اقلها سنا اكثرها حظا في الزواج

[عابد لله]

عندما عرف استاذ التربية الاسلامية الزواج اصطلاحا فقال" هو عقد شرعي يجيز لكل من الزوجين حق الاستمتاع بصاحبه" انتفضت احدى الزميلات وقالت ما هذا الكلام وراحت تنفخ فاجابها الاستاذ بكل برودة: يا مخلوقة وانا نزوج وحدة باش نبقى نشوف فيها؟" . هل تتصورن رجلا يتزوج امراة دون ان يكون له فيها رغبة؟؟؟؟ واذا كانت كبيرة فكيف يرغب فيها؟ ثم لم احب رسول الله صلى الله عليه وسلم السيادة عائضة دون غريدها من نسائع الاحدي عشر؟ مشكلتكن معشر النساء انكن لا تفهمن كيف خلق الله الرجل ولم احل التعدد. تردن دينا مفصلا على افكاركن. اصلا ما الذي يدفع الرجال الى اقامة علاقات مع مراهقات في سن بناتهم والواقع يشهد على ذلك واذا اردتن التاكد يمكنكن مراقبة المحلات التجارية والمتوسطات والثانويات والفنادق و و و. لقد سئمنا من " الشيتة" هذا هو الواقع فمن شاء صدقه ومن شاء كذبه. المتعة امر مهم في حياة الرجل وقد شدد الاسلام على ذلك ولكن الوقت لكي تبحثن عن الاحاديث الواردة في ذلك واقوال العلماء.

[anfal10]

ليس مهم العمر و لا الجماااال و انما الأخلاق الفاضلة و الصفاااات الحميدة هذا أهم أمر

و كل واحد وااااش أيحب

saddam02 شكرا على ردودك اخي الكريم

كلامك صحيح فزواج المظاهر لا يدوم ان زالت المظاهر

[anfal10]

سلام
صراحة انا متتبعة من بعيد اقرا جميع الردود دون تدخل لكن اليوم قررت نرد ونعبر على وجهة نظر خاصة بي ونعطي بعض الامثلة
صراحة ما يقلقني هو الرجاال ياخذون من الدين ما يعجبهم مثلا الرسول تزوج بعديد النساء من حقنا التعدد لكن الرسول صلى الله عليه وسلم تزوج بما اكبر منه سنا يقولو لا هداك رسول ربي يسهل يعني يقتدو بما يناسبهم
ثانيا لم اقرا حديث للرسول يتكل م فيه عن سن المراة او العانس اوووو انا اعلم يا من تقتدون بمحمد الرسول انه قال اوصيكم خيرا بالقوارير
نرجعو لموضوعنا لكل منا الحق في اختياراته وحياته انا لا احب نقد غيري كل انسان حر من تفضل الدراسة او العمل وهناك من يفضل الزواج بالصغيرة اووو
لكن حسب راي كل ماكانت صغيرة كل ما تركيبتها الفيزيولوجية مختلفة على الاكبر بالنسبة للرجل يعني انا 23 سنة واخوتي الذكور 27 سنة والله نبان اكبر منهم
لكن ما لا يعجبني 45 سنة يريد الزواج ب فتاة 18 سنة ويقلك الي في 30 كبيرة زعما هو الي صغير ربي يهدي لي عودة

و الله عجب كما قلتي يا صارة لا يعجبني من الرجال من يختار من الاحاديث و السور القرآنية ما يخدم افكاره فقط ,,,,,,فالاجدر بهم قراءة سيرة النبي صلى الله عليه و سلم .
نعيش في مجتمع صعب جدا الظفر بالاقل سنا مثل العثور على الكنز او تجديد الشباب للكهول :d
ياو كاين واحد في الستين دا وحدة في الثلاثين وعلاش علا جال الدراهم لي عندوا لا اكثر و لا اقل

[hodahodahoda]

هناك شباب يريد امراة لا تتجاوز 25 سنة و كل واحد من حقو
لكن على المراة ان تعلم ان الامر هو امر الله
فلا تياس

[anfal10]

أنا أرى أن الزواج فقد مفهومه و مكانته أي لم يعد المقبلين على الزواج مدركين حقا لعظمة المسؤولية المترتبة عليهم ، فزواج ليس لعب أطفال بل إنها مؤسسة تخرج أجيال المستقبل فبالله عليكم كيف لفتاة دات ال20 سنة تتحمل هذه المسؤولية؛ أنا ولغاية هده اللحظة لم أرى فتاة تحت 23 سنة ناضجة بل وإن 50% من نساء تحت 28 سنة غير ناضجات.

razikaaa على حسب كاين بنات ما شاء الله صغار او شاطرات ما لازمش نحطو الكل في كيس واحد و لكن رانا نشوفوا البعض مدلات بزاف احبوا الواجد كيما المسلسلات غي تحواس و الزناقي النضج ناقص بزاف عندهم.

[anfal10]

لسلام عليكم,,,, راني حاب نحكي على تجربتي و الحكم ليكم

انا تزوجت بطبيبة لا جمال و لا عيون زرقة و عمرها 33 سنة (زعما شبعت من الدنيا) و لا ديت فرنك من مالها (باش ما تقولوش طمعت في مالها) ,,,, كي قالولي متدينة و اخلاق قبلت بيها ,,,, بعد الزواج اكتشفت انها تؤدي صلواتها في وقتها و فقط ، اما الكذب 100 في الساعة و لا تطبق من الاسلام الا ما يحلو لها و لما مرة حكيتلها على الصحابة ، قاتلي بالحرف : رانا في 2014 عصر التكنولوجيا و التقدم و انا (يعني هي) نعرف اكثر منهم و تعليمي عالي و هما عاشو بزاف في عصر الجاهلية

بعد ان حملت (و لم تخبرني حتى بعد شهرين و كاني غير معني او لست ابوه) بدأت تختلق في المشاكل (لا تطبخ ، لا تغسل ملابسي و و و ) حتى غضبت منها و هددتها و و و و



تعرفو واش دارت ؟ رفدت حوايجها و راحت لدار papaha و حكات حكايات علي و تهمتني بكل عيوب الناس و طلبت الطلاق و حلفت ما ترجعلي ، في النهاية ربي كشفها و كشف كذبها و خداعها

واش دير بيا اليوم ؟ طبيبة و تخلص مليح و الآن تدير واش تحب في بلاد حقوق التحرر ,,,,, واش تدير براجل لي ما يخليهاش دير واش تحب ، ما شي كيما papaha المتقف

darwina.koom
ناسف لتجربتك الفاشلة و هي ليست علوم دقيقة كل واحدة و صفاتها صغيرة او كبيرة بطرحي الموضوع لم اقل بان الزواج بالاكبر سنا سيكون بالضرورة ناجحا و لا حتى بالصغيرة و انما نظرة المجتمع من هته الفئة

تقولوا علينا نجرو وراء الزين و 19-20 سنة و هاهي ليكم حكايتي

نعم الاغلبية و هاذا على لسان الرجال قبل النساء يفضلن الصغيرة لاسباب خاصة على حسب اعتقاداتهم , المهم هاذا رايهم فانا لست رجلا لافهم طبع الرجال ولكن ليس كل الرجال سواسية كل واحد يجري وراء شيء معين هناك

• من يريدها:
• لمالها فيبحث عن الطبيبة و المهندسة و الاستاذة و الان يريدها شرطية

• لدينها و خلقها و عفتها قليل في وقتنا هاذا
  
• لجمالها فيختار الاكثر جمالا و القامة الطويلة و الشقراء ذات العيون الزرقاء

• لنسبها ذات حسب و نسب ليصاهر عائلةكبيرة مرموقة معروفة في المدينة

و نصيحة للرجال : قبل ما تقوم بأي خطوة اسأل عن ابوها . اذا كانت البنت تحب ابوها بزاف و متعلقة بيه اكثر من امها (هذا لا يعني ان كل من تحب ابوها معناها ابوها ديوث -- لكن رايحين تلقاو البنت متعلقة بأبوها بشكل اكثر من الطبيعي)

تلقاوه ماهوش مزيرها و عامل فيها ثقة عمياء من دون رقابة ولا سؤال .... فهذاك اب ديوث (كيما كان نسيبي) ,,,, ردو بالكم تتزوجو ببناتهم

الله اعلم يا اخي كل واحد يتحمل مسؤولية اختياره.

[anfal10]

عندما عرف استاذ التربية الاسلامية الزواج اصطلاحا فقال" هو عقد شرعي يجيز لكل من الزوجين حق الاستمتاع بصاحبه" انتفضت احدى الزميلات وقالت ما هذا الكلام وراحت تنفخ فاجابها الاستاذ بكل برودة: يا مخلوقة وانا نزوج وحدة باش نبقى نشوف فيها؟" . هل تتصورن رجلا يتزوج امراة دون ان يكون له فيها رغبة؟؟؟؟ واذا كانت كبيرة فكيف يرغب فيها؟ ثم لم احب رسول الله صلى الله عليه وسلم السيادة عائضة دون غريدها من نسائع الاحدي عشر؟ مشكلتكن معشر النساء انكن لا تفهمن كيف خلق الله الرجل ولم احل التعدد. تردن دينا مفصلا على افكاركن. اصلا ما الذي يدفع الرجال الى اقامة علاقات مع مراهقات في سن بناتهم والواقع يشهد على ذلك واذا اردتن التاكد يمكنكن مراقبة المحلات التجارية والمتوسطات والثانويات والفنادق و و و. لقد سئمنا من " الشيتة" هذا هو الواقع فمن شاء صدقه ومن شاء كذبه. المتعة امر مهم في حياة الرجل وقد شدد الاسلام على ذلك ولكن الوقت لكي تبحثن عن الاحاديث الواردة في ذلك واقوال العلماء.

ساكون جريئة بعض الشئء لما ياتي الخاطب ليرى خطيبته هل يكون متاكد انه سيتمتع معها لما يتزوجها ربما لا تعجبه من منظارك حتى لو كانت جميلة اظنك فهمتني يا من تريد المتعة فقط لو قلت هاذا لاي فتاة لما قبلت بك لان النساء يبحثن على الرفق الدفء الاحساس المحبة الحنان و ليس فقط تتزوجن للمتعة لو كان كذلك لكانت العلاقات مسموحة فهي مبنية على المتعة و فقط

[دموع الفـرح]

المعروف انو الراجل يحب المراة الصغيرة وقليل الي تلقاه يفضل يدي وحده فايتة 25 لشتات هو فايت 35 والصراحة حنا النسا الي شجعناهم على هدا الشي لانو كي يخطب واحد كبير واحدة صغيرة تقبل...... امالا الراجل مادا بيه يدي الصغيرة مادام الفرصة كاينة وسانحة
عن نفسي عمري 21 سنة وخطيبي 30 سنة ......يقولي لوكان جيت في عمري 25 ممكن ندي وحده قدي ولا قل مني بعام ولا عامين ........مي فالعمر هذا 30 مانقدرش ندي واحدة قل مني بعام ولا عامين ........وهي مسالة قناعات شخصية......... نفضل الراجل يدي وش راه حاب لشتات مولات 15 كي تعود هي قابلة طبعا .....خير من يدي وجدة كبيرة شوي ويندم ويدور عليها ....ضروري انو يبيبن وش راه حاب قبل الخطبة تجنبا للمشاكل سواء صغيرة ولا كبيرة

[Mahmoud Samir]

شكرا الاخت على الموضوع المميز
و كل عام و انتم بخير
بالتوفيق

[anfal10]

هناك شباب يريد امراة لا تتجاوز 25 سنة و كل واحد من حقو
لكن على المراة ان تعلم ان الامر هو امر الله
فلا تياس

hodahodahoda شكرا على ردك يا اختي

صحيح كل واحد حر في اختياراته و لكن النفاق موجود لما تكون عاملة لاباس بيها و سنها يتجاوز الثلاثين يغير رايه

[anfal10]

المعروف انو الراجل يحب المراة الصغيرة وقليل الي تلقاه يفضل يدي وحده فايتة 25 لشتات هو فايت 35 والصراحة حنا النسا الي شجعناهم على هدا الشي لانو كي يخطب واحد كبير واحدة صغيرة تقبل...... امالا الراجل مادا بيه يدي الصغيرة مادام الفرصة كاينة وسانحة
عن نفسي عمري 21 سنة وخطيبي 30 سنة ......يقولي لوكان جيت في عمري 25 ممكن ندي وحده قدي ولا قل مني بعام ولا عامين ........مي فالعمر هذا 30 مانقدرش ندي واحدة قل مني بعام ولا عامين ........وهي مسالة قناعات شخصية......... نفضل الراجل يدي وش راه حاب لشتات مولات 15 كي تعود هي قابلة طبعا .....خير من يدي وجدة كبيرة شوي ويندم ويدور عليها ....ضروري انو يبيبن وش راه حاب قبل الخطبة تجنبا للمشاكل سواء صغيرة ولا كبيرة

بك يا فرح ان شاؤ الله ديما فرحانة
يا اختي كل رجل و نظرته للزواج و اختياراته وشنوا كاين مدن معروفة يتزوجوا بكري يعني كيما راكي تقولي البنت لما تلحق 15 16 18 سنة يخرجوها من المدرسة فعادي بالنسبة ليهوم الزواج المبكر و حتي لي تقرا كاين تحبس ما تكملش من اجل الزواج يعني يكون عرف في المنطقة و لي تكون جامعية الاغلب الزوج يقوللها ما تخدميش .
اما في المدن الكبرى فالعكس تماما الفتاة في سن 18تعتبر صغيرة جدا مازالت تقرا ثم الجامعة ثو العمل وووو ثم الاستقرار من منطقة الى اخرى النظريات تختلف,
مع كل احتراماتي لخطيبك و لكن كل و احد واش احب انا شفت امثلة بزاف السن متقاربة او عايشين الحمد لله اخي لما تزوج كان في عمروا 35سنة وهي33 ولكن جامي خمم يديها صغيرة كان يحوس على مرا رزينة او عاقلة لا اكثر و لا اقل و اعطالوا ربي على حساب نيتوا .صحابوا خيروا صغارات يقولوا هبلونا رغم انوا واحد منهن تزوج وحدة شابة بزاف
و الاخر تزوج طبيبة كيما هوا
هذه امثلة فقط هناك حتما صغيرات و شاطرات ما تزعفوش مني

[anfal10]

شكرا الاخت على الموضوع المميز
و كل عام و انتم بخير
بالتوفيق

شكرا الاخ Mahmoud Samir يعطيك الصحة و كل عام و الجزائر بالف خير

[دموع الفـرح]

باه نكونو صرحاء مع رواحنا.....فالحقيقة من هي اكبر سنا هي اقدر على تحمل المسؤولية واكثر رزانة وصبرا وتحمل للمشاكل .......بحكم سنها تلقاها خلاص جاملة عقلها وهمهما الوحيد هو راجلها ودارها.وماهمهاش التفاهات الاخرى .......اما .الصغيرة (ماشي كلهم) مي الاغلبية التمهبيل كثر من الصح ......و الزواج بالسنبة ليها راجل يدلل ويسايس خاطر مازالت صغيرة ....
ولوكان جا الي كبير يدي الي كبيرة شوي لوكان ماكانش مشكلة العنوسة وماكانش مشاكل زوجية بنفس الكم الهائل الي راهي متواجده بيه حاليا
الحق يقال نشوفوهم ضكا يديوها صغيرة على جال صغرها وبهاها وبالاك كاين حتى الي يتباهى بيها و.......كاين الي يقولك نربيها علي يدي ...وغيرو .(الجيل تاع ضكا ماتقدرلوش ماشي انت الي تربيها عي يديك ...هي الي تهبلك على يديها).... نلقاوه يفرح بيها شهر ولا شهرين ومن بعد تبدا المشاكل ..........ماهيش مرا تاع دار...ماتعرفش تطيب .......ماتوجدليش حوايجي ....... والخ من المشاكل التي لا تنتهي .......لانو نظرتو قبل الزواج وبعد الزواج ماش حاتكون نفسها
نتمناو نشالله الزوجة الصالحة والزوج الصالح لكل مقبل على الزواج ونشالله ربي يعطي لكل 1 وكل واحدة وش راهم متمنيين في شريك الحياة

[nilly]

المشاركة الأصلية كتبت بواسطة دموع الفـرح

المعروف انو الراجل يحب المراة الصغيرة وقليل الي تلقاه يفضل يدي وحده فايتة 25 لشتات هو فايت 35 والصراحة حنا النسا الي شجعناهم على هدا الشي لانو كي يخطب واحد كبير واحدة صغيرة تقبل...... امالا الراجل مادا بيه يدي الصغيرة مادام الفرصة كاينة وسانحة
عن نفسي عمري 21 سنة وخطيبي 30 سنة ......يقولي لوكان جيت في عمري 25 ممكن ندي وحده قدي ولا قل مني بعام ولا عامين ........مي فالعمر هذا 30 مانقدرش ندي واحدة قل مني بعام ولا عامين ........وهي مسالة قناعات شخصية......... نفضل الراجل يدي وش راه حاب لشتات مولات 15 كي تعود هي قابلة طبعا .....خير من يدي وجدة كبيرة شوي ويندم ويدور عليها ....ضروري انو يبيبن وش راه حاب قبل الخطبة تجنبا للمشاكل سواء صغيرة ولا كبيرة

يعني لو انتي ااقل منه بعام او بنفس عمره صافي مراحش يتزوجك بتفكيره هاد خداك لانك صغيرة؟ وميهموش اد انتي او غيرك ؟ كيفاه قبيلتها على روحك

[الداعي الى الحق]

سلام عليكم
أختاه شاب الذي يفكر بهذه الطريقة هو شاب تافه بكل مامعنى الكلمة وأنا ضد هذه الافكار البالية القديمة في زمن العلم وتكنولوجيا
كان يجب ان يختار شاب البنت على أسس اكثر جدية وواقعية وليس على أساس العمر وسؤال عندما تكبر تلك البنت اكيد سوف يمل منها بدون شك
وهذا شاب كل مايبحث عنه هو الجنس ولا يعي أمور زواج