كم مهرك - الصفحة 7

النجمة القطبية · 2014-03-25, 20:41

اقتباس:

المشاركة الأصلية كتبت بواسطة الشهاب2

لا أعرف كيف اسحب الحوار ولكن أقول للنجمة الشمالية ادخل للمهر بالمستقبل هو معلومات مفيدة فقط وصدق ناس بكري ققالوا سعد الشينة فالسما وسعد الزينة فالحما أنت متلا لوتتزوج جارتك بمهر غالي سوف سوف سوف أقول تنزعجين الغيرة في النساء طبيعية من تستطيع هنا ان تقول أتزوج بمليونين باطل كلام الناس ياختي انا منكدبش عليك رايحا تقول نزوج ولو خمسة دنانير هو الراجل غير ينوي تنوي معاه انا صريح ياختي .

شوف اخى الكريم انا كلمتك عن مبدا انا شخصيا نمشى بيه في الحياة انو تنوى الخير وتثق بالله سبحانه وتعالى والنتائج مضمونة
ولم اقل ابداا ان المهور في الجزائر قليلة او ان البنت لا تغار ولا تحب التفاخر هذي موجودة في بنات حواء وما اكثرها
انا كلمتك بالمنطق انو الانسان ينوى اولا ويبدا البحث لان الاصعب هو ان تجد الشخص اللى تقاسمه حياتك هذي اغلى من اى ماديات في الدنيا وحتى لو عندك مال قارون لن تضمن انو الزوجة صالحة الا اذا وفقك ربي سبحانو ولا انفى انو المادة مهمة للحياة لكن قلت انها تتيسر لما الواحد ياخذ بالاسباب وينوى نية خير وتكون نيته صادقة مع الله سبحانه وتعالى انو راح يبنى اسرة مسلمة ماشى راح يتزوج لمجرد التفاخر او تحصيل حاصل
والباقي يتيسر باذن الله وكم من انسان صادق ربي سهلو امور لم يتوقعها
النقطة الثانية انو اذا دخلت واحدة قالت مبلغ كبير مثلا ممكن هذا يهبط المورال ويثبط عزيمة البعض ويفقدهم الثقة ويتراجعو مثلا وهذا ما لا نتمناه وحتى البنات ممكن يغيرو على رايك وهذا موجود ولذلك قلت لا فائدة من الارقام
لذلك انا قلت ان يركز الاخوة على الشخص المناسب خير لهم من التفكير في الماديات لانها تخلى الانسان يتعب من الحسابات ويفقد طاقته في باطل
فيما يفيد مثلا ان نعرف ان فلانة مهرها مليار والاخرى مهرها زوج دورو لا يفيدنا في شئ مدام كل واحد عندو فكرة في عائلته كيف تتم الامور
والله اعلم وربي يوفق الجميع

الشهاب2 · 2014-03-25, 19:34

وشبيها المخلوقة لاماريا تخلعت من تلاتين مليون نحن هنا المصاريف ككل قلت لك قبل ماترى النور أكتر من ربعين مليون ويا عالم النساء تاع الوقت هدا راكبين رواصيهم أنا منكدبش عليك يا ختي تعقدنا وقعدنا هدر الشيخ بزاف قالهم نقسوا فالمهور مبصح هوما يبيعونا بلغلا رانا برنا وقعدنا هي الصراحة خير وحنا بايرين بايرين

التوليب الجميلة · 2014-03-25, 20:09

الحمد الله احنا لقبايل الزين و العقلية و الظرافة و مايشرطوش فينا والوا احنا الواحد لي يشرط في بنتوا عيب كبير علاخاطر ماشي سلعة للبيع هادا زواج احنا كي يجوا يخطبوا يقولو واش تشرطوا يقولوا احنا نحوسوا على الهناء و الهناء غلب الغناء غير زعما لا شرطوا الخدمة قال المراة حابة تخدم تقولها من الاول باش يتفاهمو هادا ما كان و كامل اللي نعرفهم ما شرطو والوا و راهم عايشين la belle vie

eBusiness · 2014-03-25, 20:47

اقتباس:

المشاركة الأصلية كتبت بواسطة manel10

الحمد الله احنا لقبايل الزين و العقلية و الظرافة و مايشرطوش فينا والوا احنا الواحد لي يشرط في بنتوا عيب كبير علاخاطر ماشي سلعة للبيع هادا زواج احنا كي يجوا يخطبوا يقولو واش تشرطوا يقولوا احنا نحوسوا على الهناء و الهناء غلب الغناء غير زعما لا شرطوا الخدمة قال المراة حابة تخدم تقولها من الاول باش يتفاهمو هادا ما كان و كامل اللي نعرفهم ما شرطو والوا و راهم عايشين la belle vie

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه

فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

التوليب الجميلة · 2014-03-25, 20:56

اقتباس:

المشاركة الأصلية كتبت بواسطة ebusiness

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه

فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

لا لا يا اخي عندنا بزاف بنات داوهم لعرب ديجا وين نسكنانا الحي ديالي يا اخي ستة بنات رجالهم كامل عرب ما عندناش العقلية هاديك المهم الراجل يكون خدام و انسان مليح الاخلاق ديالوا هوما الصح

eBusiness · 2014-03-25, 21:46

اقتباس:

المشاركة الأصلية كتبت بواسطة manel10

لا لا يا اخي عندنا بزاف بنات داوهم لعرب ديجا وين نسكنانا الحي ديالي يا اخي ستة بنات رجالهم كامل عرب ما عندناش العقلية هاديك المهم الراجل يكون خدام و انسان مليح الاخلاق ديالوا هوما الصح

شكرا أختي على الرد، أكثر الله من أمثالكم لكن لا يجب أن نكذب على أنفسنا فالجهوية تنخر المجتمع الجزائري حتى النخاع فأنا مثلا تلمساني وليس لي مشكل إن أتزوج حتى من القمر فما بالك بنت بلادي مهما كانت من الشرق أو الغرب المهم الاصل والعفاف قبل كل شيئ وأكاد أقول لك أن أكثر من 90 بالمائة من القبائل الذين أعرفهم لهم جهوية ضد العرب ولكن ربما كما قلتي أنت بخصوص الزواج فقد لا يكونوا متعصبين

الله يرزك كل خير أختي الكريمة

eBusiness · 2014-03-26, 11:08

اقتباس:

المشاركة الأصلية كتبت بواسطة manel10

بلا مزية اخي الجهوية كاين لي عندهم حساسية من كلمة لقبايل و ادخل لقسم التاريخ تشوف مليح و تاع الزواج انا البارح هدرت على المنطقة لي نسكن فيها م كاين قبايل واحد اخرين عندهم العقلية تاع ما نمدوش بنات للعرب

بارك الله فيك أختي الكريمة على ردك وفعلا ذلك ما قصدته بصراحة أختي الكريمة أنا أحب أن أتحدث عن الأمور من باب العقلانية وقول الحقيقة ولو مرة، يعني صدقا أغلبية القبائل لها تعصب ضد العرب للأسف وهذا شيئ لا يجب إنكاره ولكن كما قلت فعلا هناك قبائل من ليسوا متعصبين ضد العرب وما قلته لا يعني أني متعصب ضد القبائل فأنا والله أحبهم وأحترمهم ولدي أصدقاء من كل مناطق الجزائر وفعلا لدي الكثير من الاصدقاء القبائل الذين أعتز بصداقتهم كثيرا كما أعتز بصداقة كل ما هو جزائري لكني أحب أن أتكلم عن الأمور كما هي لعلنا إن شاء الله نقضي على هذه الجهوية التي تنخر أركان المجتمع

أما بخصوص أختك جيل فأنت فتاة وتفهمين أحاسيس أختك حواء لا اضن أنها تريد إزعاجك ولكنها تحاول أن تفتخر ببنات منطقتها لا غير فبالله عليكن أن لا تدخلن في صراعات عقيمة فكلكن بنات بلد واحدة والله يرزقكن بالأزواج الصالحين

حتى نعطي الأمر قدره، كل بنات الجزائر خموس عليهن والله يبارك فيهن وصراحة لو قارنا بنات الجزائر مثلا ببنات تونس التي زرتها كم مرة (هنا لست أحتقر بنات تونس لكنني أقارن) فإننا سنجد أن بنات الجزائر مازالت فيهن البركة أحسن بكثير من التونسيات (أتحدث عن الأغلبية) وإن قارنا بنات الجزائر ببنات المنطقة العربية لن نجد أحسن من بنات الجزائر لكن بكل صدق أغلبية الجزائريات يسرن نحو الهاوية وابتعدن عن الشرع لهذا عدن إلى بيوتكن وواسترن أنفسكن بحجاب شرعي لا حجاب 2014 هههه وبعدها تستاهلن مهور بالماس والزمرد وأنا عن نفسي سأعطي من تستاهل حتى من دمي لكن في الحالة الراهنة أغلب النساء يستاهلن السوط وضربة على الراس لعل وعسى يفقن من طريق الشر الدين هن فيه

لا داعي للتهجم علي فأنا لا أعمم ههههههههههههه

الشهاب2 · 2014-03-25, 21:03

اقتباس:

المشاركة الأصلية كتبت بواسطة ebusiness

صدقتي أختي الكريمة في كلامك وفعلا بنات القبايل زين وهمة كسائر بنات الجزائر يعني كل واحد يشكر في سلعته ههههههههه

فمثلا لدي قريب من تلمسان تزوج من قبائلية فزاده الله رزقا وفيرا وأصبح غنيا الله يزيده بينما أخوه تزوج بجميلة من المنطقة فخسر كل أمواله وأصبح في حالة!!!

لكن للأمانة لقد التمست بعض التعصب لدى القبائل وأغلبهم لا يحب العرب كما تقولون في منطقتكم ويفضلون تزويج بناتهم لشباب من منطقة القبائل فما ردك على هذا كونك قبائلية وبصراحة؟؟؟

ياخويا وعلاه راك تحرم عليا خلينا نفهمو شوية من المخلوقة رانا برنا ياصاحبي وعلاه درك الدير فالعنصرية وتفسد فالنية ياك هنا كامل جزايريين ويعني العربية هادي محنيا صباح وعشيا مكان والو الصلاح من عند ربي انوي الخير تلقى الخير

eBusiness · 2014-03-25, 21:25

اقتباس:

المشاركة الأصلية كتبت بواسطة الشهاب2

ياخويا وعلاه راك تحرم عليا خلينا نفهمو شوية من المخلوقة رانا برنا ياصاحبي وعلاه درك الدير فالعنصرية وتفسد فالنية ياك هنا كامل جزايريين ويعني العربية هادي محنيا صباح وعشيا مكان والو الصلاح من عند ربي انوي الخير تلقى الخير

والله يا أخي ضحكتني صح، وين حرمت عليك أنا؟؟؟ الله يهديك ونزيدك حاجة الراجل ما يبورش، رفع راسك يا با وان شاء الله يرزقك بنت لحلال والله أتمناها لك من كل قلبي

نصيحتي لك كأخ حينما تدهب لخطبة واحدة لا تتمسكن وتقول لها أنك بورت، كونك راجل وقولها إلا ما عجباكش الحال كاين أختك في السوق وبركى من هذه الروح الانهزامية، أنت راجل يا أخي وابحث عن بنت الأصل ماشي من لا تطلب مهرا كبير لأنه هناك نساء أنا بالنسبة لي لو عرضن على الزواج وهن من يدفعن لي الملايير والله لن يدخلن بيتي، الأهم هو العفة والصلاح ومن بعدها ننظر في أمر المهر

وأقول لمن تشترط العمل الله يهديكن من أين أخرجتم لنا هذا الشرط؟؟؟ عيب على والد الفتاة أن يشترط على الخاطب أن إبته يجب أن تعمل، يعني يعطيك إبنته ويتحكم فيها عن بعد كما لو باعك جهاز تلفاز أنت تتفرج لكن يحتفظ بالروموت كنترول ويمكنه أن يقلب عليك الشاشة متى يشاء، هذا هراء والله يرحم الرجال لأنه بصراحة لو مازال كاين هناك رجال لن نجد من يتجرأ أن يشترط شروطا خسيسة مثل هذه

والسلام عليكم

فهيمة 7 · 2014-03-25, 20:15

يا سلام واشي هاذا ياجماعة يسرو ولا تعسرو يخي اخرها راح يتزوجو

الشهاب2 · 2014-03-25, 20:21

يا ختي منال هي كاينةمنها لحكاية تاع لقبايل هادي ميشرطوش صح كاينة منها كانويخدمو معايا ويقولو هكدا مبصح مبعد يعني مكان والوا يعني تبقاو نورمال كيمة تتفاهمو مع الاول انت متلا شحال تزوجي الصداق تاعك قولينا ياختي لافيريتي بزاف الشباب لطاحوا على رواسيهم

التوليب الجميلة · 2014-03-25, 20:33

اقتباس:

المشاركة الأصلية كتبت بواسطة الشهاب2

يا ختي منال هي كاينةمنها لحكاية تاع لقبايل هادي ميشرطوش صح كاينة منها كانويخدمو معايا ويقولو هكدا مبصح مبعد يعني مكان والوا يعني تبقاو نورمال كيمة تتفاهمو مع الاول انت متلا شحال تزوجي الصداق تاعك قولينا ياختي لافيريتي بزاف الشباب لطاحوا على رواسيهم

شوف يا اخي و الله ما نشرطوا والو دوك كيما الكبش هاداك و القضيان و المهيبات و الخاتم هادوك باينين ماشي حاجة لي تنشرط م كيما الذهب و الدراهم و الله يا اخي جامي صرات اصلا بيني و بين راجلي عندوا يجيب بلا ما نقولوا ما عندوش غدوة يديني يفتح ربي عليه يشريلي مرتوا ما شي خسارة فيا احنا صراحة عيب يشرطوا فينا الدراهم اعلاش يبيعوني انا ما نقبلهاش هادي و انا شحال شرطوا فيا مازال ما تزوجتش

لحن الحياة. · 2014-03-25, 21:02

اقتباس:

المشاركة الأصلية كتبت بواسطة manel10

شوف يا اخي و الله ما نشرطوا والو دوك كيما الكبش هاداك و القضيان و المهيبات و الخاتم هادوك باينين ماشي حاجة لي تنشرط م كيما الذهب و الدراهم و الله يا اخي جامي صرات اصلا بيني و بين راجلي عندوا يجيب بلا ما نقولوا ما عندوش غدوة يديني يفتح ربي عليه يشريلي مرتوا ما شي خسارة فيا احنا صراحة عيب يشرطوا فينا الدراهم اعلاش يبيعوني انا ما نقبلهاش هادي و انا شحال شرطوا فيا مازال ما تزوجتش

سؤال صريح وجاوبي بصراحة
تقبلي تخرجي في حجابك نوغمال وتتزوجي بلا لاغوب وبلا تصديرة والعرس ماكانش و نتي ديري عرضة فقط لخاوتك و خياتك وطبعا تخلصيها من عندك?? اكيد مبدئيا تقولي نعم بصح كي يجي هاذاك نهار نحلفلك ما ديريها
تم كي راكي تتباهاي انا اختي اية في الجمال والاخلاق بشهادة الكل و ماهيش قبايلية ....يادرا العربيات مافيهمش الزين ......لبنان اكبر مثال
تم احنا تان ما نشرطوش تقاليد في العائلة ...ومانش قبايل ....نشرطو العافية ....انتم تقولولها الهنا ....واختي جابتلها عجوزتها 2 ملاين مهر لان ابي ما يحبش و حنا مخلوعين لا يسمعها
وعرستلها من الرابال تاعي واستقاملنا 30 مليون وجابولها فليزة لاليونس و هاذا لانو راجلها قليل
تم. ماهاذا الاستهزا بالعربيات .....زعمة قلتي رانا ضراف .....هل هذي ظرافة???
تم كي تتخطبي نتلاقاو في قسم العرائس
أخيرا ما تقوليش احنا لقبايل ...قولي في دارنا ....انا صحبتي بجاوية شرطت 20 مليون و بارير 15 مليون و المصروف تاع العرس ....وماهيش عربية !!!
و كاين قبايليات ماشي زينين كيما كاين زينين

الشهاب2 · 2014-03-25, 21:15

اقتباس:

المشاركة الأصلية كتبت بواسطة jill

سؤال صريح وجاوبي بصراحة
تقبلي تخرجي في حجابك نوغمال وتتزوجي بلا لاغوب وبلا تصديرة والعرس ماكانش و نتي ديري عرضة فقط لخاوتك و خياتك وطبعا تخلصيها من عندك?? اكيد مبدئيا تقولي نعم بصح كي يجي هاذاك نهار نحلفلك ما ديريها
تم كي راكي تتباهاي انا اختي اية في الجمال والاخلاق بشهادة الكل و ماهيش قبايلية ....يادرا العربيات مافيهمش الزين ......لبنان اكبر مثال
تم احنا تان ما نشرطوش تقاليد في العائلة ...ومانش قبايل ....نشرطو العافية ....انتم تقولولها الهنا ....واختي جابتلها عجوزتها 2 ملاين مهر لان ابي ما يحبش و حنا مخلوعين لا يسمعها
وعرستلها من الرابال تاعي واستقاملنا 30 مليون وجابولها فليزة لاليونس و هاذا لانو راجلها قليل
تم. ماهاذا الاستهزا بالعربيات .....زعمة قلتي رانا ضراف .....هل هذي ظرافة???
تم كي تتخطبي نتلاقاو في قسم العرائس
أخيرا ما تقوليش احنا لقبايل ...قولي في دارنا ....انا صحبتي بجاوية شرطت 20 مليون و بارير 15 مليون و المصروف تاع العرس ....وماهيش عربية !!!
و كاين قبايليات ماشي زينين كيما كاين زينين

آي والله تخسها غير نتيا وليتي ديري فالمقارنة لالا والله غير لقبايل يساعدو صح والهدرة هادي من زمان نسمعها هوما يقولوا اكسي ودي فقط ويحبوا الراجل يكون فحل برك وخدام يكرهو هداك لينوض على العاشرة ويقول مكانش خدمة كانوا معايا فالعسكر ويحكيولي كيمة راهي تحكي المخلوقة نتومة تاع الشرق والشاوية شويتونا وخليتونا لزمان عقوبة مزوجتوا مخلتيونا نهناو ونزوجوا ونتوما لطلعتوا فالمهور تقول عليكم حوريات سمحيلي ياختي انا صريح وقلبي معمر انا نروح تم .

الشهاب2 · 2014-03-25, 20:48

لالا ياختي منال مفهمتنيش الصداق راهوا حق لمرا..فالشرع مبصح يعني نحوسوا على التخفيف راكي علابالك الحالة راهي حابسة وزيد

ماشي النسا كامل بالعقلية تاعك هضرو بزاف على لقبايل بلي يسهلوا مبصح والله عندنا وحد الهدرة يقولوا لقبايل واعرين النساء تاعهم

انا شفتهم يتضاربو بزاف وشيا الصلاح من عندربي ياختي ادا كان قعد الواحد هكدا ندي خويا ونروحوا نشوفوا تم راهم يديرو لعراس

جماعيا للمعوزين وربي يجيب الخير