عمل المرأة المتزوجة

[الزبرجد]

السلام عليكم

رغم أني طلقت هذا النوع من المواضيع و الجهاد فيها منذ مدة و ذلك بعد اقتناعي أن المادة و العادة يذهبان العقل و الصواب

و كذا اقتناعي بــ : زوجتي و بعدها الطوفان ...الطوفان الأعظم

إلا أنه حز في نفسي أن أبلغك رأيي :

أختاه ....اذهبي الى بعض العجوزات العاملات (اللي بقالها عام على التقاعد ) ...و اسأليها عن المشوار و العمل و ما حققت من طموح ...و أستحلفك بالله أن تلقي نظرة على تقاسيم وجهها و ما فعل بها الزمن ...و انظري ما تجيبك

أنا وحدة قالتلي : ربيت أجيال من الناس و فشلت نخدم من ولادي على الأقل واحد يدعيلي كي نموت.


و نخليلك التعليق ليك
و الله المستعان

[خوله فاشن]

الزبر جد العجوز هذه ماهيش قادره علاه كاين اللي قادر يمسك عمل وبيت وكاين اللي مايقدرش ولا نحمل احد فوق طاقته
واللي قلته ماهيش قاعده عامه
زعما اللي تقعد في الدار وحياتها تكرسها على اولادها وتربيهم وهذا لاشافولها على الخير وتهمبير الدار مايضيعش الصحه
والله نصحوني عجايز على خدمة الدار قالوا لي ماتخدميش وانتي صغيره تتعبي لاكبرتي
كل حاجه تتعمق فيها تتعبك التنويع مليح منا ومنك استفاده في كل المجالات وين المشكل
وو ماشفتش الى الان عجوز ندمت على خدمة بره ابدا كلهم اولادهم ماشاء الله عليهم شخصيات نعرفهم وامهاتهم ثاني مزالوا
يعني تجارب العجايز اللي شفتهم ماهمش كيما العجايز اللي شفتهم يعني تختلف الشخصيات وبالمختصر كل وحده ومقدورها

[النجمة القطبية]

المشاركة الأصلية كتبت بواسطة عبد الله 31

بعمل المراة ودراستها المكثفة سنصنع الصواريخ والنووي ونصعد للقمر ووووون وووووو تكنولوجيا ووو
لنحارب اعداءنا اعداء الدين
ان شاء الله


لاتياسن لاتياسن حاوولن اكثر

الدراسة مطلوبة اخى
ونحن احوج لذلك كمسلمين وكلنا مقصرون فى طلب العلم لا ننكر
الدراسة مطلوبة اهمها علوم الدين والعلوم الشرعية وايضا بعض العلوم التى تفيدنا فى حياتنا الدنيا
الله سبحانه وتعالى كرمنا بالعقل ورزقنا هذه النعمة ومن باب حمد النعمة تغذية العقل
المراة احوج للتعليم اخى والله تحتاجه اكثر من الرجل لانها بكل بساطة اقل خبرة فى الحياة لقلة خروجها
وايضا لتغلب العاطفة عليها فواجب عليها تنمية عقلها وخاصة انها ستربى اجيال
اما العلم المطلوب فهو كل ما يفيدها فى حياتها ويفيدنا نحن كمسلمون
وسواء تعلمت فى بيتها او استطاعت الالتحاق باحد الاماكن المضمونة مع مراعاة للضوابط الشرعية المطلوبة
اكبر مشكلة ان تكون المراة المسلمة جاهلة على الاقل تتعلم الاساسيات وامور دينها
الا كيف ستربى اجيال
شخصيا ساخذ بنصيحتك واقرا الكتب ما دمت على قيد الحياة
شكرا للنصيحة

[الزبرجد]

المشاركة الأصلية كتبت بواسطة خوله فاشن

الزبر جد العجوز هذه ماهيش قادره علاه كاين اللي قادر يمسك عمل وبيت وكاين اللي مايقدرش ولا نحمل احد فوق طاقته
واللي قلته ماهيش قاعده عامه
زعما اللي تقعد في الدار وحياتها تكرسها على اولادها وتربيهم وهذا لاشافولها على الخير وتهمبير الدار مايضيعش الصحه
والله نصحوني عجايز على خدمة الدار قالوا لي ماتخدميش وانتي صغيره تتعبي لاكبرتي
كل حاجه تتعمق فيها تتعبك التنويع مليح منا ومنك استفاده في كل المجالات وين المشكل
وو ماشفتش الى الان عجوز ندمت على خدمة بره ابدا كلهم اولادهم ماشاء الله عليهم شخصيات نعرفهم وامهاتهم ثاني مزالوا
يعني تجارب العجايز اللي شفتهم ماهمش كيما العجايز اللي شفتهم يعني تختلف الشخصيات وبالمختصر كل وحده ومقدورها

النجاح حاجة أكبر من المظاهر اللي تشوفيها

ام خلات شخصيات و وووووو ....و ما فيهمش واحد يدعيلها ........يعني لاشيء ....فشل بأتم معنى الكلمة

[خوله فاشن]

مافهمتش حاجه من اللي قلتها ؟

[خوله فاشن]

اهاا حاليا استوعبت قليل منه وانت تعرفهم ؟؟
ناس متديينين ودعاة وين عرفت مايدعوش
ونجاحهم مش ظاهريا فقط
اسمحلي ماشاء الله تعرفهم ثاني ؟

[خوله فاشن]

ماشاء الله اولادها مايدعوش والنجاح ظاهري النجاح الظاهري اكبر دليل على النجاح المخفي او المخبي على اللي تحب تفهم
على فكره انا نكلمك على ناس دعاة وماشاء الله عليهم وعلى اولادهم واحفادهم ثاني ونعم التربيه ياليت كلهم هكا

[الزبرجد]

المشاركة الأصلية كتبت بواسطة خوله فاشن

مافهمتش حاجه من اللي قلتها ؟

أم استطاعت أن تجعل من أولادها شخصيات مهمة في المجتمع و غير ذلك من المظاهر التي تسمونها نجاحات .....إن لم يكن في أولادها ولد صالح يدعيلها ....يعني أنها فاشلة .....رغم ما يظهر لكم مما تسمونه نجاحا

ياك مفهوم؟

[خوله فاشن]

لا فهمت ورديت ماشاء الله اوكي دامك عممت
انا ثاني نعمم
كاين ام قعدت غير على جال اولادها في الاخر حطوها في دار العجزه والا طيشوها والا والا والا
يعني هذه قاعده عامه
انتبه خويا ماهيش الامور تجري كيما راك تشوفها بمنظورك العالم كبير واللي فيه كثار ووووووووووووووو حلل

[الزبرجد]

المشاركة الأصلية كتبت بواسطة خوله فاشن

ماشاء الله اولادها مايدعوش والنجاح ظاهري النجاح الظاهري اكبر دليل على النجاح المخفي او المخبي على اللي تحب تفهم
على فكره انا نكلمك على ناس دعاة وماشاء الله عليهم وعلى اولادهم واحفادهم ثاني ونعم التربيه ياليت كلهم هكا

مازال ما سمعتش بواحد داعية أمه عاملة

[خوله فاشن]

قول نعارض خدمة مرتي وبرك مش تحط احتمال للكل وتشملها خطأ

[خوله فاشن]

املا المجتمع اللي راك فيه اسمحلي ناسه عدم
انا تربيت مع ناس اولادهم يبوسوا التراب اللي تمشي عليه امهم وتربيه ماشاء الله وناس اخلاق ورزانه مي الله غالب في البلاصه اللي راك فيها

[الزبرجد]

المشاركة الأصلية كتبت بواسطة خوله فاشن

قول نعارض خدمة مرتي وبرك مش تحط احتمال للكل وتشملها خطأ

نظن راني كاتب : زوجتي و بعدها الطوفان

و حاجة أخرى ....توالي .السنين هو أحسن معلم للمرء

اليوم راه عمرك عشرين .....غدوة يبانلك

تصبحين على خير

[easysoftoran]

المشاركة الأصلية كتبت بواسطة خوله فاشن

لا فهمت ورديت ماشاء الله اوكي دامك عممت
انا ثاني نعمم
كاين ام قعدت غير على جال اولادها في الاخر حطوها في دار العجزه والا طيشوها والا والا والا
يعني هذه قاعده عامه
انتبه خويا ماهيش الامور تجري كيما راك تشوفها بمنظورك العالم كبير واللي فيه كثار ووووووووووووووو حلل

وهل ربتهم تربية إسلامية أخلاقية فيها من البر و صلة الأرحام ...الخ

[خوله فاشن]

مالكش حق غير في مرتك حاجه اخرى مانظنش
هههههههههههه ولاني في العشرين بدايه هايله نخطوها مثل الصحابيات
وانت قلتها السنين هي اللي احسن معلم للمرأه وفعلا علمتها وتعلمنا انها نتعلموا ونعملوا على حسب قدراتنا

وانت من اهله لكن انتبه تعمم راني نقولها لك وغير قالوها شيوخ وعجايز تندم لاعممت ونشوفوا بناتك ^_*