الجزء 157 من واش طيبتي اليوم .....كوزينة التميز و الامتياز - الصفحة 7

روضة 88 · 2015-12-30, 16:48

رزيقة تفضلي

قاطو البالون للينا

وهذا صابلي النيسلي لام اماني

وهذا صابلي الكابريس لام اماني

وهاذي بقلاوة

وهاذ من خطوبة روزا قلت نحطهم بلاك مشفتيهمش من قبل

وهاذم جبتهم من الاعراس وحطيتهم من قبل

ان شاء الله يعجبوك

omjoujou · 2015-12-30, 17:06

روضة الله يبارك وين كنتي مخبية هاذ الخيرات كامل يا تاريك فنانة في الحلويات يسلموا ايديك حنونة
بسملة يعطيك الصحة على الاطايب لي حطيتيها
ليزا لزيزا امممممم على هذاك بولي يشهي بصحتكم وبصحتك القعدة في دار والدك ربي يحفظهولك
رزيقة طريق السلامة واذا على لماعن ذرك نغسلهم مع روضة نتعاونوا ماتخافيش
ارزاق حبيبتي مشكورة على الاطراء ربي يخليك

omjoujou · 2015-12-30, 17:08

هذا لقاطو تاع ام سدرة يعطيها الصحة

روعة الصحراء · 2016-01-02, 21:46

[QUOTE=omjoujou;3994908775]
هذا لقاطو تاع ام سدرة يعطيها الص ربي البارك تعيشى اعطيني الوصفة وجزاك الله الجنة

روضة 88 · 2015-12-30, 17:16

اهلت بالفحلة انتاعنا ام جوجو ان شاء الله تكوني مليحة.

ماشاء الله عليك كما يقولوها خمسة وخموس طيابك رووووعة وهذا دل على انك ربة بيت ممتازة
انا راني هذا وين بديت نتعلم هههه

اما لماعن مكانش مشكل نغسلوهم راهم غير هما لي ميخلصوش ههه

وش عشاكم يا لبنات اليوم
انا بقالي من الغداء لوبيا ماشطو درتها مرق بالدجاج وعند في الثلاجة لحم قليان بلاك نزيد مع اللوبيا

omjoujou · 2015-12-30, 17:22

حشمتيني حبيبتي روضة ربي يخليك كلك ذوق حنونتي
انا عشايا ليوم خفيف ضريف فارميسال بالحليب والفرماج طلبوها ولادي
بصحتك الزاليقو
مالا مبعد نتلاقاو في الكوزينة تاع الزقزوقة نغسللولها لماعن مسكينة خدامة جيبي معاك وائل وانا نجيب جوجو برك نخليهوملها تحكمهم خخخخخخ علابالي تقولنا شدوا ولادكم عليا وخليوني نغسل ماعني وحدي خخخخخخ

روضة 88 · 2015-12-30, 17:34

اختي رزيقة بعد اذنك اختي علاه متزديش لقائمة التطبيقات كاش تحلية بالبرتقال او عصير مدام هذا وقته واكيد كل بيت ميخلاش كن هاذي الفاكهة.

لبنات اعطيوني احسن ماركة للميكسور.

ام جوجو لما نعودو في الاولاد والله ما تحكمهم تقلك راكم ضيافي وانا نغسل لماعن.

انا هي رزيقة · 2015-12-31, 12:11

اقتباس:

المشاركة الأصلية كتبت بواسطة روضة 88

اختي رزيقة بعد اذنك اختي علاه متزديش لقائمة التطبيقات كاش تحلية بالبرتقال او عصير مدام هذا وقته واكيد كل بيت ميخلاش كن هاذي الفاكهة.

لبنات اعطيوني احسن ماركة للميكسور.

ام جوجو لما نعودو في الاولاد والله ما تحكمهم تقلك راكم ضيافي وانا نغسل لماعن.

تسلميلي على الاقتراح الجميل اختي روضة لبنات راني زدت في قائمة التطبيقات تحلية بالبرتقال او عصير فعلا راه الموسم تاعو و ماذا بينا لبنات يبدعو في هذا الموضوع

omjoujou · 2015-12-30, 17:38

روضة الماركة seb مليحة وان شاءالله يزيدو يفيدوك الاخوات

أم سدرة · 2015-12-30, 17:40

مشكورة أم جوجو

omjoujou · 2015-12-30, 17:41

ام سدرة ياك راكي حطيتي قبيل صورة تاع القاطو وراني ظهرتها لا بغيتي عودي ديما حطيهم كيما حطيتي ليوم وانا ولا اي اخت تعاود تظهرهم مش مشكل هكذا ما تحرميناش من اطباقك نستمتعوا بيها

أم سدرة · 2015-12-30, 17:49

اقتباس:

المشاركة الأصلية كتبت بواسطة omjoujou

ام سدرة ياك راكي حطيتي قبيل صورة تاع القاطو وراني ظهرتها لا بغيتي عودي ديما حطيهم كيما حطيتي ليوم وانا ولا اي اخت تعاود تظهرهم مش مشكل هكذا ما تحرميناش من اطباقك نستمتعوا بيها

بارك الله فيك اختي أم جوجو ﻻنومازال مانعرفش نحط مليح الصور مشكورة

أم اسيل · 2015-12-30, 18:11

رزيقة مبروك الكوزينة وماشاء الله على دارك وعلى طيابك دايما فحلة الله يبارك

*توبــــة* · 2015-12-30, 18:14

مساء الخير حبييباتي

توحشتكم بزاااااااااااف... زقزوقة حبيبتي مبروك الكوزينة وكوزينتك ماشاء الله
مرتبة ونقية وتفتح النفس للابتكارات......... وباينة معولة عليها ف المسابقة نعرفوك فحلة ربي يبارك

باروكي جبتلكم شخشوخة الظفر اول مرة درتها جات اممممممممم

وهذا قريوش جات بنين مي يتفتت بزااااااااااف ان شاء الله المرة الجاية ندير تحريفات

روضة 88 · 2015-12-30, 18:35

اهلا بتوبة وش راك

يعطيك الصحة على الشخشوخة مممممم تشهي اول مرة ديري المرق ةلا اول مرة ديري لعجين .

القريوش يبان مليح انا عجوزتي متحبوش هكذا حمر تحبو اصفر.

بصح نقلك تسلم ايدك