"عذرا على الفوضى يا ضيوفي الأعزاء"

[أم شروفة]

الطفل عرضته على طبيب وقالي توحد وفرط حركه ..لازم تحاولي معاه .. او تخليه يدير رايو .لكنه لا يفهم ..ضربتو ووبختو...استعملت كل اساليب التربيه ..وفي الاخير ..استسلمت...اني نشوفو يخرب ويدفق الما ويكسر ...وكان شيئا لا يحدث .. ...حياتي اصبحت. فوضى في فوضى ...اذهب لبيت شيخي يطردوني بسبب اطفالي....ونفس الشيئ بالنسبه لبيت اهلي ......زوجي مسكين ..يجي في الليل تعبان يلقاهم دايرين حاله ....ويلقاني خلاص راسي رايح يطرطق من العياط....الان. المشكل الطفله تعلمت منه ...حتى اني بطلت الذهاب للاقارب.او بيت اهلي ....كتبت هنا لان العنوان جذبني ...فعذرا على الفوضى ضيوفي الاعزاء لان ابني متوحد ....

[mariamalak]

السلام عليكم
اختى ام شروفة و الله حسيت بكل كلمة قلتيها و لكن استغفري و ادعى و احمدي ربي سبحانه هذا امتحان حطك فيه و اختارك انتى من بين الناس لحكمة من عندو سبحانو و اكيد رايح يكون عندك اجر كبير لذلك يجب عليك تفهمى حالة وليدك مليح و تحاولي تقراي كيفية التعامل معاه ما تستسلميش و اكيد بعون الله رايحة تكون نتيجة انصحك بالثقة بالله و الصبر و المثابرة فى هذه الحياة عندنا اولويات و انتى اولويتك اولادك ما تشوفيش للحاجة الي تتكسر ماعليس سلامتهم هوما من المرض و زيد المرض هذا انتشر و اكيد رايحة تلقاي معلومات تفيدك
ربي يشافيه ان شاء الله و تفرحي بيهم فالدنيا قبل الاخرة

[غزالة1]

السلام عليكم
جمعة مباركة للجميع
ماشاء الله تبارك الله يا الفحلات راني فرحانة بيكم
لم ادخل من البارح لاني غضبانة على روحي لاني لم اكمل قائمة الاعمال المسطرة ليوم امس ثم لم استطع قلت نضرب دورة عندكم

[غزالة1]

ام شروفة مرحبا بك اختي كل مرة نسال نفسي و نقول يا ترى ما احوالك
المهم انت لك وضع خاص اختي فلا تلومي نفسك او ابنك
لماذا لم تقومي باخذ ابنك الى طبيب نفسي يقوم باعطائ جلسات لاطفال التوحد
يجب ان تتحركي و تسالي عن الجمعيات و الاطباء
يجب ان تجدي امهات مروا بتجربة ناجحة مع ابنائهم ابحث و ستجدي باذن الله
سلام

[أم سلوى]

أم شروفة اتركي نفسك ترتاح لان اولادك لا يحتاجونجلمن يمنعهم وانما لكن يلعب معهم...فرعي البيت من الزجاج واي،شيئ يتحطم بسهولةد زاعملي لهم غرفة للعب ...سوف يطلقون الشحنات الزائدة لا تضربيهم ابدا ارتاحي ..واصبري..

[لحن الحياة.]

مبرووووووووووووووووووووووووووك التثبيت و شككككككككككرا مياسم

[نسمة صبح]

هذا وين قريت كلامك ام شروفة

الاولاد يا اختي نعمة ..ماشي حق تقولي نتحسر كي جبتهم ...للاااا هذا رزق من الله و منة و عطاء ..

و لقتتني اخر حاجة قلتيها عذرا ضيوفي لان ابني متوحد !!! قريت من قبل مشكلتك يا اختي و علابالي حياتك صعيبة

هذه دورة لنشغل وقتنا و يكون البيت نظيف..

احتي روحي اقراي اقتراحي بخصوص تحديد غرفة للعب الاولاد بدل الصالون المغلق ..انت هنا مهمتك تربية اولادك و الاهتمام بهم و ليس الاعتذار للضيوف.. يا ختي ديريلهم ركن خاصة و خليهم يكسرو و يقلبو على كيفهم راهم صغار و ولدك مريض كيفاش تلوميه و فرط النشاط اقراي ف النت على حلول ...

اعذري ردي لي فيه شوي عصبية ..
راني نهدر بالنيابة عن نساء ما عندهم لا بيوت لا ذرية ..ربي يقدرك..

[blanche rose]

موضوع رووووووووعة حبيبتنا حبيييييبة
خلوني نرفد صحتي شوي بعد السيزاريان وننظم لكنن

جزاك االه سعادة الدنيا والاخرة انت وكل من ساهمت في اعطاء فكرة مهما كانت بسيييييطة

[ام كنوز]

اليوم بكرة غسلت الكويزينيار والفرجيدار ومسحت الغبرة وسيقت الديار بالمنصفات وجدت الغداء للماسوات هادا وين قعدت نريح شوي

[arwa alaa]

اختيام شروفة في الاول ربي يعينك على تربية اولادك
وثانيا الضياف ولا الفاميليا مشي اهم من اطفالك
وثالثا علاه مديتيش اولادك للمركز يديرولهم الازم تحاليل واشعة ولازم تتعلمي تتعلمي تتعاملي معاهم وتعوديهم على النظام حتى المتوحد ومفرط الحركة يرقد ويلعب ويتعلم كلش
والنت راهي مليانا بالمواضيع والاساتذة الي يعاونو الاولياء حاولي تركزي في مساعدة اولادك بدل الاهتمام بالضيوف والزيارات ومعضم الاطفال الي يفيقو بيهم في سن مبكرة يتجاوزو مرضهم بصح لازم الوقفة والاهتمام اجري على ولادك

[ام متين]

اروى الاء وفيت في ابداء النصيحة الوقت الحاضر الامور تطورت كثيرا في كل المجالات ربي يعينك يا ام شروفة لازم انت توقفي وتريحي نفسك وابسط حاجة استعيني باخ او سلف او زوج لاصلاح الابواب وخصي غرفة بسيطة من حيث اللعب والفراش واعملي على تغيير اللعب مرة على مرة لان الاولاد يملو بالخف
وزيد وليدك تقدري تدخليه لمركز خاص باطفال التوحد وهكذا انت تريحي وهو يتعلم ويتعالج
ربي يقويك يا اختي ويجعل تعبك في ميزان حسناتك ويرزقك السكينة والطمانينة

[ام متين]

اروى كيف الاحوال واش راه وليدك وباقي الفراشات وين راكم جهينة ضيافك روحو والا مازالو ام البنين وام هاجر واش راكم تديرو نسمة وين راك في الشرق والا في الجنوب باقي الفراشات صح قهوتكم وامسية طيبة

[arwa alaa]

ام متين يعطيك الصحة وليدي راهو مليح غدوة لا حب ربي ينحي الخيط وانا راني في دارنا نستعفة شوية ونبدى الشونطي الجديد

[ام آدم]

السلام عليكم فراشاتي العزيزات
ام شروفة البنات كفاو و وفاو وصراحة الضيوف ما همش اهم من ولادك خصصي لولادك غرفة يكون الاثاث فيها خفيف وحطيلهم الالعاب والعبي واستمتعي باحلى واغلى نعمة
وبالنسبة للنوم ما تخليهمش يقيلو باش ينامو بكري ربي يشفيهوملك ويعينك

[ام آدم]

اروى على سلامة وليدك الله يشفيه ويعينك على الشونطي يا لعزيزة الصايبة صعيبة
ما عندكش خواتات ونسا خاوة يعاونوك؟