احرار 2014 واش احوالكم

[shy'n]

المشاركة الأصلية كتبت بواسطة jojo annaba

وين عدتو فى المراجعه

مازلت في نفس النقطة لي خليتيني فيها

[abdou 07]

انا ما زلت نقول غدا نبدأ

[soumia1604]

السلام عليكم
انا ثاني رايحة انشاء الله نعاود البااااااااك هاد العااااااااااام
موفقين بادن الله

[حُقنةُ ( أملْ )]

مرحبآ

أسألكم اخوتي
بعد التسجيل في الموقع ، أسحبُ فقط تلك الاستمارة
يعني منين نجيب هذيك الاستمارة بش نخلص 500 ألف ؟

!!!!!!!!!

بالتوفيق

[shy'n]

sellem 7o9na

el VAC ta3 5000 DA tu l'imprime mel internet tel9ayeh fe site ta3 les inscriptions
ou kayen un mandat ya3toholek el modiriya bech tkhalssi

bonne chance

[حُقنةُ ( أملْ )]

شكرا أختي

kayen un mandat ya3toholek el modiriya bech tkhalssi

كيفاش يعني ؟ !!

يعني الاستمارة لي نخرجها من الموقع ، نروح للابوست نخلص مشي شرط نروح للمديرية ؟؟

والطبيب المحلف ؟ وين نلقاه خخخخ



سامحوني ، والله مافهمت


والله ولي التوفيق

[shy'n]

نعم نعم يمدولك واحد البطاقة صفراء و فيها الغوز في المديرية او ليسي لي تحطي فيه الدوسي

أما الطبيب روحي للمستشفى او قطاع صحي او اي طبيب عام محلف يمضيلك الورقة

انا مشكلي هو هذا القانون الجديد قالك مدي الاستمارة لممديرية في نفس سمانة لي سجلتي فيها في الموقع مانيش عارفة لاصح و لا لا

[عمار 19]

السلام عليكم ورحمة الله
راني حاب نسجل باك حر أول مرة بعد ما حصلت على الباك نظامي شعبة علوم الطبيعة والحياة سنة 2007
نحوس نسجل في شعبة اللغات، هل فيه مشكلة أما لا.
الله يبارك فيكم.

[حُقنةُ ( أملْ )]

المشاركة الأصلية كتبت بواسطة shy'n

نعم نعم يمدولك واحد البطاقة صفراء و فيها الغوز في المديرية او ليسي لي تحطي فيه الدوسي

أما الطبيب روحي للمستشفى او قطاع صحي او اي طبيب عام محلف يمضيلك الورقة

انا مشكلي هو هذا القانون الجديد قالك مدي الاستمارة لممديرية في نفس سمانة لي سجلتي فيها في الموقع مانيش عارفة لاصح و لا لا

والله ولا فكره !

شكرآ أختي

ربي يعين

[عطر السماء]

جامى ما سممعت بيه هذا قانون اللى خرج ما عندى حتى فكره عليه
المهم انا حاليا رانى نستنى فى شهاده مدرسيه طولولى فيها
و خرجت شهاده ميلاد واقامه
و ما زلت ما سجلتش نسجل غذا انشاءالله و بالاتنين ندفع الدوسي لانى عندى كل الاوراق اللى تلزمنى
بالتوفييق