أنا و زوجتي ؟ ماذا أفعل - الصفحة 7

سيملة · 2010-09-20, 20:59

هل يعقل ان تكون احلامنا عدوا لنا كثيرا من الاوقات نحلم ان نرتبط بشريك فيه ما نحلم و عندما نلقاه او نرتبط بفعل الاقدار او خوفا من الوقت نصطدم بالواقع هنا تقع الحسرة

سيملة · 2010-09-20, 21:00

انا افهمك يا بائع الورود جيدا

wassila21 · 2010-09-20, 23:24

يا أخي تخيل زوجتك في مكانك و كانت تحب شخص آخر قبلك و مازالت تحبه رغم أنها متزوجة بيك ماراحش تحس بأنها تخونك حتى و لو بالتفكير فيه؟
و بما أنك ماشاء الله متدين و متعلم، ربيها زوجتك على يديك ولفلها طبايعك ، واش تحب و واش ما تحبش و علملها اللسان الحلو،و مع الأيام راح تتعود ، و إذا في شهرين عندك مشاكل فما بالك بسنة ، أنا والدتي صابرة على والدي مدة 30 سنة ولا يوم إشتكات
و فكرة الطلاق إنساها للأبد ، راهي ولية و المطلقة في بلادنا ما يرحموهاش الناس و حتى عائلتها

fatouma alg · 2010-09-21, 12:39

سمحلي يا خويا بصح نقولك اختيارك ماكانش في محلو وادا بديتو المشاكل من الشهر التاني تاع زواجكم ماراحش تعيشو مليح ومتقدروش تكملو مع بعض
انا نقولك يا خويا خمم مليح واستخير ربي وان شاء الله ربي يجيب الخير

بائع الورود · 2010-09-21, 15:28

أشكركم على هذا الإهتمام و على هته الردود
السبب الرئيسي ليس في الكيفية التي إرتبطت بها و لاكن السبب هو الكذب
لما ذهبنا في المرة الأولى قالت أمها لأمي نحن نتلوا القرأن في منزلنا و نقيم الليل و إبنتنا عابدة لله و من الصالحات و أنا بصراحة أمي نية بزاف و أخواتي كذلك فصدقوا ما قالوا لنا و الأن أرى غير ما قالوا لنا يعني لو كانت إبنتهم مثل ما قالوا لوجدت تلك الخصال و انا لم أجدها هي لا تتكلم كثيرا و لاكن تعرف العجب خاطش مخالطة بنات قباح و أنا فقتلها بصح طفرت كي فقت
لبنات تع درك حاش لي ما يستهلوش راهم واعريين أو ما عندهمش النية أنا راني نشوف بلي خدعوني على هذي راني كاره حياتي حتى راني متمني ما نزيدش نشوفها .
ياك أنتوما بنات ؟ واش تميزوا

بائع الورود · 2010-09-21, 15:41

اقتباس:

المشاركة الأصلية كتبت بواسطة wassila21

يا أخي تخيل زوجتك في مكانك و كانت تحب شخص آخر قبلك و مازالت تحبه رغم أنها متزوجة بيك ماراحش تحس بأنها تخونك حتى و لو بالتفكير فيه؟
و بما أنك ماشاء الله متدين و متعلم، ربيها زوجتك على يديك ولفلها طبايعك ، واش تحب و واش ما تحبش و علملها اللسان الحلو،و مع الأيام راح تتعود ، و إذا في شهرين عندك مشاكل فما بالك بسنة ، أنا والدتي صابرة على والدي مدة 30 سنة ولا يوم إشتكات
و فكرة الطلاق إنساها للأبد ، راهي ولية و المطلقة في بلادنا ما يرحموهاش الناس و حتى عائلتها

الطلاق ربي شرعوا يا أختي للرجل و المرأة ربي شرعلها الخلع خاطش ربي راهوا عارف واش كاين و انا شخصيا نعرف بنات تزوجوا و تلقوا و تزوجوا أو راهم لاباس درك
يسمى على حسابك المرأةالصالحة اللي طيح في راجل ما يوالمهاش و تشوف بلي تع الصح رايحة تضيع حياتها أو دينها لو كان تكمل معاه تزيد تكمل معاه حياتها ؟
ربي شرعنا الزواج و الطلاق و الرجعة و الخلع أو هادوا قع رحمة.
و نزيدلك حاجة واحدوخرا الراجل و لا المرأة كيما يصبوش راحتهم مع بعضهم بعض يعني يصيب و لا تصيب عقلية بعيدة بزاف و القلب بعيد بزاف ما يحبهاش ما تحبوش مارهمش عايشين مرتاحين ينجموا يبعدوا خاطش الهدف من الزواج المودة و الرحمة و السكينة يغيبوا هادوا يولوا كي ربوكوب .

بائع الورود · 2010-09-21, 15:44

اقتباس:

المشاركة الأصلية كتبت بواسطة سيملة

انا افهمك يا بائع الورود جيدا

بارك الله فيك الحمد لله لي راكي فاهمتني

حمزة 2685 · 2010-09-21, 15:46

اقتباس:

المشاركة الأصلية كتبت بواسطة *الفتى الصغير*

العصا و ما ادراك ما العصا

هي ثاني انسان
السياسة قبل .
حاول مسايرتها لوقت محدد.
ان شا الله مايكون غير الخير
الطلاق ماهوش كلمة ساهلة
احسب للمئة باش تخرج كلمة كيما هذي . ربي يجمع بيناتكم بخير

dana maram · 2010-09-21, 15:48

اقتباس:

المشاركة الأصلية كتبت بواسطة بائع الورود

الطلاق ربي شرعوا يا أختي للرجل و المرأة ربي شرعلها الخلع خاطش ربي راهوا عارف واش كاين و انا شخصيا نعرف بنات تزوجوا و تلقوا و تزوجوا أو راهم لاباس درك
يسمى على حسابك المرأةالصالحة اللي طيح في راجل ما يوالمهاش و تشوف بلي تع الصح رايحة تضيع حياتها أو دينها لو كان تكمل معاه تزيد تكمل معاه حياتها ؟
ربي شرعنا الزواج و الطلاق و الرجعة و الخلع أو هادوا قع رحمة.
و نزيدلك حاجة واحدوخرا الراجل و لا المرأة كيما يصبوش راحتهم مع بعضهم بعض يعني يصيب و لا تصيب عقلية بعيدة بزاف و القلب بعيد بزاف ما يحبهاش ما تحبوش مارهمش عايشين مرتاحين ينجموا يبعدوا خاطش الهدف من الزواج المودة و الرحمة و السكينة يغيبوا هادوا يولوا كي ربوكوب .

مليحة هذي روبو كوب
فهمنا انت واش را حاب واش راك ناوي بلا لف و دوران و مقدمات

جزائري وأفتخر · 2010-09-21, 15:52

الله يجبر حوالك ربي يجيبل الشفاء

بائع الورود · 2010-09-21, 16:02

اقتباس:

المشاركة الأصلية كتبت بواسطة dana maram

مليحة هذي روبو كوب
فهمنا انت واش را حاب واش راك ناوي بلا لف و دوران و مقدمات

صح ـنتي تقبليها في روحك يكذبوا عليك في حاجة كيما هذي ؟

بائع الورود · 2010-09-21, 16:05

لأنّ اختيار الزوجة - التي رضعت الإيمان ورُبيت على مبادئ الدين - من أساسيات الزواج السعيد؛ باعتبار أنّ الدين سوف ينعكس على خُلقها مما يعود على الزوج وعلى نسله بالخير الكثير
مقتبس من مقال على الصفحة
https://www.almohem.com/afawzy/select_your_husband
أنا هذي لي راني نحوس عليها أو ما صتهاش في مرتي

dana maram · 2010-09-21, 16:10

اقتباس:

المشاركة الأصلية كتبت بواسطة بائع الورود

صح ـنتي تقبليها في روحك يكذبوا عليك في حاجة كيما هذي ؟

اكيد لالا و اكيد مادام نتا لقيتها تصلي و تصوم و كامل معنتها فيها بذرة تاع خير
معنتها ماجاتكش يعني انسانة ماشي مليحة تماما لا صلاة لا والو و الا على عينك فيها صح تقدر تصحح قال يا سيدي غدوة نشاله نصومو ارواحي نصلو 2 ركعات هكا توالف
و المسكينة راهي عندها قابلية تتغير باه ترضيك واش تزيدلك جاوبني يرحم والديك

بائع الورود · 2010-09-21, 16:13

الثانية : الحرية التامة في اختيار الشريك الآخر.

إن اختيار الطرف المناسب يرجع إلى كلٍ من الزوج والزوجة؛ فالزوج له الحرية التامة في اختيار شريكة حياته، وكذا الزوجة لها نفس الحرية في اختيار شريك حياتها.

ولذلك، لا يحق لأي طرف في العائلة أن يفرض عليها أو يجبرهما على شخص معين، لا يرغبان فيه، وهذا لا يعني أن يستغني الشاب والشابة عن مشورة غيرهما في اختيار الشريك الآخر، وإنما الأفضل لهما أن يستعينا بالأبوين باعتبار أن تجاربهما في الحياة وما عاشوه من عمر، كفيل بأن يمنحهما الرأي الصائب، وأيضاً يمكنهما الاستفادة من ذوي الرأي الحصيف، الذين أنضجتهم تجارب الحياة

الأولى : الوصول إلى السعادة المعنوية.

إن سعادة الإنسان من الناحية المعنوية، تتوقف بشكلٍ كبير على اختيار الزوج؛ فإذا كان الاختيار قائماً على أسس موضوعية؛ فإنه سيؤثر تأثيراً كبيراً على حياة الإنسان ومستقبله.

الثانية : نجاح الحياة الزوجية.

إنّ بعض الناس يستعجلون الاختيار؛ فلا يرجعون إلى ذوي الرأي أو إلى آبائهم وأمهاتهم، الذين مُحضوا التجربة، ووصلوا إلى أعلى مراتب النضج، مما يتسبب ذلك في اختيارٍ فاشل يؤدي إلى الفشل في حياتهم المستقبلية، وبالتالي، الوصول إلى الانفصال وضياع الأبناء.

https://www.almohem.com/afawzy/select_your_husband

dana maram · 2010-09-21, 16:18

اقتباس:

المشاركة الأصلية كتبت بواسطة بائع الورود

الثانية : الحرية التامة في اختيار الشريك الآخر.

إن اختيار الطرف المناسب يرجع إلى كلٍ من الزوج والزوجة؛ فالزوج له الحرية التامة في اختيار شريكة حياته، وكذا الزوجة لها نفس الحرية في اختيار شريك حياتها.

ولذلك، لا يحق لأي طرف في العائلة أن يفرض عليها أو يجبرهما على شخص معين، لا يرغبان فيه، وهذا لا يعني أن يستغني الشاب والشابة عن مشورة غيرهما في اختيار الشريك الآخر، وإنما الأفضل لهما أن يستعينا بالأبوين باعتبار أن تجاربهما في الحياة وما عاشوه من عمر، كفيل بأن يمنحهما الرأي الصائب، وأيضاً يمكنهما الاستفادة من ذوي الرأي الحصيف، الذين أنضجتهم تجارب الحياة

الأولى : الوصول إلى السعادة المعنوية.

إن سعادة الإنسان من الناحية المعنوية، تتوقف بشكلٍ كبير على اختيار الزوج؛ فإذا كان الاختيار قائماً على أسس موضوعية؛ فإنه سيؤثر تأثيراً كبيراً على حياة الإنسان ومستقبله.

الثانية : نجاح الحياة الزوجية.

إنّ بعض الناس يستعجلون الاختيار؛ فلا يرجعون إلى ذوي الرأي أو إلى آبائهم وأمهاتهم، الذين مُحضوا التجربة، ووصلوا إلى أعلى مراتب النضج، مما يتسبب ذلك في اختيارٍ فاشل يؤدي إلى الفشل في حياتهم المستقبلية، وبالتالي، الوصول إلى الانفصال وضياع الأبناء.

https://www.almohem.com/afawzy/select_your_husband

يا السي موح راك تنصح فينا و لا تعلم فينا ولا تعطينا في الحجج و البراهيب ياااااو انت الي عندك مشكل و تستحق نصيحة ولا نسيت صراحة عايتني و حبستلي مخي