هذاك ابجزء نحيه مانستعملوش بصح ماعنظيش معلومة اذا مضر او لا ان شاء الله يفيدوك لبنات.
مريم ابمبسس تاعك الشكل خرج رووووووعة و الذوق انت تحكمي بصحتكم.
ريمة بصحتكم قاطو الفلسطينية حتى انا درتو من قبل هااااايل خفيف و بنين.

طيور الجنان · 2017-11-10, 17:11

تفضلو درت كيكة مع الحليب تفضلو ذوقوها بالاكو تقولو ماشي بنينة هههههه

أم رقية نسرين · 2017-11-10, 17:45

تعيشي امينة ختي هذا من ذوقك انا استعملت الدقيق المتوسط صاحبة ااوصفة قالت عليه 4كيلات سميد بكيلة زبدة ذايبة و باردة و 2مك سكر حرش و بلتو بماء و ماء الزهر و انا صح درتو رقيق شوية للعلم انا جامي جربتو و معلاباليش كيفاه لازم يجي مشي معروف في منطقتنا
ام إسلام الكيكة خرجتلك فووور ماشاء الله
سعيدة راهي تهدر على روحها الكيكة تاعك خفيفة و بنينة بصحتكم
ريمة تعيشي ختي انا والله نموت على هداك القاطو ربي يجعلو في ميزان حسنات الأخت إسمهان و راهو جاك روووووعة بصحتكم

ام هدول · 2017-11-10, 19:02

يم يم ..الكيكات ديرين حالة..امممم
البارح ام رقية....وام فا طمه.واليوم...ام اسلام وطيرو..اممم بصحتكم....سعيده احكنا على الكيكة هي باينه بنينه
ريمه اممم قاطو الفلسطينية جربتو من قبل ..روووعة..قمة الروعة
بصحتك امونه البركوكس....واللمونه اعتمدت تع ام إبراهيم تجي خفيفه روعه وكنت طبقتها من قبل
حيوته...وملوكه..وشكون تانيدارو الطعام ....بصحتكم ...ربي يدمها نعمة..حيوته حتى انا عودت تحليه البنان وزتلها السكر..ونشكرو صاحبه الوصفة خلاتنا نجربو ونكتشفو ونتعلمو
ام جوجو اممم على لمقرطفه فكرتيني في يما لعزيزه وفي البرد..والنو.......جبيها عندي لهيك في موضوعي.....راكي معروضه بيك
بالوصفه

ام هدول · 2017-11-10, 19:04

امونه المزيونة...انتضري تطبقي...
سلااام