دورة الفراشات الشاطرات في التنظيم و التنظيف خلال اجازة الصيف

[oum sabrin]

مساء الخير على لمة الخير واش راكم
تقريري لنهار اليوم
نضت صليت الفجر و قريت حزب + سورة الكهف و وليت للنوم حتى 8 لانو بايتة سهرانة مع وليدي بالحمى كي نضت طيبت قهيوة مع معارك كنت درتهم مساء امس و من بعد نظفت المرحاض و الحمام اعزكم الله درت الغذا حاجة خفيفة ماسيدوان ارز + بويون ليا لانو راني مع الريجيم طويت كومة حوايج كنت غسلتهم البارح لحقت ال10ص باحا ناض زوجي و اولادي استقهواو راح يقضي و انا سيقت الدنيا على السريع لانو البارح كي جيت من عند لوستي سيقت الدنيا عميقا كملت شغلي على 11 تقريبا بعدما رتبت القضيان في الثلاجة
ما قدرتش ندخل لانو وليدي راهو مريض
المهم تحياتي لجميع حبيباتي الفراشات القديمات و الجديدات و لحبيبة كل الفراشات حبيبة ربي يقدركم جميعا على شغالكم
سلام

[ام آدم]

صباح الخير يا وجوه الخير
اصبحنا واصبح الملك لله
يا معيييييييييييييييييييييييييين

[samira1980]

صباح الخير
انا حابة ننضم اليكم بصح الكسل مل خلانيش نبدا
انا راني هذا النهارات كارهة داري مانيش قادرة نقعد فيها ولا نقضي صوالحي
ادعولي ربي يا اخوات باش نرجع كيما كنت

[الرجاء الاماني المجد]

صباح الخير على الفراشات ربي يعونكم انا كل يوم عندي تنضيف لانني عندما اجلس في البيت في العطلة نحب كل يوم نضف وكدلك نخلط شوي طيبات وقاطو نعوض بناتي على لايام العمل كما اعلم بناتي خدمت الدار كجمع العابهم وهز وتطبيق فراشهم واعمال اخرى خفيفة كما انني ادرس بنتي الكبرى الفرنسية واللغة و الرياضيات في بعض الاحيان لانها هدا العام السنة الخامسة

[أم فاطيمة]

مساء الخير شيرات واش راكم واش حوالكم
حبيبة الف الف الف مبروك ربي يتمملك بخير و عقبال للعرس و عمارة الدار
انا نبدى معاكم حتة يدخلو لولاد يقرو على خاطرش راهم هما لي قايمين بالدار غسيل و تسياق و انا نخدم
لحوايج لكبار و مرانيش حابة نغير لبروقرام باش ما يجياحوش ههههه
بالتوفيق للجميع

[بعيدة المنال]

صباح الخير على أحلى لمة لمة الفراشات الفحلات الشاطرات ، صباخ الخير على أجمل وأطيب وأحب ملكة في بستان الفراشات حبيبتي وتوأم روحي عروس الموسم حبيبة
أم صبرين لا بأس على وليدك وربي يشفيه ؟

[أم ريتاج زهرة]

صباح النور حبيباتي ليكممممممممممممممممممممم وحششششششششششة كبيييييييرة كيف الأحوال توحشتكم كل وحدة بإسمها و العروسة نتاعنا كاش توجاد و لا والو أنا راني خطرة على خطرة نظف حاجة و نتهنى منها بصح راني شوية كارهة داري و كارهة حياتي و نفسي و كل حاجة قدامي على ما أظن لازملي رقية شرعيى راني تعبانة نفسيا ماعلاباليش علاش أدعولي أخياتي راني محتاجة الدعاء لي عودة بإذن الله

[ام عبد الرزاق]

صباح الخير يا فراشات المنتدى ربي يكون في العون في احسن منتدى في الجزائر وربي يشافيك يا ام ريتاج زهرة

[أم ريتاج زهرة]

المشاركة الأصلية كتبت بواسطة ام عبد الرزاق

صباح الخير يا فراشات المنتدى ربي يكون في العون في احسن منتدى في الجزائر وربي يشافيك يا ام ريتاج زهرة

اللهم أمين أختي و لكل المسلمين و المسلمات

[ام آدم]

صباح الخير لكل الفراشات
ام ريتاج رانا كامل نمرو بحالات نكونو فيها كارهين ربي يزيل همك و يسعد قلبك حاولي تبدلي شوي الروتين و عليك بالاستغفار و اذكار الصباح والمساء

[أم ريتاج زهرة]

اللهم أمين أختي أم آدم ربي يخليك أختي

[وفاء الياسمين]

السلام عليكم
كيف حالكم
لوكان نحكيلكم تضحكو عليا عندي ضرس متقوب دخلتلي فيه عظمة نتاع العنب دارت فيا لعجب
خرجت صباح حوست على طبيبة اسنان لقيتهم كامل عطلة دارنا ماتو عليا بالضحك
العنب واش دار فيا !!!!!
نفتح فمي تدرب لاماس

على فكرة شكون الي تسكن قريبة لبن عومار القبة قالولي كاين دونتيست سوريين معاهم مرأة ؟

[hanouna09]

السلام عليكم ربي يعين كل واحد على شغالو حبيت نسقسيكم اللي تعرف طريقه لتنظيف الاريكه نتاع قماش والمشكل مايتنحاش لازم تتنقا في مكانها

[رقية الناجحة]

السلام عليكم

ام ريتاج زهرة ربي يشفيك رانا كامل هكذا قتلتنا السخانة

ام نسيبة ضحكتيني ربي يحفضك ويشفيك

حقا قولولي كاش مسابقات والا والو

[ادرة مكنونة]

المشاركة الأصلية كتبت بواسطة hanouna09

السلام عليكم ربي يعين كل واحد على شغالو حبيت نسقسيكم اللي تعرف طريقه لتنظيف الاريكه نتاع قماش والمشكل مايتنحاش لازم تتنقا في مكانها

أفكار رائعة لتنظيف الأريكة بكل سهولة
غرفة المعيشة تعتبرمن أهم الغرف في المنزل وهي التي تظهر ديكور وتصميمات المنزل، لذلك أتينا اليكى بأفضل الطرق لتنظيف الأريكة ومقاعد الجلوس بطريقة سريعه.
نحتاج لتنظيف الكنب الادوات التالية:
المكنسة الكهربائية والمرفقات الخاصة بعملية التنظيف (شامبو خاص يلاءم نسيج الأريكة، المكنسة الخاصة لغسيل السجاد، مجفف هواء -إن وجد-، فوط التنظيف اللازمة).
– قبل الشروع في تنظيف الأريكة يجب معرفة نوع النسيج بالرجوع تجنباً لتعرض بعض الأقمشة للانكماش عند غسلها ، مثل بعض أنواع الأقطان أو الأصواف ويمكن أن تتواجد علامة النسيج أسفلها.
– تنظيف الأريكة جيدًا من الغبار والأوساخ، مع عدم إغفال الأركان والمساند والوسائد.
– مسح الأماكن الخشبية في الأريكة بقطعة قماش ناعمة لإزالة الأتربة العالقة.
– استعمال ماكينة غسل السجاد “الصغيرة” لغسل الكنب بعد وضع الشامبو المناسب لها، ومن الأفضل أن يتم إجراء اختبار غسيل مبدئي على مساحة صغيرة من الأريكة أولاً لمعرفة أثر الغسيل والشامبو ويمكن إجرائه على الناحية الخلفية منها.
– تجفيف الأريكة جيدًا قبل إعادة الوسائد وتشكليها عليها.