الجزء ال35 من واش طيبتي اليوم؟؟؟ - الصفحة 7

*أم كوثر* · 2013-10-31, 21:35

الله يسلمكم اخواتي كلوحدة اسمها
طومة انا منحبش فكرة الاولاد ياكلوا معانا
اما نعشيهم ىقبل او بعدما نكملوا
والفوا حتى يكبروا شوي ويقابلونا وماظنيتش هههههههههه

عطر ياعطر وش هدا التواضع؟؟
والله البركوكش تاعك مع هداك الفلفل راه بين عينيا وتقولي طياب ام كوثر ماطياب ام كوثر؟؟

ماشاء الله عليكم كل وحدة منكم عندها لمسةخاصة والاهم الاهم الروح الطيبة لي تجمعنا

ilbeldelmondo · 2013-10-31, 21:36

مليحة طريقتك ام كوثر ربة منزل بكل معنى الكلمة

omhadil · 2013-10-31, 21:44

عشايا شطيطحة بوزلوف وبطاطا مقلية وسلاطة البطراف والخيار و
قازوز وايجاص
ودرت البغرير

أم ريمة* · 2013-10-31, 21:45

توتة النباج او لاجولى تكون شفافة وجامدة شوية ندهنو بيها الفواكه لى فوق التارت باش ما تتاكسدش وتولى سوداء او نضيفولها ملونات ونديروها فوق القاطومثل انتاع الجلجلان
واديكوجال كاين شيكولا وكراميل لون تقريا اسود وضعتو فوق تحلية ام انس ودارتو ام كوثر فوق التحلية وفوق التارت وراهى صورت العبة فى موضوع التارت روحى شوفيه ام كوثر وريلها العلبة من فضلك ان شاء الله المعلومة تكون وصلتلك

رياحين الجزائر · 2013-10-31, 21:50

مبروك الكوزينة الجديدة ان شاء الله اتكون مربوحة عليكم الكل
راني جيت وجبت معايا الحلو للحلوين
هذا صابلي درتو في العيد الصغير وذرك القيت صورتو في مجلد مركز التحميل

أم ريمة* · 2013-10-31, 21:51

اقتباس:

المشاركة الأصلية كتبت بواسطة *أم كوثر*

ام ريمة عندك حضور مميز في الركن
نتفاءل كي نشوفك

ام راضية مرحبا بيك ان شاء الله راكي بخير وتفضلي الصحن راه ليك

شكرا ام كوثر هذا من لطفك وحسن اخلاقك

*أم ثازيري* · 2013-10-31, 21:51

اقتباس:

المشاركة الأصلية كتبت بواسطة أم ريمة*

تفضلو الحلوى باروك ل باتيلا

و هدو بعض المشروبات

و هدا ايس تي لالهام روعةةةةةةةةةةةةةةةةةةةة

و لياجوا لام انس ربي يرجعهالنا على خيييييييييييييييير

وااااااااو و الله فمي رأهو محلول للاخييييييييير كيما هكا :
الف الف الف شكرًا يا حبيباااااااااااااااااتي و الله فرحتوووووني d:d:d:d:d:d:d:d

رياحين الجزائر · 2013-10-31, 21:53

وهذي ثان القيتها في المجلد وكنت شاركت بيها في زوج منتديات
هذي سبيسيال لباتيلا بصح بالاك اتحكي احكمي يديك هههههههه

رياحين الجزائر · 2013-10-31, 21:55

بربوشة انتاع الحليب بالقديد انسيت انقول وش هي

*أم كوثر* · 2013-10-31, 21:56

توتة الديكوجال هو صوص كرمال بشكل جال

هاهي الصورة وكاين علبة تع رطل كما هدي بعد

عطرالذهب · 2013-10-31, 21:58

شكرا ام كوثر ياحنونة انت حبيتي تطلعيلي المورال بالصح وين يجي بركوكشي حذا مواكلك
المهم راني درت اعتصام لسي زوجي قلتلوا لازم تشريلي اباراي فوتو نيميريك احم قلتلو راهم تصاوري في المنتدى يبانو ارشيف قاللي قوليلهم ارشيف ماكلة المجاهدين بمناسبة اول نوفمبر امالا البركوكش راهو اللي كلاوه المجاهدين ليلة اول نوفمبر طيباتو نانا لازملو وسام هههههههههه

touta2010 · 2013-10-31, 21:58

اقتباس:

المشاركة الأصلية كتبت بواسطة *أم كوثر*

توتة الديكوجال هو صوص كرمال بشكل جال

هاهي الصورة وكاين علبة تع رطل كما هدي بعد

انا العلبة لشريتها مكتوب عليها nappageوايضا طلاء المربى

شكرا حنونة على الرد

ilbeldelmondo · 2013-10-31, 22:02

اقتباس:

المشاركة الأصلية كتبت بواسطة *أم كوثر*

توتة الديكوجال هو صوص كرمال بشكل جال

هاهي الصورة وكاين علبة تع رطل كما هدي بعد

ام كوثر شوفي راهم كاتبين ناباج بذوق الكراميل و كاين الشفاف بدون طعم لكن في نوع اخر و ديكوجال راهو اسم المنتج على ما أظن

*أم كوثر* · 2013-10-31, 22:04

يعطيك النو عطر
والله حقيقة مش نطلعلك في المورال هههههههههه
وبصحتكم البركوكش الثوري

توتة الناباج استعمليه كما المربي للحلويات او لتغطيةالفواكه فوق الباتيسري

*أم كوثر* · 2013-10-31, 22:05

ايه طومة اسمو ديكوجال كرامال وكاين فرا وشوكولا

ممكن لاجولي من نفس العائلة
لكن حسب تجربتي معاهملاعلاقة ببعض