الجزء 157 من واش طيبتي اليوم .....كوزينة التميز و الامتياز - الصفحة 7

omjoujou · 2015-12-30, 17:08

هذا لقاطو تاع ام سدرة يعطيها الصحة

روضة 88 · 2015-12-30, 17:16

اهلت بالفحلة انتاعنا ام جوجو ان شاء الله تكوني مليحة.

ماشاء الله عليك كما يقولوها خمسة وخموس طيابك رووووعة وهذا دل على انك ربة بيت ممتازة
انا راني هذا وين بديت نتعلم هههه

اما لماعن مكانش مشكل نغسلوهم راهم غير هما لي ميخلصوش ههه

وش عشاكم يا لبنات اليوم
انا بقالي من الغداء لوبيا ماشطو درتها مرق بالدجاج وعند في الثلاجة لحم قليان بلاك نزيد مع اللوبيا

omjoujou · 2015-12-30, 17:22

حشمتيني حبيبتي روضة ربي يخليك كلك ذوق حنونتي
انا عشايا ليوم خفيف ضريف فارميسال بالحليب والفرماج طلبوها ولادي
بصحتك الزاليقو
مالا مبعد نتلاقاو في الكوزينة تاع الزقزوقة نغسللولها لماعن مسكينة خدامة جيبي معاك وائل وانا نجيب جوجو برك نخليهوملها تحكمهم خخخخخخ علابالي تقولنا شدوا ولادكم عليا وخليوني نغسل ماعني وحدي خخخخخخ

روضة 88 · 2015-12-30, 17:34

اختي رزيقة بعد اذنك اختي علاه متزديش لقائمة التطبيقات كاش تحلية بالبرتقال او عصير مدام هذا وقته واكيد كل بيت ميخلاش كن هاذي الفاكهة.

لبنات اعطيوني احسن ماركة للميكسور.

ام جوجو لما نعودو في الاولاد والله ما تحكمهم تقلك راكم ضيافي وانا نغسل لماعن.

أم سدرة · 2015-12-30, 17:34

اقتباس:

المشاركة الأصلية كتبت بواسطة انا هي رزيقة

ام سدرة مشكورة حبيبتي القاطو هايل و باينة خدمتك متقونة كيما الماكثات في البيت . وااعععععع وين راكم يا موظفات اخواتي بيان و روح مراد و كل العاملات حمرولي وجهي و جيبو خيراتكم نشوفوها

شكراً أخت رزيقة واسمحولي مازال مانعرفش نحط الصور

omjoujou · 2015-12-30, 17:38

روضة الماركة seb مليحة وان شاءالله يزيدو يفيدوك الاخوات

أم سدرة · 2015-12-30, 17:40

مشكورة أم جوجو

omjoujou · 2015-12-30, 17:41

ام سدرة ياك راكي حطيتي قبيل صورة تاع القاطو وراني ظهرتها لا بغيتي عودي ديما حطيهم كيما حطيتي ليوم وانا ولا اي اخت تعاود تظهرهم مش مشكل هكذا ما تحرميناش من اطباقك نستمتعوا بيها

أم سدرة · 2015-12-30, 17:49

اقتباس:

المشاركة الأصلية كتبت بواسطة omjoujou

ام سدرة ياك راكي حطيتي قبيل صورة تاع القاطو وراني ظهرتها لا بغيتي عودي ديما حطيهم كيما حطيتي ليوم وانا ولا اي اخت تعاود تظهرهم مش مشكل هكذا ما تحرميناش من اطباقك نستمتعوا بيها

بارك الله فيك اختي أم جوجو ﻻنومازال مانعرفش نحط مليح الصور مشكورة

أم اسيل · 2015-12-30, 18:11

رزيقة مبروك الكوزينة وماشاء الله على دارك وعلى طيابك دايما فحلة الله يبارك

*توبــــة* · 2015-12-30, 18:14

مساء الخير حبييباتي

توحشتكم بزاااااااااااف... زقزوقة حبيبتي مبروك الكوزينة وكوزينتك ماشاء الله
مرتبة ونقية وتفتح النفس للابتكارات......... وباينة معولة عليها ف المسابقة نعرفوك فحلة ربي يبارك

باروكي جبتلكم شخشوخة الظفر اول مرة درتها جات اممممممممم

وهذا قريوش جات بنين مي يتفتت بزااااااااااف ان شاء الله المرة الجاية ندير تحريفات

روضة 88 · 2015-12-30, 18:35

اهلا بتوبة وش راك

يعطيك الصحة على الشخشوخة مممممم تشهي اول مرة ديري المرق ةلا اول مرة ديري لعجين .

القريوش يبان مليح انا عجوزتي متحبوش هكذا حمر تحبو اصفر.

بصح نقلك تسلم ايدك

أم محمد وسيم · 2015-12-30, 19:01

مساء النور ام جوجو الله يبارك عليك مرة ونص اعطيني وصفة القاطو روضة وشراه وليدك راه متعبك ولا لباس عشاي لابيري وكبدة مشرملة وسلاطة الله غالب مزال منعرفش نحط الصور او بالاحرى مش حابة نتعلم

بيان 5 · 2015-12-30, 19:19

الله يبارك انا عشايا لابيري بصوص لحم الخروف غدوة ان شاء الله نحطها

تصبحن على الف خير مواااااااااااااااااااااااااااااااااااااااااااااااا ااااااااااااااااااااااااااااح

آسيا 27 · 2015-12-30, 20:09

مسا الخير غالياتي كيراكم ان شاء الله تكونو بخير
جبتلكم محاجب