عندي فكرة ارواحو نخيطو مع بعضانا - الصفحة 7

djihanegirl · 2014-05-30, 13:58

ما عليش الاخت تقوى ما تقلقيش روحك بالاك ربي شاف فيها صلاح هكا خير باش يزيدو يتجمعو أكبر عدد من البنات وربي يسهلك

oum yanis · 2014-05-30, 14:15

يعطيك الصحة ختي فكرة هايله انا تاني ما نعرفش نخيط و حابه نتعلم

sarra5 · 2014-05-31, 09:14

اقتباس:

المشاركة الأصلية كتبت بواسطة takwaaa

صباح الخير عليكم ان شاء الله راكم ملاح
انا و الله حاشمة منكم لبارح من 8 ل 12 تاع الليل و انا نحط فالموضوع الدقيقة لخرة بش ندير اعتماد الموضوع الكنيكسين ثقيلة و زادت راحت لنترنت اللي خدمتو كل راح حتى درك مش من عندي لنترنت كي تجي راني نعاود و خلاص
نتمنى تعذروني

كون اعتمدتي طريقتي الي هي كي نكون نكتب في موضوع وتروحلي الكونيكسيون

نعمل selectinner tous و ندير copier و نروح لل word و ندير coller و نخبي موضوعي فيه وكي تجي المرهوجة ههههه نكوبي الي في الوورد و نكوليه في الموضوع الجديد تاعي ويخرج عادي

هاذي على مرة خلاف

جومانة فلة · 2014-05-31, 10:08

السلام عليكم
من الصفحة الاولى وانا نتبع حتى هذه الصفحة
وانا ثاني عملتها معايا لا كونيكسون لهذا اصبح الورد حبيبي ما استغنى عنو ابدا نحط فيه كل يئ قبل ان اعتمده
لانني اكثر من مرة تكلختلي وضاع عملي هباءا منثورا
المهم راني تستنى معاكم في الاستاذة وربي يجازيها كل خير

بنت الطيب · 2014-05-31, 13:58

يعطيك الصحة تقوى رانا نستناو فيك أختي

نوال البرج · 2014-05-31, 14:38

مساء الخر عجبنى الموضوع بزاف عندي هواية الخياطة بسح سعات تذهبلي ومنلجاش راسي انا راني حابة نخيط هذا المودال

نوال البرج · 2014-05-31, 14:41

لبات قولولي كيفاش نحط الصورة

takwaaa · 2014-05-31, 18:34

مسا الخير
و الله يا لبنات الدرس هدا مش كاتبتلو يتحط كتبت و كلش و كي درت اوكي قالي مش دايرة تسجيل دخول مع اني داخلة طلبو التحديث كي درتو راح كلش اااااااااااااااااااااااااااااااااااااااااااا

مشرق2 · 2014-05-31, 18:47

فكرة هايلة و اتمنى لها التوفيق
انا ايضا عجبني هذا

takwaaa · 2014-05-31, 19:13

بسم الله الرحمان الرحيم

اليوم نبدو مع الروب اللي حطتها لينا الروبة سسسسساااااهلة و ما تعبش ما فيهاش تخرنين بزاف ما تتخلعوش كي تشوفو الخطوات بزاف ما كاين زالو انا برك حبيت نديرها بتفاصيلها بش المبتدئات يفهمو راني درت بالورق ان شاء الله تبانلكم و تفهموني نبدو على بركة الله
هادي الروبة

القماش 1 متر يكفي الا اذا اللي حابة ديرها طويلة تقيس و تعرف اما الدونتال 1/2 متر

هذا مخطط تاع الروب
هدا من الامام

هدا من الخلف

جيبو الادوات التالية :
1 -القماش
2 - الدنتال
3 - مقص
4 - مترا
5 -صابون او طبشور لقماش
6 -قياس اذا كاين حتي بودي ولا بستي ولا روب سيري على خاطر عادي لا فيها ليبانس لا والو مخيطة كي غلاف لمخدة دايرة لاطاي هههههه اذا ماكانش نهزو لقياساتتاعنا
ابرة خاصة بالبيزو او رقم 12
نهزو لقياسات كما في الصورة
الكتف + فوق الصدر + الحزام + الطول المراد و اللي عندها قياس احسن ما تحتاجش قياسات

هدا القماش

اكبر بلاصة في الجسم هي الخصر كي تقيسه اللي تلقيه في قياس الخصر هو اللي تمشي بيه مثال لقيتي الخصر 90 زيديها 4 سم و قيسي 94 في القماش و طبقيه على 4 و الطول كيما حابينها تجيكم ديما لقماش اللي يطوط الجهة اللي تطوط نديروها في العرض و الجهة العادي في الطول

نحطو قياساتنا على لقماش
لقياس اللي لقيتوه فالكتف تقسموه على 2 و تزيدوه 2 سم حق الخياطة
لقياس تاع فوق الصدر اللي لقيتوه اقسموه على 4 خاطر لقماش مطبق على 4 و تزيده 2 سم حق لخياطة
لقياس تاع الخصر تاني تقسموه على 4 و تزيدوه 2 حق لخياطة
و ندرو الطول و نحسبو حق الكفة و لخياطة من فوق.ديما خلو الزايد كان جات واسعة تقدرو تنقصو مي كان جات ضيقة ماتلقوش كيفاه ترقعو ديما فاضل و لا مخصوص
و اللي عندها قياس تهنات تحط و ترسم ديراكت ماتبقاش تكسر فراسها
و الطابق و الرقبة كيما وريتلكم في الدرس اللي فات مي ما تحلوش الرقبة بزاف خاطر المودال رقبتو ملمومة

درك نقصو الزوائد نتحصلو على قطعتين

نجيبو الصدر و نطبقو من تحت الابط ب 1 سم

نتحصلو على هاد

نجيبو الظهر نطبقوه على 2 و نرسمو فيه هاد القوس بش نديرو فتحة الظهر

كيما هك

كي نقصوه يخرجلن هك

نجيبو الطرف اللي قصيناه من الصدر

و نطبقوه على 2

نجيبو لبرودي

و نطبقه على 2 على قد قطعة الصدر بش مانفسدوش لقماش كيما هك

و نفصلوه على قد هداك الطرف تاع الصدر غير نزيدو 1 سم من تحت حق الخياطة كيما هك

نجو للبرودي اللي في بلاصة الحزام العرض اللي حابينو و الطول نطبقو الدنتال على 2 و الجهة الامامية على 2 و نحطهم فوق بعضهم باش نفصلو لحزام و نقصو الزايد

ما تنسوش تفصلو الدوبلير تاع الرقبة الظهر كامل حتى الفتحة و الصدر و المرة هادي زيد دوبلير للطابق بش تجي خدمة نظيفة
نتحصلو على هاد القطع

كي نجمعوهم هك

نجو للخياطة
مهم : كي تخيط ما تكسلوش الكتان خلوه يمشي وحدو بش مايجيش مشرشف

1 - نركبو الصدر تاع الدنتال مع الطرف التحتاني
2 - نديرو دوبلير الرقبة و الاليدين
3 - نقلبوهم و نرقدوهم بالماشينة و الا تعرفي تهزي بايدك من داخل خير بش ما تبانش لخياطة
4 -نلصقو الدنتال الخاص بالحزام و هادوك القطعتين اللي على جنب تخيطي بندات رقاق ز تلصقهم منا و منا كيما دايرينو هوما
5 - نديرو الدوبلير للظهر و الطابق و قبل ما نقلبو ندخلو الصدر اللي خدمناه بين الرقبة تاع الصدر تحت سجاف رقبة الظهر و اليدين ندخلوهم بين سجاف اليدين تاع الظهر و نقفلو لكتاف و نميلو شوية كيما فالدرس الاول و نقلبو و نرقدو الدوبلير كاين واحد الحاشية يديروها كي ما يحبوش لخياطة تبان تاع حجابات ... الرولو ب 19000 و يحكملك بزااااااااف تلقايه فقداه حاجة
هك نكونو كملنا الخدمة من فوق
6 - درك نقفلو الجناب
قبل ما تكفي روحي قيسيها شوفي كان حابة تزيدي ضيقي فيها و احكمي الطول بمساك و كفي و هك تكوني كملتي القندووووووورة بصحتك
ان شاء الله فهمتوني و جاكم درس خفيف و ما قلقتوش و الصور واضحة
اللي عندها استفسار راني هنا

لينة المتفائلة · 2014-05-31, 19:42

الف الف شكر لكي استاذة والله ساهلة او شرحك زاد سهلها راني مصبرتش نروح نشري القماش او نطبقها
بصح استاذة مفهمتش في الخياطة رقم 5
ايه وحبيت نعرف ديبلور الرقبة نديروه بالبيزو بيزو ولا دونتال ؟؟
ايه واستاذة مقلتيلناش فتحة نتع الطابق قداه نهبطو من الكتف للتحت الابط او فتحة الرقبة
كثرت عليك الاسئلة استاذة والله نوعدك نطبقها او نحطها

takwaaa · 2014-05-31, 20:36

لالا لينا ما كثرتيش عليا و ما قلقتينيش و الله فرحت كي تحطلي الموضوع عانيت معاه و فرحت اكثر كي فهمتيني و جاك ساهل الطابق شبر و الرقبة 4 صباع ارجعي لدرس القندورة نفس الطريقة لينا غير هادي رقبتها طالعة انا درتها كي الرقبة كي الظهر و الا حبيتي تزيدي فالرقبة القدام بعد ما تفصلي هاداك الطرف تاع لبرودي كيما وريتلك زيدي اهبطي فالرقبة فصلي و شوفي كان جاتك مخنوقة زيدي اهبطي فيها بالنسبة للدوبلير ديريه بالبيزوبيزو بالنسبة لرقم 5 على لحزام قصدي لبرودي اللي فالكرش تخيطيه من فوق و التحت و يخي كاين قطع من لقماش فوق لبرودي شوفي صورة الروبة هادوك قلت عليهم بندات شوفي الصورة درك تفهميني فهمتي؟

لينة المتفائلة · 2014-05-31, 20:41

ايه يا استاذة باركيلي قدرت نريقل مشينتنا وحدي مازال غير نريقللها نفداتها خربت فيها حتى شبعت وريقلتها
مازالي نروح نخيط القندورة لي فصلتها او بربي ان شاء الله نشري الحوايج او نخيط هاذي تانيك

لينة المتفائلة · 2014-05-31, 20:43

ايه استاذة فهمتك اني كي نولي نطبق كان مفهمتش اني نقلك مي والله ما نفهم حكايت الشبر نعرف بالقيس استاذةاسمحيلي والله

لينة المتفائلة · 2014-05-31, 20:45

ايه وحبيت نقلك بصح استاذة في القدام الرقبة كي ندير الديبلور بالبيزو بيزو او يعود باين خطراكش الدونتال يجي مثقوب