أرجوكم علموني الطبخ

[dalel16]

المشاركة الأصلية كتبت بواسطة *ام رامي*

اهلا دلال
شوفي انا كي يجوني ضياف نقطع روحي
نحاول قدر الامكان نحط احلى الاطباق اللي عندي
فقط انت لازم تعرفي انه في اطباق رئيسية وفيه مقبلات وسلاطات
العشاء او الغداء يكون كاتالي
* طبق رئيسي اللي هو : ارز **شربة فريك **كسكس **تليتلي **انا عادة ندير واحد منهم
المقبل : المقبلات كلها تناسب الاطباق الرئيسية ماعدا الكسكس يجي مع شربة فريك وسلاطة ولحم فقط
المقبلات مثلا بطاطا بيريه **جريوات محشية فول ..حميس .بطاطا كوكوت تجي مع الشربة لان البطاطا ثقيلة والشربة خفيفة
خرشف محشي دولمة زيتون مع كعابر لحم وتجي بيضاء وبنينة ومنظرها يفتح النفس البطاطا نتاع الفرن الطبق الاول اللي جربتيه ....

* السلاطة كاين سلاطة خضراء خس طماطم بسباس جزر زيتون وخيار مع بيض مسلوق
او سلاطة مفورة بطاطا وجزر وجلبانة مفورين وبيض محشي ....انوااااع السلاطة كثيرة اختاري واحدة او اثنين
في السهرة فاكهة وفلان او كريم ديسار

كيفك ام ارامي ان شاء الله تكوني بخير

شكرا والف شكر على النصائح التي قدمتيهالي ربي يوفقني ونكون قد المسؤولية باش نعاود وصفاتك

شكرا

[lynsouha]

المشاركة الأصلية كتبت بواسطة *ام رامي*

السلام عليكم ورحمة الله وبركاته
اختي لين سوها والله زعفتيني منك بزااااف ...ما كل هذا الانتقاد؟؟؟
اولا بالنسبة لادراج الرابط لو دققت قليلا لوجدت اننا كنا ندرجه انا وانت تقريبا في نفس الوقت انت 8 و24 دقيقة وانا على 8 و26 دقيقة بيناتنا دقيقتين وانا والله ما شفت ادراجك حتى اعتمدت الموضوع ..ومن قال انك قلت بان الوصفة لك ؟؟؟ حرام عليك سوء الظن
ايضا عبارة صاحبة الوصفة مافيهاش عيب ونقولها كلنا في المنتدى
واسفة ان لم اسال عليك او اسلم عليك فقط كنت منهمكة في الاجابة ولم اقصد تجاهلك
ومايكونش صدرك ضيق ان بعض الظن اثم

اهلا عزيزتي انا دايرا هكا اللي في قلبي على لساني ونفضل توضحلي الامر احسن ما نخليها في قلبي
وانا صدري مش ضيق فقط فقط نحب الصراحة والوضوح
تحياتي

[lynsouha]

بالنسبة للعرضة
اضافة لما قالته الاخت ام رامي انا شخصيا بالنسبة للاكلات التقليدية مثل الطعام وغيرها نحضرها الا اذا كان عندي الضياف من كبار السن لانهم يحبوا كثير الطعام ومايستعرفوش بالاكلات الجديدة
لكن بالنسبة ليا لما عرضت كيما قالت ام رامي نقطعوا رحنا يعني لازم نقدم كل ما عندي لان الضيف لما تعزميه لازم يخرج من عندك راضي وفرحان :d.

وانا نحب الندير الشطاطح والطواجن وحتى الغرتان
ندير مثوم العادي والمثوم الي نحضروا بالجاج والزيتون .
ندير كبدة مشرملة طجين الزيتون طجين تع الجلبانة بالقرنون المحشي باللحم المرحي دولمى كورجات شطيطحة لحم .
يعني نخير 3 اطباق يكون فيها الدجاج واللحم واللحم المرحي وتقدري الديري حتى طبق من الحوت او الكرفات
اضافة الى مقبلة وسلطة انا مانكترش بزاف يعني سلطة واحدة ومقبلة واحدة أو اثنين فقط . وديسيير +فواكه

[امنة محمد]

اذا حبيتي انعلمك معنديش مشكله

[dalel16]

المشاركة الأصلية كتبت بواسطة امنة محمد

اذا حبيتي انعلمك معنديش مشكله

كيفك اختي ان شاء الله تكوني بخير


شكرا على عرضك

والله ياريت تفيدينني بالاكلات الجزائرية التقليدية والعصرية
وبعض النصائح لما ياتون الضيوف ماذا اقدم لهم

والاكلات التي تمشي مع بعضها

[هدايات26]

يادلال راني حطيت موضوع بعنوان الى دلال وكل من تريد تعلم الطبخ ادخلي ربما تستفادي

[بسمة العمر]

شكرا لكي أم رامي .و دلال راكم نحيتولي رهبة المطبخ و درتولي القلب باش نطيب

[lynsouha]

السلام عليكم
اختي دلال راني اليوم طبقت طاجين الخوخ تع الاخت ام لميس هو طبق رائع يعطيها الصحة

هذا هو رابط الوصفة
https://www.djelfa.info/vb/showthread.php?t=806432

انا فقط غيرت لم اضع الحمص ولكن وضعت الجلبانة
مقادير المرق الاحمر هي ( لان اخت ام لميس لم تذكرها لانه معروفة ).

المقادير :
بصلة مرحية
3 او 4 سنينات ثوم
2 او3 ملاعق كبار زيت عادي
اطراف الدجاج
حبة طماطم مرحية
نقليهم جيدا على النار الهادئة .
نمرق ب 3 كيسان ماء
نصيف كمشة من الجلبانة حسب افراد الاسرة .
نص ملقة صغيرة فلفل اسود
نص م ص قرفة
مكعب جومبو دجاج اذا اردتي اختياري .
تذوقي اذا وضعتي الجومبو لا تضيفي الملح حتى دوقي .

لما تشوفي المرق اصبح خاثر تذوقي الجلبانة اذا طابت وكذلك الدجاج اذا كان مزال اصيفي لها قليلا من الماء .

ثم بالنسبة للكويرات الاخت ام لميس راهي موضحة بالصور جيدا .
فقط غلي مليح الارز وقطريه مليح ثم انا ضغطت عليه بالفرشيطة باش تسهل عملية تكوير ليبولات

الطبق هذا هايل انا انتظر تطبيقه من طرفك

المرة المقبلة نعطيك طبق الارز ولعلمك الارز يمشي مع الدجاج وجميع انواع الاسماك والحوت والكروفات .

[dalel16]

المشاركة الأصلية كتبت بواسطة lynsouha

السلام عليكم
اختي دلال راني اليوم طبقت طاجين الخوخ تع الاخت ام لميس هو طبق رائع يعطيها الصحة

هذا هو رابط الوصفة
https://www.djelfa.info/vb/showthread.php?t=806432

انا فقط غيرت لم اضع الحمص ولكن وضعت الجلبانة
مقادير المرق الاحمر هي ( لان اخت ام لميس لم تذكرها لانه معروفة ).

المقادير :
بصلة مرحية
3 او 4 سنينات ثوم
2 او3 ملاعق كبار زيت عادي
اطراف الدجاج
حبة طماطم مرحية
نقليهم جيدا على النار الهادئة .
نمرق ب 3 كيسان ماء
نصيف كمشة من الجلبانة حسب افراد الاسرة .
نص ملقة صغيرة فلفل اسود
نص م ص قرفة
مكعب جومبو دجاج اذا اردتي اختياري .
تذوقي اذا وضعتي الجومبو لا تضيفي الملح حتى دوقي .

لما تشوفي المرق اصبح خاثر تذوقي الجلبانة اذا طابت وكذلك الدجاج اذا كان مزال اصيفي لها قليلا من الماء .

ثم بالنسبة للكويرات الاخت ام لميس راهي موضحة بالصور جيدا .
فقط غلي مليح الارز وقطريه مليح ثم انا ضغطت عليه بالفرشيطة باش تسهل عملية تكوير ليبولات

الطبق هذا هايل انا انتظر تطبيقه من طرفك

المرة المقبلة نعطيك طبق الارز ولعلمك الارز يمشي مع الدجاج وجميع انواع الاسماك والحوت والكروفات .

شكرا لكي اختي ليناسها

اعدك انني ساطبق هذه الوصفة وبالصور

[هدايات26]

لقد وضعت لك موضوعا سيتناول كل الاطباق الجزائرية العاصمية وبالتوفيق

[dalel16]

المشاركة الأصلية كتبت بواسطة هدايات26

لقد وضعت لك موضوعا سيتناول كل الاطباق الجزائرية العاصمية وبالتوفيق

كيفك اختي ان شاء الله تكوني بالف خير يا رب

حبيت نقولك على مشكلتي هي انني لااعرف المقادير مثلا


الماء والفريك

الماء والشعيرية

الماء والعدس

اماء والفول

أي أنني لما أريد أن اطبخ العدس اما تاتي الاكلة مملوءة بالعدس زيادة عن اللزومو او الماءأكثرمن اللوزم

والله دي مشكلة كبيرة ان واقعة فيها


ياريت تنصحيحني اكثر

[*ام رامي*]

السلام عليكم جميعا كيف احوالكم اخواتي ؟؟؟ ان شاء الله تمام
وييينك يادلال ؟؟؟عندك مدة وانت غايبة
انا حسبتك بطلت الطبخ مانيش شايفة حتى تطبيق ؟؟؟
عندك مشكلة في التمريق ؟؟؟ لا باس راح نعالجها درجة درجة
انا كان رايي انو نبداو في المقبلات لانها سهلة وتكون لذيذة في غالب الاحيان ثم ننتقل الى المرق والعجائن
ولا نقولك ... نديرو برنامج في كل اسبوع تديري مرق معين ومقبل ونوع من العجائن وش قلت ؟؟؟
انا نقولك حاجة اختي دلال
باه تولي طباخة في اقرب وقت لازم غداك وعشاك يكون من يديك حطي نفسك متزوجة ولك زوج واولاد ولازم تطبخي غداء وعشاء
اذا فات عليك شهر تلاقي نفسك طبختي 60 طبخة اذا مثلا ما صلحتش 30منها تلاقي 30الاخرى صالحة واذا نجحت في 30وصفة في الشهر فانت ناجحة فهمتيني ؟؟؟ راني نشجع فيك اختي

[*ام رامي*]

السلام عليكم جميعا
بعض النصائح
بالنسبة للحبوب
حاولي تتسوقي بنفسك وتخيري اجود الانواع كل ما كانت نوعية المادة جيدة كانت النتيجة في الطبخ احسن
اشتري الحمص انقعيه ليلة كاملة في الماء وكثري الماء وفي الغد طيبيه في كوكوت ربع ساعة هذا بالنسبة للحمص ناقص طياب والحمص الطايب 25 دقيقة
بعد ما يطيب ضعيه في اكياس ومباشرة الى الكونجيلاتور
كي تحتاجي الحمص في اكلة معينة مثلا تليتلي او كسكس
اذا كان طايب اضيفيه في الاخير بعد ما تنضج طبختك وخليه يغلي شوية واذا كان ناقص طياب اضيفيه من الاول يعني يطيب مع طبختك اوكي ؟؟؟
اللوبياء البيضاء
اشتري الحجم الكبير وحاولي تخيري النوع اللي ماهوش مكسر ومسوس
انقعيها ليلة كاملة في الماء وفي الغد ضعيها في قدر وغليها حوالي 10 دقلئق او ربع ساعة حتى تخرج الرغوة البيضاء انزعيها وطفي النار شلليها بالماء البارد وضعيها في اكياس وجمديها
طيابها يكون من 20 دقيقة الى 40 دقيقة حسب نوعية اللوبياء

[linat]

ya3tik saha ome rami wa llahe ana thani rani nastafade minak bezef dim ki nadkhole llmontada dima nchoufe mawadi3ake rabi yahafdak wa chokrane

[dalel16]

المشاركة الأصلية كتبت بواسطة *ام رامي*

السلام عليكم جميعا كيف احوالكم اخواتي ؟؟؟ ان شاء الله تمام
وييينك يادلال ؟؟؟عندك مدة وانت غايبة
انا حسبتك بطلت الطبخ مانيش شايفة حتى تطبيق ؟؟؟
عندك مشكلة في التمريق ؟؟؟ لا باس راح نعالجها درجة درجة
انا كان رايي انو نبداو في المقبلات لانها سهلة وتكون لذيذة في غالب الاحيان ثم ننتقل الى المرق والعجائن
ولا نقولك ... نديرو برنامج في كل اسبوع تديري مرق معين ومقبل ونوع من العجائن وش قلت ؟؟؟
انا نقولك حاجة اختي دلال
باه تولي طباخة في اقرب وقت لازم غداك وعشاك يكون من يديك حطي نفسك متزوجة ولك زوج واولاد ولازم تطبخي غداء وعشاء
اذا فات عليك شهر تلاقي نفسك طبختي 60 طبخة اذا مثلا ما صلحتش 30منها تلاقي 30الاخرى صالحة واذا نجحت في 30وصفة في الشهر فانت ناجحة فهمتيني ؟؟؟ راني نشجع فيك اختي

كيفك ام رامي ان شاء الله تكوني بالف خير

هذه الايام عندي مشكلة في النات

بصراحة انا اريد ان اتعلم المرق مثل:

الحريرة التي عرضتها الاخت هدايات26
انا اريد اصل الحريرة لما بحثت في غوغل وجدت الكثير من وصفات الحريرة ولكن لا تشبه بعضها
العدس
الوبياء
الجلبانة
مرق الكسكس وما هي الخضر التي تتماشى معه والتوابل ايضا
مرق التريدة وما هي الخضر التي تتماشى معه والتوابل ايضا

لانني ارى المرق هو الاساس لان المقبلات استطيع ان اتفنن فيها كما اريد

على عكس المرق فهي اساس لا نستطيع التفنن فيها لانه لو نضيف اي تابل يستطيع ان يغير في ذوق المرق وبالتالي تغيير ذوق الكسكس او يالعدس او اواواواواواواو

اتمنى ان تكوني فهمتيني لا نني فعلا في ورطة

متزعفيش مني كينطول ما نردش عليك فانا يوميا اعمل فلما يكون عندي وقت في الصباح اطيخ فلا استطيع ان اطبخ يوميا ولكني ساوفر وقت مثلا 3 ايام في الاسبوع انا بالنسبة لي انجاز كبير لانني ام اكن ادخل الى المطبخ اطلاقا

فشكرا لكي جزيلا على اهتمامك بي

وانا بلانتظار وصفات المرق وانا معك نديرو برنامج في كل اسبوع نديرو مرق معين ومقبل ونوع من العجائن وخصوصا المرق والخضار

شكرا