الجزء 87 من واش طيبتي في داري الجديدة الله يوسعها علينا الكل تفضلو - الصفحة 71

شاوية حرة 05 · 2014-09-04, 10:36

ملك نورهان راني شفت العرضة تاعك لي درتيها للبنانين راهي 4444444444444444444444444444444 يعطيك الصحة يااااااااااااااااا الفحلة الله يحفضك موووووووووووووووووووواح حبيبتي

lyzzabel · 2014-09-04, 10:36

لينا صباح الورد و الياسمين حبيبتي
ام ماجد بصحتك العرس و الفريت اوملات ،، رانا قااااع نقارعو فالصور
شاوية صباح النور حبيبتي اكيييييد توحشناك ،، كي راكي هاذي غيبة انشالله راكي مليحة ،، يا درا طمنيني واش قالولك على ليزاناليز ؟؟؟
سكرتي الحللللوة ازهاي و ديري رايك و بردي قلبك من بعد الحساب ههههههههه ،، ربي يهنيها و يزين سعدها

اسماء47 · 2014-09-04, 10:38

اقتباس:

المشاركة الأصلية كتبت بواسطة nihale89

اختي هاكي الوصفة من عند ام تاجو
راهو هاااايل مايتشبعش

وصفة لي ام مجمد تاج

النيقروووووووووو
250غ مارغارين - 5 مغارف كاكاو- 2 كيسان سكر عادي- 2 كيسان فرينة - 2 خميرة وكاس ماء و6 بيضات
حبيباتي في كاسرونة حطي الزبدة والسكر والكاكاو وكاس الماء وحطيهم فوق النار حتان يغليو كي يغلي نحي قيس كاس وحطيه على جنب ولي بقى في الكاسرونة نحيها من على النارو ضيفي صفار البيض وخبطي بالباتور باش مايطيبش البيض والفرينة ولخميرة
ومن جهة طلعي بياضالبيض مثل الثلج وضيفي برفق في خليط الفرينة وحطيه يطيب في مول مدهون بالزبدة والفرينة وكي يطيب قصيه في البلاطو مربعات واسقيه بالخليط التالي
شفتي هذاك الكاس لي نحيتيه رديه نلى النار وزيديلو باطة شيكولا واسقي بيه النيقرو تاعك وشهي طيبة حبيباتي وراهي وصفة تهبل تهبل تهبل

الله ينورك نهال شكرا جزيلا حبيبتي

أم ماجد · 2014-09-04, 11:04

لبنات رحت البارح لحفلة في العاصمة ورجعت في نفس اليوم
عندي اقارب في العاصمة ونروح لاعراسهم لكن يديرو عادات سطيف
يعني اول مرة نشوف عادات العاصمة
المهم رحبوا بينا وفرحوا بينا
حطولنا قازوز ومملحات بالعجينة المورقة بنان الحق ومن بعد قهوة وحليب وقاطو وكرواسون وبريوش وو
ومن بعد شاي وقريوش وجابو في الاخير لاتارت كبيرة لكتن احنا رجعنا راح الحال علينا وصلنا على 11 تاع الليل وتعشينا في الطريق دجاج محمر انا وروزا والشيخ طبعا

بشرى كان الشيخ مدينا نتعشاو في باب الزوار تفكرتك هههههههه ومن بعد تعشنا في الاخضرية

ساندي 28 · 2014-09-04, 11:23

ام اسماء صباحك فل
ليزا من بعد نحط واش درت حتى ابنى اخذ منهم لمعلمه نتاعو وشرالها حلويات يحبها بزززززززززاف
ام ماجد بصحتك العرس وصور هايله
شاويه اهلابيك نورتى
لينا اهلا بيك فنانتنا
غدائا مطلوع مفشفش هههههه ومعاه فريت ودرت شكشوكه راها دايرى حاله فى الدار اممممممممم وعندي رايب وديسار كرطوس بطيخ وعصائر والحمد لله
نهال بصحتك القسرة رانا جايا معاك ههههههههه

awladi · 2014-09-04, 12:26

مساء الخير وصحة فطوركم كامل
ليزا ديري شوية ليك ونحي السخفة واش راه ولدك ارتاح شوية
ام اسلام اية دخول مدرسي موفق ولكل العاملات يارب
ام ماجد بصحتكم العرس وموفقة روزا هذا العام بمعدل جيد ولبنت ام رحاب وبنت ام ياسو يارب
فطوري عشايا البارح فطرو وغسلت لماعن نشفو و رديتهم لمكانهم وبدلت للاولاد واعطيتلهم لحليب ودورك راهم راقدين الحمد لله
للقهوة عندي مسكوتشو والعشاء مانعرف واش ندير

awladi · 2014-09-04, 12:28

ساندي بصجتكم لفطور راني لقيت واش ندير للعشاء واش درتي اندير وخلاص شكرا موووووووووووووواح
شاوية واش راكي هذي غيبة
لينا طل القمر

ام سهام 02 · 2014-09-04, 12:34

يومكن سعيد وصح فطوركم

درت مقارون للاولاد وانا كليت فرماج وكاشير والحمد الله

ام سهام 02 · 2014-09-04, 12:40

اولاد ي صح فطورك حبيبتي دايما شاطرة يعطيك الصحة

الشاوية الحرة شكرا علي السؤال عزيزتي ماهي نتائج التحاليل طمننا

wassila134 · 2014-09-04, 12:42

السلام عليكم لبنات نتمنى اتكونو قاع لباس
اليوم درت مطلوع نتاع om mita اتغدينا اعليه وزدت معاه
مرقة بيضاء بالبطاطا
راني حطيت تطبيقي للمطلوع نتاع اليوم في قسم التطبيقات
وصح فطوركم

أم ياسين الزهراء · 2014-09-04, 12:59

صباح النور

يافرحتي ام محمد وام اسلام طلو علينا الله يوفقكم مارجعتش مليح منبعد

درت الغداء الفريت والمقالي والسردينة والصاورال والسلاطة والعنب لنجاصص والهندي اللي نقاهزوجي ههههههههههههههه والحمد لله عندي ضياف ونخمم للقهوة واش نديرلهم الغداء كلاو وشبعو والحمد لله بقاتلي القهيوة دبرو علي

om mita · 2014-09-04, 13:08

سلام حبيباتي
يعطيكم الصحة كامل كل وحدة باسمها
صح غداكم
حبيت تعطوني رابط لغريبية الي طبقتها الهام او شكون الي دارتها

لا اله الا انت سبحانك اني كنت من الضالمين

malek nour hane · 2014-09-04, 13:08

السلام عليكم ورحمة الله. ..صح غدااااكم كاااامل
ام ماجد بصحتك العرس
ام سراج الله يسلمك حبوبة
ام رياض الغالية شكرااا عالاهتمام وان شاء الله ندير وش قلتيلي
شاوية حرة عاسلامتك توحشتك يالهرابة ان شاء الله بريتي يالفحلة وش مع لي زاناليز لاباس
مرومة كتر خيرك على الرسالة و النصائح و ربي يشافيك و يشفي ميمتك الغالية و يطول في عمرها و جميع امهاتنا آمين. ....شوفي كي تكوني قاعدة ادخلي للفايس بوك جوايه التمنية ولا تسعة تاع ليل تفاهمنا.
ليزاتي الحبوبة وش غديتيهم اليوم ماتقوليليش متراجعتيش دروسك راني نطل بوخفيف ههه..وش حوالو منصف ان شاء رتاح
جيادا سيماسيم وينكم هذا؟؟؟
ام ياسو تعيشي نزيد نديرونجيك شوي خبز الشاورما لي نهار درتيه حوست فحراير الجلفة و عييت ادا عندك الصفحة اعطيهالي تعيشي و ربي يجازيك خير
عطر مادخلتش البارح ان شاء الله خير
المهم راكم كاااامل ماشاء الله اطباقكم روووووووووعة. ..نصحصح و يبدا الصح و جدو رواحكم للاسئلة شفت اطباق بزاف عجبوني ههههه

سهام ريحانة أبي · 2014-09-04, 13:33

اقتباس:

المشاركة الأصلية كتبت بواسطة أم ماجد

صباح الخير عليكم
غدانا فريت املات وسلاطة وقتزوز والحمد لله
رانا جينا في الليل من العرس يعد قليل نحمل الصور ونحطهم لعيونكم
المهم فات ت روعة

ام اسلام الحمد لله اللي تعينت قريبة للدار ودخول موفق بحول الله رايحة اجيك صعيبة مع الاول لكن رايحة تتعودي

بصحتك العرس عجبني شكل القريوش بصحتك وانت و روزا

سهام ريحانة أبي · 2014-09-04, 13:42

غدانا