~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

راني روطار بزاف في التنظيفات موالفة هاذ الوقت راني مكملة كلشي و باديا نشري ملابس العيد نتاع الاولاد ما فيا ما نخرج في رمضان و لساني يدلدل ههههه .... ماعليش رايحة نخلي المشتريات لما نسافر للطبيب بعد ما ترتاح ملاك و مريم

و يبقالي المناطق الساخنة كويزينيار و الثلاجة و الجدران تنظيف عميق (ربي يقدرني)

[فراشات العمر]

سمورة نجي نعاونك بالمناسبة انا كي نروح للناس والله بنت لمرا ما تلحقني يقولو وين لقيتو هذي لعروسة هههههههه
راني كتبت المقادير تاع راس الحانوت كاين سءال لما نداوي المرقة تاع شربة الفريك قداه ندير ونستغنى على التوابل لخرين ولا كيفاه

[manel 16]

وحدة فيكم ما شافت طلبي اخزرو فييا درك نبكي اااااااااع اااااااععع

[فراشات العمر]

المشاركة الأصلية كتبت بواسطة manel 16

من فضلكن حبيبتتي طىيقة ترقاد الفلفل الحار تبحرتلي الوصفة الرائعة الي كانت عندي

مانعرف نرقد مانعرف نوض اصلا المخللات نادرا وين ناكلها نهار نكزن مقريبية تنحي الصماطة تاع المرض

[حياتي كلها امل]

انا عجوزتي ربي يحفضها ترقد الحار بهذه الطريقة تقطعو دواءر واحد كيلو حار ثم دير لو واحد كاس ونص خل وتحكم الماء ودير فيه الملح وتحطو فوق النار وتخلط حتى يذوب الملح ويسخن الماء ديرو فوق هذاك الحار مع الخل ودير من الفوق شويا زيت وتغلق مليح وتخليه واحد ثلاث ايام تبدا تستهلك فيه وتحطو مباعد في الثلاجة مور مايترقد انشاء الله تكون فهمتيني .

[حياتي كلها امل]

الصاءمين ربي يتقبل منكم ولاتنسونا من دعاءكم ولكم بالمثل ولي والدينا واولادنا صح فطوركم

[فراشات العمر]

انا عدوة ان شاء الله نصوم شكون تصوم معايا بالمناسبة انا ام مرضع

[hanamohamed]

أسأل الله العظيم رب العرش العظيم أن يشفي اولادك سمراء
اللهم خذ بيدهم اللهم احرسهم بعينيك التى لا تنام .
اللهم البسهم ثوب الصحة والعافية ولجميع مرضى المسلمين عاجلا غير اجلا يا أرحم الراحمين
روعة راس الحانوت لحطيتيه ونسالك على الحلبة منقدرشو نضيفو القليل تجي بنينة اولا
سيرين منورتنا في هذه الدورة والله ان شاء الله يبارك فيها

[جهينة اليقين]

شكرا شكرا ليك يا سمراء على التوابل لكن وصفة الحشايش ما خرجتليش وما قريتهاش الله يشافيك ويشافي الاولاد امين

[حياتي كلها امل]

ام لينا اذا قدرني ربي غدا نصوم

[loudjaine]

المشاركة الأصلية كتبت بواسطة سيرين 5

أعيد تحميل جدول تنظيم الدورة المقترح ل2016 حتى نكون مدبرات منزل ناجحات

السلام ما دام غدوة البخ الصحي الله يسترك كاش روسات بنينة للجريوات و صحية

[omelbanin]

اليوم كنت صائمة ، هاهو فطوري،شريبة،وطاجين الزيتون نتاع سيرين ،وانشاله غدوة تن نصوم.يااارب اتقبل منا ،ااامين

[loudjaine]

المشاركة الأصلية كتبت بواسطة سمراء الدنيا

السلام عليكم و رحمة الله و بركاته
اهلا بسرين و اروى و حبيبة و كل الفراشات
حشمت منكم كل يوم نقول تتعدل الامور و نعدل الصفحة الاولى و نشاركم النقاشات و الله غالب
مرضت بنتي ملاك البارح في الليل و ابوها غايب ديتها للسبيطار راح تموت من الحمى لقاو عندها ليزوغيون ليل كامل و هي في حالة ..... الصباح رحت لمعلمتها باش تاخرليها الاختبار حتى ترتاح و جيت للدار درت لغدا يطيب و نقصت عليه و ديت مريم للطبيب 2 سوايع و انا واقفا على رجليا و عاودت ساعة و انا واقفا في الصيدلية و الله ما جيتش ندخل للدار حتى قريب طحت من طولي ..... قبيل رحت جبت ليزاناليز نتاوعي للاسف ما خرجوش ملاح و راني نخمم شكون الطبيب للي نروح عندو من قبل كنت نروح لتلمسان و مع وجود مريم ما شكيتش نقدر نسافر (ان شاء الله ربي يحلها من عندو)
سمحولي دخلت ليكم بالشكوى

السلام على سلامتك ما تقلقي روحك ما والو القواتر والله نص الشعب مريض بيهم راهو بيهم ...الدواء فقط الا بديتي بيه راه مدى الحياة لكن كي تشربيه راح تختفي كامل اعراض المرض ....انا نصيحتي داءما لازم 2eme avis راي الطبيب الثاني مهم ...ربي شافيك ان شاء الله ...انا داءما نقول للمرضى اي مرض راهي عطسة قدام مرض السرطان ...كل حاجة عندها دواء العبد يحمد ربي عليها ..
و العبد المؤمن يبتلى ...الصحابة كانو يبكيو كي طولو ما يمرضوش .
اللي كتبها ربي راهي اكيد فيها الخير

[loudjaine]

المشاركة الأصلية كتبت بواسطة ام صفصف

عندي سؤال حباباتي
تعودت على الاكل الصحي منذ مدة واصبحت لاطاي روعة خصوصا البطن البارز اختفى وجعت الثقة بالنفس في اللباس
لكن حصل حمل مفاجئ ومع الرضاعة اصبحت كسابق عهدي لاني نخاف الا يكفي الحليب من منكن رضعت وحافضت على القوام تنصحني

هههه حكايتي كي نولد الرضاعة دير فيا حالة نظل ناكل نحبس الرضاعة ندير ريجيم نعاود نهز مسلسل ثلاث مرات يتعاود...

[omelbanin]

راني حايرة فيكم ،انا العكس كي نكون نرضع نشيان ، وليدي عندي شهرين ملي حبستلو الرضاعة راني ضرك نعس في رو حي باش ما نشرتلش.
سمراء انا كيما انت تقطعيني ما نخرجش في رمضان ،نكسي ولادي في شعبان .