يوميات عضوة

[نهى اسطاوالي]

أهلا بيك ياسمين مانكذبش عليك الهمة لازملها عزيمة صح مرات نكونوا ناشطين ومرات يحكمنا التفنيين ههههه المهم ابداي يومك بالأذكار والصلاة ونحي من راسك كل شيء ورايحة تنوضي كي سوبرمان تخيلي بللي رهو جايك وفد ولا ضيوف هههههههههههه ترجعي الدار تشعل
انا رايحة ندير برنامج باه ننظم وقتي يعني ندير مذكرة نكتب فيها جميع الأعمال اليومية حتى الطبخ هكذا نظم يومياتي
ربي يوفقك ياسمين

[نخله.]

السلام عليكم

اختي ياسمسين

من الليل برمجي وش راح ديري غدوا هكذا فطني ناشطه و معوله



انا اليوم ماقدرتش نكمل كل الاعمال اللي برمجهتها تعبت وراه ظهري مكسور بصح علابالي نرقد ليله ونصبح جديده ولله الحمد

مزالي حوش ما سيقتوش والصالون مارجعتلوش قشو بعد الميناج ومازالولي حيوط لي كولوار ما لحقتش عليهم



مل تنسوش بلي سر النشاط والحيويه كيما وصى بيها نبينا بنتو الزهراء

قبل النوم التسيح 33 التحميد 33 التكبير 33 واتمام ال100 ب لا اله الا الله محمد رسول الله

جربوها فبها بركه نفيه وجسميه سبحان الله

[ياسمين1990]

السلام عليكم يا فحلات وجمعة مباركة ان شاء الله
شكرا لكم اخواتي على هذه النصائح
مرات نكون كما انتم ولكن مشكلتي انني لا استمر على حساب الاحوال الجوية اذا كان اليوم مشمس وصحو نكون ماشاء الله ناشطة ونخلص اعمالي ونكون في
قمة السعادة ونكذب اذا كان انا لخدمة هذه الاعمال ولكن للاسف عندما يكون الجو غائم متقلب هذاك اليوم يصبح مزاجي يالطيف الطف
ممكن اكتفي فقط بطهو الطعام هل هذه الحالة مرت عليكم وكيف يكون علاجها
مع العلم اني اقوم بجميع اعمالي الدينية من صلاة وتسبيح وذكر وقراءة القرءان ........الخ رب يتقبل امين

[ياسمين1990]

بالتوفيق للجميع
سلام

[عيدة نور الهداية]

حياة جميلة ورائعة في طاعة الله ومرضاته . خدمتك زوجك واولادك
روعة ماشاء الله
راكي درتيلي وسوسة باش نبطل خدمتي ههههههههههههههههههههه
ربي يحفضلك ابنائك

[نخله.]

اختي ياسمين حابه نسقسيك اذا انت متزوجه ولا لا؟؟؟

لانو اذاكنت عازبه فعادي جدا

انا قبل ما نتزوج ماكنتش ندير الشغل يوميا الا في العطل وماكنتش نحب ندخل الكوزينه اصلا

تعلمت الطياب شهر قبل ما نتزوج

اما الميناج بالنفحات نتحزم اذاكنت وحدي فالدار بصح كنت اذا عولت نرفد داركامله ونرجعها تبرق في نهار واحد مع انو دار اهلي كبيييييييييييييييييييييييره



يعني اذا كنتي عازبه عادي نهار تتزوجي كلشي شتبدل

[نخله.]

عيدة اختي انا كنت عامله واول ما طلب مني زوجي نحبس حبست نخاف تكتبلي عند ربي ذنب لانو زوجي مش حاب الخدمه

رغم اني مازال ماوالفتش الدار عندي 10 سنين فالدار ومازالني نوض بكري باه نكمل لغدا قبل 8 ومازالني ندير الميناج بالويكاند كاني مازلت نخدم


اذا كان زوجك راضي بالعمل تاعك وعملك في اطار مشروع ماننصحكش تحبسي الا اذاكنتي انت تعبتي او شفتي ولادك في حاجه ماسه لوجودك


لانو صعييييييييييييب الوحده تكون تخدم وتحبس

لحد الان نحشم باه نطلب مصروفي منو اذا فهم روحو صحا واذا مافهمش نسكت مرات نكون في امس الحاجه وما نقدرش نقولو الله غالب ماقدرتش

حتى الكسوه اذا تفكر يشريلي تجيني كبيييييييره باه نقولو كسيني و طبعا الاغلب ينسى الرجال ما يقدروش يعرفو بلا ما تقوليلهم عكسنا حنا نفهموها طايره


صراحه راني نتمنى نرجع للتدريس خاصة باه ننفع وليداتي كي نكون معاهم وحاسه روحي قادره نمد وندرس بتميز بصح ربي ماكتبش ......... ولله الحمد

[نخله.]

ام عبوده وينك توحشناك

ارواحي حكيلنا

تزيدي طولي علينا نفشلو ونسينا باه ما نحسوووووووووووووووش بالتعب

[عيدة نور الهداية]

اختي نخلة شكرا جزيلا على الرد
بما انك رديتي عليا نحكيلك وان شاء الله تجبدوني ليكم ونولي صديقتكم ونستفاد منكم لانكم والله عجبتوني وراني قاعدا نقرى في كتباتكم
اما بعد اختي نخلة .............انا غير متزوجة كما ضننتني . انا تخرجت هذه السنة وانا اعمل استاذة في الثانوي . هناك من تقدم لي بشرط ان اتوقف عن العمل ولكن رفضت
انا اجلس كثيرا امام النت لكن اضيع وقتي في اشياء لا معنى لها , ومرات اشارك في اشياء علمية وانشر معلومات واساعد الطلبة هنا في المنتدى بنشر اختبارات ومساعدتهم مع طاقم تربوي . اما لمتكم لم اكن اعرف عنها شيء وبالمصادفة اخذني الفضول فقرأت ما نشرتم والله لحد الان انا مندهئة وراني حابا نبكييييييييييييييي لانني يا اختي احس نفسي تائهة اعمل وادرس واتعب ..........واذا حبيت نجرب شيء في المطبخ لا يكون متقن ...............وبديت فنيانة ...................واضيع الكثير من الوقت
والله احببتكم واريد صحبتكم لاستفادة منكم وخاصة من اجل التقرب الى الله
اشكركم اشكركم اشكركم

[ياسمين1990]

شكرا اختي نخلة
انا متزوجة وام وكنت كل صبع بعشر خدمات كيما يقولوا
وكنت العاشرة يخلص كل شيئ وباقي اليوم اشتغل في هواياتي
من خياطة او ضفيرة كروشي الخ
اما الان فاليوم لايكفيني

[ام عبودة]

صبااااح الخير عليكم حبيبات قلبي راني توحشتكم عندي مشكلة مع جهازي على بيها ما تيش نكونيكتي مليح هذه خطفة برك بصح ما تفشلوش
راني من البارح الى اليوم عاملة حملة البر والداااخل ههههه مرحبااا بالجديدات ويالا شد الهمة والنشاااااااط الله معاكم اعدكم باذن الله انني نولي من بعد ما يخدمولي الجهاز تاعي هههههه راني نفش في غيضي في الصوااالح واااااااع
هيا كملو شغالكم وتهلاااووو في ارواحكم ومن بعد باذن الله نوليلكم

[نهى اسطاوالي]

والله غير توحشناك بزاااااااااااااااااااااااااااااااااف انا نضت اليوم على 9 ههههههههههه فنيانة وجدت سنيوة القهوة فطرت انا والزوج فقط والمشاكسين مازالوا نايمين سيقت الحالة ورحت ندير في الغذا عملت شفلور وبطاطا في الفور وراني نطبق في الحوايج
ايا تهلاو في رواحكم

[نخله.]

صباح النووووووووووووووووووووور

انا اليوم ما نضتش بكري

بعد الصلاة والذكر و جدت الفطور وراحو جابو خبز من برا مع الزبده شحال جانا صاااااااامط والفنا فطورات الدار التقلاش

الزوج راح للدار كاش ما يبني وليدي الكبير عندو واجبات راه مزال معاهم والصغير يتفرج الرسوم

درت غدا خفيف مونشتو نقيت الفريجيدار خفيف خفيف ملبر ملداخل ورحت للصالون فرشتو الحوش اللي بقا كملتو

وحليت النافذ شمست الفراشات حبست الصالح ظهري مازال يحع فيا هذا حق الصباح..................لعشيه ان شالله كاش ما نكمل

[نخله.]

المشاركة الأصلية كتبت بواسطة عيدة نور الهداية

اختي نخلة شكرا جزيلا على الرد
بما انك رديتي عليا نحكيلك وان شاء الله تجبدوني ليكم ونولي صديقتكم ونستفاد منكم لانكم والله عجبتوني وراني قاعدا نقرى في كتباتكم
اما بعد اختي نخلة .............انا غير متزوجة كما ضننتني . انا تخرجت هذه السنة وانا اعمل استاذة في الثانوي . هناك من تقدم لي بشرط ان اتوقف عن العمل ولكن رفضت
انا اجلس كثيرا امام النت لكن اضيع وقتي في اشياء لا معنى لها , ومرات اشارك في اشياء علمية وانشر معلومات واساعد الطلبة هنا في المنتدى بنشر اختبارات ومساعدتهم مع طاقم تربوي . اما لمتكم لم اكن اعرف عنها شيء وبالمصادفة اخذني الفضول فقرأت ما نشرتم والله لحد الان انا مندهئة وراني حابا نبكييييييييييييييي لانني يا اختي احس نفسي تائهة اعمل وادرس واتعب ..........واذا حبيت نجرب شيء في المطبخ لا يكون متقن ...............وبديت فنيانة ...................واضيع الكثير من الوقت
والله احببتكم واريد صحبتكم لاستفادة منكم وخاصة من اجل التقرب الى الله
اشكركم اشكركم اشكركم

اختي عايده رح نحكيلك قصتي بالاك تنفعك

كملت الليسانتس صغيره 20 عام في عمري و كثروالخطاب على الباب ياما و ياما

و كل اللي رفضتهم كان و يشرط فيا الخدمه ...................الا زوجي الحالي لما جا قال تحبي تخدمي تحبي تزيدي تقراي تحبي تقعدي

وهذه السبه اللي خلاتني نفضلو على الخطاب (اللي تتوفر فيههم شروطي طبعا كنت نحوس على مول الدين و المثقف) وقبلت وتزوجنا بعد اقل من سنه.- مع قلة اتصالاتي بيه

وسبحن الله كل وحده تدي مكتوبها شاءت الاقدار انو يطلب مني نحبس الخدمه .

ي سناوت الزواج الاولى اللي قعدت فيهم فالدار كانت اغلب شجاراتنا اساسها الخدمه

انا ملغاشي المقلش ندير بارفان لا مارك ولا مانديرش خلاص نشري لبسه ماركه اذا ما لحقتش عليها مانشريش

هو كان موظف بسيط وحاب يدير التاويل يعني قاسيت اسلنين الاولى حتى والفت رضيت بقسمتي


يعني ما ديريش الخدمه معيار للخطاب معيارك الدين طاعه الوالدين ايه اكدي على طاعتو لوالديه لانو راح ترجع عليك بالايجاب صدقيني


لكن اضيع وقتي في اشياء لا معنى لها


مرات انا ثاني نتعب ونكره ونبدا نحوس على تصاور نجوز بيهم الوقت ولا نقرا قصص هذا ماشي تضييع لوقت المخ تاعنا لازملو يحبس مرات مايخدمش و يريح شويا وكل واحد وطريقتو في الترويح المهم في الحدود المشروع



يا اختي احس نفسي تائهة اعمل وادرس واتعب

ربي انعم عليك بهاذ الخدمه وحلال يعني خاطي لي بيرو ولي بونك والرشاوي و الربا

انت بالعكس خمتك اجر وحسنلت زياده ليك في دينك

احبي التعليم و احبي تلاميذك ( علابالي بللي الثانوي صعيب ربي يعينك عليهم مراهقين ونت متخرجه جديده)

مش رح تحسي بالتعب وكل ما تتعبي تفكري بللي راكي مأجوره عليه من رب العالمين وتحسبلك صدقه جاريه


اخدمي من قلبك ومش ره تتعبي او تندمي




انا اجلس كثيرا امام النت لكن اضيع وقتي في اشياء لا معنى لها , ومرات اشارك في اشياء علمية وانشر معلومات واساعد الطلبة هنا في المنتدى بنشر اختبارات ومساعدتهم مع طاقم تربوي


كثرة النت لانو راكي حابه تخفي من تعب الخدمه و تبدلي الجو

و نشرك للاختبارات راه عندك اجر كبير فيه ومنفعه عضيمه

انا اول ماسجلت كان بسبه دراسة ولدي واختباراتو ونفعني المنتدى كثير

حتى اختي راني نتيليشارجيلها لبانتها 3 الاختبارات

و صحاباتي انتيم اللي هوما زميلاتي من الجامعه يدرسو راني نجبدلهم منا التوازيع ....السوجيات ..............

يعني مساهمتك في النشر يعني انك حابة تقدمي للمجتمع منفعه ونشكرك عليها ونقولك واصلي وبالاك تقطعيها


..........واذا حبيت نجرب شيء في المطبخ لا يكون متقن ...............وبديت فنيانة ...................واضيع الكثير من الوقت


انا كنت اكثر منك ماندخاش الكوزينه الا للاكل ههههههههه

و في بداية مشواري المطبخي كنت ثقيله ونضيع الوقت .السرعه ودقه التنفيذ تجي مع الوقت وليكسبيريونس .ما تخافيش وماديريهاش في بالك راكي طبيعييه ختي لعزيزه

مقوله دايمن تقولها جدتي علينا حنا حفيذاتها كلنا جامعيات و نطولو ما ندخلو المطبخ نهار يجي وقت الزواج

تقولنا اللي تعرف تقرا تدير كلشئ ...................راهو كلش فالكتب

فما بالك بالنت ادخلي ركن الطبخ هنا وشوفي وش كاين واسئلي اللي ما تعرفيهاش تتعلمي من الاخوات ومن اخطاءهن



حاجه اللي نقولهالك سر بيناتنا ابداي دايمن ب بسم الله وديري في بالك ربي رح يسخرلك مساعدة من انس وملائكه

انا كي تولي عندي عرضه تع اكثر من 10 رجال وانا وحدي

نقول بسم الله وندير بللي معا جنود من السما و سبحان الله كلشئ يفوت بسلاسه


يعني احسني ضنك بربك.....................و توكلي عليه في كلشئ



اما التقرب الى الله فهو اساس كل شئ

نوريلك حاجه اكتشفتها جديده ورائعه

داومي على قراءة سورة البقره يوميا بدون انقطاع يعني اقرايها مره وحده ما تحبسيش وترجعي

سبحان الله لها فوائد كبيره ادخلي للنت وابحثي عليها بنفسك احسن


نتمنى نكون افدتك

وكي تجي اختي ام عبوده رح تفيدك بخبرتها اكيد

[نخله.]

المشاركة الأصلية كتبت بواسطة ياسمين1990

شكرا اختي نخلة
انا متزوجة وام وكنت كل صبع بعشر خدمات كيما يقولوا وكنت العاشرة يخلص كل شيئ وباقي اليوم اشتغل في هواياتي من خياطة او ضفيرة كروشي في الصيف وليزقوي في الشتاء او طرز بالابرة المهم وقتي مشغول وانا مرتاحة
كانوا اولادي صغار وانا وحدي ومع ذالك اقوم باشغالي
اما الان معلباليش واش ساير اكره حاجة عندي كي تكون كاينة خدمة وحد العجز والكسل يطيح عليا ونحس بلي ماقدراش حتى نقوم من مكاني
كيفاه نرجع ايام زمان ونرجع نشيطة ومنخليش الخدمة تتراكم على بعضها
كي نشوفكم نغير وزعم ندير القلب ونوض ونبدا الشغل ولكن ....... ميخلصش الشغل ونخلص انا ونفشل
دبروا عليا واش ندير وجزاكم الله عني كل خير

اختي ممكن العين صابتك

كي بدلت سكن وجيت لهاذ الدارلقيت جاراتي كسولات وانا كنت 8 نحل نوافد ونخرج لفراشات ونسيق ويخرج الما برا ويشوفوه

كانو يضلو يحكو عليا و يقولوهالي في وجهي علاش راكي تنوضي بكري؟؟؟؟ وعلاه وعلاه؟؟؟ حتى المسمن كي يشموه يقولو لاه تعبي روحك راهو فالحوانت ولغدا نديرو بكري ثاني يعلقو عليه

صابتني عين منهم رجعت تفنينت وقت................حتى فقت لروحي ورقيت نفسي بنفسي وليت نخبي شطارتي نستنى حتى هوما ينوضو 9 او 1 باه نفتح والتسياق وليت نسيق مره بالاسبوع


حاولي ترقي نفسك وولادك معاك وان شالله يرجعلك النشاط

على ذكر الاشغال انا ثاني نخيط بالماشينه ونخدم كروشي مرات حتى للناس بالنفحات راني حبست لكروشي كي وليت بالحمل ياكل ملعضم كيما يقولو

اذا تحبي نتبادلو الخبرات توحت نخم الكروشي هههههههههه