|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حمزة المجتهد مستعد للاجابة على استفساراتكم ~ الى التميز ~ متجدّد ~
 |
|
|
أدوات الموضوع | انواع عرض الموضوع |
|
|
2015-02-19, 12:53
|
رقم المشاركة : 1 | |||||
|
اقتباس:
السلام عليكم ورحمة الله تعالى وبركاته... اخي الفاضل اذا فكرت ان الوقت انتهى وان القطار قد فاتك و ينتظرك الكثير والكثير من المواد وانت لم تفعل شئ الى حد الان ...وانك لن تستطيع الدراسة بسبب تراكم الدروس عليك ..فانت ستحصل في النهاية على نتيجة هي الفشل ..الاحباط ...اليأس...واذا سكنت هذه الثلاث امور قلبك ..فاعلم انها النهاية ....تذكر اخي الكريم ان هناك من فعلوا في لحظة مالم يفعلوه في سنين ....فالتوكل على الله عز وجل ثم الثقة بالنفس ... التفاؤل والتمسك بشعلة الامل ...ثم العمل ...هي السبيل الوحيد للنجاح والتفوق وفي وقت قصير ان شاء الله... بعد ان تغرس هذه المعاني في قلبك ...فستكون قد خطوة اول خطوة...ثم بعد ذلك وقبل ان تبدأ في الدراسة يجب ان تعرف كيف تدرس تذاكر....وأنا ابحث في الانترت وجدت هذا الموضوع الذي يتحدث بطريقة مذهلة عن كيفية المذاكرة ...اذ انه نظر الى هذا الموضوع من كل الجوانب ....لقد قرأته واظن ان هذا ماتحتاجه وما يحتاجه كل تلميذ ..قم بالاطلاع عليه وادرسه جيدا ..وحاول تطبيق تلك النصائح ان شاء الله راح تنجح... عندما تدرس اخي ابدء بدراسة جزء بجزء ...لا تدرس كل شئ ضربة واحد..فهذا لن يفيدك ..اعلم انك تدرس لا كتساب العلم ..لا للنجاح فقط ..لا تجعل التفكير في الفشل يجعلك تفقد الامل .... وايضا ركز على المواد التي تفهم فيها...ومع ذلك لا تهمل المواد الاخرى ...اذا وجدت نفسك تضيع الوقت في مادة قم حالا وبدلها بمادة اخرى ....ادرس بجد ولكن لاتنسى وقت الراحة فهو مهم ايضا .... هذه بعض النصائح ارجوان تستفيد منها ...واذا كان لديك اسئلة اخرى فتفضل بالسؤال ..انا مستعدة للاجابة .....بالتوفيق ان شاء الله...
|
|||||
|
|
2015-02-18, 20:13
|
رقم المشاركة : 2 | |||
|
أختيييييييييييييييييييييييييييييييييييييييييييييي ارجوووووووووووووووووووووووووووووووووووك ساعديني الاختبارات الاسبوع المقبل و الحفظ شويا مانيش حافض بزاف و الواد العلمية راح يمدولنا الفصل 1 و 2 مانيش حال بزاف تمارين راني حاير و خايف تاني هل من برنامج عسكري و نصائح بليزززززززز ! |
|||
|
|
|
2015-02-18, 20:18
|
رقم المشاركة : 3 | ||||
|
اقتباس:
ههههههههههههههههههههههههه يا خويا نتا وحدك...والله غير ندعيلك ان شاء الله ربي يوفقك في الاختبارت وفي الباك وبتفوق ....الله معك...
|
||||
|
|
|
2015-02-19, 12:59
|
رقم المشاركة : 5 | ||||
|
اقتباس:
حبيبتي انا نظن انو هذي لحاجة ترجع لاستاذك ..اذا كان ناس ملاح راح يتغاضى عليها ..اذا حاجة اخرى يمكن ينقصلك عليها ....ان شاء الله يا ربي مايحاسبكش عليها ...وتدي نقطة مليحة ..مي نتي مش هاذي الحاجة لتخليك تفشلي ...هاذي الفروض والاختبارت ماتحطيهاش خلاص في بالك..وراه كل ماتغلطي راح تستفادي اكثر واكثر ....انا والله العام لفات كنت كل مانغلط نفرح لخطراه هاذيك الغلطة مش راح تنسايها طول ....وباذن الله مش راح تعاودي هذي الاخطاء في الباك ...توكلي على ربي ..وابذلي كل جهدك ....ماتقلقيش روحك ....بالتوفيق الزينة ....الله معك ..واي سؤال اخر تفضلي ...سلام
|
||||
|
|
|
2015-02-19, 19:03
|
رقم المشاركة : 7 | ||||
|
اقتباس:
السلام عليكم...
خويا التقويمات تع كتاب محمودي عادل بصراحة فيها افكار روعة ...حناالاستاذة تاعنا العام لفات كانت دير هاذيك التقويمات جزء من الدرس...بصح كاين حوايج ليتحفظو وحوايج اخرى غير تفهمهم ...كيما كي يكون مثلا اسباب حاجة او عوامل لازم تحفظهم خيير..وكي تكون معلومات تحسها فوقية اقراها برك..واما الخرائط مليحة طول ماذابيك تركز فيهم... بلا مزية خويا واي سؤال اخر تفضل ...موفق ....  |
||||
|
|
|
2015-02-19, 20:26
|
رقم المشاركة : 8 | |||
|
السلام عليكم |
|||
|
|
|
2015-02-20, 21:44
|
رقم المشاركة : 9 | ||||
|
اقتباس:
وعليكم السلام ورحمة الله تعالى وبركاته مرحبا صديقتي كيف الحال؟؟ https://www.3rbz.com/uploads/92dd69b7f6f01.jpgارجوكي اعذريني لتأخري في الاجابة ...لخطراه الكونيكسيو راحتلي ...هذا وين جات ...اسمحيلي ياسر... بالنسبة للالة الحاسبة ..كنت استخدم الة حاسبة عادية وعلمية ...هاذوك الالات لضرك ولاو بالالوان ...تني استخدمي اي الة ليسونسيال تكون تمشي مليح..واشري هاذوك تع ليبيل الكبار باه تقدري تبدليهم بسهولة... وبالنسبة للمنحنيات لا ادري بالضبط اين تكمن مشكلتك في رسمها ...حديلي وش من وحدة او اعطيني كاش سؤال مثلا ونعاونك فيه.. اما عن كيفية تحديد نقطة التكافؤ من المنحنى ...مالقيتش موقع نوظحلك فيه مليح الطريقة..مالا درتهالك على شكل صور ان شاء الله تفهمي عليا ... مثلا يطلب منك تحديد احداثيات نقطة التكافؤ ويعطيك هذا المنحنى  لازم اول شئ ترسمي مماسي نقطتي الانعطاف ...ولازم يكونوا متوازيين.. https://www.3rbz.com/uploads/29c8affdb3d13.jpghttps://www.3rbz.com/uploads/cbc85a3350d32.jpg  الخطوة الثانية ارسمي مستقيم عمودي على المماسين كما في الشكل  الخطوة الثالثة قومي بتحديد منتصف القطعة الواصلة بين المماسين ...وارسمي المستقيم المنصف لها ...المستقيم المنصف اوصليه الى المنحنى ....وحددي نقطة تقاطعه مع المنحنى https://www.3rbz.com/uploads/754cae0bd1794.jpg الخطوة الرابعة ....اسقطي هاذيك النقطة على المعلم..واحداثياتها هي احداثيات نقطة التكافؤ...  https://www.3rbz.com/uploads/729c3abfa40a5.jpg في هذا المثال هي ....(Vb=20/PH=8.6)
واي سؤال اخر انا مستعدة للخدمة...موفقة ان شاء الله... |
||||
|
|
|
2015-02-20, 21:59
|
رقم المشاركة : 11 | ||||
|
اقتباس:
اهلا صديقتي كيف الحال ؟؟ هههه لا مشكلة ابدا هبليني كيما تحبي باسكو انا ديجا مبهولة تع الصح ... بالنسبة لمعدلي تع الباك كان 14.25....يعني كنت نطمح الاكبر بصح كلشي بالمكتوب ...والحمد لله على كل حال ... بالنسبة لتخصصي الحالي هو ربة بيت ..وهذا الاخير متفرع لعدة تخصصات منها تنظيفلوجيا وطبخلوجيا ...وتسياقلوجيا ههههه والله هاذي هي حالتي حاليا ...بويسك زعما كي نجحت كان من خياراتي ندير المدرسة العليا للبيوتكنولوجيا لصناعة الادوية بقسنطينة....وكي طاحتلي ...رحت ثما سمانة ومن بعد ماحملتش الغربة مع البعد قررت ندير تحويل بيولوجي في بسكرة ونظرا لان اوان التحويل قد فات لازم نستنا حتان العام جاي ان شاء الله ...يعني وليت كيفي كيما ليراهم ضرك معاودين ....ماعنتها راه كلشي بالمكتوب وكل واحد لازم يرضى وخلاص بواش كتبلو سبحانه... مممم في هذا الوقت ماكنتش مكملة كلش لانو حقيقة التلميذ مهما قرا مايقدرش يكمل كلش ....بالنسبة المواد العلمية كنت فاهمة الدروس كامل ....بصح تبقى المشكلة تع عدد التمارين الممكن حلها ...انا حليت ياسر تمارين ..ومع ذلك كاين تمارين ماقدرتش نشوفهم بسبب ضيق الوقت ..اما الحفظ كنت نعتمد على حل البكالوريات والدروس نفهمهما ونديرلها ملخصات ومخططات ...و الحفظ كنت نحفظ وننسى ..على هاذيك خفت ياسر من اني مانقدرش نجاوب في الباك بصح الحمد لله كان ساهل وتع فهم اكثر من حفظ... وش كنت ناااكل ؟؟ ننصحك ماتراعيليش انا ....بويسك تقريبا كنت ماناكلش خلاص ..الفطور مانفطرش ..الغدا ناكل مغرف ونوض والعشا كيفيكيف ماعلاباليش يمكن السبب كان نفسي ..هذا اثر على صحتي ياسر ...تخيلي الفصل الاول كامل كنت مريضة وماعقبتش الاختبارات ...وحتى الفصول الاخرى كنت ساعة على ساعة نمرض وفي الباك ثاني كيفكيف مرضت في امتحان الفيزياء والفلسفة ...مالا حبيبتي ننصحك بالاكل كولي مليح اشكال واصناف الطعام ...وخاصة الاطعمة المفيدة تع الخضروات واللحوم ....وكي يقرب الباك كثري من المشروبات الباردة ....عندك تغلطي غلطة اختك المهبولة... ساعات النوم ..كنت نرقد على 12 ونوض على 7 ...صافي 7 سوايع نرقدهم ...وجامي نضت باه نقرا الصباح بكري ...بصح ننصحك اذا كنتي تقدري تنوضي راح يكون احسن مي في الليل لازم ترقدي شوي بكري..... وماكان حتى ازعاج حبيبتي ...استفسري على اي حاجة راني مستعدة للاجابة بالتوفيق ان شاء الله.... |
||||
|
|
|
2015-02-20, 20:19
|
رقم المشاركة : 12 | |||
|
سلام اختي وردة العلم : اولا اود ان اشكركي عاى اهتمامكي هذا بتساؤلاتنا |
|||
|
|
|
2015-02-21, 11:02
|
رقم المشاركة : 13 | ||||
|
اقتباس:
السلام عليكم غاليتي اسيل .... حبيبتي اعذريني لتاخري في الاجابة ..الكونيكسيو راها هبلتني ... والله بلا مزية حبوبتي اهلا بأسئلتكم دائما ....المهم تنجحوا ان شاء الله وباذن الله .. لا داعي ابدا للقلق والخوف والاحباط لان هذه الامور ستجعلك تفشلين ولا تستطيعين مواصلة الدارسة .... حبيبتي اعلمي اولا ان امتحان البكالوريا امتحان عادي ككل الامتحانات بل اسهل بكثير فلا تضعيه في الاعتبار اذا ... ثانيا النقاط التي تاخذينها في الفروض والاختبارات لا تعبر عن مستواك ابدا ...اول شئ قلتي الفرض فيه اربعة تمارين هاذي بعد حاجة غريبة ..خطراه نتوما تع باك نورمالمون على الاكثر يديرولكم تمرينين ...باه تقدرو تختبروا رواحكم مليح ...وتاكدي راهم الاساتذة ديما يحاولوا يصعبو على التلميذ باه في الاخير يلقا الباك ساهل ...كيما استاذنا تع العلوم كان يديرلنا الورقة كحلة من شدة اكتظاظ الاسئلة ويقوللنا ضرك تلقاوها كحلة باه في الباك تجيكم بيضاء .....صافي ماتخليش هذي الامتحانات تثبطك .. قلتيلي راكم ضرك في فترة اختبارات ...حبيبتي نتي وعلاه راكي تقراي ؟؟يخي باه تنجحي في الباك وبمعدل مليح ...يعني هاذي الاختبارات ماتهمكش نتيجتها ...اوكي .ضركا لازمتلك اول حاجة حدي مجموعة من المواد باه تقرايها ..والمواد الاخرى انسيها وكانها ماكانش خلاص ...الخطوة الثانية في هاذو المواد بعد حدي الوحدات لي حابة تقرايهم ..يعني رايحة تقراي جزء من قرايتك ..نعطيك مثال ..مثلا قررتي تقراي العلوم والادب والفيزياء والانجليزية...المواد الاخرى انسايها ...ومن بعد رايحة تقراي علوم مثلا عندك 4 وحدات ...خيري برك زوج واقرايهم مليح وحلي عليهم تمارين ...لانو كي تقراي جزء وتفهميه مليييح احسن بالف مرة من انك تقراي كلش ونتي مش فاهمة والو ....ان شاء الله تكون فكرتي واصلاتك...وكي تكملي مثلا زوج وحدات تع علوم ..وتفهميهم مليح وتلقاي عندك وقت زيدي وحدة اخرى وهكا ...وبالنسبة للمواد ثاني كي تقراي المواد لي حددتيهم زيدي المواد الباقية اذا كفاك الوقت اذا ماكفاكش الله غالب ماتقتليش روحك حبيبتي ... وماذابيك مادام راكي في فترة اختبارات اعطي الاولية للمواد لرايحين تعقبوهم اللولين ..والمواد العلمية ماذابيك تقرايها قبل الادبية باه ماتعاوديش تراجعيها في اخر لحظة ... نتمنى تكون هاذي النصائح فاداتك ....واي استفسار اخر انا في الخدمة حبيبتي ..برك نقولك ونعاود ماتخافيش ...واقراي بالشوية ..وماتنسايش اوقات الراحة لخطراه كي تكوني تعبانة وتقراي ماكانش حتى فائدة . بالتوفيق غاليتي ...ثقي بالله ثم بنفسك وتفائلي خيرا ...سلام الزينة ... |
||||
|
|
|
2015-02-21, 11:59
|
رقم المشاركة : 14 | ||||
|
اقتباس:
ربي يحفضك ما خليتي والوا وعجبني هذا اقتراح جميل بزاااااااااااف مكانش في بالي هذا راه رايح يساعدني بزاااااااااااااااااااااااف وشكرا بزاااااااااااااااااااااااااف |
||||
|
|
|
2015-02-21, 16:23
|
رقم المشاركة : 15 | ||||
|
اقتباس:
الله يخليك حبوبتي ....الحمد لله ان هذي النصائح فاديتك ..بلامزية واذا احتجتيني في اي حاجة راني في الخدمة دائما وابدا ..موفقة باذنه تعالى .. |
||||
|
|
|
| الكلمات الدلالية (Tags) |
| 2015, مجموعة, لطلاب, التسائلات, اجابة, بكالوريا, نصائح |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
حمزة المجتهد مستعد للاجابة على استفساراتكم ~ الى التميز ~ متجدّد ~
العرض المتطور
