الله يسلمك اختي ديدو
شوفي اول شي درت لاكريم باتيسيير عادي
ولاكريم شونتيي
وعجينة السكر
وتوجدي 2 لي مول واحد مدور عادي ولاخر نتاع موسكوتشو اللي يجي مثقوب في الوسط وطالع لازم يكونو نفس القطر واذا كان واحد اكبر من الثاني من بعد قطعيهم كي يطيبو
وباربي
وشاربات تعصريلها الداخل القارص ماتكونش حلوة بزاف خاطرش ماتنسايش بللي كاين عجينة السكر للتزيين
التحضير تطيبي 2 طورطات نتاع جينواز في المدور
وتزيدي تطيبي واحدة في نتاع الموسكوتشو
يعني يولي عندك ثلاثة
تقطعيهم كامل في النص وتحشيهم بلاكريم باتيسيير
وتسقيهم بالشاربات واخر تارت تحطي اللي مثقوبة هي اللي تجي من الفوق تجيك كي الجبل
تطلي لاتارت نتاعك بلاكريم شونتيي مالازمش تعمريها بزاف قيس برك ماتلصق فيها عجينة السكر
وتدخليها للفريجيدار تبرد شوية وتجمد وتشد روحها
من بعد ابداي افتحي عجينة السكر كيما حبيتي لونيها وفرشيهافوق لاتارت بعد ماتبرد
شدي باربي نتاعك ارفديلها شعرها للفوق مع يديها اذا كانت طويلة نحيلها رجليها واذا كانت قصيرة خليهم
ولوي عليها النيلون سيلوفان نتاع القاطو
دخليها في الثقبة نتاع لاتارت وكملي ديكوري اخدمي كي البودي وانت وابداعك وكيما تحبي تكون الفستان نتاعها
ان شالله نكون وفقت في الشرح اي حاجة راني هنا
( تقرير عن مشاركة سيئة )، و الموجودة أسفل كل مشاركة .
2013-12-10, 15:59
العرض المتطور
