الأخت yarasmin. 26 ترد على تساؤلاتكم هنا - الصفحة 69

tokio hotel · 2012-09-18, 15:29

اختى يارا سمين جاوبينى تعيشى رانى نستنى

ام عصام · 2012-09-18, 16:23

سلام ياراسمين عمبالك كنت راح نطفي الميرو حتى تفركت حاجة عمبالك ليامات ليفاتو كن في الجزائر ودخلت عند واحد يبيع الملفاي وكرواسون مييييييييييييييي وحد الملفاي جامي دقتو بنيني بنين بنين بزاف ولكرام ديالو جايا خفيفة يعني انا كي كليتها هاداك وين جابو يعني كون تميلي الحبة تسيل لكرام وجواب ديلو كوكاو محمر ومن فوق من داير الفوندو ن لالا المهم هايل ياريت ادا عرفتيه قوليلي عليه ربي يجازيك كل خير ان شاء الله

ام طيب · 2012-09-18, 17:28

السلام أختي يراسمين هنا العديد من السيدات يستعملن guimauve. لتزيين الحلويات يستخدمونها عوض la pâte d'amande ، الله يجازيك الف خير لو كان ممكن وادا كان لديك وقت تعطيني الوصفة ، رني ندعي معاك يارب يسهل عليك و يهنئك علا هدا المجهود يارب يحفظك وينور ليك طريقك. يارب العالمين يجعلها فرح ف حياتك و يدوم عليك. الصحة والهنا يارب

فرح العمر · 2012-09-18, 17:35

اخت يارا ربى يحفطك وين نلقا الوصفة تاع المشكلة رانى محتاجتها بزاف و حبيت نسقسيك اذا تصلح نحطها فى الكونجى لاتوغ مدة اسبوع و لا لالا

yarasmin26 · 2012-09-19, 10:52

حلوة القهوة بالعجينة انا منعرفها ش ولكن شفت عضوة تحطت الوصفة ابحثي عنها
اما بخصوص بتي فور كاين وصفة بصح معلابليش اذا تنجحلك ولا لالا
250 غ زبدة اخدميها مع 1/2 كوب سكر قلاصي بالباتوغ حتىتصبح بيضاء اللون وكريمي+لفاني +1 بيض وبقي دائما تضربي+1 كوب و3/4 كوب فرينة والباقي نقس الطريقة في فرن ساخن من قبل درجة الحرارة 180
بالتوفيق

yarasmin26 · 2012-09-19, 10:59

هذاك ليفوري وطريقة التزين كل واحد وكيفاه يبدع هل الكريمة صفراء ومعطرة بذوق الموز وكاين الفوندا ايزيدلو ملون وكاين الي ايخلط عجينة اللوز جاهزة مع الفوندا كل واحد كيفاه يخدم المهم بالعجينةالمورقة

yarasmin26 · 2012-09-19, 11:22

لالا انا منخدمش بعجينةالخطمي انديرو عجينة ويدوب اذا شراوه
شوفي في قوقل تجدين الوصفة مع طريقة التحضير

yarasmin26 · 2012-09-19, 11:25

شوفي في قسم الوصفات تجدينها تصلح اتخبيها اسبوع وديري طرف صغير زبدةمع الحشوة
وكي ديكونجيليها ترتاح4 سا ثم عاودي عسليها ولكن من الاحسن متعسليهاش انت جربي الطريقتين باه تعرفي وينها الي ديريها

ام عصام · 2012-09-19, 11:42

حنونة يا راسمين مجاوبتينيش على الملفاي لقلتك عليه راني في الانتظا ر

yarasmin26 · 2012-09-19, 11:57

ام عصام شوفي الصفحة 70

ام طيب · 2012-09-19, 15:19

السلام عليكم وشكرا جزيلا لك علا الرد ربي يهنئك ويصلح ليك أمورك يارب امين

فرح العمر · 2012-09-19, 16:44

الف شكر اخت يارا على الاهتمام و الرد فى ميزان حسناتك ان شاء الله

مملكة لينة · 2012-09-19, 18:50

يارا سمين اختي كونت سالتك من قبل على كريم شانتي كيفاش انطلعها وتانيك اذا في كريمات كيفها يعوضوها لخاطش منحبهاش ومنحبش ذوقها
للاسف طولت ومعرفتش وين نلقى الاجابة
وسؤال تاني كيفاش نقدر نصنع النسلي كي الكرمال كيما الي دارت بيه تارت ام رامي واذا يتباع هكاك قوليلي
الله يحفظك اختي ويخليك لينا ويسهلك امورك

yarasmin26 · 2012-09-22, 10:30

اقتباس:

المشاركة الأصلية كتبت بواسطة مملكة لينة

يارا سمين اختي كونت سالتك من قبل على كريم شانتي كيفاش انطلعها وتانيك اذا في كريمات كيفها يعوضوها لخاطش منحبهاش ومنحبش ذوقها
للاسف طولت ومعرفتش وين نلقى الاجابة
وسؤال تاني كيفاش نقدر نصنع النسلي كي الكرمال كيما الي دارت بيه تارت ام رامي واذا يتباع هكاك قوليلي
الله يحفظك اختي ويخليك لينا ويسهلك امورك

صباح الخير
ابحثي في مواضيعي السابقة تجدين كل انواع الكريمات وكذالك ابحثي في الصفحات الاولى من نفس الموضوع تجدين ماتردين بالتفصيل
اما النيسلي كاين بذوق الكراميل تجديه في سوبرماركت واذا اشرتيه هكذاك اذا القارورة صغيرة تطهى 45 د والكبيرة 1 س+15 د حسب الحجم في الكيكوطة فيها ماء
وكاين طريقة سهلة خذي نيسلي كراميل انظري في الغلاف تصيبي مكتوب كراميل ولونه بني سائل فرغيه في كسرونة+ 2 م ك عسل وخلطي فوق النار حتى يتغير لونه مدة 10 د ويصبح كراميل
اسفة على التأخير

مملكة لينة · 2012-09-23, 09:21

اقتباس:

المشاركة الأصلية كتبت بواسطة yarasmin26

صباح الخير
ابحثي في مواضيعي السابقة تجدين كل انواع الكريمات وكذالك ابحثي في الصفحات الاولى من نفس الموضوع تجدين ماتردين بالتفصيل
اما النيسلي كاين بذوق الكراميل تجديه في سوبرماركت واذا اشرتيه هكذاك اذا القارورة صغيرة تطهى 45 د والكبيرة 1 س+15 د حسب الحجم في الكيكوطة فيها ماء
وكاين طريقة سهلة خذي نيسلي كراميل انظري في الغلاف تصيبي مكتوب كراميل ولونه بني سائل فرغيه في كسرونة+ 2 م ك عسل وخلطي فوق النار حتى يتغير لونه مدة 10 د ويصبح كراميل
اسفة على التأخير

واش انقوبك اختي الي انقولهالك قليلة في حقك
مدعيلك ربي ونتمنى جميع العضوات يدعولك ربي لانها احسن شىء والله
الله ينورك دنيا واخرة