هل أنا على خطأ؟

[*سندوسة*]

المشاركة الأصلية كتبت بواسطة ailemak

يا أختي سندس واش ليحيرك في هادي، ياو بدون شك راجلها يكون كتر منها

نيشان عندك الحق

[ailemak]

المشاركة الأصلية كتبت بواسطة عابد لله

في مدينتي أرى الكثير من المتزوجين واعرف زوجاتهم لا جمال في الوجه ولا في الجسم ومع ذلك تزوجوهن. السبب لديهن صفتان: الأخلاق والراتب. ضخصيا افضل ان ابقى عازبا على أن اتزوج امرأة لا تعجبني شكلا غذ أن الهدف من الزواج هو التحصين فإذا كانت لا تعجب فما الغرض اصلا بالزواج منها؟
يا ترى هل تستطيع أخي الرجل أن تتزوج فتاة لا تملك لا جسما رشيقا ولا وجها جميلا ولا حتى شعرا ناعما؟ اعتذر على طرح الموضوع بهذا الشكل لكنها الحقيقة.

يا أخي وين رهو لمشكل، ياك كل واحد والدوق تاعو، w هادو رجال ليراك تحكي عليهم راهم ناس عاديين، ياو رانا نعرفوا ولاد نا، ياك ماشفتش لا جوناس يشبهوا لهدوك لي ستارز الشابين وتزوجوا مع ليماشي شابات ليراك تهدر عليهم، ياو رانا ولاد بلاد وحدة وعارفين درجة جمال نسانا ورجالنا، غير ما تخلعش روحك أخي، وكيما قلت كل واحد ودوقو، كاين لييبغي سمينة، وكاين لييبغي رقيقة، وكاين لييبغي بلوندا وكاين لييبغي لخمرية، ووو- دونك مكالاه تنخلع، روح شوفها بعينيه تلقاها شابة

deja أنا ميهمنيش في الرجل جمالو، المهم مقبول الشكلٍ، لييهمني الطول تاعو، لازم يكون طويل، وحدخرة ميهمهش الطول يهمها الجمال، ووحدخرة لعضلات تاعو، وكل وحدة وكيفاش

ونصيحة مني أخي، رحم الله امرئٍ علم قدر نفسه، ماشي شباب يتبع شابة وكي متبغيلوش يجي يعاير في شيرات كاملين، ولعكس صحيح، دونك كل واحد يشوف على حسابو، وكيما راكم تحكو حتى لبنت دروك راهي تبغي لجمال في رجل،، باغسكو الرجل أصبح يزوق روح بزاف ويهتم بجمالو أكتر من بكري، كيفاش ماشي باغين لبنت تزوق روحها يا عجبا

[أم أماني أريج]

السلام عليكم
صحيح أنك تطرقت في موضوعك إلى مسألة الرجل الذي يتزوج العاملة لا لشيئ إلا لمالها متجاهلا جوانب أخرى في نظرك يجب أن تتسم بها المرأة و هذا موضوع جيد للنقاش و لا أحد يلومك في ذلك
و لكن أن تحاول الترويج لفكرتك و لقناعاتك و لو كان فيها جانب من الصحة لا يصوغ لك أبدا أن تستهزئ بخلق الله لأن المرأة الأقل جمالا و التي وصفتها بالبشعة هي في الأخير إنسان مثلك لها أحاسيس و مشاعر و من حقها أن تتزوج كغيرها من أترابها ......و أظن أن إستغرابك من تقبل زوجها لها هي آية أخرى يضربها الله للناس حتى يروا عدله المطلق في توزيع الأرزاق بين الخلائق فمثل هؤلاء النساء ربما نزع الله منهن صفة الجمال و لكنه أعطاهن بالمقابل أزواجا زينهن في نظرهم و من جهة أخرى نرى فائقات الجمال و لم يطرق بابهن أحد .........

[بيلسان91]

والله تشوف ناس تبقا حاااير
يعني للدرجة هادي راك زيين عليها حاب تدي الزينة
متدريش ربي كفاش قادر ينحيلك زيك ادا ادا كنتي زين اصلا
خاطر حسب وش مالفا نشوف اللي تعود فيه خصلة حميدة راو يشووف روحو عادي واللي تنقصو خصلة تلقاه مغرور بلا شي

[عابد لله]

سوف اطلب من المشرفين غلق الموضوع لقد توقت من يومين عن الكتابة لان الموضاع اصبحت تتحول غلى صراعات شخصية وانتقادات لا طائل من ورائها.

[شاملة لينة]

مادام خلقها ربي بذاك الشكل وما عندها حتى سلطة فيه عطالها مكتوبها اللي يقدّر الشي اللي عندها سلطة فيه واللي هو الخلق بضم الخاء. واللي يديها من أجل الرّاتب راه مريض نفسي وحرم نفسه من متعة الاستقرار الحقيقي
كل واحد و مكتوبه

[ahmed bounoua]

راهي باينة يا خويا الراتب طبعا -_-