الجزء 70 واش طيبتي اليوم سيدتي الفاضلة - الصفحة 7

Aya69 · 2014-04-22, 15:57

حبيبتي ghorba هذي شهادة أعتز بيها ربي يحفظك ويعطيك ماتتمناي ان شاء الله

أم ياسين الزهراء · 2014-04-22, 15:58

مبروووووووووووووووووووووووك الكوزينا والله يجعلها عامرة بالخيرات ونسمع اخبار زينة ومفرحة

2014-04-22, 15:58

السلام عليكم غالياتي
ما شاااااااااااااااااااااااااااء الله كلش هاااااااايل
اية ربي يجازيك حنونة ويعطيك واش تتمناي ياااااااااااااااااااااااااارب كلامك عسل يا غالية والخبز خرجلك راااائع واطباقك تاني هااايلة سلمت الايادي
سهام حبوبتي روحي للرد تاعك تلقاي مربع مكتوب فيه تعديل اضغطي عليه وامحي واش بغيتي

سهومةج · 2014-04-22, 15:58

منين ندير تعديل

ghorba · 2014-04-22, 16:00

قلوب بالجلجلان و الشكلاطة
المقادير ..
500 غ مرغرين او زبدة فلوريال
كاس ونصف سكر ناعم
صفار 3 بيض
كاس جلجلان محمص ومطحون
2 اكياس خميرة الحلوة
طحين
للتزين
شكلاطة
فوندون

أم ياسين الزهراء · 2014-04-22, 16:02

الصباح دخلت ودرت رد طويل وعريض وذهب مع الريح

البنات اللي عجبتهم التارت تعيشو حبيباتي عينيك اللي شابين ومكحلين هههههههههههههههههه بكحل الحر ههههههههههههههههه

الاخت امال نقلك البلا مازال ماشريتش ان شاء الله نخرج ونشري وكانت الاخت ام اماني قالت سخنو الفور مليح وطفوه ولوحي السنيوة فيه يعني فرغانة راح منبعد تصلحلك في الاستعمال والدشيشة نشريها من عند بوهيل اللي قدام الشواية ان شاء الله تعرفيه عندي مدة نشري من عندو

اللي دارو قلب اللوز الله يبارك حطى بصحتكم

منبعد نحكيلكم حكاية التارت هههههههههههههههههه

lyzzabel · 2014-04-22, 17:09

سلااااام يا حلواااات و صح قهوتكم
حزر فزر كيما تقول وحدة حبيبتنا

وهاذي شامية الصوامعية جربتها و راهي تتشرب فالسيرو تاعها

استغفر الله العظيم

ghorba · 2014-04-22, 16:03

غرتان الشومبينيو والفرماج

المقادير:
كويس دجاج
50غ زيتون اخضر مقطع
علبة فطر مقطعة ومصافة ومقلاة في قليل من الزبدة مدة دقيقتين
فصين ثوم
فلفل اسود+عرق اصفر+كمون+ملح+رشة صغيرة من جوزة الطيب+ورقة رند+حبتين كبابة +حبة هيل
حبات فرماج عادي او حبة شاف من الافضل
250غ فرماج شيدار
حشاوش مقطع
طريقة التحضير:
نضع الدجاج في قدر الضغط ونضع عليه الزيت
ونتركه يتغلى شوي ومن ثم نضيف الحشاوش والثوم والتوابل
ونقلبهم قليلا ومن ثم نضيف الزيتون ونغلق كسرنة الضغط ونتركها على نار هادئة جدا مدة ساعة كاملة وبعد النضج ننزع الدجاج ونضيف الى المرق الفطر
ونتركه فوق النار مدة دقيقة
ومن جهة اخرى نقطع الدجاج الى قطع صغيرة والفرماج ونضعهم في مول ونصب علها المرق التي كنا تركناها فوق النار وبعدها نضع عليها فرماج شيدار المبشور ونسخن الفرن جيدا وندخلها مدة 10د بمجرد ان يذوب الفرماج نخرجها وتقدم ساخنة
ملحوظة يمكنك تحضيرها قبل الوقت بساعتين او اكثر ودخليها الفرن عند التقديم

[

سهومةج · 2014-04-22, 16:03

راني درت تعديل شكككككككككككككككرا واللي ما فهمتش نفهمها تقدرو تزرعو النعناع التاي المعدنوس نوجدوهم لرمضان في لي بو صغار متعة و اقتصاد و كلش

ghorba · 2014-04-22, 16:05

اقتباس:

المشاركة الأصلية كتبت بواسطة سهومةج

راني درت تعديل شكككككككككككككككرا واللي ما فهمتش نفهمها تقدرو تزرعو النعناع التاي المعدنوس نوجدوهم لرمضان في لي بو صغار متعة و اقتصاد و كلش

يعطيك الصح زيدي قولينا انا ما نلقاش النعناع هنا قوليلي كفاش نزرعو
والتاي ثاني وكملي المعدنوس ربي يجازيك

2014-04-22, 16:03

غربة ربي يجازيك كل خير على ما تقدميه من صفات وعلاه متحطيهمش مواضيع
ام رياض يا لهوييييييييييييييييييييي على المطلوع يهوووووووس وانا من محباته راااائع ممكن وصفتك
اطباقك هاااايلة وربي يجازيك على الدعاء والكلام المعطر امممممممممممين ياااارب
حنان حبيبة قلبي البلح راهو اممممممممممممممممممممممممممم بصحتكم

استغفر الله واتوب اليه