وصفات حراير الكوزينة الجزء الثاني - الصفحة 71

idron0 · 2015-09-03, 20:40

بينيي تع البطاطا و الباذنجان ام وابنة

علابالي يعجبوكم لاني متاكدة بانو الاغلبية يعانيو كيفي مع اولادهم و ازواجهم ما يحبوش الباذنجان
قعدت نخمم كيفاش نكلخ لهم و الحمد لله النتيجة هايلة و ما يبانش الباذنجان
قشرت الباذنجان بش ما يفيقولوش و قطعتو حلقات و قليتو في كمية قلييلة من الزيت و نشفتو
قطعت البطاطا حلقات و قليتها مليح بش ما تجيش مزيتة و قطرتها من الزيت

إضغط هنا لرؤية الصورة بحجمها الطبيعي.

خلطت علبة طن مصفية من الزيت مع خليط حشاوش و ثلاث حبات فاش كي ري و موزاريلا مبشورة و قرويار مبشور و ما عملتش لا ملح و لا توابل

إضغط هنا لرؤية الصورة بحجمها الطبيعي.

حطيت كمية من الخليط فوق قطعة باذنجان و حطيت فوقها قطعة بطاطا و ضغطت بيدي بسرعة تلصق

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

كي كملت الكمية مرغتهم في بيض ثم في شابلير ثم قليتهم بسرعة في زيت سخون بش يتحمرو و يتقرمشو و ما يشربوش الزيت

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و هاهي النتيجة

إضغط هنا لرؤية الصورة بحجمها الطبيعي.

يجو هايلين مع مرقة بيضاء ثقيلة اما بالدجاج و الحمص او الدجاج و الزيتون او حتى الفطر و يتسقاو من الفوق برك كطبق عائلي لذيذ.

idron0 · 2015-09-04, 11:44

حلوة القفريط الرجاء الاماني المجد

من اختراعيالمقادير 2حبات بيض كاس سكر رطب كاس مايزينة 1خميرة 150مغارين فنجان زيت لافاني الفرينة التحضير ضعي الزبدة وخلطيها بيدك ثم اضفي السكر ثم المايزينة ثم البيض ثم لافاني والخميرة ولمي العجينة بالفرينة وما تيبسهاش وكسلي العجينة هكدا ودري اشكال بهدا الطابع وخليها اتطيب في الفرن وكي اتطيب خليها تبرد وذوبي الشكلاطة وزيديلها شويا حليب وغطسي في الشكلاطة ثم رمديها في القفريط مرحي وشهية طيبة للامانة هده الوصفة وجدتها في الفيسبوك ولكني درت تعديلت الوصفة هديك مفيهش الزيت والزبدة انا نقصت هم ديرين 250 وانا درت 150 وكدلك الشكل هم دروه باليد وانا بطابع وصدقوني ايذوب في الفم .
.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

idron0 · 2015-09-04, 19:57

بطاطا فى ال****طة تاع 5دقيق fadila34

تحطي البطاطا مقطع بطول كما شوفتها +ملح+كمون كثري شوية+فلفل اسود+فلفل احمر+طماطم علب+الكسبروالثوم ليحطيتهم خلاطي الكل مع بعض اذا عندك الجاج تبليه وحطيه هو الاولفى ال****طة وباقى التوابل حكيهم مليح فى البطاطا وفرغيها فوق الجاج وزيديلها كاس ماء وشوية زيت واغلقي ال****طة واذا معندكش الدجاج زيدي وحدا جانبو وكملى بنفس الطريقة وحطيها فوق النا قليل مدة ربع ساعة توجد .

إضغط هنا لرؤية الصورة بحجمها الطبيعي.

idron0 · 2015-09-04, 20:03

الكسبر والثوم معجونين fadila34

نرحيو الكسبر ونرحيو الثوم و الملح+الزيت وندلكهم مثل الرفيس ونحطوه فى بيدوان او برتمونجي ونخبيوه مدت عااااام كامل ندويو بيه الكسكاس او العيش او الشخشوخة.وكم بغيتي تخليه فى الثلاجة او خارج الثلاجة مام تفتحي العلبة ما يسرلو والو.

إضغط هنا لرؤية الصورة بحجمها الطبيعي.

idron0 · 2015-09-04, 20:16

بطاطا في الفور ام سارة18

الوصفة بسيطة تحتاج الى المعدنوس او الدبشة الفلفل الاسود الفلفل الاحمر التوم مرابي الملح هريسة موطارد زبدة وادهني الجاج مليح خليها ساعتين او تبات ليلة كاملة
في بلاطو ديري 2 سنات توم بالقشورمغسولة رند زعيترة وفنجان صغير ماء (والا تحبي زيدي مكعب جومبو دجاج مبصح نقصي الملح في التتبيلة)
وحطي الجاج والى الفرن وساعات ساعات اسقيها بالصوص نتاعها
قطع البطاطا ماشي رقيقة واقليها نصف قلية وكيطيب الجاج قلبيها الجهة الاخرى وكيتقرب طيب نحط بصلة مقطعة هذا اختياري تدبال والطماطم مقطعة دوائر ايضا
كي يدبالو شوية نحي الجاج والبصل والطماطم وصفي الصوص من التوم والرند والزعيترة
ثم حطي الطاطا تتشرب الصوص والبصل والطماطم والجاج باش تتحمر(انا هنا مزروبة ماخليتهاش تتحمروالبطاطا ماتملحوهاش سينو تجي مالحة).

إضغط هنا لرؤية الصورة بحجمها الطبيعي.

fadila34 · 2015-09-04, 20:28

شكرا اختي ادروان على المجهود ربي يخليك

idron0 · 2015-09-04, 20:32

التاي oum islem

غلي 2ل ماء ملييييح نحي منها كاس كبير اغسلي بيه فنجان تاي بواسطة مصفاة
قطريه جيدا ورجعيه للماء المغلي حركيه وخليه على نار هادئة جدا مع تغطية الاناء
حوالي 30 الى 40 د يبقالك حوالي لتر ونصف تاي صفيه
وخليه يهدا شوية تخلصي من الراسب لي في الاسفل
في اناء اخر ضعي باقة من النعناع الجاف او الطازج وفنجان سكر او اكثر حسب الذوق
وابقاي تقلبي في التاي من اناء الى اخر مع رفع اليد حتى تتشكل رغوة صفراء ذهبية كثيفة
عاودي سخني التاي اذا برد وحطيه في الابريق مع اوراق نعناع
واستمتعي بالذ تاي.

idron0 · 2015-09-05, 10:36

الماييونييز بالفرماج yasmalak

الماييونييز ساااهلة شوفي ديري 3 حبات فرماج والا شعال حبتي وملح وفلفل و شوية موطارد وكاس تاي حليب انا بلا الكاس ندير وخليييط و خلطيييهم باش يتجانسو و يتقالو و ابداااي تزيدي الزيت هي نورمالمون كل كاس حليب يديلك زوج كيسان زيت و هكا تجيييك عااااااااااااااااقدة .

idron0 · 2015-09-05, 11:21

وصفة البيسكويي lyzzabel

ضربي بالباتووغ 2 حباات بيض مع كااس تااع قازووز سكر ،، ضربي ملييييييح حتى يبيااض الخلييط و ضييفي لاافااني م ص و نص كااس زييت و ضربي و كااس حلييب و ضربيي و عصيير نصف ليموونة و ضربيي و نصف كااس ماايزيينة و ضربيي خخخخخ ما تحبسيييش التضراااب و زييدي 2 بااكييات خمييرة الحلوياات مخلطة مع 2 كيساان فريينة و خلطيي بالملعقة الخشبية ،، و فرغيي في موول مدهوون و مرشووش بالفريينة و طيبيي في فرن مسخن مسبقاا على درجة 180 و بسسسسس

الموول ما لقييتش بااش نقييسه درك نحطلك الصوورة تااعه

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-09-05, 11:28

بالميي oum Habouba

خدمت لابات فويتي نتاع ام رويدة ومن بعد حليتها رقيقة ثم درت عليها شوكولا مينا مرابية وقطعتهم شرائح ولا مستطيلات وروليتها ورجعتهاللثلاجة ثم دخلتها في فرن ساخن وشوية نقصتلها باش تطيب من الداخل ودهنتها بالعسل.

إضغط هنا لرؤية الصورة بحجمها الطبيعي.

idron0 · 2015-09-05, 11:54

لوبيا خضرا سوتي بالثوم والفرماج om kamilia

تفوري الوببيا ولاتغليها في ماء مملح كي تطيب قطريها مليح , من جهة في مقلة ديري زبدة و لآ ماغارين من الافضل رابي الثوم قيس كمية اللوبيا خليها تتقلى شوية في الزبدة ضيفي فلفل اسود ولا مخصوصة ملح زيدي رشة خفيفة وزيدي اللوبيا وقليها في نار قليلة يعني تتجمر زيدي رشة سخية معدنوس مقطع مع عرف كسبر مقطع وززيدي الجبن لا فاش كي كيري من الاحسن قطعيها صغيرة على حساب الكمية نتاع اللوبيا يذوب الجن وخلطي و شهية طيبة تقدم مرفوقة بستيك و لآ اسكالوب الدجاج كما حبيتي.

إضغط هنا لرؤية الصورة بحجمها الطبيعي.

idron0 · 2015-09-05, 12:06

وصفة العصباان lyzzabel

بعد ما تتنقي الدواارة يعنيي الكرشة تكرطييها مليييييح ملييح حتى تولي بيضاا مشي كيما رااس لقرع هههه و المصاارين نغسلهم ريكتو فاارسوو و نحطهم فالخل و الملح و من بعد نشللهم ملييييييييييح و نقطرهم و الرية نعمرها ملييييح بالمااء و نخوييها و نقطرهاا ملييييح و نقطعهاا قطع شوية كباار ما يهمش و نغسل ملييييييح طلااقة النساا و لرطب خخخخخخ ،، نغلييهم فالمااء مشي حتى يطييبو نقطرهم ملييح و نخلييهم يبردوو ،، إلا الكرشة ما نغليهااش خااطرش نعمر فييهاا ،، نحط فالروبو قااع الصواالح لي قلت علييهم (إلا الكررررشة) و نطحنهم شوية مشي حتى يولو رويينة خخخخ يعني يولوو اطرااف صغاااااااار ،، لااكاان الروبو ما يرفدش كلشي في خطرة نطحن على مرتيين ،، نحطهم في وعااء كبيير شوية و نضيفلهم حبة بصل متوسطة مقطعة قطع صغيييييرة و رااس ثووم تااني مقطع رقيييق و كمشة صغييرة رووز و ربطة صغييرة قصبر و ربطة صغييرة معدنووس مقطعيين رقيييق و الملح ،، الفلفل الأسود ،، الفلفل الأحمر ،، رااس الحانووت ،، شوييية كموون ،، كمياات التواابل حسب كمية الدواارة ،، و نخلط كلشي ملييييح و نكوون وجدت الكرشة على شكل أكيااس و نعمرهم و نخيطهم نتحصل على العصباااان خخخخخ نطيبووه فالمرقة تااع البركووكس او الطعاام او وحده فالمرقة تااع الجوااز بالبطاطاا بصح انا ما ندرييهش فالجوااز

لي ما عندهااش الروبو تنجم تقطع المكوناات بالمقص قطع صغييييييييييييييييرة جدااا بدووون ما تغلييهم فالمااء بصح هدي الطرييقة تشد اليد و متتتتتتعبة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-09-05, 15:51

كرم محشي ام سارة18

تغلي اوتفوري الاوراق ومبعد الحشو كيما تحبي لحم مرحي ارز معدنوس توابل تحشيه ومبعد نديروا في البيض باش يجي لونوشباب ونحمروا شوية
نجيو للصوص موالفة ندير عظم لحم او جوانح الجاج اللي كاين عندك اليوم درت اللحم المرحي بقالي شوية
ديرتو بولات حمرتو شوية في الزبدة وشوية زيت ماشي بزاف ومبعد بهاداك الزبدة رابيت البصل ودبلتو فيه وزيت الطماطم المركزة واللي يحب صوص خاترة يدير الحب بلا ننسى شوية ملح فلفل ونزيد الماء حسب العدد ديلك نتاع الكرم
في بلاطو حطي الكرم المقلي وزيد الصوص والى الفرن
نسيت نقولك كي نديروا بالجاج ديري الحمص معاه للتزيين انا مكسرتش راسي بالحمص.

إضغط هنا لرؤية الصورة بحجمها الطبيعي.

idron0 · 2015-09-05, 15:54

ميل فاي بذوق الليمون ام سهام 02

رطل بات فويتي اقسمتو على 3قطع وكل قطعة حليتها رقيقة وثقبتها بالفرشيطة ودرت اطيب حتي تحمار هكذا حتي كملت مع القطتين الباقيتين

الكريمة 3كيسان حليب و5مك سكر و3مك ميزينة و1مك فلان فاني عصير ليمون
في كسرونة انحط كامل المكونات بارد في بارد و نديرها على متوسطة نحرك حتى تعقد نحيها ماالنار ونضيف لها 2مك زبدة طرية و نغطيها ببلاستيك بحيث يلامس الكريمة باه تتكونش قشرة ونخاليها تبرد في الثلاجة بعد ما تبرد تكون جامدة نضربها بالباتور حتى تخفاف

التزيين وهي كريمة الليمون السبق ودريتها في كيكة الليمون وهي عبارة عن

2حبات بيض +100غ سكر ناعم وعصير وقشور ليمونات و50غ زبدة طرية الكل في كسرونة فوق النارمع التحريك المستمر بدون انقطاع حتى تعقد ننزعها من على اللنار و نصفيها بالصفايةوانديرها في الثلاجة تبرد

وعند التزيين انقص 1مك كبير من الكريمة ونضيف لها الكاوكاو و نزين.

إضغط هنا لرؤية الصورة بحجمها الطبيعي.

idron0 · 2015-09-05, 17:10

البكبوكة om joujou

بعدما تنظفي الكرشة و الدوارة مليح حطيهم في الماء و خليهم يغليو شوي فوق النار و امبعد طفي عليهم صفيهم في الكسكاس و بلاكي تتحرقي زيدي غسليهم مليح بالماء البارد و قطعيهم قطع صغيرة و ارابي عليهم البصل و الثوم و الطماطم و داوي البرمة تاعك عادي كسبر مرحي فلفل اسود فلفل عكري ملح شوي زيت دبشة و حطيها على نار هادية و خليها تتقلى مليح و امبعد امرقيها بماء سخون و خليها تطيب كي تشوفي الكرشة دخلها الطياب ضيفي البطاطا مقطعة قطع متوسطة و الحمص يكون طايب و الطماطم المصبرة و قرن فلفل حار و خليهم يطيبو كي تشوفي البطاطا طابت و المرقة خثارت شوي طفي عليها وقدميها برشة تاع دبشة
وقدري طيبيها عادي في برمة مش شرط الكوكوت وشنو اذا شفتي الكرشة مطابتش ضفيلها شوي خميرة القاطو.