السلام عليكم حبيباتي، ام رحاب اختي الغالية شكرا كي حليتي هاذ الجزء من الكوزينة ان شاء الله تكون فال خير على الجميع وكوزينة الافراح والمسرات، اطباقك والله دون مجاملة يقتلوني بالسخفة ماشاء الله عليك كلش تحف من يديك ربي يعطيك صحيحتك
اليوم ماراجعتش دروسي ههههه موالفة نطل عليكم كل يوم كلش من يديكم روعة وكل يوم راني نشكركم في قلبي ونرد عليكم بالوحدة ههه ودعيت لحيوتة ولام جوجو ربي يشفيكم حبيباتي، نبغي نشارك بصح العين بصيرة واليد قصيرة للكتابة هههه، المهم يعطيكم الصحة كل وحدة باسمها تدخلو البسمة لكل وحدة تقرا ردودكم ماحلاها لمتكم ربي يدومها
شفت الاقتباسات اللي دارتهم ام رحاب كلش روعة من القراتان والتحلية تاع ام هدول واطباق القبايلية وبركوكس حيوتة والعرضة التحفة تع ام هديل ومحاجبها ولا اطباق رزيقة كلش روعة يعطيكم الصحة وبصحتكم واش طيبتو
هاذو بعض اطباقي البسيطة انا والتزواق زوج خاطيني اطباق خمس نجوم تاع رزيقة وملاك ومريومة هههه راني غير نسلك برك
وهذا غدايا اليوم مرقة زيتون
وهذي هدية جاتني من عند وحدة زوجها مصري ملوخية مصرية تجي اوراق شفت في اليوتيب طريقة طبخها وطيبتها زوجي من عشاق الملوخية عجباتو بصح انا شوية ماعجبنيش ذوق اوراق الملوخية
vive الملوخية تاعنا
وهذا كسكس ومعاه العصير السحري تاع الهام روووووعة اول مرة نجربو هايل يعطيها الصحة
وهذا لحم بطريقة زيكا بزيت الزيتون والله مذاق ولا اروع يعطيك الصحة زقزوقة
وهاذي محجوبة ورقاق درتهم البارح حطيتهم في قسم المسابقات غير باش نشارك سخفت على المشاركة :d:d:d
وهاذو من الارشيف قاطوات العيد
لي عودة بإذن الله
( تقرير عن مشاركة سيئة )، و الموجودة أسفل كل مشاركة .
2016-11-24, 14:58
العرض المتطور
